_ حتي لو قولتلك تنط من هنا عشان تثبتلي حبك؟!
_لو ده هيثبتلك ان انا بحبك فانا..
_ انت ايه؟!
_ هنط بحبببببك.
_ بتعمل ايه يامجنون؟!
_ بس بس كت اي ده يخربيت دماغي وربنا انا عايزه انام دلوقتي ايه جاب فيلم افريكانو ف دماغي دلوقتي . لا لا ياشروق ميصحش كده ياماما انتي سنجل والتفكير ف الحب والحاجات دي مضر بالصحه وملوش مبيد حشري يموته مش بتشوفي اصحابك كل شويه واحده تيجي معيطه اشي خطيبها سابها واللي تيجي عشان الواد فلسع ربنا يهدي لا الحب ده هجص وانا محبتش غير مره ومش هتتكرر تاني انا هقوم اصلي القيام عشان انام .
_ خلصت صلاه وقولت هنام بس طبعا مش اول محطيت دماغي نمت قعدت استغفر كتير مهو انا من ساعه م شوفت الواد المنيل ابو عيون حلوه ده واناا دماغي عمال الشيطان بيلعب فيها بلياتشو بس الصراحه الواد حلو ويستاهل.... ها واخيرا غمضت عيني ونمت .
_ الصبح جه وكالعاده ورايا جامعه الصبح فست الكل جت تصحيني عشان الجامعه.
_ ماما دخلت فتحت الشبابيك صباحك فل قومي ياكسلانه الساعه ٧ فوقي ياست.
_ رديت بصوت نعسان ...ح حاضر ياماما هكمل الحلم ... اهو الواد جاي اهو
_ ردت ماما مازحه بصوت عالي هارك اسود واد مين يابنت مصطفي .
_قمت مفزوعه من ع السرير واد مين ياماما فين ها وازاي تدخلي واد اوضتي.
_ ردت امي مازحه انا مدخلتش حد هو جوا دماغك من بدري ف حلم كنت بتحلمي بايه ها...
انطقي.
_ مفيش ياماما اكيد كنت بتخانق معاه كالعاده .
_ ياشروق ياحبيبتي نفسي ف مره تيجي تقوليلي انك حبيتي زي كل البنات عايزه افرح بيكي.
_ الاسطوانه المشروخه بتاع كل صبح يلا بقا عن اذنك من غير مطرود ياحجه البس عشان اجبلك العريس وانا جايه حضري الفطار بقا.
_ اه منك ياام اربعه السنه.
_خلصت لبسي وفطرت ومشيت ركبت الاصانصير ومسكت الفون العب فيه الاصانصير اتطلب ف الخامس وانا نازله لقيت نفس الشاب اتفاجئت لا بجد حلو حلاوه مش طبيعيه انا عمري م اعجبت بحد كده بس ده الصراحه يستاهل ولا ريحه البرفيوم بتاعه مميز قطع شرودي صوته.
_ حضرتك طالبه الدور الكام ياانسه.
_ ها ... نعم
_ طالبه الدور الكام؟؟
_ الارضي ان شاء الله.
_ ياحلاوتك وحلاوه صوتك بس هو اي ده هو اي اللي جابه هنا وكمان عارف مواعيدي لا ده كده الموضوع بقا يخض هو بيراقبني انا هساله الفضول هيقتلني كده ..هو حضرتك ساكن هنا في العماره اصل انا اول مره اشوفك هنا.
_ اه انا هنا ايجار جديد في العماره ..عن اذنك.
_ اوف ... هو الجو حر ولا هو كان ساحب الهوا كويسس ان الاصانسير وقف لان انا قلبي اللي كان هيقف . وبعدين بقا ياست شروق هي دعوات الحاجه عليكي بتتحقق ولا اي شكلك هتحبي . هار اسود هو هيفضل معانا في العماره وهشوفه كل يوم ف العماره نهار مش فايت مهو كده انا فعلا هحبه وفضلت ماشيه لحد م وصلت ع باب الكليه بكلم نفسي وكانو البنات واقفين ع باب الكليه اول م شافوني.
_ ساره نادت باسمي شررروق مالك ياحبيبتي.
_ منار قالت انتي اتجننتي ماشيه تكلمي نفسك يابت ياشروق.
_ ها لا ابدا اصل الامر.......... وحكيتلهم ع اللي حصل.
_ ردت منار حلو .
_ اه حلو جدا.
_ طب يلا عشان عندنا دكتور محمد ردت ساره.
_ محمد ؟؟
_ ردت منار اه ونبي ياختي ده الدكتور الجديد في الجامعه اعزب ياختي وحليوه كده وكان بيتعلم بره في روسيا واتعين في الجامعه.
_ م تحترمي نفسك ياختي ده دكتور ماده مش هنحبه احنا .
_ ردت ساره طب يلا عشان مش بيحب التاخير هو .
_ طب موقفيني هنا والساعه بقت ٨ يحرقكم يلا بسرعه وجرينا ع المدرج طبعا اتاخرنا خبطت ودخلت انا اسفه يادكتور ع التاخير.
_متتكررش تاني ياانسه.
_ رفعت عيني عشان اعرف مين صاحب الصوت اصل انا حاسه اني عارفه هار اسود عليا وع سنيني ده وربنا طالعلي ف البخت مش هينفع كده خالص يعني بروح ف اي مكان بلاقيه.
_ اي هتفضلي واقفه عندك كتير.
_انا اسفه دخلت وقعدت ورا عشان مبصش ناحيته بس ازاي بقا ده طبيعي لما القمر بيبقي بدر مش بنقدر نعين عنينا من عليه .
_ المحاضره خلصت مكنتش مركزه معاه خالص ده كفايه ضحكته بس تدوخ واحترامه .
_ خرجت من الدرج لقيت الدكتور محمد واقف مع دكتووره هاله وبيضحك حسيت بنغزه وحشه ف قلبي هو ده تقريبا شعور الغيره شعور وحش اوي بجد اتضايقت مشيت بسرعه وانا معديه غصب عني بصيت له بقرف هو ده رياكشن وشي اما بتضايق نعمل اي .
_روحت البيت دخلت اوضتي اتوضيت وصليت وفضلت ادعي ربنا يريح قلبي ماما دخلت وخبطت وقالتلي اكتر خبر فرحني.
_ خالتو هويده جت هي ومحمد
_ اه
_ طب انا هطلع اسلم عليها واشوف محمد وحشني ابن اللذينه
_ اطلعي سلمي ع خالتك وتعالي بابا عايزك محمد مش فوق.
_ حاضر .
_ طلعت سلمت عليها قعدت معاها شويه مش كتير بس حلوين يعني قعدت تكلمني عن محمد ودراسته. وبعدها نزلت .
_ نعم يابابا.
_ اقعدي جايلك عريس
_ مش موافقه
_ لا هتوافقي وهتقعدي معاه بلاش شغل عيال.
_ لا.
_ طبعا ماما وبابا فضلو يقنعوا فيا وافقت ف النهايه.
_ خلاص اتفق معاه وانا هشوفه.
_ حضرت محاضراتي بانتظام وطبعا بالاخص دكتور محمد اللي بيعاملني معامله وحشه اوي وانا عمري م اطردت من محاضره اطردت ع ايده ٣ مرات.
_ جه يوم المقابله لبست وجهزت طبعا تحت اشراف ماما وبابا جه يلا الناس مستنيه.
_ حاضر طلعت اقدم العصير كان الصالون مفيهوش صوت . روحت عشان ادي عريس الهنا كوبايته.
_ اتفضل.
_ يزيد فضلك ياست البنات.
_ الصوت ده انا عارفاه لا ده انا ادمنته كمان رفعت عيني عشان ابص شهقت وحطيت ايدي ع بوقي دكتور محمد.
_ يح هي المفاجئه بتعمل كده ابو شكل اللي يفاجئك.
_ سمعت صوت خالتو هويده فاجئك صح.
_ لا انتي بتهزري صح ده مقلب يعني محمد الجربان هو دكتور محمد.
_ محمد الجربان طب احترمي اني هبقي خطيبك
سيبك من دي احترمي اني ممكن اسقطك حتي
_ مين قالك اني موافقه ومش هتقدر تسقطني.
_ مش هقدر طب هتتجوزيني اي رايك عشان لو محصلش كده هسقطك.
_ بتهددني
_ اه بهددك.
_ انا اصلا موافقه من غير تهديد
_ شاطره
.
_اقرب اسكريبت لقلبي💙
