زواج معقد...للكاتبة القديرة..تالا عماد..😍😘
حلقة11
اني فتحت عيوني نسمع في صوت جيهة الباب وفجأ انفتح الباب عليا ...
المجهول :وتي روحك غدوة بتكون جنازتك،،
اني قعدت خايفة:اااانت مني ومن وليت بيش اتجي تقتلني،،
متكلمش معاي وطلع وسكر الباب عليا بلمفتاح....
اني قعدت نبكي بحررررقة قلبي:حسبي الله ونعم الوكيل فيهم ياارب خودلي حقي من ها الظلام شن
درت انيي بيش يحبسوني ويقتلوني...😭😭اه ياربي حتى تيليفوني مجبتاش معاي كيف بندير انيي
____________________________________
سهام بعد ما رسلت الرسالة جمعت العيلة كلها ع القصة وانه رزان هربت مع ولد
جاد:اهو جينا شن فيه
سهام:نادي حتى على عمر والشباب
جاد:افففففففف غر شن هوا الموضوع المهم الي شاغل راسك
سهام:امشي معاش اضيع الوقت.....فيسع
ركبت سهام فوق ونادت ع الياس وجمعتهم كلهم
الياس ومن غير نية:اي شن هوا الموضوع فيسع اني مش فاضي
سلسبيل وهي حاطة ايديها ع جنبها:اكيد ع رازان هادي واضحة 😒
يسرى تشبح وهي ساكته ومن داخل خايفة وقلبها مقطوع ع البنت
عمتي وعمي وخلاتهم والعيلة كلها واقفة تشبح في المسرحية الي بديرها سهام
رغد:هيا قولي زهقتيها راهو
سهام:خلي يتجمعوا كلهم بيش انقول .....وينه جاد هادا عطل؟
جي جاد وجاب معاه عمر والباقي.....
سهام:واخيراا جيتوا خلي توا نحكيلكم من البداية
سهام:احم احم......اول شىء الموضوع ايخص رزان....
كلهم برقوا لبعض ومش فاهمين شىء
عمتي:ع قولت رزان.....وينها هي توا؟؟
سهام بفخر:اي ايوااا هادا الي بنقوللكم عليه انييي....عمي لما طلعت رزان بره بتشوفك امشت هربت مع
ولد واسبلت انها بتشوفك انت
عمي بصدمة:ككككيف ؟؟
سهام:اولا رزان هربت مع ولد امدايرة معاه علاقة ليها فترة تكلم في هلبا اولاد انيي يلي املاحظتها
قديش مره نشبح فيها تكلم في الفون امتاعها .....
عمتي وبعدم التصديق:لا مستحيل رزان مديرهاش...امنين جيبتي الكذب هادا.....
سلسبيل:اسكتي ياكذابه انتي تكرهي رزان هادا ليش اخترعتي الكذبة هاادي
الياس في حالة صدمة من يلي سمعه ومش متوقع.......
