طريقي إلى النجاح

ضيعت عام من حياتي

بعد ما  طلعت للجامعة درت تخصص انجليزي  لقيت عالم ااخر من التحظر قبل كنت نشوف غير كارتي تاعي ما فيهش بزاف اغنياء بصح فلجامعة تلاقيت مع بزاااااف اجناس لبنات يتمشو غير بسيارات و لبسة غير لاكلاس و لهدرة بطبع و يديرو حساب لكلشي ... ما بغيتش نتأثر بيهم لانو كانت ديجا تجربة جازت عليا و ما بغيتش تتعاود لازم نتعلم من اخطائي ماشي نكون غبية المهم العام لاول كنت مخلوعة فالبنات ولكن فهمت انو المقارنة راها تأثر فيا بزاف لازم نعيش على حسابي و نطور من نفسي و الهدف التاعي اني نكون ذات مستوى عالي فالمجتمع التاعي
قررت انو نعاود نولي نخدم قعدت مازال ندير دروس خصوصية بديت نشري لبسة لي نبغيها نتهالا في شكلي نحاول نكون لاكلاس . كنت ندير ليماسك لوجهي كنت ندير طبيعي بزاف لانو غي فلمنزل و عندهم نتائج مضمونة ماشي كيما ليبرودويشيميك حسيت روحي نضجت في عقلي حتى مشيتي تبدلت و جهي تبدل بديت نشوف روحي شابة بديت متهلية في روحي برا و داخل فدار و اكتشفت اني نبغي بزاف الجمال و التجميل دخلت نقرا في مدرسة خصوصية تاع تجميل كوافيرا قعدت سنة كاملة و انا نجمع فديبملوم تاع التجميل حتى حكمت روحي مليح و بديت نعرف غاية فهاد المجال .. قريت العام لاول و الثاني فالجامعة انجليزي و كنت نخدم فدار اضافة الى دروس لخصوصية كوافوز .. ولا عندي مدخول شوية مليح احسن من لي كان عندي . و لكن كنت نتعب بصح ما كنتش نندم على التعب التاعي لانو دايما كنت نشوف نتيجة ... بعد مدة شفت روحي نتأثر بالاولاد بزاف كان عندي نقص عاطفي الولد لي نشوفه يعجبني نحس روحي نبغيه كانت تبان علامات لاعجاب في عينيا حتى دخلت مرة في علاقة غير شرعية مع طالب كان يقرا معاية فالجامعة بغيته و تعلقت بيه بزاف و لكن هو مكانش جدي معايا كان يكذب عليا بطريقة ما كنتش نتوقعها قااااع يعني اي شخص وحداخر يشوفه كيفاش يعاملني  يقول انه يبغيني و لكن كله كذب تأثرت بزاف بهاذيك العلاقة لما اكتشفت انه كان يكذب عليا حسيت بالخذلان لانو كان هو صديقي هو كلشي عندي و لكن فهمت مليح انو اي حاجة نديرها تغضب ربي غادي نهايتها تكون ماشي مليحة .. بعدت على هذاك الشخص كليا و حسيت انو كل لاولاد كيفكيف لانو حتى زميلاتي كانو يحكولي على تجاربهم ودائما نهايتها ماشي مليحة عرفت انو هذا تضييع وقت وخاصة انو ما نجحتش هاذاك العام فلجامعة راح هباءا مابلعتش عامي غاضتني بزاف و حسيت روحي ضيعت لوقت و لكن ما ستسلمتش ولاو كي لبنات كي لولاد قاع زملائي و بعدت على العلاقات بكل انواعها و لهيت مع ليسونس تاعي و في نفس لوقت نخدم فدار

.........تابع

رسالة 8 : التأثر بطريقة عيش الناس يوقعنا في اكتئاب ، يجب ان نبتعد عن مقارنة انفسنا بالناس، لان كل انسان له حياته الخاصة و يعيش في ضروف معينة .
رسالة 9 : يجب ان نتأكد و نكون على يقين ان كل ما يغضب الله تعالى له نتيجة سيئة لا ترضينا مهما كانت بدايتها جميلة فنهايتها ستكون سيئة لدرجة الندم .

باااليييز الفوووت