الكاتبة:😍toto😍
الياس:سكري فمك ودفني ع مرش المكتبة وتكسر وجا ع راسي وقعد ينزف في الدم
الياس خاف معادش عرف شن ايدير جاني يجري
الياس:انتي فيك شىء رزااان
انا كنت شبه فاقدة الوعي:حوول من بحدااي انتا متمسنيش نعرف انووض بروحي
الدم كان ايقطر بلقوة حطيت وشاح ع راسي وطلعنا انزلنا من الدروج وشافتنا رغد وعمتي
رغد:رزاااان خيرك وين ماشية؟ صايرلك شىء
عمتي سمية:خيرا صوتكم طاالع
الياس:تو بعتالي نحكو توا مش وقت الكلام
المهم امشينا ركبا في السيارة واحني ساكتين لين اوصلنا للمستشفى،دخلوني وخشيت لغرفة العمليات
ونظفولي الجرح وخيطوهولي،وبعدها طلعت القيت الياس امقعمز ايراجي شافنى طلعت جاني
الياس:احسن توا مافي شىء
انا:ودروحه جاي يسأل بسببك انتا صار هكي وانا مستحييل انسامحك بكل ع يلي درته 😢حسبي الله ونعمه الوكيل فيك
الياس:كان واقف ونادم ع يلي داره😔وساكت متكلمش بكل لانه عارف روحة هوا الغالط
المهم روحنا للفيلا وسلمت عليهم وقعمزنا ع الصالوون كلنا انهدرزو.....
رغد:باه احكيلي شن يلي صار
الياس ساكت معرفش شن ايجاوب
انا:لا مصار شىء اني بس كنت انسيق ازلقت وطحت ع مرش المكتبة ،، واشبحت لالياس
رغد:اها به وكيف حال راسك توا ؟؟؟
انا:لاباهي الحمدلله خير من بكري
عمتى:الحمد لله ع سلامتك يا ابنيتي
انا:الله يسلمك
مروة:مرة تاانية انتبهي عااد شن بنديرولك كان انتي غبية
انا انصدمت من كلامها ومابيتش انبينلهم اني مضايقة
وجت اموااج وقعدت اتهدرز ع العزومة
واني مش معاهم بكل،،،،،،
امواج:رزان خيرك مش ع بعضك
انا:لالا شىء غر راسي مصدع من الصبح اني منركب فوق نرتاح شوية
رغد:اها خلاص امشي ارتااحي
نوضت امشيت اركبت فوق والياس ناض ورايا اركب وخش داخل وقعد اينادي عليا
الياس:رزاان رزاان
انا:مابيتش انرد عليه واله انعبره
الياس جاني في الدار:خيرك مترديش عليا
انا:ساكته
الياس:اسمعي اني اسف يا رزان مش بقصدي
انا قاعدة ساكته ومنشبحلاش حاسباته زي الحيط😂
