#اعطيني_قلبا
#قصة_قصيرة
#ياسمين_الحسيني
…..رؤية بتلعب في اوضتها مع العرايس …
ماما : ايه دا يا رؤية انتي بتعملي ايه انتي دكتورة ولا ايه بتكشفي على العروسة
رؤية : ايوا يا ماما عروستي عيانة و انا هعملها العملية
ماما : عملية ايه يا قلب ماما
رؤية : هديها قلب الدبدوب علشان قلبها بايظ يا ماما
ماما : ………
رؤية : يلا يا ممرضة هاتيلي الدبدوب المتبرع …
ماما : بس الدبدوب لسة عايش يا رؤية هتديلها قلبه و هو يبقى من غير قلب
رؤية : يعني يا ماما الدكتور لما ياخد قلب اي حد و يديهوني هو مش هيبقى عنده قلب و هيموت ؟!
ماما : لا يا حبيبة ماما احنا مش هناخد قلب حد
رؤية : اومال يا ماما انا الي هموت
ماما : لا يا حبيبتي متقوليش كدا …. انتي ان شاء الله هتخفي و تكبري وتبقى احلى دكتورة في الدنيا كلها
………..
الاسم : صفاء … العمر :٣٣ سنة … المهنة :ربة منزل و صاحبة مشروع منزلي بسيط …. الحالة الاجتماعية : مطلقة
السبب : رؤية …….
صفاء كانت انسانة عادية اتجوزت جوازة عادية و كانت عايشة عيشة عادية لحد ما ربنا رزقها ببنت مش عادية ….ساعتهت صفاء بقت انسانة غير عادية….
صفاء : حرام عليك يا سعيد … انت ربنا مش هيسيبك … وهياخد منك حقي و حق بنتك الي انت بترميها دلوقتي … كل دا ليه … علشان ربنا خلقها مريضة … ابتلاء ياسعيد … نصبر لحد ما ربنا يشفيها … نصبر و نعمل الي علينا
سعيد : انتي غبية … غبية اوي كمان … انا عايز عيال سلام … انا وانتي مستحيل نخلف عيل سليم … احنا السبب و لو فضلنا مع بعض … كل عيل هنخلفة يا هيطلع معاق … يا هيطلع فيه مصيبة زي البت الي انتي خلفتيها
صفاء : الي انتي خلفتيها … يعني انا خلفتها لوحدي … و دلوقتي انت عايز تهرب مننا ...عايز ترمي كل حاجة عليا و تهرب ….طيب وانا … وهي … هنعمل ايه … فكر فينا … هنضيع …. هي ذنبها ايه انها اتولدت و عندها مشاكل خلقية … مادام ليها علاج ...نعالجها … نعالجها يا سعيد …
سعيد : وبعد ما نعالجها … تقدري تخلفي عيل غيرها و تضمني يطلع سليم … انا عايز عيال يا هانم … هتجبيهملي اذاي …. مش هتقدري … صفاء … انتي طالق
صفاء : حسبي الله ونعم الوكيل فيك يا سعيد ….. حسبي الله ونعم الوكيل فيك .
………
صفاء انسانة غير عادية و عايشة عيشة غير عادية و معاها بنت غير عادية في دنيا كلها غير عادية …..
……….
صفاء في اوضة رؤية بتتطمن عليها و هي نايمة … صفاء ساكنة مع امها و ابوها في بيتهم … ابوها كان عايز يجوزها …. بس كان شرط العريس … لازم رؤية تروح لابوها ….. صفاء اخدت قرار غير عادي … بس بالنسبة لاي ام هو القرار العادي ….
صفاء : لا يابابا …. مستحيل. …. رؤية لو رجعت لسعيد هيسبها تموت … انت عايزني اموت بنتي بإيدي …. مستحيل …. مستحيل .
عم جمال : يعني انتي عاجبك قعدتك دي … عجبك مشورتك و بهدلتك على المستشفيات …. عجبك الي بيحصل دا .. انتي اصلا مش قادرة على مصريف علاجها….. سيبيها لابوها هو فرض عليه يعالجها … ولو ماتت مهو كدا كدا نصيبها … انتي عارفة ان بنتك محتاجة قلب و مفيش عمليات مهما عملتي هتنفع … معاكي فلوس تصرفي … هتلاقي قلب اصلا فين ….هتروحي تجيبي واحد من السوق السودا … ولا هتخطفيلك عيل …. بنتك مش مكتوبلها تعيش …. بنتك كدا كدا هتموت … لا انتي قد مصاريف علاجها … ولا هتعرفي تلاقيلها قلب … انتي كبرتي … دي فرصة جايلاك لحد عندك … سيبي البنت لابوها و اتجوزي زي ما هو عمل و الحقي جبيلك عيل سليم تفرحي بيه
