الجزء الخامس
وفجأه صوت الهمس والعياط وقفوا وحسوا ان فى حد وراهم .. بصوا وراهم لقيوا عفريت .. لونه اسود وشكله وحش ويقرف الكلب ..
صرخوا بصوت عالى ..
الستات خارجين جرى بسرعه
بيبصوا على الستات لقيوهم طايرين ومفيهمش رجلين كان مكان رجليهم ديل تعبان ضخم
مش عارفين يهربوا ازاى او يروحوا فين
جريوا عكس الأتجاه .. جريوا ناحية الضلمه
مش شايفين حاجه .. فجأه نار ولعت وابتدى يظهر المكان شويه جهنم اقل ما يقال على المكان اللى شافوه هو جهنم .. رماد فى كل حته جثث كتير محروقه .. اطراف واشلاء مرميه .. وكرسى كبيييييييييير قاعد عليه شيطان .. الشيطان
كانصيروو
سالم : احنا موتنا !!
الظابط : ايوه اكيد كده
محمد : لا
سالم : والله موتنا اهو ودخلنا النار
محمد : بنطلونك اللى غرقان مايه ده اكبر دليل اننا لسه عايشين
سالم : ده عر
كانصيرو : اخرصووووووووووووا
محمد : طيب احنا وعارفين احنا هنا ليه وانت عاوز مننا ايه لكن اللى مش فاهمه .. الباشا موجود هنا معانا ليه وانت عاوز مننا ايه ما انت ممكن تموتنا بس لو كنت عاوز تموتنا كنت موتنا من زمان
كانصيرو : ده حفيد ابو المعاطى .. وانا عاوزكوا تعبدونى .. انا هبدأ بيكم
سالم : امممممممم حفيد ابو المعاطى .. ابو المعاطى مين
كانصيرو : لازم البدايه تكون بيكم انتوا .. انتوا البدايه
الظابط : بداية ايه !!
كانصيرو : بداية كل حاجه .. الدنيا مش محتاجاكوا .. العالم محتاج الشر لازم الشر يسود والسفاحين يملوا العالم والدم يغرق الأرض والديانات تنتهى وانا اللى اسيطر على العالم مش اى حاجه تانيه
سالم : لا بقى فكك لما اجدادنا علموا عليك تقولى الدين ينتهى وانت اللى تسيطر على العالم ونعبدك خخخخخخخخخخخخخخخ
كانصيرو بصوت مرعب : ايييييييييه !!
سالم : مش قصدى اقسم بالله دى طلعت غصب عنى
سالم وهو بيتكلم ابتدى صوته يتخنق ومش قادر يتكلم ووشه بقى لونه احمر واترفع فى الهوا عينه بدأت تبرز لبره خلاص بيموت
محمد : سيبه سيبه سيبه
ام سالم : يسيب ايه يابنى فوقوا فوقوا مالكوا فى ايه الحقوناااااا
دخلت عساكر كتير ملت المكتب
وفوقوا الظابط ومحمد وسالم
الظابط : شكرا يا رجاله شكرا اتفضلوا بره وكل 5 دقايق حد يدخل
عسكرى : هو فى ايه يا باشا
الظابط : مفيش حاجه بس تقريبا مرهقين شويه هاتلى قهوه
خرجوا العساكر وهما مش فاهمين اى حاجه .. والمكتب رجع زى ما كان
محمد : هو ايه اللى حصل ؟؟
مريم : انتوا التلاته نمتوا مره واحده وبعدين فضلتوا تتشنجوا وطرتوا فى الهوا وسالم كان عمال يخرج اصوات غريبه ومكناش طايلينكوا وفجأه وقعتوا وفوقناكم
سالم : اصوات غريبه 😮 والله قولتله مش قصدى 😣 .. يا محمد انت والباشا متهيألى احنا شوفنا كل حاجه زى بعض
الظابط : تقريبآ
سالم : طب وايه الحل دلوقتى هنعمل ايه ؟؟
الظابط : الكتاب
سالم : متفوتنيش دى 😉 .. لما احمد قالنا على حوار فجريه دى استغربت انه يعرفها ولما سألناه يعرفها ازاى توهنا فى الكلام .. بينى وبينك يا باشا انا حسيت ان فى حاجه غلط .. الكتاب مدخلش اصلا عند فجريه .. واحنا فى السكه لبيت الست غيرنا مواصله
محمد : كان فى فالمكان اللى هنغير منه مواصله حد فاتح محل صغير فى كتب قديمه وعليها تراب ومحدش بيقربله
سالم : محمد توه احمد فى الكلام ﻷنه تقريبآ حس باللى حسيت بيه وانا زوغت ودخلت المحل جبت كتاب قديم وفيه طلاسم بس اى هبل وتقليد وشكله قديم .. اشتريته وحوشت الغلاف بتاعه وغلاف كتاب اللعنه وبدلتهم وشيلت الكتاب الاصلى فى حزام البنطلون تحت التيشرت واشتريت قزازة مياه ولما رجعت ﻷحمد ومحمد سألونى كنت فين فقولتلهم انى جبت قزازة مياه .. .. وبعد اللى حصل فى بيت فجريه اتاخد الكتاب المزيف مننا بس الكتاب الأصلى لا
الظابط : يا ولاد اللعيبه ده انتوا فاجرين .. بس استنوا اكيد الكتاب مش معاكوا دلوقتى ومخبينه
سالم : فى الحقيقه ايوه
الظابط : جدعان .. طول ما الكتاب احنا بس اللى نعرف مكانه يبقى ضمنا ان محدش فينا هيحصله حاجه .. واكيد كانصيرو موجود دلوقتى وسامع كلامنا كله
محمد : بعون الله يا باشا محدش هيعرف طريق الكتاب
سالم : بس ده كان هيموتنى من شويه ازاى مش هيأذينا بس
محمد : لا ابدآ هو بس بيقرصلك ودنك لكن هو محتاجلنا جدآ
الظابط : طيب قوموا نجيب الكتاب
سالم : ايه !!
الظابط : ثق فيا .. وعلشان تضمن انى نيتى سليمه روح انت ومحمد بس هاتوه
سالم : انت اكيد ...
محمد : سااااااالم .. الباشا عارف اكتر مننا يلا نروح نجيب الكتاب ومسمعلكش صوت
سالم : حاضر امرى لله
