رحلة الى المقابر

العودة😑😑

الجزء الثالث
😉😉

           صراخ فى القبر

دخلوا بهدؤ ومش سامعين حاجه بيبصوا لقيوا الباب مقفول وابتدى الباب يقع حته حته كأنه كان مكسر وملزوق .. دخل احمد ووراه سالم وفجأه ... صراخ هستيرى من الاتنين

الأرض كلها دم قطط صغير لسه مولوده مدبوحه ومرميه فى كل حته .. عبده صاحبهم مشنوق ووشه سايح واديه ورجليه مقطوعين

الغريب ان بعد الصراخ ده كله ان محدش سمعهم من الجيران او اهل الشارع طلعوا جرى بره الشقه وكان الصبح بدأ يطلع والناس بدأت تصحى
احمد : يا خالتى خدى ام سالم واخواتى واطلعى شقتنا هى ارحم دلوقتى من شقة ام سالم
شيرين : طب وانت
احمد : ربنا يستر .. بوصوا يا رجاله انا هروح المقابر وسالم هيجى معايا وانت يا محمد حمدلله على سلامة الحاج روح اتطمن عليه واقعد معاه
محمد : هو مش احنا اخوات ولا ايه ازاى هسيبكم
ام اسامه : بوص يابنى انت والدك رجع اه بس مش زى ما كان حاول تتماسك اعصابك انت والدك كل اطرافه اتقطعت
محمد : ابويا 😯😯
محمد : ابويا 😯😯😯

جرى محمد على البيت وسالم واحمد باصين لبعض فى زهول وطلعوا يجروا وراه .. وصلوا بيت محمد لقيوه قاعد قدام ابوه وبيعيط

احمد : طب اهدى بس وهنشوف ايه اللى ....
محمد : خلاصة الكلام ابويا حقه هيرجع
سالم : ع المقابر

راحوا المقابر وكانوا بيحاولوا يعرفوا المكان اللى فيه العشه ومكنوش عارفين .. بيبصو جمبهم لقيوا الظابط اللى كان بيحاول يساعدهم

سالم : يا باشا ....
الظابط : ولا كلمه انتوا مطلوب القبض عليكوا بتهمة قتل عبده صاحبكم
احمد : طيب ممكن بس تيجى معانا بس مكان كده وهنثبتلك ان فى حاجه غلط بتحصل واننا معملناش كده ..
الظابط : فين
احمد : الحارس بتاع المقابر .. فى العشه بتاعته

مشى معاهم الظابط وكان عارف هو رايح فين وعارف مكان العشه بالظبط ..
فتحوا باب العشه بشويش لقيو الراجل مرمى فى الأرض ودماغه متفرتكه كأنه داس عليها دبابه ولقيوا جمبيه حاجه مهمه جدآ .. لقيوا ........
ولقيوا جمبيه حاجه مهمه جدآ .. لقيوا .. كتاب قديم مكتوب على الغلاف بتاعه #اللعنه 😈😈
اخد الظابط الكتاب من الأرض وبص على احمد وقاله

الظابط : بوص انا ممكن البسكوا 100 تهمه دلوقتى واقول ان انتوا اللى قتلتوا الراجل ده علشان منعكوا تنبشوا فى القبور
احمد : ياباشا وطب وهننبش قبور ليه بس
الظابط : يابنى انت وهو الجثث المتحلله اللى مش باقى متها غير شوية عضم بتتباع بفلوس كتير اوووى لتجار البودره اللى بيطحنوها ويعملوا معاها خلطة الهيروين او فلوس متوسطه لطلاب طب
احمد : ياباشا انا امى مدفونه هنا
الظابط : وانا اليوم اللى جيتولى فيه جبت تحريات عنكوا وعرفت ان والدتك مش ميته موته عاديه دى اتقتلت .. بوصوا انا حاسس ان الموضوع اكبر من شلة شباب بينبشو قبر .. او يقتلوا صاحبهم .. والدليل الكتاب ده .. الكتاب ده ممنوع تداوله .. مين الراجل ده وايه اللى جاب الكتاب ده هنا عنده
محمد : هنعرف حالآ

بدأ محمد يفتش الراجل ده ب غل لغاية لما طلع منه شوية ورق كتار .. اخدهم الزابط ولسه هيشوفهم .. قام محمد سالتهم من ايد الظابط وحاططهم فى جيبه وقام قطع طرف من جلابية الراجل اللى ميت وحط عليها دم من اللى فى الأرض ولفها فى كيس لقيه مرمى وضاها فى جيبه وكل ده ومحدش فاهم ايه اللى بيحصل

الظابط : انت ايه اللى بتعمله ده
محمد : هتفهم يا باشا حالآ .. انت كنت جاى تقبض علينا وهوب لما لقيتنا عارفين حاجات كتير رجعت القوه اللى معاك وجيت معانا .. كتر خيرك لغاية كده يا باشا لو انت مصدق اننا مظلومين سيبنا نمشى احنا مقتلناش عبده
الظابط : بوص يابنى انت وهو الموضوع مش سهل انتوا متهمين بالقتل يعنى لازم اقبض عليكم ووعد منى هشتغل على قضيتك لغاية ما اوصل للحقيقه ..
محمد : خلاص يا باشا احنا موافقين يلا نخرج

خرج الظابط الأول ووراه محمد وبحركه سريعه خطف محمد مسدس الظابط ومسك احمد الظابط تحت دراعه ومحمد حطله المسدس على دماغه

محمد : لو مسبتناش نمشى انا هفجر نفوخك
الظابط : انتوا مجانين !!
محمد : خلاص يا باشا مبقيناش نخاف احنا موتنا كان قدامنا هنخاف من ايه .. انسى
الظابط : وحياة امى ما هسيبكو
احمد : مكناش عاوزين نعمل كده يا باشا احنا مش ناسيين وقفتك معانا بس احنا مضطرين
سالم : لا مؤخذه بس يا باشا هستأذنك فى الكتاب ده .. اصلى بزاكر اليومين دول عبال ولادك داخل امتحان قريب اوى
اخد سالم الكتاب من ايد الظابط وضرب محمد الظابط على دماغه فقد الوعى .. وحطوله السلاح فى جنبه وسابوه وهربو ولما القوه اتحركت لقيت الظابط مغمى عليه والشباب هربوا

محمد : بوصوا انا مش فاهم حاجه
سالم : الكتاب ده وراه حاجه ... ﻷن امبارح مكنش موجود
احمد : انا اعرف واحده تقدر تقولنا ده ايه
محمد وسالم : مين هى !!
احمد : دى واحده اسمها فجريه انا عارف مكانها
محمد : طب وانت عارف منين مكانها !!
احمد : ما تخلص يا عم انت احنا ف ايه ولا ايه .. يلا بينا

ركبوا مواصلات لغاية ما وصلوا بيت فجريه دى كان عبار عن بيت معفن فى مكان شبه مهجور دخلوا البيت كانت ريحته قذره ومن الواضح ان مفيهوش حد
قرروا يخرجوا لكن الباب اتقفل ومبيتفتحش .. حسوا بصوت خطوات وكل ما يبصوا فى مكان ميلاقوش حاجه وفجأ نار ولعت فى اوضه فى وشهم جريو ناحيتها لقيو ست كبيره فى السن وشعرها شايب ومنكوش قاعده قدام النار دى وبصالها اوووى وقالتلهم تعالووووو
بصوا لبعض وراحوا قعدوا قدامها .. مدت اديها لسالم فعطاها الكتاب

محمد : احنا ....
فجريه : انا عارفه اللى حصل
احمد : طيب يا ست فجريه احنا مش عارفين ايه اللى بيحصل ده وبيحصل ليه واشمعنا احنا
فجريه : انت !! ده انت ابليس ... اسمعوا الكلام ومحدش يقاطعنى .... امك ماتت بسببك يا احمد فاكر ؟؟ ..

بيسرح احمد ويفتكر ( كان يوم عادى زى اى يوم راجع البيت وبيتمشى ساعتها لقى كيس اسود فى الأرض ملفوف ميل عليه واخده ومرضيش يفتحه وراح جرى بيه على البيت ولما فتحه لقى علبه صفيح قديمه فتحها لقى جواها كتاب شكله قديم جدآ ومكتوب عليه اللعنه .. مكنش ساعتها فى حد فى البيت فتح الكتاب لقى جسمه قشعر ابتدى يقرأ اول صفحه وكان كلام عادى وفى وسطيه كلام ميت

..... يارب تعجبكوا