صباح الخير على عيونك ياأمي
ابتسمت الام وقالت :صباح الخير يا حبيبي.
نظرت الام لغيث وقالت : ملحقتش اشوفك امبارح اما جيت اي اللي انت عملته ده.
نظر لها غيث وقال :سيبك انتي م اللي حصل ده بت هبلة اساسا.
قالت الام :هبله هبله ازاي يعني انت روحت قعدت معاها وجننتها يا بني ده مش طبيعي دي عاشر بنت اخليك تقابلها وتقول عليها كده.
دخل الاب مكملًا حديث الام :مش انتي اللي دلعتيه بنات الناس بيلعب بيها طبعا الاستاذ معندوش ثقة في صوباع رجله الصغير هياخد واحده يتجوزها شوفي نضفنا وراه قد اي قذاره عملها ولما اجي اخد موقف تقوليلي سيبه ده لسه صغير اتصرفي انتي يا هانم مع الصغير بتاعك ولا نافع في شغل ولا جواز ولا حتى نافع انه يقابل بنات ناس محترمه كل اللي يقابلهم مره يقولك هبله ومره يقولك شوفتها ماشيه مع فلان ومره يقول قابلتها في الزفت اللي بيروحه.
نظر غيث لهم ثم هم واقفًا للذهاب.
فنظر له والده وقال: في ظرف اسبوع لو ملقتش واحده واتجوزت هجيب انا العروسه او انت عارف الباقي..
...... بعد مرور ثلاثة أيام.....
في الكافيه..
ها هتعمل اي عدي ٣ ايام من الأسبوع.
نظر غيث له وقال :مش عارف الصراحه بس بجد المره دي ابويا مش هيسكت وهيطردني بعد اللي عملته.
وجاءت كالعاصفه نظرت له ثم قالت : وراك وراك يا غيث بعد اللي انت عملته معايا مش هسيبك.
نظر لها وضحك ثم نظر لصديقه....
قالت مستفهمه :انت بتضحك عليا ثم عليت نبرة صوتها: انا مش قولتلك هخرب حياتك بعد ما طيرت خطيبي مني.
ثم نظر لها وقال :اقعدي بس دلوقتي واهدي كده.
نظرت له وكانت ستذهب ف جذبها من يدها واحسها رغمًا عنها وقال :نتفاهم انا مش هخليكي تمشي من هنا غير وانا مراضيكي.
نظرت له ثم نظرت لصديقه أدم وجلست رغمًا عنها.
..... بعد مرور اسبوع..........
عاد غيث الي المنزل في السابعه مساًء في ميعاد العشاء وجلس على السفرة في انتظار والديه واختة لارا ومن ثم اجتمعت الأسرة...
نظر له الاب ثم قال :المهلة عدت يا استاذ وانا مش شايف جديد في حياتك شايفك مش عايز تكون راجل جد ولا تاخد خطوة جديده في حياتك....
ف استأذن غيث وقال:دقيقه يا بابا.
وخرج ثم عاد بفتاة جميلة وقال :اعرفك يابابا ((مهرة)) حبيبتي اللي كنت برفض الكل عشانها بس انا مكنتش قادر اخد خطوة جد وخايف اعرفك عليها ل ترفض علاقتنا.
ابتسم الاب وقال :تعالي يابنتي اقعدي.... انت سايبها برا كل ده تصدق انك مش بتفهم وانا هرفض علاقتكم ليه ودي بنت جميله ومفيش فيها غلطه اتفضلي اقعدي يا بنتي.
نظرت لة مهرة وابتسمت :شكرا يا عمو.
ثم نظرت لغيث وجلست.
انتهى العشاء ثم جلست العائله لتتعرف على مهرة
فسأل الاب: انتي عندك كام سنه وبتشتغلي اي وفين بابا وماما.
نظرت له ثم نظرت لغيث وتذكرت ما دار بينهم منذ ٤ ايام.
_فلاش باك
غيث جذبها من يدها وقال لها: انا مش هخليكي تمشي من هنا غير وانا مراضيكي
نظرت له ثم نظرت لصديقه أدم وجلست رغمًا عنها تستمع له بعد ما توقع انها في ورطه.
نظر لها غيث وابتسم بجاذبيته المعهوده : بصي يا ستي مش ذنبي ان انتي كنتي مخطوبه لخروف اول قلم خلاه انفصل عنك....
قاطعته مهرة :تقصد أن انا كنت مخطوبه لراجل وعجبتك بعد ما سيبتني وكنت مستصعب اني في ايد راجل تاني ومش معبراك بعد ما كنت بتوعدني بالجواز ومعلقني بيك بقالك ٦ سنين ف ازاي بقا تسكت لا انت شخص مريض مينفعش حاجه كانت في ايدك تروح لحد تاني.
نظر لها ثم ابتسم :ما علينا انا غلطت ياستي بس انا وانتي دلوقتي في مشكله، انتي مش عايزه تاخدي ابن عمك وجدك هيغصب عليكي تاخديه بعد الخطوبه الرابعه اللي فشكلتيها....
نظرت له وقالت :صحح غلطك يا بشمهندس انت اللي خربت حياتي للمره الرابعه..
ابتسم وقال : انتي صح انا غلطت في حقك وهصحح الغلط وهخطبك قدام جدك و هحميكي من جوازه انتي مش عايزاها بشرط تتعاملي قدام اهلي معايا كويس وان انا حبيبك.
نظرت ثم قالت :وانا اي اللي يضمن لي أن انت متتخلاش عني لحد م ييجي حد كويس في حياتي واتخطب ليه.
نظر لها ادم وقال :انا الضامن.
.................
استيقظت من غفلتها حينما وضع غيث يده على كتفها وقال :مهره بابا بيكلمك انتي روحتي فين..
نظرت له وابتسمت :انا اسفه يا عمو جدا حضرتك كنت بتقول اي.
نظر الاب وضحك وقال: ولا حاجه كنت بقول اقابل اهلك امتي عاوزين نجوزكم ونفرح بيكم.
نظرت لغيث ونظر لها وقالا في نفس النبره :نتجوز..
: نظر الاب ووقف ثم قال :اي الصدمه دي عرفي اهلك أن احنا هنيجي الاسبوع الجاي يوم الجمعه.
نظر غيث لمهرة مصدومًا من رد والده.
هم الاب ليذهب وقال :عن اذنكم متنساش توصل عروستنا القمر يا غيث للبيت وتاخد الميعاد من أهلها.
.
.
يوم الخميس قبل الموعد العائلي.
نظر غيث لها ثم قال : اي يا عروسه متوتره.
نظرت له باستهزاء : انت صدقت نفسك.
نظر لها واقترب منها وهمس في اذنها وقال: انا شايف ان هي لعبه مش وحشة جربنا نتصاحب وجربنا نتخطب مفيش ضرر ان احنا نتجوز.
دفعته بعيدا وقالت :بلاش الهزارالبايخ ده انت عارف ان انا وانت من ٣ سنين كل حاجه اتقطعت ما بينا الموضوع مش هيوصل للجواز وانا هعمل كل اللي تتخيله عشان اقنع جدو يرفض.
نظر لها وقال :انا مش بترفض انا اي حد يشوفني يمسك فيا ب ايده وسنانه الا انتي مش عارف مالك.
ضحكت ثم قالت : قلبنا الكارت وطلعت انا الكومي دلوقتي انت اللي هتتجنن عليا ومش هخليك تطول مني شعره..
نظر وضحك :مين قال الكلام ده انا ولا طايق ابص في وش القمر.
نظرت له بنظره تحدي :ولو اثبت لك انك هتموت عليا.
ابتسم وقال :هتجوزك.
قالت :لا تنفصل عني.
انتهت المقابله يوم الجمعه
واتصل الجد تاني يوم وتحدث مع والد غيث وقال : نتوكل على الله والفرح اخر الشهر نفرح بالاولاد.
والد غيث: اتفقنا نلبس دبل الخميس الجاي والفرح اخر خميس في الشهر.
جلس غيث ونظر لنفسه في المرآه وهو يرتدي البدله وضحك وقال لنفسه :اي يابطل دي النهاية تقع في الحفرة اللي حفرتها عشان تخرج منها.
ثم ضحك وقال : بس كويس ان الحفرة على مزاجي.
مهرة تستحق المغامرة.
نزل على الدرج وابتسم فبدأت الام تزغرد وتدمع وقالت له :اخيرًا مبارك يا حبيبي.
نظر لها وقال متنسيش بس الدبلة الله يبارك فيكي ياأمي.
ذهبوا وانتظروا العروس حتى طلت عليهم بطلتٍ منفرده؛ طلتً جريئة سحرت عيونهم
هبطت ثم سلمت على الجميع بالابتسامة الساحرة.
ثم وقفت بجوارة وقالت :اي يا عريس سحرتك ولا اي.
نظر لها مبتسمًا :وقال مشوفتش حد جميل كده قبل كده.
وهمهم في سرة وقال :شكلك مهرة فعلا مش اسم وبس ده اسم وصفة.
اقتربت من اذنه ضاحكه وقالت :هعتبر ده اعتراف بجمالي.
تم عقد الخطوبة وارتدي كل منهم خاتمه واقتربت منه وقالت :مبروك عليك انا ومبروك عليك الانفصال القريب.
ابتسم وقال:الله يبارك فيكي بس نستغني عن التانيه.
قالت : ده رهان والراجل مش بيتخلي عن رهانه.
همهم في سره وقال :ده انا ابقى راجل عبيط لو سيبتك تضيعي من ايدي تاني.
توالت الايام والليالي ويزداد تعلقه بها خفية ويزداد تعلقها به وكانت في يوم تريد ارضاء غرورها فعزمته بالخارج وذهب ليقابلها فوجدها تجلس مع رجل ابتسم بغيره واقترب منهم وجلس علي الطاوله وقال :ازيك يا حبيبتي.
نظرت له وشعرت الغيرة ثم قالت :اعرفك سيف حبيبي؛
غيث خطيبي قدام المجتمع وهننفصل كمان اسبوع.
ظهرت العصبيه ع وجهه ثم سحب الكرسي اللي تجلس عليه نحوها وقال : تقصد خطيبها اللي هيبقى جوزها كمان اسبوع واي حد اسمه هيرتبط بيها مجرد ارتباط اسامي همحيه من وش الأرض حتى لو كان الاستاذ سيف اه تشرفنا يا سيف.
نظر سيف له وقال : مش عارف مين هيضحك في الاخر انا ولا انت هانت وفاضل اسبوع..
نظر له غيث بتحدي وقال :انت شكلك متعرفش انا ممكن اعمل اي بس احبك تشوف بعينك مش هشرح لك.
ثم جذبها من يدها وخرج من المطعم تاركا سيف خلفه.
عندما خرجا جذبت يدها منه وقالت : انت بتعمل كده ليه انت صدقت ولا ايه انت مش بتحب غير نفسك وانا مستحيل اسيب لك نفسي. يومين تلاته وهتزهق مني وبعد كده تدور ع واحده غيري سيبني اعيش براحتي.
نظر لها وقال :اسيبك انا مش بسيب حاجه بقت بتاعتي.
ضحكت وقالت :انت نرجسي.
قال :جدا والحاجه بتاعتي مش بحب حد يلمسها. ولا الهوا يعدي من جمبها.
ذهبت للبيت وتركته.
عادت للمنزل ووجدت جدها بالمنزل يحضر لحدث كبير والنساء تزغرد.
فقالت :اي يا جدو الدوشه دي.
قال:مبارك يا حبيبة جدو غيث كلمني وقدم الفرح فرحك بعد يومين وجاي ياخدك عشان تختاروا فستان الفرح.
نظرت بذهول وضحكت ثم أعطته ظهرها و ذهبت غرفتها.
بعد يومين هبطت السلم وهي ترتدي الفستان الأبيض فنظر لها وابتسم وقال : ملاك يا خرابي على حلاوته.
نظرت له وقالت :ملاك هيهرب يوم فرحه بفستان الفرح انا محدش يجبرني ع حاجه مش عاوزاها.
نظر بذهول وقال : بس انا بحبك وعايزك عشان بحبك.
نظرت وقالت :انا مش كرسي ولا كنبه تحبها تجيبها تركنها في اوضتك.
قال لها: بس انا فعلا بحبك.
قالت له :تعملي اي يثبت لي انك بتحبني بجد.
قال : اللي تحبيه.
نظرت له وابتسمت واشارت الي خدها وقالت :محتاجه دليل.
فنظر لها وضحك ثم قبل خدها وقال: ده كفايه لو مش كفايه انا عندي ادله كتير.
ضحكت وقالت :بطل قلة ادب لا ده كفايه اوي وازاحته بيدها وذهبت بعيدا عنه.
فنادي عليها قائلًا : يا مهرتي استنى بس اثبتلك اكتر..
ثم جذبها لحضنه وقال : اقولك على سر انا السبب ان ال ٤ خطوبات بتوعك ميكملوش عشان بحبك فعلا وصعب عليا اشوفك مع حد غيري وكنت خايف ارجع لك، ف مش عندي حل تاني .
قالت : وانا محبتش غيرك.
ابتسم واكتفي بضمها لصدره حينما قال المأذون : بارك الله لكما وبارك عليكما وجمع بينكما في خير
وقعت مهرة من على السرير قائلة : ااااه.
دخل جدها وقال :صباح الخير يا عروسة.
ضحكت وقالت: اي هو انا النهارده اصلا مش فرحي يا جدو.
فوضع يده على رأسها وقال :انتي كويسه
قالت الحمد الله.
نظرت ليدها لم تجد دبله.
فقطع فكرها جدها قائلا :الجمعه الجايه جايلك عريس اسمة "غيث"
ابتسمت وقالت :موافقه يا جدو
وكان كالغيث ارتوت به روحي. 💕
