#حريق_في_الدور_الخامس
#الحلقة_الاولى
#ياسمين_الحسيني
الساعة الثانية بعد منتصف الليل…...
ماما …. اما … الحقونا يا ناس ….حريقة ...حريقة ياما …
فيه ايه ...استرها يارب ….استرها …. مدام هدى …
ياكريييييم … يابني. …يا باسم … يابني . ابني فييين …. ابني راح فين…. ولادي فييين … يا سلمى ...يا سلماااااه ...
الحقيني يا ماما… ( صوت مخنوق …)
سالمااااااه ….سلمااااااه ….. المطافي يا ناس …..
اصوات بكاء اطفال … اصوات بكاء نساء ...اصوات دعاء الجيران ….و تعالت اصوات سارينة المطافي ….
…….
قبل ساعتين …..
سلمى : انت مالك اصلا بيا ...انت مش ابويا ...انت فاكر نفسك مين
كريم : سامعة يا ست ماما بنتك الهانم شايفة نفسها و عايزة تفلت و محدش يلمها … لا يا هانم انا الراجل هنا و الكلمة كلمتي و مفيش خروج مع صاحبتك دي تاني يعني مفيش خروج …
هدى : هو انتم محدش فيكم متربي … ولا عندكم دم … احترموا نفسكم … انا خلاص قربت اتجنن منكم هو انا مش عجباكم …. خدني يا رب وريحني بقا من الهم دا …
عصر اليوم السابق ….
هدى : ايوا يا احمد مش سامعاك كويس … النت بيقطع … ايه … بتقول ايه على صوتك و اتكلم براحة ….
احمد : يووووه ...بقولك مش نازل الشهر دا … ولو عايزة اعملك زيارة يبقا اصبري عليا بقى ...انتوا مصاريفكم كتير … انا مش معايا ...ارحموني ……
هدى : يا اخي ارحمنا انت ...هو انت حافظ الكلمتين دول الي بتسم بيهم بدني كل مكلمة … حرام عليك … انا تعبت … ولادك كبرو و مش قادرة عليهم … والمصاريف الي انت بتتخانق عليها دي ...احنا اصلا بنصرف اقل حاجة … و انت كل شهر بحجة … ياعم قول لو اتجوزت هناك اهو نعرف … دي مبقتش عيشة … انا خلاص تعبت … تعبت و هسيبهالك مخضرة و شوف انت هتعمل ايه مع عيالك …
احمد : انتي غاوية نكد يا هانم … انا لا متجوز عليكي و لا متنيل هو انا ملاحق على مصاريفك اما الاحق على غيرك ….و اعملي الي انتي عايزاه … اهو تخفي عني مصاريفك انتي كمان.
#حريق_في_الدور_الخامس
#الحلقة_الثانية
#ياسمين_الحسيني
منذ شهرين في مول في احدى الدول
سماح : ايه ايه دا مش دا احمد
وليد : اه تصدقي صحيح اما اروح اسلم عليه
سماح : تسلم مين استنى هنا مين الي معاه دي
