💕الحياة فرصة💕

الحلقه الاولي🖤

نضت الساعه 6:30 واني ناسيه الحنه بكل قعدت نشوف للبنات والصغار كيف راقدين يلي من غير مخده ويلي اتنين في بطانيه وحده منظرهم كان يضحك وحلو في نفس الوقت مافيقتش حد نضت بشوي واني مش عارفه من وين نبدا فيها 😭حاولت حاولت وفي الاخير معاش عرفت كيف حتي نحول الغطاء من اعليها تكلمت بصوت واطي :منار منار 😭

منار راقده :😴😴
سحر:منار وراسك نوضي نبي الحمام الهم يلي رابطينهم ع يديا شن بيحولهم 😭
منار تتقلب: هاهاها الهم شن فيي وااك واحني كيف رقدنا مسرع
سحر:نوضي ي حماره نبي الحمام معاش قادره😭
منار بعدت شعرها من ع وجهاا: اووف بسم الله سحر ان شاء الله قعدا ماحولتيهاش 😳
سحر: هيا وراسك حوليها رقدت وانتو رقدتو 😫
منار شاده ضحكتها : ههه باه اهو منحولهالك
وهيا حولتلي الرجلين ونضت جري 😂😁
منار تسمع في الفون :ايي ماشاء الله ماشاء الله هدا كله مسجات تعالي ياسحر يلي سحرتيني 😂
سحر رقدت ع الفراش تاني:ههه شنو ادم باعت😂
منار:تي هاك قريب عشرين رساله تو مش عارفك محنيه عليك بدوع😂
سحر:سكري ونحيلي هيا استاحشته خلي نكلمه 😂
منار:مبردكم عليك شو زايد اديرو في 🤨
سحر:ههه عينك انتي شن فهمك في الحب 😍
منار:يعطيك دب سكري فمك 😑

في حوش العروسه التانيه (امل)
تقلبت يمين يسار ومش جايني نوم بكل برغم اني نعسانه فتحت تليفوني وقريت المسج المختصر يلي كان من نادر مكتوب في (الف مبروك) قعدت نقرا ونعاود في بالله تو هدا مسج يبعته عريس لعروسته يوم فاتحتهم🤦‍♀️سكرت التليفون وحدفته ونضت توضيت وصليت ودعيت ربي ان يكتبلي الخير في الزواج هدا وان يسخرلي اموري اعلي خير ..

في حوش الحاج ميلاد ..

عاليه ادور ع الاجنحه متع ولادها وتفيق فيهم

سامر  بصوت واطي نهار الاحرف تو الواحد الواه بينوض من هالوقت استغفر الله :باهي ياامي نضنا بااهي نهال نهال نوضي الهم عاونيهم لوطا
نهال : ااه سامر والله مااقادره انوض ظهري وبطني مغص قوي مبارح مارقدتش بكل

سامر حدف المخده :خيرك تبي نعاينك
نهال: مافيش تو شن يعطوني تو بعدين كان قعدت هكي نمشي
سامر:تو نديرلك لامونضه
نهال :تمام حبيبي ☺

في جناح قصي ..
قصي:سهير سهير نوضي امي مش ح تفوتنا كان مانضيتيش
سهير بنرفزه:باهي اعلاش من هالوقت الواحد يفيق واني ساهره لليل كله ع اصغارك واحد يرقد التاني يفيق حتي ربي ماقاله
قصي غم روحه: تحملي هالاسبوع ويفوت العرس ع خير وترتاحي بعدين
سهير ناضت وهيا بتبكي راسها صداع: الله يصبرني وخلاص😫😫

في جناح عبد المعز ..
ناض افتح لي امه الباب
معز:صباح الخير يام
عاليه:صباح النور مرتك ناضت ولا مزال
معز يغير في الموضوع:يام شن بديرو من هالوقت
عاليه:ناضت ولا
معز:انتي عارفه يام ان عندي تؤام ومسكينه تاعبه فيهم راهم اتنين نفس العمر وهيا بروحها ومنغير الغسيل والكوي
عاليه:اني جبتكم وكنت لليل مانرقداش واليوم كله نخدم ومانقولش اه الحوش والمطبخ كله علي راسي
نوض مرتك تنزل تساعدنا زيها زي سلفاتها
معز من غير نفس: حاضر حاضر
وخش لي مرته اسيل
معز يمسح اعلي وجهها بشويه :اسيل اسيل ي عمري هي نوضي
اسيل تحك في اعيونها:معز خطاني منرقد مارقدش الا قبل شوي جاد عنده حراره لليل كله واني نديرله في كمادات
معز تنهد:اسولي ي عمري امي بيعولو ع الكسوه ونوضت نساوين خوتي وتبيك تساعديهم
اسيل فتحت اعيونها : من توا راهو قاعده الشمس كيف طلعت
معز يضحك: تي هيا ي عمري باهي شن بندير هادي امي شن بنقلها لا
اسيل ناضت: باهي حاضر
معز اتكا وجبدها من يدها : تحملي ع خاطري والليله اني نسهر اعليهم وانتي ترقدي تمام عمري
اسيل : ولا يهمك صح تو نساعدوها ونرتاح في القايله
معز: تي وربي مافي منك اتنين في الدنيا 😍
اسيل تباعدت من اعليه: شي اكيد ☺
معز:نحبها المغروره 😂
اسيل:وتموت فيك المغروره😂ومشت
معز تنهد:ربي يسامحك ي امي

في المطبخ عاليه واقفه وتكلم في الحاج ميلاد
الحاج ميلاد: وين الشغلات خيرهم قعدات ماجوش ؟
عاليه:لا والله اعطيتهم اجازه تلاته ايام
الحاج ميلاد:وكيف اديري هكي وعارفه ان عندك عرسين بدل الواحد من بيوقفلك فيهم
عاليه:املا الكناين لاش جايبتهم بيش يخدموهم الشغالات
الحاج ميلاد: اي احني جايبينهم اكناين مش شغالات
عاليه:والله ي حنه غير مصاريف زايده ياسر السفرجيات يلي يوم الزفه
الحاج ميلاد: هادو شغالات الفيلا من يوم يومهم مش جت ع العرس تصرفيهم بااجازه
عاليه: غير فوت هاليوم وبعدين ساهل
الحاج ميلاد ناض وهو معصب: تو نشوف اخرتها امعاك
عاليه بصوت واطي: تو نوريهم كنايني عابيات بيلبسو ويمكيجو وهما يخدموهم لا والله ماصايرتها
سهير نزلت وهيا وجها ذابل وعيونها متورمات :صباح الخير ي عمتي كيف حالك اليوم
عاليه بنرفزه: اي صباح الدنيا قريب تولي ظهر هدا غير عندكم عرس وتعولوله
سهير:وين ظهر ي عمتي هيا الساعه تمانيه قعدا كيف جت وبعدين امس سهرنا ع الحلوات وبعدها الصغار ماخلونيش نرقد
عاليه:باهي باهي غير هيا شمري ع درعانك وابدي قرضي الخضره لا بيل ماجو سلفاتك
سهير:ليش ي عمتي الخضره؟
عاليه:بديرو موالح وحار وعصبان مش الليه الكسوه
سهير:اي وكان مش احني منمشو لي العرائيس يادوبك الوقت يسدنا شوي عند سحر وشوي عند امل
عاليه: اي وكان هدا ماهو بيجوك الناس اهني شن مانضيفوهمش لين يمشو غادي
سهير استغفرت في خاطرها شن هالعزوزه الحرفه: باهي حاضر ي عمتي يلي تبيه ومشيت لي التلاجه وطلعت الخضره وجيت نقرض فيها ع الطاوله جنب عمتي وهيا كانت تشرب في القهوة ومروقه 😑
عاليه:رققي المعدنوسات هدا خيرك اللطف هكي غلظه
سهير في خاطرها صبرني ي رب: حاضر ي عمتي اهو هكي باهي
عاليه بدون ماتشوف:ماشي حاله
سهير:😒😒
اسيل :السلام صباح الخير
سهير:صباح النور
عاليه:منين الخير بيجي
اسيل سكتت ودارت روحها ماسمعتش :سهير شنو اديري
سهير:شوفت عينك بنديرو عصبان وموالح قالت عمتي😑
اسيل مصدومه: واعلاش هو احني من بيجينا ياكل كلهم بيجو يبو يمشو 😕
عاليه تشرب في القهوة:حركي روحك وقرضي مع سلفتك مالك ومال القطاف الزايد 😏
اسيل سخنت مع بعضها وقعمزت وهيا اتمتم
عاليه ناضت حطت فنجان القهوة ع الرخامه وطلعت
اسيل: النبي الخدمات وهدايه ونهال وين 😑تقول احني الخدمات
سهير:نقصي صوتك تسمع ديرلك نهار
اسيل:غير فوتيها وينهم
سهير:هدايه اكيد راقده ولا تتكلم بالتليفون ماك عارفتها والخدمات ابصر وين منتلفات ونهال  راقده اكيد مانزلتش
اسيل: ربي ياخد الحق وخلاص
سهير :ان شاء الله

وفات الوقت وهما ينضفو ويطيبو ويشكلو لاعند الساعه 2 الظهر نزلت نهال للمطبخ وكانت عاليه مقعمزه وسهير واسيل اعليهم الدق كله
نهال :السلام كيف حالك ي عمتي اليوم ☺وباست راسها

عاليه ....

شن تتوقعو عاليه ترد ع نهال وهيا جايه بعد ماقريب يكملو كل شي 😁تنسوش تصوتو وتعلقو واستنوني في الحلقه التانيه

الكاتبه؛وتين