_ عارفه ياامل انا ربنا رزقني بواحد اشتغل معاه مهمل مكتبه بيبقي مبهدل وكله تراب .
_ بس حلو.
_ اه هو حلو بس ياحسرتي مهمل .
_ مش مهم بكرا يبقي مش مهمل كفايه جماله.
_ طب يلا ياختي من هنا خشي البيت يلا .
_هعدي عليكي بكره عشان الجامعه.
_هستناكي سلام.
_ السلام عليكم.
_ وعليكم السلام يلا يابطوطه تعالي كلي.
_ مش جعانه ياماما.
_ ازاي مش جعانه هتفضلي مسمومه كده لحد امتا ده انتي بطنك لزقت ف ضهرك من قله الاكل.
_ ماما انا اكلت انا وامل برا .
_ اندومي برضو يحرق الاندومي ع اللي بيشتروه.
_ عن اذنك ياماما انا داخله انام.
_ دخلت قعدت علي السرير وفضلت افكر ف المصيبه اللي عملتها في الشركه النهارده وبعدين هو يستاهل انا ذنبي اي الواحد لما بيجي يدخل مكان بيستاذن ده دخل كده ع طول اتخضيت.
_ هاتي كوبايه ميه يافاطمه.
_ رفعت السكينه ف وشه بسم الله الرحمن الرحيم.
_ اي شوفتي عفريت ناوليني ميه.
_ انا اسفه جدا يافندم اتفضل.
_ غور كتك داهيه في سري.
_ احم بتقولي حاجه..
_ لا.. مش بقول.
_ طب حصليني وهاتي ملف شركه......
_ حاضر.
_ انا زهقت بقا اوف كفايه تفكير ف الموضوع ده انا هصلي وانام.
_ ها هتعملي اي خلصنا محاضرات النهارده.
_ هعمل اي يعني ياامل هطلع ع الشغل.
_ طب انا لسه ميعادي مش دلوقتي ممكن اجي معاكي .
_ يلا.
_ بجد يعني انا هروح مكتب المز .
_ اتلمي.
_ صباح الخير.
_ صباح النور يابطوط.
_ هو استاذ محمد جه.
_ هو تقريبا ممشيش عشان يجي بايت فوق.
_طب عن اذنك يامي.
_ طلعت السلم عشان اصحيه. وارتب الورق ف مكتبه.
_ استاذ محمد يااستاذ... استاذ... محمد... يامحمد.
_ فتح عينه براحه وفركها بكف ايده : اممم صباح الخير يافاطمه.
_ عينيه لونها حلوو اوووي خطفت قلبي كنت ديما مش بركز فيه لانه مهمل او انا من صغري غشيمه مع الولاد.
_ صباح الخير يافاطمه مش سامعه.
_ها... انا .. صباح الخير يافندم.
_ اي مالك كده ع الصبح.
_ مفيش منمتش كويس طب معلش كوبايه قهوه مظبوط.
_ اتفضل اهي ع المكتب.
_ اي النباهه دي شكرا ياستي كلمي حد من البيت يجبلي هدوم .
_ حاضر تؤمر بحاجه تاني.
_ شكرا .
_ يحرق حلاوتك ياشيخ ع الصبح مش كده مش ذنوب ع الصبح هي مش كده.
_ اي يابنتي اتاخرتي جوا ليه كده.
_ كنت بصحي سي الاستاذ.
_ طب ومالك متعصبه ليه كدا.
_ عشان كنت عامله زي الهبل جوا من شويه.
_ اي اللي حصل.
_ اوف حصل............... اما اكلمله حد بقا .
_ مش قوولتلك حلو ياطاطا.
_ بس يابت الساعه بصي كام هتتاخري يلا هش من هنا.
_ ههش حاضر.
_ دخل محمد فاطم..ه
_ انا اسف .
_ لا عادي ولا يهمك دي امل صحبتي هتقعد معايا شويه.
_ لا انا ماشيه سلام .
_ بصتلها بتحذير اللي هو خليكي.
_ ضحكت بنصر سي يو يابيبي سلام.
_ اتفضل يافندم .
_ عايزك دقيقه ف مكتبي.
_ حاضر
-وحياه امك ياامل لهلعقك ع باب زويل ماشي ف سري.
_خلصت شغل وروحت كلمت امل وهزقتها طبعاا.
_ تاني يوم تعبت جامد مقدرتش اروح ولا جامعه ولا شغل... رن التليفون.
_ الو السلام عليكم.
_ صوت رجولي وعليكم السلام انا محمد.
_ اهلا وسهلا محمد مين؟؟
_ مديرك.
_ اه اسفه يافندم بس انا كلمت مي واستاذنت عشان تعبانه مش هقدر اقوم.
_ عارف انا رنيت عشان حاجه تاني.
_ الورق بتاع الشغل كله عندك علي...المك.ت
_ يابنتي استني بس انا برن عشانك.
_ نعم.
_ اقصد عشان اقولك الف سلامه.
_ ..................
_ الو .
_ انا معاك معلش الله يسلمك بس مكنش ليه داعي.
_ لا ازاي انتي حد مهم بالنسبه لي اقصد ف الشركه يعني.
_ شكرا.
_ الا قوليلي صوتك متغير ف التليفون يعني.
_ نعم ... عشان تقريبا تعبانه.
_ هههههههه عارف الف سلامه مره تاني وبكره هستناكي ف الشركه.
_ ان شاء الله مع السلامه.
_ غمضت عيني وكان نبض قلبي يتسمع مجرد صوت ضحكته خطف قلبي والله هو يتحب بس مهمل بس ممكن نركن العيوب دي ع جمب.
_ قررت قرار نهائي اني هتلاشي معاملتي بيه خالص.
_ لحد ماجه مره مكتبي كان شايط .
_ فااااااطمه.
_ اافندم.
_ هاتي تليفونك.
_ ليه ؟؟
_ عشان اوقف المهزله اللي بتحصل دي. الرجاله بيتفقو مين هيتقدملك وانا كيس جوافه.
_ طب وانا ذنبي اي.
_ ذنبك اني حبيتك.
_ .............
_ هات التليفون . هاتوه.
_ الو السلام عليكم .
_ وعليكم السلام مين ياابني.
_ انا محمد طالب ميعاد عشان اطلب ايد الانسه فاطمه.
_ تنور ياابني نتقابل بعد بكره ع الساعه ٧ عشان المغرب.
_ ماشي اتفقنا.
_ كنت واقفه حاطه ايدي ع بوقي من الذهول.
_ اي اللي انت عملته ده.
_ عملت اي.
_ مش بهزر وانا مش هقابلك.
_ بيقرب مني ورفع حاجبه وببرود ليييه.
_.....ابعد بس كده.
_ ليييه.
_ عشان مش بحبك.
_ خلاص تحبيني سهله جدا
_بس..
_ مفيش بس يابطوط هتجوزك لانك مش هتكوني لغيري.
.♡♡
