طريقي إلى النجاح

مشروع استثمار

بعد ما كملت ليسونس و ربحته حسيت بالانجاز يعني في سن 22 سنة كانت عندي شخصية قوية عشت تجارب كبروني في عقلي ما خليتش لفقر يأثر عليا بزاف  قلت لازم نعطي وقت لروحي نريح فيه تعبت بزاف ..
هذاك لعام لي كملت لقرايا فيه بغيت نروبوزي حبست قاع لخدمات . مرات نكوافي لبنات لحومة غير باش ما نقعدش بلا دراهم و لكن عموما كنت مريحة بديت نخطط لانجازات لي لازم نديرهم . فهذاك لعام قريت انفورماتيك لانو كان علابالي نستحقها ف سيفي تاع خدمتي دفعت ملفات تاوعي باش نخدم و للحمد لله بالصلاة و الدعاء قبلوني في وحد المدرسة الخاصة نقري انجليزية قريت عام مدخولي كان لا بأس بيه . ممبعد قعدت نحوس على دار باش نكريها و  نحل فيها صالة تجميل لانو كان حلمي . لولا كريت صالة تجميل و خدمت فيها شوية  و في نفس الوقت نخدم فالمدرسة الخصوصية بعد عام كان في عمري 26 سنة انشهرت شوية و زادو الزبائن . حطيت بنات ذات كفاءة في صالون تاعي و اصبحت استاذة في الثانوية انجليزي و بديت نخدم فصالون و نخدم استاذة و حسيت روحي راني ندير استثمار مليح و مستاوايا المادي طلع و الحمد لله وليت نمارس الرياضة و ناكل مليح و نلبس مليح و نخدم و وقتي معمر و والديا دايما نحاول نرجعلهم شوية ملي عطاوهني لانو كون نخدم عليهم قاع حياتي من نرجعلهمش جميلهم  .. المهم تعرفت على انسان رياضي متربي مدين يخدم مهندس تلاقينا اول مرة فصالة الرياضة دخلنا نسجلو في مكان تسجيلات و منبعد بدينا نتلاقو بزاف بالصدفة مع انو الصالة كانت جهة للبنات و جهة لشباب. وولينا  اصدقاء و لكن انا كنت دائما حذرة و علاقتي مع ناس دائما بعيدة و لكن هو كان يتقربلي غير بشوية المهم هاذ الانسان اسمه محمد و لا صديقي المقرب
بعد مدة شريت ارض صغيرة وبنيتها قعدت عامين وانا نبني فيها كي كملتها كان في عمري 29 سنة درت الطابق السفلي صالة تجميل ليا و حانوت مواد غذائية للاب تاعي لانو كبر ولازمله خدمة تريحه شوية و طابق الاول لاسرتي و الطابق ثاني ليا المهم انا لهيت مع خدمتي كأستاذة و صالة تجميل فقط مشرفة عليهم و بعد عام كي زاد مدخولي من صالة التجميل نجمت نشري سيارة و الحمد لله

........ تابع

رسالة 10 : التفكير في مشروع يزيد استثماري احسن من التمتع بالمال لمدة ثم ينتهي ، يجب ان نكون اذكياء و نفكر في عمل يزيد من دخلنا المادي لنصل الى اهدافنا المادية .

ماتنسوش نجمة فوووت