زواج معقد😍😍
الكاتبة؛تالا عماد
الحلقة3
عندي اني كنت امقعمزة في الدار فجأ سمعت الباب انفتح وكانت سلمى
سلمى:افرحي بيجي حد ابيخطبك
انا:انتى شن قاعدة اتقوولي😯
سلمى:زي ماسمعتي كلام واضح😊
اني دفيتهاا وطلعت بره الدار القيتهم كلهم امقعمزين يحكوا على الخطبة ولافي حد امعبرني ولاحاس بلوجع الى انحس فيه
عثمان:شن طلعك من الدار 😡
انا:ساكتة ودمعتي على خدي
ماما:خلاص خلي البنت في حالها شن تبي فيها
عثمان:انتى خلاص من اليوم اعتبري روحك في حوش راجلك بعد غدوة الفاتحة والاسبووع الجاي حيكون العرس😏
انا ساكتة وقاعدة مصدومة من الكلام الى ايقول فيه فخشيت لدار وقعدت نبكي لصوت عااالي وخشت ماما اوراي،
ماما:حبيبتي خلاص معادش تبكي
انا:بتكشيخ حتى انتي ياماما حتى انتي وليتي زيهم ادعووك اه اه ياربي مفيش حد ايحس بيا في الحوش هادا ،بعياط ،،،قوولولي اني شن درت بس قوولووولي انتم تظلموا فياا ربي ياخد الحق فيكم يااارب حسبي الله ونعم الوكيل فيكم،😭
ماما:رزان اني قولتلهم لاكن بوك رجب مسكر راسة واحلف ايمين باهي قوليلي شن بندير
انا:خلاص اني تو نتطلع من حياتكم معاد اتشوفولي وجه بااهي انخليكم اتريحوا مني اشوية وسيبتها طلعت خشيت للحمام وقعدت نبكي،
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اليوم الى بعده،،،،،،،،،،،
سمية ام الياس انضني احفظوها خلاص امنكتب سمية بس😎
سمية:يا محمود مفروض انقلولة هو مستحييل ايوافق
محمود بوه الياس:حيوافق وغصبا عنا انى نعرف نتصرف معاه
جاد:تى وينك يا بوي ممشيتش لشركة اليوم
سمية:بوك اجازة اليووم
جاد:اه صار هكي شن كنتوا تحكوا 😆
رغد:شن دخلك انتا
جاد:دخلني الباب😎
رغد:ووووو بارد شن هادا
جاد:سخنيني😌
رغد:معنديش خلوق ندوي امعاك راه 😠
مروة:توا ايمان اتصلت قالت في الطريق
رغد:بنمشي اندير حاجة حلوة اني
جاد:جيبيلي اميه وانتي جاية
رغد :جيب بروحك يا.............؟
جاد:يا شن كملي هياا😡
رغد :ياجوودي😀
جاد:مش قتلك معاد اتقوليهايارأس الزراافة 😠،،،،ارمالها الشبشب
رغد:هاهاهاها المهم مجاش عليا😜وقعدت اتمد في لسانها
جاد:تو انوريك ياقردة😧
محمود:ترا ياجاد فكنا من العراك وناديلي علي الياس اشوية نبيه
جاد:باه حاضر الياس الياس تعالى بوي يبيك
الياس:نعم يابوي
محمود:خش وسكر الباب نبي نحكيلك موضوع
الياس:باه انشالله خير
محمود:توا اسمع مني واحكاله كل القصة
الياس:بوي انتا شن اتقوول مش اني اموقضكم من قبل اكتر من مرة انتم شكلكم متفهموش😠
محمود:احترم نفسك واشبحلي لما نحكي انى توا كلامي ماشي وغدوةالفاتحة😡
الياس:بس يابووي اني راه
محمود:لابس ولاغيره المرة هادي كلامي حيمشي مش زي كل مرة
الياس:احححححح بس وطلع وسرفق الباب
محمود:امتى هالولد ابيعقل
طقطقطق،،،،،،،
مروة:اهلا وسهلا حبايبي تفضلوو
ايمان:اهلين،،صهيب هماام خش انتا وياه
مروة:مابعدك منهم
سمية:واخيرا جيتي من بكري واني انراجي
ايمان:ووين رغد
مروة:زعميتها ادير في كيكة
جاد:اهليين اهليين نورتوا😁
صهيب،همام:اهليين خالوا😇
نزلت امواج ومعاها خليل وسلمو
امواج:وين معاد اتجي بككل
ايمان:والله كل يوم انقول بنجي ميصيرش بككل ،،ووين تولين
امواج:سيبتها فوق راقدة
سمية:هيا ياايمان وقت
مروة:حتى اني راجوني بنطلع معاكم(،،في عقلها تبي اتفكا من الصغاار )😈
ايمان:ياهمي من بيقعد بحدا الصغار
سمية :تو رغد تقعد
مروة:ابتمشي معانا امواج؟
اموااج:لالا منقدرش انسيب بنتي تو اتنوض تبدا اتعيط
مروة:بااه ع راحتك
طلعو ايمان ومروة وامهم سمية وارفعهم خليل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
نضت تاني يوم نسمع في صوت زغاريط خشيت للحمام حشاكم اتوضيت وصليت وطلعت القيتهم ايوتوا
سماح:رزاان تعالى ابنحي معااك اشوية
انا:معنديش نية نحكي مع حد
سماح:عارفاتك مضايقة لاكن شن بديري لازم تتأقلمي على الوضع
انا:خيركم كلكم زي بعض اني قلتلكم مليون تريليون مرة منبيش نزوج افهموا عاد مش بلغصب
سماح:حبيبتي اسمعيني توا خلاص الي فات مات انسيه وابدي حياة اجديدة
انا:😢
سماح:وتوا تعالي وتي رووحك جبتلك قفطان من عندي البسيه
اناخلاص اقتنعت بكلام سماح وارضيت بل امر الواقع مفيش حد حاس بيا واله امدورني وله شايف
مشاعري
المهم البست قفطان الى جاباته ليا سماح كان قصير ومرشوق عليا لونه عنابي ومن فوق سبعة وامعاه تاكم فضة وطلقت شعري ودرتا بلاسترا ودارتلي ميك اب خفيف وروج عنابي زي القفطان😍
خشيت وفي يدي سفرت القهوة سلمت عليهم
سمية:ماشالله عليها بنتك يالطفية
لطفية:تسلمي
مروة كان مش عاجبها:باهية يعني عادية زيها زي اي بنت مزاال سهام احلا بهلبا
سمية تحشمت😳خبطت مروة ع كتفها:هادي بنتي مروة وهادي رغد وهادي كنتي امواج
لطفية:ماشالله ربي ايخليهولك
جت رغد وقعدت اتهدرز امعاي باين عليها طيووبة وتنحب مش زي اختها
رغد:هدرزيلي على روحك
انا:اني مواليد 1999نقره في الجامعة
انا:هدرزيلي علي عيلتكم شوية
رغد:اكبر واح خليل متزوج اهيا امواااج وبعدها ايمان حتى هي متزوجة وبعدها الياس وبعدها مروة وجاد والاخيرة اني
هدرزنا اشووية وكل شوية مروة تستفز فيا درهتلى كبدي الحق😣
المهم ارضيت بالامر الواقع وقلتلهم اني اموافقة وحدودو يوم العرس وخلاص😧
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
طبعا اليوم الي بعده قالو بنديرو مقابلة شرعية
نوضت اخديت شاور وبدلت البست سروال امريكاني وسورية لركبة بودرية ومدرتش شىء في وجهي
المهم جي الياس وهو رافع خشمة ودخله بابا وعثمان للمربوعة وكان مش عاجبة لعجب
انى خشيت بسفرة القهوة ومديتلهم شوية وطلع بابا وعثمان
الياس كان رافع خشمة ومخاطراش يدوي وقاااااااالي،،،،،،،،،،،،،،،،،،،،،،،،،،،،،،،،،،،،،،
😱😨😱😨😱😨
يتبع،،،،،
اتفااعلو كل يوم انزل حلقتين😉
