Marriage Without Dating

1

"ကျွန်တော်တို့ UNIQUE X အနေနဲ့ ဆက်လက်ပြီးတော့ အကောင်းဆုံးတွေကိုချပြနိုင်ဖို့ အမြဲတမ်းကြိုးစားသွားမှာပါ! အားလုံးကို ကျေးဇူးတင်ပါတယ်..."

CEO Wang Yibo ရဲ့စကားအဆုံး ခန်းမထဲမှာရှိ​နေတဲ့လူတွေအကုန်လုံးရဲ့ လက်ခုပ်သံတွေနဲ့အတူ media သမားတွေရဲ့ camera များမှဓာတ်ပုံရိုက်သံ​တွေကပါ ဆူညံသွားတော့၏။ သေချာသည် မနက်ဖြန်သတင်းစာခေါင်းကြီးပိုင်းမှာ ဒီသတင်းက​သေချာပေါက် ပါလာတော့မယ်ဆိုတာ....

ဒီနေ့က UNIQUE X ကုမ္ပဏီရဲ့ Game အသစ်မိတ်ဆက်ပွဲကျင်းပတဲ့နေ့လေးပါ။ ဖိတ်ကြားထားတဲ့ဧည့်သည်တွေအပြင် media သမားတွေရော စီးပွားရေးမိတ်ဖက်တွေပါ အများကြီးတတ်ရောက်ကြတဲ့ ကြီးကျယ်တဲ့ပွဲတစ်ခုလည်းဖြစ်သလို နောက်ထပ်အောင်မြင်မှုတွေနဲ့အတူ Billion ချီပြီးဝင်ငွေတွေရလာအုံးမဲ့ ခြေလှမ်းတစ်ခုဆိုလည်း

မမှားပြန်ပါဘူး။

ဒီလိုပြောရတာက ဘာလို့လဲဆိုတော့ UNIQUE X  က ထုတ်သမျှ Game မှန်သမျှ မအောင်မြင်ဘူး လူမကြိုက်ဘူးဆိုတာ တစ်ခါမှမကြားရပဲ မိတ်ဆက်ပြီးနာရီပိုင်းတွင်းမှာပဲ Download ဆွဲသူပေါင်း သန်းချီနေတတ်တဲ့ Game ကုမ္ပဏီတစ်ခုဖြစ်နေတာကြောင့်ပါ။ သိပ်မကြာခင်မှာပဲ Game characters လေးတွေနဲ့ကြော်ငြာတဲ့ products တွေက social media တွေပေါ်မှာ ပလူပျံလာတတ်သလို ထုတ်သမျှ Game characters လေးတွေနဲ့ပတ်သတ်တဲ့ limited edition ပစ္စည်းတွေကပါ စက္ကန့်ပိုင်းနဲ့ sold out ဖြစ်သွားတဲ့ထိ လူထုအပေါ်မှာပါလွှမ်းမိုးမှုရှိနေလို့လည်း UNIQUE X က Gaming ကုမ္ပဏီတွေထဲ Top 1 ကုမ္ပဏီအဖြစ် အချိန်တိုတွင်းရပ်တည်လာနိုင်ခဲ့တာပါ။

UNIQUE X ကလူသိများအောင်မြင်တာနဲ့ အမျှ UNIQUE X ရဲ့ CEO Wang Yibo ကလည်း SNS တွေရဲ့ search list မှာ idol တွေကိုကျော်ပြီးထိပ်ဆုံးရှိနေတဲ့ထိ Popular ဖြစ်တဲ့သူတစ်ယောက်ပါ။ မိန်းကလေးရှင်အများအပြားရဲ့ အနာဂတ်ခင်ပွန်းလောင်း Top 1 စာရင်းဝင်ဖြစ်နေသလို ချောမောတဲ့ရုပ်ရည်နဲ့ထက်မြက်တဲ့ဂုဏ်သတင်းတွေကြောင့်လည်း နှုတ်ခမ်းနီမလေးတွေရဲ့အသဲစွဲဖြစ်နေပြန်ပါသေးတယ်။ စီးပွားရေးဂျာနယ်၊ Magazine တွေအပြင် channel တွေကထုတ်လွှင့်တဲ့ စီးပွားရေးသတင်းများတွင်ပါ UNIQUE X CEO Wang Yibo ကပါနေမြဲ။