💕الحياة فرصة💕

المقدمه 🖤

سحر فتحت اعيوني واني مش مصدقه اني خلاص بنتزوج الانسان يلي حبيته وعشقته واليوم ح ننكتب احلاله 😍...نعرفكم بنفسي اني سحر م 99 نقرا تقنيه طبيه في سنه تانيه وتعرفت ع "ادم " حبيبي وزوجي من بعد اليوم انسان حنون ويحبني هلبا
بعد خطبني اهلي في الاول رفضو لان يبوني نكمل قرايتي بس بعد وين ووين اقتنعو واخيرا واخطبنا وكان شرطهم اني نكمل اقرايتي وطبعا ادم شجعني وقالي ان ح يساعدني وبشوي بشوي لاعند نكمل
واليوم فاتحتنا كنت اسعد انسانه في الدنيا ☺"

ادم طلعت من الجامع واني فرحان ع متلخبط شعوري كان ملخبط وحايس في روحي ومش مصدق الناس اتباركلي واني مش عاطي فرحتي لي حد اليوم وبعد عناء انكتبتلي سحر احلالي وح تكون ام اصغاري 😍" اني ادم م ٩٠ مهندس معماري
تعرفت ع سحر بالصدفه لما كنت معكس مع صاحبي في محل وهيا كانت تشري منه وعجبتني وتعرفنا ع بعض وبعد مده بديت نشوف في الدنيا فيها ومانشوفش في غيرها 😍"

امل "اليوم انقرت فاتحتي ع نادر ولد خالتي يلي كان كبير اعليا وماكنتش نحس بااي شعور تجاهه غير ان ولد خالتي وبس كنت نتمني اني نتزوج عن حب نعرف الشخص يلي بيتزوجني وهو يعرفني ونحبو بعض مش هكي حتي لو كان ولد خالتي اني منعرفش عنه شي زايد ع يلي يعرفوه الناس بحكم ان احني عيلتنا متشدده شوي ومعندناش في جو طلعات وهدرزه وهكي لا كنا سلام عادي بحكم القرابه وبس "اني امل م 2000 اكبر مني بنتين متزوجات (بسمه&حور) خديت الشهادة الثانويه وخوتي بطلوني واول ماتقدملي ولد خالتي وافقو طول منغير حتي ماياخدو رايي وكان اليوم مشؤم بالنسبه ليا مش اليوم يلي تتمني كل بنت 🤷‍♀️"

نادر "اطلعت من الجامع اني وخوي العريس التاني
ملاحظه (ادم خو نادر واليوم فاتحتهم مع بعض محددين العرس في يوم واحد )اني بنظارتي الكحله وملامحي الجديه يلي متحملش اي نوع من الفرح اليوم فاتحتي علي بنت خالتي امل ويلي كانت تقليدي في تقليدي كله من تخطيط وتنفيذ امي واختي مش لان هما يمشو في رايهم اعليا ولا شي لا لان اني كرهت جنس حواء (ح تعرفو مع الحلقات)اني نادر م 86 فني تخدير وممرض في عيادة خاصه ملك بوي

عائلة ادم ونادر تتكون من
الاب:ميلاد والام عاليه
كان الاب راجل كبير نوعا ما في السن وكان جدي هلبا ووقته كله لي شغله يلي قرر يسلمه لي اولاده ويتقاعد كان الاب ميلاد رجل اعمال عنده شركة لاستراد الادويه وعنده عيادة خاصه يلي يشتغل فاها نادر وعنده محلات ملابس وغذائيه مأجرهم وكان عنده فيلا كبيره مقسمه اجنحه علي الخير يلي عنده بس كان رافض اي ولد من ولاده يطلع منها كان مداير اجنحه كل جناح في دار نوم كبيره وفيها غرفة ملابس وحمام صغير ومكتب ومطبخ وعاليه كانت موافقته الراي لانها عزوزه متحكمه نوعا ما تحب تدخل في كل شي يلي يخصها ويلي لا وشخصيته قويه هلبا كانت عندها بنت وخمسه اولاد التلاته الكبار متزوجين ونادر وادم يلي اليوم كان عقد قرانهم💑
الابن الاكبر ليهم :سامر دكتور اسنان مرته (نهال عنده اربعه اولاد
بعده :قصي محامي متزوج ومرته (سهير عنده تلاته بنات وولد
بعده :هدايه عزباء متخرجه من اقتصاد 
بعدها يكون عبد المعز متخرج من النفط وعنده تؤام ولاد
وبعده نادر والصغير ادم

هادو ابطال الروايه ويلي معظم الاحداث تتمحور اعليهم وحتكون الروايه في حوش الحاج ميلاد

لايكاتكم وكومنتاتكم حبايب😍

الكاتبه:وتين