ملاحضه الرواية كنت خاشه بيها في مسابقه هدا لاش تلقوا فيها صوتوا وهكي عندي ضروف مقدرتش انعدلها مش حنسامح اي حد ينحي اسمي من عليها
للكاتبه غفو❣🌹
رواية اخذوا حقوقي❤💔
اسمي مياار مواليد 99 بي كل جرئ نقولها شعبنا متخلف اتجاه البنت وواخدين حقوقها في كل شي الا ما رحما ربي من صف ثالت نلبس في الوشااح والعباية لانه شعبناا الجاهل يشوف في البنت عار بي النسبه ليه وكان طلعت بي لبسه قصيرة تطلع عاار وصايعه عمرهم ميدوروا قنااعة الانسان حلممي طموحي نخش قاانون امنيتي نداافع ع حقوق المراءه في القانون ونوضح انها هياا المجتمع وانه العباية متغير شي من الاحترام وله شي بالعكس هدا يجي من القناعه ❤
خوتي الاولاد هماا الكل في الكل كلامتهم ماشيه بوي معنداش كلمه واني عندي اخت وحده ومتزوجه وعقليتها تشبه خوتي الاولاد عندها البنت متطلعش وتلبس عبااية ومتناقشش ومتاخدش تليفون وشفرة وله شي
نرجعوا لي ايام امتحانات الشهادة التانوية
آخر يوم
ميار : اخيرااا كملنا وجاوبت امتا بس النتيجه يا ماما وبابا ونسجل في القانون
خوله: ان شاء الله بالنجاح بنتي وتحققي ما تبي ❤
مراد: بالتوفيق بنتي
.
معاذ: شن سمعتك تقولي لهني وبس شهادة تاخديها وتشدي حوشك فاهمه
ميار: علاش معاذ اني قريت 12 سنه بش نحقق حلمي وفي الاخير نقعمز في الحوش
معاذ: لا حلم لا غيره عقابها غر بنت من حوشنا تخش كلية ياسرك شهادة
ميار: بس اني هدا حلمي ونبي نحقق وبنكلم بابا انت مدخلكش
معاذ:😤 من امتاا تردي علياا تعرفي كان متسكريش فمك ندفنك وانتي حيه
ميار: بابا بالحق مش حنخش قاانون
مراد: شوفي خوك يا بنتي اني مدخليش
معاذ: واني قولت كلمه وحده مفيش يعني ما فيش وفمك اهوا يتسكر🤐 فاهمه
خشيت لي داري نبكي يعني صعب قريت بي كل جهدي ع خاطر احلى حلم عندي هدي حاجه تتعلق بيا اني بس هدا حقي علااش هما ياخدوا في حقي
ويتحكم في كل شي اني مستحيل نتراجع حنكون قوية زي ما يبي القانون وحده قوية باذن الله حنحققه اني البنت لي حتوضح انه البنت عندها كرامه وعندها كلمه اني البنت لي بنرجعلهم كلام الرسول( رفقا بي القوارير ❣)
هدي اول حلقه من رواية اخدوا حقوقي وان شاء الله نالت اعجابكم ومزال احدات وهدي الرواية لي كتبتها بي قلب ورب لانه الشي هدا خاطري نوضحه من زمان علاش البنت عندهم عاار والولد ع قد ما يدير ما يعيبه شي😊
تابعوا الرواية
.
.
