مش حنسامح اي حد ينحي اسمي من عليها
للكاتبه غفو 💋🌹❤
رواية اخدوا حقوقي ❤
الحلقه # 4
جي الصبح وتحديدا في وسط الحوش
ميار: لابسه وطالعه حلوة والمره هدي عكس كل مرة بالعكس القوة في عيونها متع اني بنحيه التخلف خلااص يعني اليوم يا موتي يا القااانون
معاذ: انتي متفهميش متفهميش والله اليوم حتشوفي هي وجاب السبته ضرب ضرب لي دهش
ميار: معاذ اسمعني
معاذ: كان متوقع تقوله خلاص متوقعش ردها نهائي
ميار: السبته مش حاره محسيتهاش اني زيد اضرب معقولة دهشت هيا زيد نمشي نجيبلك الطوبو شن هدا معقولة تتضرب فيا بي سبدته
معاذ: مصدووم ويشبح لي اخته وجاب الطوبو ويضرب
ميار: دم من كل مكان معاذ بااش تفهم نقولك مش حاااره مش حاره خيرك خيرك تضرب هكي
معاذ: 😱😥 طلع وقربع الباب وراه
اما ميار مسحت الدم من ع وجهاا ولالا مرجعتش لي دراها زي كل مرة وقالت لالا مش ماشيه بالعكس عارفه روحها مش مدايرة الغلط طلعت وخدت ايفكوا ومشت خشت سجلت وهدرزت مع البنات وله كانه كان معاذ يضرب فيها تضحك ومتفكرش اصلا شن حيصيرلها لالا واثقه انه هدا الصح وانها مدارت شي وانه حقهاا حتاخده وانه البنت مش اقل من الولد في شي
روحت للحوش وتضحك من الممر
معاذ:🤐🤐 في خاطره حي ع العناد اني حتي ايديا وجعوني وهيا واقفه بعد كل هالضرب ع خاطر حلمها بس قداش قوية يا ميار
ميار: اهلاا صبااح العنبر مقولتهالكمش الصبح تهبلل الكلية لانها كلية حقووق ❤
العيلة كلها ساكته ومنصدمه منها كيف هكي البنت هدي
ميار: خشيت لي داري حتي اني منصدمه كيف معاذ مضربنيش لكن عارفه حتي لو ضربني وقتلني عادي جدا حلمي وطموحي ومن حقيي
رتبت حوايجي وكان عندي جو 800 دينار قررت نخطم ع المحلات واني مروحه ناخد لبس لي روحي العباية مش حنلبسها لانه لبسي محترم وهدي قناعتي
نوضت تاني يوم
ميار: فطرت معاهم وقتلهم هي تاخرت ع الكلية ومشيت
العيلة كلها ساكته وتشبح لي معااذ امتا يتكلم
اما معاذ كان يشبحلها وخلاص
ميار: طلعت من الحوش بي كل ثقه ومشيت كليتي لي هيااا كلية الحقوق❣
بعد كملت خطمت ع المحلات شريت شوية لبس حلوو وروحت خشيتلهم نضحك وكانت عمتو مقعمزه معاهم
عمتي : بنتي شن تقري توا( تحسابني قعده تانوي هدا لاش نمشي لانه كلهم معندهمش بنات يقروا كليات )
ميار: كلية الحقوق عمتو❣❣
الصدمه ع عمة ميار اما ميار خشت لي دارها وفرحانه انها حققت طموحها وفعلا بدت تقرا
فات يوم واتنين وهيا تمشي وفات شهر وهيا تمشي بي لبس ومعاذ مش مدورها بكل
والعيلة كلها منصدمه في قوة ميار والثقه متعاها اني كنت نمشي في افكيوا عام
كنت طالعه زي اي يوم بنمشي في افكيوا لكننن
يتبعع
الحلقه الجايه الاخيره في المسابقه وبإذن الله تهبل الحلقه ردي بالك تسكتي ع حلمك عشان تخلف جاهل ❣❣
تحياتي طويلة الحلقه الجايه بإذن الله شن بندير نحس روحي مخنوقه كان ندير الحلقه طويله😂
