احبتتك من دون علمك 💔💛

________________________
ﻋﻠﻲ ﺍﻟﻔﻮﻥ ...
ﺭﻭﺍﺳﻲ : ﻫﻬﻬﻬﻪ
ﻳﻌﻨﻲ ﺧﻼﺹ ﻗﺮﺭﺕ ﺗﺠﻲ ﺗﺨﻄﺐ
ﻭﺍﻭﻭﻭ ﻣﺶ ﻣﺼﺪﻗﺔ ﻳﺎﺭﻭﺣﻲ ..
ﻣﺤﻤﺪ : ﻻ ﺻﺪﻗﻲ ﺣﺒﻴﺒﺘﻲ ﻭﺍﺧﻴﺮﺍ ﺑﻌﺪ ﺧﻤﺴﺔ ﺳﻨﻮﺍﺕ ﻭﺍﺧﻴﺮﺍ ﻗﺪﺭﺕ ﻧﻘﻨﻊ
ﺍﻣﻲ ..
ﺭﻭﺍﺳﻲ : ﺑﺎﻟﻠﻪ ﻗﻮﻟﻲ ﻣﺘﺎﻛﺪ ﺍﻥ ﺍﻣﻚ ﺭﺍﺿﻴﻪ ﺑﻲ ﻋﻼﻗﺘﻨﺎ
ﺭﺩ ﺑﺎﻟﻚ ﺗﺰﻋﻠﻬﺎ ﻳﺎﺣﻤﻮﺩﺓ ﻫﻴﺎ ﺍﻟﻐﻠﻲ ﻛﻠﻪ ﺭﺍﻫﻮ ...
ﻣﺤﻤﺪ : ﺗﻘﺪﺭﻱ ﺗﻘﻮﻟﻲ ﺍﻳﺔ ﺑﻌﺾ ﺍﻟﺸﻲ ﻣﻘﺘﻨﻌﺔ ﺍﻧﺘﻲ ﺗﻌﺮﻓﻴﻬﺎ ﻃﺒﻌﻬﺎ ﺻﻌﺐ
ﺷﻮﻳﺔ ﺑﺲ ﻃﻴﻮﺑﺔ ..
ﺭﻭﺍﺳﻲ : ﻫﻬﻬﻪ ﺗﻀﺤﻚ ﻣﻦ ﺍﻟﻘﻠﺐ
ﻭﺍﺧﻴﺮﺍ ﺭﺿﺖ ﻋﻠﻴﺎ ﺗﻌﺮﻑ ﻭﻟﻠﻪ ﺣﺒﻴﺘﻬﺎ ﺍﻣﻚ
ﻣﻊ ﺍﻧﻬﺎ ﺻﻌﺒﺔ ﺷﻮﻱ ﺑﺲ ﻣﻊ ﻫﺬﺍ ﺣﺒﻴﺘﻬﺎ
ﻣﺤﻤﺪ : ﻓﺮﺣﺎﻥ ﻟﻲ ﻓﺮﺣﺘﻬﺎ ﻳﺎﺭﺏ ﺩﻭﻡ ﺍﻟﻤﺤﺒﺔ ..
ﻫﻬﻬﻪ ﻭﺍﺧﻴﺮﺍ ﺭﺿﺖ ﻭﻟﻠﻪ ..
ﺭﻭﺍﺳﻲ : ﺗﻌﺮﻑ ﻳﺎﺣﻤﻴﺪﺓ ﺍﺣﻠﻲ ﺷﻌﻮﺭ ﻟﻤﺎ ﺗﺤﺐ ﺷﺨﺺ ﻣﻦ ﻗﻠﺒﻚ ﻭﻳﻜﻮﻥ
ﻋﻨﺪ ﺣﺴﻦ ﺿﻨﻚ ﺗﺤﺲ ﻧﻔﺴﻚ ﺍﻃﻴﺮ ﻓﻮﻕ ﻣﻦ ﺍﻟﻔﺮﺣﺔ ..
ﻣﺤﻤﺪ : ﻭﻟﻠﻪ ﺣﻖ ﻛﻼﻣﻚ ﻳﺎﻏﺎﻟﻴﺘﻲ ﺗﻌﺮﻓﻲ ﺣﺒﻴﺒﺘﻲ ﻳﺎﺭﺏ ﻧﻜﻮﻥ ﻋﻨﺪ ﺣﺴﻦ
ﺿﻨﻚ ﻭﻧﺘﻤﻨﻰ ﻣﻦ ﺭﺑﻲ ﻳﺠﻤﻊ ﺑﻴﻨﺎ ﺑﺎﻟﺤﻼﻝ ..
ﺭﻭﺍﺳﻲ : ﺍﻥ ﺷﺎﺀ ﺍﻟﻠﻪ ﻳﺎﺭﺏ ..
ﻣﺎﻗﺘﻠﻴﺶ ﺣﺪﺩﺓ ﺍﻣﺘﻲ ﺭﺡ ﻳﻌﻨﻲ ﺗﺠﻮﺍ ﻟﻠﻌﻴﻠﻪ
ﺗﻔﺮﻙ ﻓﻲ ﻳﺪﻫﺎ ﺑﻄﺮﻳﻘﻪ ﻣﺘﻮﺗﺮﺓ ..
ﻣﻊ ﺍﻧﻬﺎ ﻋﻠﻲ ﺍﻟﻔﻮﻥ ﺗﺘﻜﻠﻢ
ﻣﺤﻤﺪ : ﺑﻌﺪ ﻳﻮﻣﻴﻦ ﺍﻥ ﺷﺎﺀﺍﻟﻠﻪ ..
ﻗﺼﺪﻱ ﺍﻧﺘﻲ ﻛﻠﻤﻲ ﺍﻟﻌﻴﻠﻪ ﻭﺑﻠﻐﻴﻬﻢ ﺍﻥ ﺭﺡ ﻧﺠﻮ ﻭﻟﻮ ﻣﺎﻳﺴﺎﻋﺪﻛﻤﺶ ﺑﻌﺪ
ﻳﻮﻣﻴﻦ ﺷﻮﻓﻲ ﻟﻲ ﻳﺴﺎﻋﺪﻛﻢ ...
ﺭﻭﺍﺳﻲ : ﺍﻥ ﺷﺎﺀﺍﻟﻠﻪ ..
ﺑﻌﺪ ﻣﺮﻭﺭ ﻳﻮﻣﻴﻦ ....
ﺍﻡ ﺭﻭﺍﺳﻲ ﻭﻧﺴﻮﻥ ﺧﻮﺗﻬﺎ ﻗﺎﻳﻤﻴﻦ ﺑﺎﻟﻮﺍﺟﺐ ..
ﺭﻭﺍﺳﻲ ﺑﻨﺖ ﻭﺣﺪﻩ ﻭﻋﻨﺪﻫﺎ ﺧﻤﺴﺔ ﺧﻮﺕ ﺷﺒﺎﺏ ﺯﻭﺯ ﻣﺘﺰﻭﺟﻴﻦ ﻭﺍﻟﺒﺎﻗﻰ
ﻣﺰﺍﻝ ﻣﺶ ﻣﺘﺰﻭﺟﻴﻦ ..
ﻧﻀﻤﺖ ﺭﻭﺍﺳﻲ ﺭﻭﺣﻬﺎ ﻭﻟﺒﺴﺖ ﻟﺒﺲ ﺭﺍﻗﻲ ﻣﺎﺷﻲ ﻣﻊ ﺟﺴﻤﻬﺎ ﺍﻟﻤﻨﺤﻮﺕ ..
ﻭﻛﺎﻧﺖ ﻓﻲ ﻗﻤﺔ ﺍﻟﺮﻭﻋﻪ ﻣﻴﻜﺐ ﺧﻔﻴﻒ ﻃﺎﻟﻊ ﻣﻊ ﺷﻜﻠﻬﺎ ﺍﻟﻤﻼﺋﻜﻲ ﺑﺲ ﻣﻊ
ﻫﺬﺍ ﻓﻲ ﺷﻲﺀ ﻣﺨﺮﺏ ﻋﻠﻴﻬﺎ ﺍﻥ ﺷﻌﺮﻫﺎ ﺧﻔﻴﻒ ﺑﺸﻜﻞ ﻛﺒﻴﺮ ﻭﻣﻤﻜﻦ ﺍﻟﺸﻲ
ﻫﺬﺍ ﻣﺴﺒﺒﻠﻬﺎ ﻧﻘﺺ ﻓﻲ ﺷﺨﺼﻴﺘﻬﺎ ﻣﻦ ﺩﻭﻥ ﻭﺷﺎﺡ ..
ﻭﻣﺘﻮﺗﺮﻩ ﺑﺸﻜﻞ ﻛﺒﻴﺮ ....
ﻭﺻﻠﻮﺍ ﺍﻫﻞ ﻣﺤﻤﺪ ..
ﺍﻟﻜﻞ ﺭﺣﺐ ﺑﻴﻬﻢ ﻭﻛﺎﻧﺖ ﺍﻟﻀﻴﺎﻓﻪ ﺍﻓﻀﻞ ﻣﺎ ﻳﻜﻮﻥ
ﻭﻛﺎﻥ ﻛﻞ ﺷﻲﺀ ﻓﻲ ﻗﻤﺔ ﺍﻟﺬﻭﻕ ..
ﺑﺲ ﻣﻊ ﻫﺬﺍ ﺍﻡ ﻣﺤﻤﺪ ﻣﺶ ﻋﺎﺟﺒﻬﺎ ﺷﻲﺀ ﻭﻗﺘﻠﻬﺎ ﺍﻟﻔﻀﻮﻝ ﺗﺒﻲ ﺗﺸﻮﻑ
ﺍﻟﺒﻨﺖ ﻟﻲ ﻭﻟﺪﻫﺎ ﻣﻤﻜﻦ ﻳﺘﺨﻠﻲ ﻋﻠﻲ ﺍﻟﺤﻮﺵ ﻋﻠﻲ ﺧﺎﻃﺮﻫﺎ ..
ﺍﻡ ﻣﺤﻤﺪ ﺳﻤﻴﺔ ..
ﺗﺘﻜﻠﻢ ﺑﺘﻌﺎﻟﻲ ﻭﺗﻜﺒﺮ ﺍﻥ ﺷﺎﺀﺍﻟﻠﻪ ﻟﻮ ﺭﺑﻲ ﻛﺎﺗﺐ ﺍﻟﻨﺼﻴﺐ ﺭﺡ ﻳﻜﻮﻧﻮﺍ ﻟﻲ
ﺑﻌﺾ ..
ﻋﻠﻲ ﻋﻜﺲ ﺑﻨﺘﻬﺎ ﻣﻨﺎﺭ ..
ﻃﻴﻮﺑﺔ ﻭﻣﺘﻮﺿﻌﻪ ﻋﻜﺲ ﺍﻣﻬﺎ ﻛﻠﻴﺎ ..
ﺑﺲ ﺍﺧﺖ ﺳﻤﻴﺔ ﺳﻨﺎﺀ ﺷﺎﻳﻔﻪ ﺭﻭﺣﻬﺎ ﺍﺣﺮﻑ ﻣﻦ ﺍﺧﺘﻬﺎ
ﺗﺸﻮﻑ ﺑﻠﻘﻄﺎﺕ ﺗﻌﺎﻟﻲ ﻭﺧﻼﺹ ﺣﺘﻲ ﺍﻟﻜﻼﻡ ﻣﺎﺗﺘﻜﻠﻤﺶ ﻣﻦ ﻛﺜﺮﺓ ﺍﻟﻨﻔﺦ ..
ﺍﻟﻜﺎﺗﺒﺔ : ﻳﺎﺭﻳﺘﻚ ﺗﺘﻔﺠﺮﻱ ﻧﻜﺮﻫﻢ ﺍﻟﻨﺎﺱ ﻫﺎﺩﻱ
ﺍﻡ ﺭﻭﺍﺳﻲ ﻓﺎﻃﻤﺔ ..
ﻃﻴﺒﻪ ﻓﻮﻕ ﺍﻻﺯﻡ ..
ﺍﻥ ﺷﺎﺀﺍﻟﻠﻪ ﻳﺎﺭﺏ ﺍﻫﻢ ﺷﻲ ﻫﻤﺎ ﻳﻜﻮﻧﻮﺍ ﺭﺍﺿﻴﻦ ﻭﻳﺒﻮﺍ ﺑﻌﺾ ﻫﺬﺍ ﺍﻫﻢ ﺷﻲ
ﻋﻨﺪﻱ ..
ﺳﻤﻴﺔ : ﺍﻳﺔ ﺍﻳﺔ ..
ﻣﺎﺷﻲ ﺍﻧﻲ ﺗﻮﺍ ﻧﺴﺘﺎﺫﻧﻜﻢ ﻋﻨﺪﻱ ﻣﺸﻮﺍﺭ ﻣﻬﻢ
ﻃﺒﻌﺎ ﻧﺴﻮﻥ ﺧﻮﺗﻬﺎ ﻣﺶ ﻋﺎﺟﺒﻬﻢ ﺍﺳﻠﻮﺏ ﺳﻤﻴﺔ
ﻭﻻ ﻃﺮﻳﻘﺔ ﻛﻼﻣﻬﺎ ﻳﻌﻨﻲ ﻣﺘﻜﺒﺮﺓ ﺑﺸﻜﻞ ﻛﺒﻴﺮ ..
ﺍﻣﺎﻧﻲ ﻣﺮﺕ ﺧﻮ ﺭﻭﺍﺳﻲ ..
ﺍﻳﻨﺎﺱ ﻣﺮﺕ ﺧﻮﻫﺎ ﺣﺘﻲ ﻫﻴﺎ ..
ﺍﻣﺎﻧﻲ : ﺗﻔﻀﻠﻲ ﺧﻮﺩﻱ ﺭﺍﺣﺘﻚ ..
ﺍﻳﻨﺎﺱ : ﺍﺫﻧﻚ ﻣﻌﻚ ﺍﻥ ﺷﺎﺀﺍﻟﻠﻪ ..
ﻛﻠﻤﻮﻫﺎ ﺑﻨﻔﺲ ﺍﻻﺳﻠﻮﺏ ..
ﻭﻧﻔﺲ ﺍﻟﻨﻈﺮﺍﺕ ..
ﺭﻭﺍﺳﻲ : ﻣﻀﺎﻳﻘﺔ ﻣﻦ ﻃﺮﻳﻘﺔ ﺗﻌﺎﻣﻞ ﺍﻡ ﻣﺤﻤﺪ ﻣﻊ ﺍﻫﻠﻬﺎ
ﻭﺣﺴﺘﻬﺎ ﺯﻱ ﺍﻻﻫﺎﻧﻪ ﺍﻧﻬﺎ ﺗﺘﻜﻠﻢ ﻣﻌﺎﻫﻢ ﺑﻄﺮﻳﻘﺔ ﻫﺎﺩﻱ ..
ﺑﻌﺪ ﻻ ﻃﻠﻌﻮﺍ ﺍﻟﻀﻴﻮﻑ ..
ﺍﻣﺎﻧﻲ : ﺣﺎﺳﺔ ﺑﻲ ﺍﺣﺴﺎﺱ ﺭﻭﺍﺳﻲ ..
ﺣﻄﺖ ﻳﺪﻫﺎ ﻋﻠﻲ ﻛﺘﻒ ﺭﻭﺍﺳﻲ ﻣﺘﺰﻋﻠﻴﺶ ﺭﻭﺣﻚ
ﻣﻜﺶ ﻣﺠﺒﺮﻭﻩ ﺗﺘﺤﻤﻠﻲ ﻧﺎﺱ ﻟﺰﺟﻪ ﺑﻄﺮﻳﻘﺔ ﻫﺎﺩﻱ ..
ﺭﻭﺍﺳﻲ : ﺗﺸﻮﻑ ﻟﻲ ﺗﺤﺖ ﺣﺎﻟﺔ ﺻﻤﺖ ..
ﻭﺍﺿﺢ ﺍﻧﻪ ﻣﻨﻬﺎﺭﺓ
ﺍﻣﺎﻧﻲ : ﻋﺎﺭﻓﻪ ﺍﻧﻚ ﺗﺤﺒﻲ ﻭﻣﺎﺗﺮﺿﻲ ﻓﻴﻪ ﺷﻲﺀ
ﺑﺲ ﻓﻜﺮﻱ ﺑﻄﺮﻳﻘﺔ ﺗﻔﻜﻴﺮ ﻣﺠﺘﻤﻌﻨﺎ ﺍﻧﻲ ﺍﺧﺘﻚ ﻣﺶ ﻣﺮﺕ ﺧﻮﻙ ﺷﻮﻓﻲ ..
ﺍﺫﺍ ﻛﺎﻥ ﺍﻻﻡ ﻣﺶ ﺣﺎﺑﺔ ﻛﻨﺘﻬﺎ ﻳﻌﻨﻲ ﺍﻟﻜﻨﻪ ﺭﺡ ﺗﻌﻴﺶ ﻣﺘﻨﻜﺪﻩ ﻭﻏﻴﺮ ﻫﻜﻲ
ﻧﻬﺎﻳﺘﻬﺎ ﻃﻼﻕ ..
ﺭﺍﺳﻲ : ﺍﺿﺎﻳﻘﺖ ﺍﻛﺜﺮ ﻭﺍﻛﺜﺮ ..
ﺍﻣﺎﻧﻲ : ﺑﺲ ﻣﻊ ﻫﺬﺍ ﺷﻮﻓﻲ ﺷﻦ ﺭﺡ ﻳﺮﺩ ﻋﻠﻴﻚ ﻣﺤﻤﺪ ﺍﺫﺍ ﻛﺎﻥ ﺣﻖ ﻳﺒﻴﻚ
ﻭﻳﺤﺒﻚ ﺣﺐ ﺻﺎﺩﻕ ﺭﺡ ﻳﺪﻳﺮ ﺍﻟﻤﺴﺘﺤﻴﻞ ﻋﻠﻲ ﺧﺎﻃﺮﻙ ..
ﻭﻟﻮ ﺩﺍﺭ ﺍﻟﻤﺴﺘﺤﻴﻞ ﺍﻧﺘﻲ ﻣﻤﻜﻦ ﺗﺘﺤﻤﻠﻲ ﻋﻠﻲ ﺧﺎﻃﺮ ﻋﻴﻮﻧﻪ ﻗﺼﺪﻱ ﺍﻧﻲ
ﻋﻄﻴﺘﻚ ﻛﻞ ﺍﻻﺣﺘﻤﺎﻻﺕ ﻟﻲ ﺭﺡ ﺗﺼﻴﺮ ﺑﺎﺵ ﺗﻌﺮﻓﻲ ﺭﻭﺣﻚ ﺷﻦ ﺭﺡ ﺗﺨﺘﺎﺭﻱ
ﻻﻥ ﺍﻟﺨﻴﺎﺭ ﻫﺬﺍ ﻣﺼﻴﺮ ﻟﻲ ﺣﻴﺎﺗﻚ ﺍﻟﻘﺪﺍﻡ ..
ﺭﻭﺍﺳﻲ : ﺻﺢ ﻛﻼﻣﻚ ﺑﺲ ﺑﺼﺮﺍﺣﻪ ﻣﺶ ﻋﺎﺭﻓﻪ ﻛﻴﻒ ﻧﺘﺼﺮﻑ ..
ﺍﻣﺎﻧﻲ : ﺷﻮﻓﻲ ﻋﻘﻠﻚ ﺛﻢ ﻗﻠﺒﻚ ..
ﺷﻮﻓﻲ ﻟﻠﻤﺴﺘﻘﺒﻞ ﻣﺶ ﻟﻠﺤﺎﺿﺮ ..
ﺭﻭﺍﺳﻲ : ﻣﺎﺷﻲ ﺭﺡ ﻧﻔﻜﺮ ..
ﻫﻲ ﻧﺴﺘﺎﺫﻙ ﺗﻮﺍ ﻧﺤﺲ ﻓﻲ ﺭﻭﺣﻲ ﺗﻌﺒﺎﻧﻪ ﻋﻠﻲ ﺍﻻﺧﻴﺮ ..
ﺧﺸﺖ ﻟﻲ ﺩﺍﺭﻫﺎ ﺑﺪﻟﺖ ﻣﻼﺑﺴﻬﺎ ﻭﺗﻜﺖ ﺗﻔﻜﺮ
ﻓﻲ ﻛﻼﻡ ﺍﻣﺎﻧﻲ ..
ﻭﻗﺮﺭﺕ ﺗﺨﺘﺎﺭ ﻗﻠﺒﻬﺎ ﺍﻫﻢ ﺷﻲ ﻋﻨﺪﻫﺎ ﻣﺘﺨﺴﺮﺵ ﺣﺒﻬﺎ
ﻭﻣﻤﻜﻦ ﺗﺘﺤﻤﻞ ﺍﻳﺔ ﺷﻲ ﻋﻠﻲ ﺧﺎﻃﺮ ﻋﻴﻮﻧﻪ ..
ﻻﻥ ﺣﺐ ﺧﻤﺴﺔ ﺳﻨﻮﺍﺕ ﻣﺶ ﻋﻠﻲ ﺍﻟﻔﺎﺿﻲ ..
ﺍﺗﺼﻠﺖ ﺑﻲ ﻣﺤﻤﺪ ..
ﺍﻃﻤﻨﺖ ﻋﻠﻴﻪ ﻭﻫﺪﺭﺯﺓ ﻣﻌﺎﻩ ﺷﻮﻳﺔ ..
ﻣﺤﻤﺪ ﺍﺳﺘﺎﺫﻥ ﻣﻨﻬﺎ ﻭﺳﻜﺮ ﺍﻟﺨﻂ
ﻻﻥ ﺍﻣﻪ ﺭﻭﺣﺖ ﻭﻧﺎﺩﺕ ﻋﻠﻴﻪ ..
ﻓﺎﺕ ﺍﻟﻮﻗﺖ ﻭﺭﺍﺳﻲ ﻏﺎﺭﻗﻪ ﻣﻊ ﺍﻟﻌﻴﻠﻪ ..
ﺑﻌﺘﺖ ﻣﺴﺞ ﻟﻲ ﻣﺤﻤﺪ ﺗﻮﺍ ﻧﻜﻠﻤﻚ ﻟﻤﺎ ﺍﻟﺤﻮﺵ ﻳﻔﻀﻲ
ﺍﺳﺘﻐﺮﺑﺖ ﻣﺎﻓﻴﺶ ﻭﻻ ﺭﺩ ﻋﻠﻲ ﺍﻟﻤﺴﺞ ..
ﺍﻟﺤﻮﺵ ﻓﻀﻲ ﻭﺍﻟﻜﻞ ﺭﻭﺡ ﻟﻲ ﺣﻮﺷﺔ ..
ﺭﻭﺍﺳﻲ : ﺍﺗﻜﺖ ﻋﻠﻲ ﺳﺮﻳﺮﻫﺎ ...
ﻭﻗﺮﺭﺕ ﺗﺘﺼﻞ ﺑﻲ ﻣﺤﻤﺪ ..
ﺍﻟﺮﻗﻢ ﺍﻟﻤﻄﻠﻮﺏ ﻣﻘﻔﻞ
ﺍﺳﺘﻐﺮﺑﺖ ﻏﺮﻳﺒﻪ ﺍﻭﻝ ﻣﺮﺓ ﻳﺴﻜﺮ ﻓﻮﻧﻪ ..
ﻓﺎﺕ ﺍﻟﻠﻴﻞ ﻛﺎﻣﻞ ﻭﻣﺎﻓﻴﺶ ﺍﻳﺔ ﺍﺧﺒﺎﺭ ﻋﻠﻲ ﻣﺤﻤﺪ
ﻭﺭﻭﺍﺳﻲ ﻣﺎﺭﻗﺪﺗﺶ ﻭﻫﻴﺎ ﺗﻔﻜﻴﺮ ..
ﻫﻞ ﺻﺎﻳﺮ ﻣﻌﺎﻩ ﺷﻲﺀ ﻭﺍﻻ ﺗﺨﻠﻲ ﻋﻠﻴﻬﺎ
ﻣﻌﺪﺵ ﻋﺎﺭﻓﻪ ﺷﻦ ﻟﻲ ﺻﺎﻳﺮ ..
ﻛﻞ ﺷﻮﻳﺔ ﺗﺸﻮﻑ ﻟﻠﻔﻮﻥ ..
ﻳﺎﺭﺑﻲ ﻳﻜﻮﻥ ﺻﺎﻳﺮ ﻣﻌﺎﻩ ﺷﻲﺀ
ﻳﺎﺭﺏ ﻣﺎﻳﺨﻴﺐ ﺿﻨﻲ .....
ﺍﻧﻲ ﻋﺎﺭﻓﻪ ﻣﺴﺘﺤﻴﻞ ﻳﺨﻴﺐ ﺿﻨﻲ ﻓﻴﻪ ﺍﻧﻲ ﻧﺤﺒﻪ
ﻭﻫﻮﺍ ﻳﺤﺒﻨﻲ ﻫﻮﺍ ﻗﺎﻟﻲ ﻛﻞ ﺍﻟﻌﺎﻟﻢ ﻳﺘﺨﻠﻲ ﻋﻠﻴﻚ ﺍﻻ ﺍﻧﻲ ﻣﺴﺘﺤﻴﻞ ﻧﺘﺨﻠﻲ
ﻋﻠﻴﻚ ..
ﻋﻨﺪ ﻣﺤﻤﺪ ..
ﻣﺘﻜﻲ ﻭﺣﺎﻁ ﻳﺪﻩ ﻋﻠﻲ ﺭﺍﺳﺔ ﻭﻳﺒﻜﻲ ...
ﻧﺮﺟﻊ ﻟﻠﺨﻠﻒ ﺷﻮﻳﺔ ..
ﻣﺤﻤﺪ : ﺣﺒﻴﺒﺘﻲ ﺷﻌﺮﻙ ﻟﻲ ﻭﻳﻦ ﻃﻮﻟﺔ
ﺭﻭﺍﺳﻲ : ﺗﻮﺗﺮﺕ ..
ﻋﻼﺵ ﺗﺴﺄﻝ ﻗﺼﺪﻱ ﺍﻧﻲ ﺍﻟﺴﺆﺍﻝ ﻫﺬﺍ ﻣﻨﺤﺒﺎﺵ ..
ﻣﺤﻤﺪ : ﻓﻀﻮﻝ ﺗﻌﺮﻓﻲ ﺍﺣﻠﻲ ﺷﻲﺀ ﻧﺤﺒﻪ ﻭﻧﻤﻮﺕ ﻓﻴﻪ ﺍﻟﺸﻌﺮ ﺍﻟﻄﻮﻳﻞ ..
ﺭﻭﺍﺳﻲ : ﺣﺎﻟﺖ ﺻﻤﺖ ..
ﺍﻱ ﺍﻱ ﻣﺎﻗﺘﻠﻴﺶ ﻭﻏﻴﺮﺕ ﺍﻟﻤﻮﺿﻮﻉ ...
...........
ﻓﺎﻕ ﻣﻦ ﺷﺮﻭﺩﺓ ﻭﺷﺮﺩ ﻣﺮﺓ ﺗﺎﻧﻴﺔ ..
ﻣﺤﻤﺪ ﻋﻠﻲ ﺍﻟﻔﻮﻥ ...
ﻣﺤﻤﺪ : ﺷﻮﻳﺔ ﺣﺒﻴﺒﺘﻲ ﺍﻣﻲ ﺗﻨﺎﺩﻱ ﻋﻠﻴﺎ ..
ﺷﻜﻠﻬﺎ ﻛﻴﻒ ﺭﻭﺣﺖ ﺛﻮﺍﻧﻲ ﻳﺎﻋﻴﻮﻧﻲ ﻧﺸﻮﻓﻬﺎ ﻭﻧﺠﻴﻚ ..
ﺭﻭﺍﺳﻲ : ﺍﻭﻛﻲ ﺗﻤﺎﻡ ﺧﻮﺩ ﺭﺍﺣﺘﻚ
ﻭﺧﻠﻲ ﺑﻌﺪﻳﻦ ﻟﻤﺎ ﻧﻔﻀﻲ ﻧﻜﻠﻤﻚ ﻋﻠﻲ ﺭﺍﺣﺘﻲ ..
ﻣﺤﻤﺪ : ﻣﺎﺷﻲ ﺣﺒﻴﺒﺘﻲ ﻫﻲ ﺳﻼﻡ
ﺭﻭﺍﺳﻲ : ﺳﻼﻡ ..
ﻣﺤﻤﺪ : ﻳﺎﻫﻼ ﻭﻣﺮﺣﺒﺎ ﺑﺰﻳﻦ ....
ﺳﻤﻴﺔ : ﺍﻣﺎ ﺯﻳﻦ ﺗﺤﻜﻲ ﻋﻠﻴﻪ ﺍﻧﺖ ﺧﻠﻴﺖ ﻓﻴﻬﺎ ﺯﻳﻦ ﺍﺻﻼ ﻫﻜﻲ ﺗﺤﺸﻤﻨﻲ
ﺑﺤﺪﺍ ﺍﺧﺘﻲ ...
ﻣﺤﻤﺪ : ﺑﺴﺘﻐﺮﺍﺏ
ﻋﻼﺵ ﻧﺤﺸﻤﻚ ﺷﻦ ﺻﺎﻳﺮ
ﺳﻤﻴﺔ : ﺑﻐﻀﺐ
ﺍﻧﻲ ﺳﻤﻴﻪ ﺑﻨﺖ ﺳﻌﺪ ﻳﺸﻮﻓﻮﻟﻲ ﺑﺘﻌﺎﻟﻲ
ﻭﻳﺘﻜﻠﻤﻮﺍ ﻣﻌﺎﻱ ﺑﻘﻠﺔ ﺍﺩﺏ ﻫﺎﺩﻱ ﻧﻬﺎﻳﺘﻲ ﻧﻨﻬﺎﻥ
ﻳﺎﻭﻟﺪ ﺑﻄﻨﻲ
ﻣﺤﻤﺪ : ﻣﻌﺎﺵ ﻣﻦ ﻳﻬﻴﻨﻚ ﻳﺎﻏﺎﻟﻴﺔ ..
ﺳﻤﻴﺔ : ﻻ ﻭﻟﻠﻪ ﻫﺎﻧﻮﻧﻲ ﻭﻧﺺ ..
ﻭﻻ ﻳﺎﺭﻳﺘﻪ ﻫﻜﻲ ﻣﺎﻛﻨﺘﺶ ﻧﻌﻠﻢ ﺑﺎﻥ ﺫﻭﻗﻚ ﻣﻨﺤﻂ ﻟﻲ ﺩﺭﺟﻪ ﻫﺎﺩﻱ ..
ﻣﺤﻤﺪ : ﻣﻨﺤﻂ
ﺳﻤﻴﺔ : ﺍﻳﺔ ﻣﻨﺤﻂ ﻣﺨﺘﺎﺭﻟﻲ ﺑﻨﺖ ﺻﻠﻌﻪ ﻣﻦ ﻏﻴﺮ ﺷﻌﺮ
ﻭﺗﻘﻮﻟﻲ ﻧﺤﺒﻬﺎ ﺷﻦ ﻣﻨﻄﺮﻱ ﺑﺤﺪﺍ ﺍﻫﻠﻲ ﻧﺎﺳﻲ ﺍﻧﻲ ..
ﻣﺤﻤﺪ : ﺻﻠﻌﻪ ﺷﻨﻮ ﻟﻲ ﺗﺤﻜﻲ ﻋﻠﻴﻬﺎ ..
ﺳﻤﻴﺔ : ﺍﻗﺴﻢ ﺑﺎﻟﻠﻪ ﺍﻻ ﺻﻠﻌﻪ ﻓﻲ ﺷﻌﺮﺗﻴﻦ ﺑﺲ ﻳﻤﻜﻦ
ﻓﻲ ﺭﺍﺳﻬﺎ ..
ﻣﺤﻤﺪ : ﻣﺼﺪﻭﻡ ﺻﺪﻣﺔ ﻋﻤﺮﻩ
ﻣﺶ ﻣﺼﺪﻕ ﺑﺲ ﻫﺎﺩﻱ ﺍﻣﻪ ﻋﻼﺵ ﺑﺘﻜﺪﺏ ﻋﻠﻴﻪ ..
ﺳﻤﻴﺔ : ﺍﺳﻤﻊ ﻳﺎﻭﻟﺪ ﻳﺎﺍﻧﻲ ﻳﺎﻫﻴﺎ ...
ﻧﺎﺱ ﺑﻄﺮﻳﻘﺔ ﻫﺎﺩﻱ ﻣﺘﺸﺮﻓﻨﻴﺶ ﺍﻧﻬﺎ ﺗﻜﻮﻥ ﻣﻦ ﺗﻮﺑﻲ
ﻭﻟﻮ ﺧﺘﺮﺗﻬﺎ ﻫﻴﺎ ﺍﻋﺮﻑ ﺭﻭﺣﻚ ﻣﺤﺮﻭﻡ ﻣﻦ ﺍﻻﺭﺙ ﻭﺭﺡ ﻧﺘﺒﺮﻱ ﻣﻨﻚ ﻟﻴﻮﻡ
ﺍﻟﺪﻳﻦ ....
ﻣﺤﻤﺪ : ﻣﺰﺍﻝ ﻣﺼﺪﻭﻡ ﻧﺎﺽ ﻭﻫﻮﺍ ﺳﺎﻛﺖ ..
ﺳﻤﻴﺔ : ﺍﺑﺘﺴﻤﺖ ﺍﺑﺘﺴﺎﻣﻪ ﺍﻧﺘﺼﺎﺭﻳﻪ ..
ﻭﺍﺧﻴﺮﺍ ﻭﺻﻠﺖ ﻟﻲ ﻣﺒﺘﻐﺎﻱ ﺣﻄﺖ ﺭﺟﻞ ﻋﻠﻲ ﺭﺟﻞ ﻭﺗﺸﺮﺏ ﻣﻦ ﺍﻟﻜﺎﻓﻲ ﺑﻜﻞ
ﺭﻭﻗﺎﻥ ..
ﻧﺮﺟﻊ ﻟﻠﻮﺍﻗﻊ ..
ﻣﺤﻤﺪ : ﻓﻮﻕ ﻣﻦ ﺍﻧﻬﺎ ﻛﺪﺑﺖ ﻋﻠﻴﺎ ﻭﻣﺤﻜﺘﻠﻴﺶ ﻋﻠﻲ ﻋﻴﺐ ﻣﻦ ﻋﻴﻮﺑﻬﺎ ﻭﺍﻧﻲ
ﻛﻨﺖ ﺻﺮﻳﺢ ﻣﻌﻬﺎ ﻓﻲ ﻛﻞ ﺷﻲﺀ
ﻋﻼﺵ ﻫﺪﻣﺘﻲ ﺣﺒﻨﺎ ﺑﻜﺪﺑﻚ ﻋﻠﻴﺎ ﻭﺗﻌﺮﻓﻲ ﺍﻛﺮﻩ ﺷﻲﺀ ﻋﻨﺪﻱ ﺍﻟﻜﺪﺏ ..
ﻭﻏﻴﺮ ﻫﻜﻲ ﻫﻨﺘﻮﺍ ﺍﻣﻲ ..
ﻭﻟﻠﻪ ﻣﺎﺗﺠﻴﺒﻬﺎ ﻭﻻﺩﺓ ﻟﻲ ﺗﻬﻴﻦ ﺍﻣﻲ ..
ﻧﺰﻟﺖ ﺩﻣﻌﻪ ﻣﻦ ﻋﻴﻨﻪ ..
ﺭﺡ ﻧﻨﺴﺎﻙ ﻳﺎﺭﻭﺍﺳﻲ ..
ﻓﺘﺤﻪ ﻓﻮﻧﻪ ﻟﻘﻲ ﺍﻛﺜﺮ ﻣﻦ ﻣﺴﺞ
ﺣﺪﻓﻬﻢ ﻣﻦ ﺩﻭﻥ ﻻ ﻳﻘﺮﺍﻫﻢ ﻭﺩﺍﺭﻟﻬﺎ ﺑﻠﻮﻙ
ﻣﻦ ﻛﻞ ﻣﻜﺎﻥ ﺑﻌﺖ ﻣﺴﺞ ﻭﻛﺴﺮ ﺍﻟﺸﻔﺮﺓ ..
ﻭﺭﻗﺪ ...
.......
ﻋﻨﺪ ﺭﻭﺍﺳﻲ ..
ﺳﻤﻌﺖ ﺻﻮﺕ ﺍﻟﻤﺴﺞ ..
ﻓﺘﺤﺎﺗﻪ ﻭﻛﺎﻧﺖ ﺍﻟﺼﺪﻣﺔ ﺍﻫﻨﻲ ...
ﻫﻤﺎ ﻛﻠﻤﺘﻴﻦ ..
ﻳﻠﻲ ﺑﻴﻨﺎﺗﻨﺎ ﺍﻋﺘﺒﺮﻱ ﺍﻧﺘﻬﻲ ..
ﺑﻤﻌﻨﻲ ﻣﺎﻓﻴﺶ ﻧﺼﻴﺐ ﻭﻣﻌﺎﺵ ﻟﻲ ﻳﻬﻴﻦ ﺍﻣﻲ ﻳﺎﻣﺤﺘﺮﻣﻴﻦ ..
ﺍﻧﻲ ﺭﺡ ﻧﻔﻮﺕ ﺍﻟﻤﻮﺿﻮﻉ ﻋﻠﻲ ﺧﺎﻃﺮ ﺍﻟﻌﺸﺮﺓ ﻟﻲ ﺑﻴﻨﺎ ﺣﺘﻲ ﻟﻮ ﻛﺎﻧﺖ
ﻋﻼﻗﺘﻨﺎ ﻣﺒﻨﻴﺔ ﻋﻠﻲ ﻛﺬﺏ ﻭﻋﺪﻡ ﺛﻘﺔ ﻭﻓﻬﻤﻚ ﻛﻔﺎﻳﺔ ..
ﻟﻮ ﺗﺤﺎﻭﻟﻲ ﺗﺘﺼﻠﻲ ﺑﻴﺎ ﺭﺡ ﺗﺸﻮﻓﻲ ﺷﻲﺀ ﻣﺶ ﺭﺡ ﻳﻌﺠﺒﻚ ﺍﻋﺘﺒﺮﻱ ﺗﻬﺪﻳﺪ ﻟﻮ
ﺗﺤﺒﻲ ﻭﺍﻧﺘﻲ ﺟﺮﺑﻲ ﻭﺷﻮﻓﻲ ..
ﺭﻭﺍﺳﻲ : ﻫﺬﺍ ﺷﻦ ﻗﺎﻋﺪ ﻳﻘﻮﻝ ﻻ ﻳﻜﻮﻥ ..
ﻳﻌﻨﻲ ﺧﺎﺏ ﺿﻨﻲ ..
ﺍﻧﻲ ﻣﺶ ﺭﺡ ﻧﺬﻝ ﻧﻔﺴﻲ ﺍﻛﺜﺮ ﻣﻦ ﻫﻜﻲ
ﻫﻮﺍ ﺍﻟﺨﺴﺮﺍﻥ ....
ﻭﻓﺠﺎﺀﺓ ﻧﻬﺎﺭﺕ ﻭﺑﺪﺕ ﺗﺒﻜﻲ ...
ﻧﻌﺮﻑ ﺍﻧﻪ ﺳﻴﺒﻨﻲ ﻻﻧﻲ ﺑﺸﻌﺔ ﻻﻧﻲ ﺻﻠﻌﻪ
ﻣﻘﺪﺭﺵ ﻧﺼﺎﺭﺣﻪ ﺣﺎﻭﻟﺔ ﺑﺲ ﻣﺶ ﺑﻴﺪﻱ
ﻟﻜﻦ ﺭﺡ ﻧﺘﻐﻴﺮ ﻣﺶ ﻋﻠﻲ ﺷﺎﻥ ﺣﺪ ﻋﻠﻲ ﺷﺎﻥ ﻧﻔﺴﻲ
ﻣﺴﺤﺖ ﺩﻣﻮﻋﻬﺎ ﺑﻄﺮﻳﻘﺔ ﻃﻔﻮﻟﻴﺔ ..
ﻓﺎﺗﺖ ﺍﻻﻳﺎﻡ ﻭﺍﻻﻳﺎﻡ ...
ﺭﻭﺍﺳﻲ ﻻ ﺯﺍﻟﺖ ﺣﺒﻴﺴﺔ ﻟﻲ ﺩﺍﺭﻫﺎ ﻋﻠﻲ ﻧﻔﺲ ﺍﻟﺤﺎﻟﺔ
ﻟﻴﻬﺎ ﺷﻬﺮ ﻭﺍﻟﻜﻞ ﻳﺤﺎﻭﻝ ﻳﻐﻴﺮ ﺟﻮﻫﺎ ﺑﺲ ﻻﺳﻒ ﻧﻔﺲ ﺍﻟﺤﺎﻟﺔ ﺍﻟﺼﺪﻣﺔ ﻛﺎﻧﺖ
ﻛﺒﻴﺮﺓ ﺑﻨﺴﺒﺔ ﻟﻴﻬﺎ ..
ﺍﻣﺎﻧﻲ : ﺧﺒﻄﺖ ﺍﻟﺪﺍﺭ ..
ﺭﻭﺍﺳﻲ : ﻣﻨﻮﻭ
ﺍﻣﺎﻧﻲ : ﻓﺘﺤﺖ ﺍﻟﺒﺎﺏ ..
ﺩﺧﻠﺖ ﺭﺑﻊ ﺭﺍﺳﻬﺎ ﻣﻤﻜﻦ ﻧﺪﺧﻞ ﻣﻊ ﺿﺤﻜﻪ ﻋﺒﻴﻄﻪ ..
ﺭﻭﺍﺳﻲ : ﻣﻤﻜﻦ ﺗﻔﻀﻠﻲ ﺣﺒﻴﺒﺘﻲ ..
ﺍﻣﺎﻧﻲ : ﺧﻴﺮﺍ ﺍﻟﺤﻠﻮ ﻣﺶ ﻋﺎﺟﺒﻨﻲ ﺟﻮﻩ
ﺭﻭﺍﺳﻲ :ﺑﺄﺑﺘﺴﺎﻣﺔ
ﺷﻮﻳﺔ ﺍﺭﻫﺎﻕ ﺑﺲ
ﺍﻣﺎﻧﻲ : ﺍﻣﻤﻤﻢ ﺑﻪ ﺍﻧﻲ ﻋﻨﺪﻱ ﻟﻴﻚ ﺳﺒﺮﺍﻳﺰ ﺣﻠﻮ
ﻭﺭﺡ ﻳﻌﺠﺒﻚ ..
ﺭﻭﺍﺳﻲ : ﻳﻠﻲ ﻫﻮﺍ ..
ﺍﻣﺎﻧﻲ : ﺍﻳﻨﺎﺱ ﺧﺸﻲ ﻫﻲ
ﺍﻳﻨﺎﺱ : ﺗﺎﺗﺮﺍ ﺍﻧﻲ ﺟﻴﺖ
ﺧﺸﺖ ﺑﺴﻔﺮﺓ ﻣﻌﺒﻴﺔ ﻣﻘﺮﻣﺸﺎﺕ ..
ﻭﺣﺠﺎﺕ ﺧﻔﻴﻔﺔ ..
ﺭﻭﺍﺳﻲ : ﺑﺼﺮﺍﺣﻪ ﻣﺨﺎﻃﺮﻱ ﻓﻲ ﺷﻲﺀ ﺍﻟﻨﻴﺔ ﻣﺘﺴﺪﺓ
ﻳﺎﺑﻨﺎﺕ
ﺍﻳﻨﺎﺱ : ﻫﺬﺍ ﻏﺼﺒﺎ ﻋﻨﻚ ﻭﻓﻴﺶ ﻧﻘﺎﺵ ﻫﻴﺎ ﻫﻴﺎ
ﺗﺘﻜﻠﻢ ﺑﻄﺮﻳﻘﺔ ﻣﺮﺣﻴﺔ ..
ﺭﻭﺍﺳﻲ : ﺍﻥ ﺷﺎﺀﺍﻟﻠﻪ ﺧﻴﺮ
ﺍﻣﺎﻧﻲ :....
ﺍﻳﻨﺎﺱ : ﻫﺬﺍ ﻏﺼﺒﺎ ﻋﻨﻚ ﻭﻓﻴﺶ ﻧﻘﺎﺵ ﻫﻴﺎ ﻫﻴﺎ
ﺗﺘﻜﻠﻢ ﺑﻄﺮﻳﻘﺔ ﻣﺮﺣﻴﺔ ..
ﺭﻭﺍﺳﻲ : ﺍﻥ ﺷﺎﺀﺍﻟﻠﻪ ﺧﻴﺮ
ﺍﻣﺎﻧﻲ : ﻏﺪﻭﺍ ﺭﺡ ﻧﻄﻠﻌﻮﺍ ﻋﺰﻣﻴﻨﻚ ﻋﻠﻲ ﺣﺘﺖ ﻣﻄﻌﻢ ﺍﻧﻤﺎ ﺍﻳﻴﻴﻴﻴﻲ ﺧﻴﺎﺍﺍﻝ ..
ﺭﻭﺍﺳﻲ : ﻭﻟﻠﻪ ﻳﺎﺑﻨﺎﺕ ﻣﺨﺎﻃﺮﻱ ﻓﻲ ﺣﺎﺟﻪ
ﻧﻔﺴﻲ ﻣﺘﺴﺪﺓ ﻋﺎﺭﻓﻪ ﺍﻧﻜﻢ ﺣﺎﺳﻴﻦ ﺑﻴﺎ ﻭﺗﺒﻮ ﺗﻐﻴﺮﻭﻟﻲ
ﺟﻮﻱ ﻟﻜﻦ ﻟﻜﻞ ﺷﻲﺀ ﻳﺎﺧﺪ ﻭﻗﺘﻪ ﻫﻴﺎ ﻓﺘﺮﺓ ﻭﺗﻌﺪﻱ ..
ﺍﻳﻨﺎﺱ : ﺗﻜﺴﺮﻳﺶ ﺑﺨﺎﻃﺮﻱ ..
ﺍﻧﻲ ﻛﻨﺖ ﻓﺮﺣﺎﻧﻪ ﻭﺳﻌﻴﺪﺓ ﺍﻧﻚ ﺭﺡ ﺗﻄﻠﻌﻲ ﻣﻌﺎﻱ
ﻭﺍﻧﺘﻲ ﺗﻘﻮﻟﻴﻠﻲ ﻟﻜﻞ ﺷﻲﺀ ﻭﻗﺘﻪ ..
ﺍﻣﺎﻧﻲ : ﻭﺣﻖ ﺭﺑﻲ ﻣﺎﻧﻲ ﻣﺎﺷﻴﺔ ﻟﻦ ﺗﻤﺸﻲ ﻣﻌﻨﺎ
ﻭﺍﻧﻲ ﺣﻠﻔﺖ ﻭﺧﺎﻃﺮﻱ ﻧﻤﺸﻲ ﻟﻮ ﺗﺒﻲ ﺗﺤﺮﻣﻴﻨﻲ ﺍﺭﻓﻀﻲ
ﺭﻭﺍﺳﻲ : ﻣﺎﺷﻲ ﺯﻱ ﻣﺎﺗﺤﺒﻮﺍ ..
ﺧﻼﺹ ﻏﺪﻭﺍ ﺭﺡ ﻧﻤﺸﻮﺍ ﻭﺍﺑﺘﺴﻤﺖ ﻭﻓﺮﺣﺎﻧﻪ ﺍﻥ ﺭﺑﻲ ﺭﺯﻗﻬﺎ ﺑﻨﺴﻮﻥ ﺧﻮﺕ
ﺍﻟﻠﻪ ﻳﺒﺎﺭﻙ ﻋﻠﻴﻬﻢ ..
ﻓﺎﺕ ﺍﻟﻴﻮﻡ ﻋﻠﻲ ﺭﻭﺍﺳﻲ ﺯﻱ ﺍﻳﺎﻡ ﺍﻟﺸﻬﺮ ﻟﻲ ﻓﺎﺕ ..
ﻳﻮﻡ ﺟﺪﻳﺪ ..
ﻟﺒﺴﺖ ﺭﻭﺍﺳﻲ ﻭﺣﻄﺖ ﺷﻮﻳﺔ ﻣﺒﻚ ﺍﺏ
ﻃﺒﻌﺎ ﺭﻭﺍﺳﻲ ﻗﻤﺔ ﻓﻲ ﺍﻟﺠﻤﺎﻝ ..
ﻟﻮﻥ ﻋﻴﻮﻧﻬﺎ ﺑﻨﺪﻗﻲ ﻓﺎﺗﺢ ﻣﻊ ﻧﺴﻴﺞ ﺭﻣﺎﺩﻱ
ﺭﻣﻮﺵ ﻛﺜﻴﻔﻪ ﻋﻴﻮﻥ ﻣﺮﺳﻮﻣﺎﺕ ﺭﺳﻢ ..
ﺑﺸﺮﺗﻬﺎ ﺑﺮﻭﻧﺰﻱ ﻓﺎﺗﺢ ﻭﺯﻧﻬﺎ ﻣﻌﺒﻴﺔ ﺷﻮﻳﺔ ‏( 57 ‏) ..
ﻃﻮﻟﻬﺎ ﺣﻠﻮ ﻭﻣﺎﺷﻲ ﻣﻊ ﻭﺯﻧﻬﺎ ﺟﺴﻤﻬﺎ ﻣﻨﺤﻮﺕ ﻧﺤﺚ ...
ﻟﻜﻦ ﺍﻟﻤﺸﻜﻠﻪ ﺍﻟﻮﺣﻴﺪﺓ ﺷﻌﺮﻫﺎ
ﺣﻄﺖ ﺍﺧﺮ ﻟﻤﺎﺳﺘﻬﺎ ﻭﻃﻠﻌﺖ ﻛﺎﻟﻌﺎﺩﺓ
ﺗﺤﻔﻪ ...
ﻋﻠﻲ ﺧﺸﺖ ﺍﻳﻨﺎﺱ ..
ﺍﻳﻨﺎﺱ : ﺟﻴﺘﻲ ﻭﺵ ﺟﺎﺑﻚ ﺣﺒﻴﺒﻲ
ﺗﻐﻨﻲ ﺍﻻﺧﺖ ﺩﻳﻤﺎ ﺟﻮﻫﺎ ﺭﺍﻳﻖ ..
ﻫﺎﺍﺍ ﺷﻦ ﻭﺍﺗﻲ ﺍﻟﺤﻠﻮ ..
ﺭﻭﺍﺳﻲ : ﻭﺍﺗﻴﺔ ﻳﺎﻃﻘﺔ ..
ﺭﻭﻗﺎﻥ ﻋﻠﻲ ﺍﻟﺼﺒﺢ
ﺍﻳﻨﺎﺱ : ﺑﻬﺒﻞ
- ﺑﺎﺵ ﺗﻌﺮﻓﻲ ﺑﺲ
ﺭﻭﺍﺳﻲ : ﻣﻨﺎ ﺍﻟﻬﺒﻠﻪ ﺍﻟﺘﺎﻧﻴﺔ ﻭﻳﻨﻬﺎ
ﺍﻣﺎﻧﻲ : ﺣﺎﻃﻪ ﻳﺪﻫﺎ ﻋﻠﻲ ﺧﺼﺮﻫﺎ ﻛﻨﺖ ﻧﺴﻤﻊ ﻓﻴﻚ ﺭﺍﻫﻮﺍ ﻟﻜﻦ ﻟﻌﻴﻮﻥ
ﺍﻟﺠﻤﺎﻝ ﻫﺬﺍ ﻛﻠﻪ ﺭﺡ ﻧﻔﻮﺗﻬﺎ ..
ﺭﻭﺍﺳﻲ : ﺍﺳﻔﺘﻴﻨﻲ ‏( ﻳﻤﻌﻨﻲ ﺧﺠﻠﺘﻴﻨﻲ ‏) ﻳﺎﺑﻨﺖ
ﺍﻣﺎﻧﻲ : ﻣﺶ ﻋﻠﻴﻚ ﻳﺎﺣﻮﻟﺔ ﻧﺤﻜﻲ ﻋﻠﻲ ﺳﻠﻔﺘﻲ
ﺍﻟﻌﺴﻮﻟﺔ ..
ﺍﻳﻨﺎﺱ : ﺑﺪﺕ ﺗﻨﻔﺦ ﻓﻲ ﺭﻳﺸﻬﺎ
ﺭﻭﺍﺳﻲ : ﺍﻟﻠﻪ ﻳﺜﺒﺖ ﺍﻟﻌﻘﻞ
ﻳﻼ ﻳﻼ ﺧﻠﻲ ﻧﻤﺸﻮﺍ ﻻ ﺗﺼﻴﺮ ﻛﻮﺍﺭﺙ ..
ﻃﺒﻌﺎ ﺍﻣﺎﻧﻲ ﺗﺴﻮﻕ ﻓﻲ ﺳﻴﺎﺭﺓ ﺑﺲ ﺍﻳﻨﺎﺱ ﺗﺨﺎﻑ
ﻭ ﺭﻭﺍﺳﻲ ﺗﻔﻜﺮ ﺍﻧﻬﺎ ﺗﺘﻌﻠﻢ ﺍﻟﻘﻴﺎﺩﺓ ..
ﺭﻭﺍﺳﻲ : ﺳﻠﻤﺖ ﻋﻠﻲ ﺍﻣﻬﺎ ﻭﻃﻠﻌﺖ ..
ﻃﺒﻌﺎ ﺍﻡ ﺭﻭﺍﺳﻲ ﻣﺎﺑﺘﺶ ﺗﻤﺸﻲ ﻣﻌﺎﻫﻢ ..
ﺍﻣﺎﻧﻲ : ﺭﻭﺍﺳﻲ ﻗﺒﻞ ﺍﻟﻤﻄﻌﻢ ﻋﻨﺪﻧﺎ ﻣﺸﻮﺍﺭ ﻭﺑﻌﺪﻳﻦ
ﻧﻤﺸﻮﺍ ﻟﻠﻤﻄﻌﻢ ﺍﻭﻛﻲ
ﺭﻭﺍﺳﻲ : ﺍﻭﻛﻲ ﺣﺒﻲ ﺧﻮﺩﻱ ﺭﺍﺣﺘﻚ
ﺍﻳﻨﺎﺱ : ﺑﺪﺕ ﺗﻬﺪﺭﺯ ﻭﺟﻮﻫﺎ ﺟﻤﻴﻞ ..
ﻭﺻﻠﻮﺍ ﻟﻠﻤﻜﺎﻥ ﺍﻟﻤﻨﺸﻮﺩ ..
ﺭﻭﺍﺳﻲ : ﺑﺴﺘﻐﺮﺍﺏ
ﻋﻼﺵ ﺟﺎﻳﻦ ﻟﻤﺮﻛﺰ ﺍﻟﺘﺠﻤﻴﻞ ...
ﺍﻳﻨﺎﺱ : ﻣﺶ ﻋﺎﺭﻓﻪ ﻏﻴﺮ ﺍﻧﺰﻟﻲ ﻭﺍﻧﺘﻲ ﺳﺎﻛﺘﻪ
ﺗﻮﺍ
ﺍﻣﺎﻧﻲ : ﺩﺍﺭﺕ ﺭﻭﺣﻬﺎ ﻣﺎ ﺳﻤﻌﺖ ﺷﻲﺀ
ﻭﻛﻤﻠﺖ ﻃﺮﻳﻘﻬﺎ ﺳﺒﻘﺘﻬﻢ ..
...............
ﺍﻳﻨﺎﺱ : ﻫﺎ ﺷﻦ ﺻﺎﺭ
ﺍﻣﺎﻧﻲ : ﺗﻌﺎﻟﻮﺍ ﻫﻲ ..
ﺭﻭﺍﺳﻲ : ﺷﻦ ﻗﺎﻋﺪ ﻳﺼﻴﺮ ﻳﺎﺑﻨﺎﺕ ﻣﺶ ﻓﺎﻫﻤﻪ ﺷﻲﺀ
ﻓﻬﻤﻮﻧﻲ ..
ﺍﻳﻨﺎﺱ : ﺷﺎﻓﺖ ﻟﻲ ﺍﻣﺎﻧﻲ ..
ﺗﺒﻲ ﺍﻟﺤﻖ ﺍﺣﻨﻲ ﻣﺶ ﻋﺎﺟﺒﻨﺎ ﻟﻲ ﻗﺎﻋﺪ ﻳﺼﻴﺮ ﻣﻌﺎﻙ
ﻭﺍﻧﺘﻲ ﻛﻞ ﻳﻮﻡ ﺗﺪﺑﻠﻲ ﻗﺪﺍﻡ ﻋﻴﻮﻧﺎ ﻭﺣﻨﻲ ﻣﺶ ﺭﺡ ﻧﺮﺿﻮﺍ ﺑﺸﻲ ﻫﺬﺍ ﺷﻲ
..
ﺭﻭﺍﺳﻲ : ﺷﻦ ﺩﺧﻞ ﺍﻟﻜﻼﻡ ﻫﺬﺍ ﻓﻲ ﺍﻟﻤﺮﻛﺰ
ﺍﻣﺎﻧﻲ : ﺗﻌﺎﻟﻲ ﺗﻮﺍ ﺗﻌﺮﻓﻲ ﺷﻦ ﺻﺎﻳﺮ ..
ﺭﻭﺍﺳﻲ : ﻗﻌﺪﺕ ﺗﺸﻮﻑ ﻟﻬﻢ ﺑﻤﻌﻨﻲ ﻣﺶ ﺭﺡ ﻧﺠﻲ
ﺍﻣﺎﻧﻲ : ﻟﻮ ﺗﻮﺛﻘﻲ ﻓﻴﺎ ﺗﻌﺎﻟﻲ
ﺭﻭﺍﺳﻲ : ﺍﺳﺘﺴﻠﻤﺖ ﻟﻲ ﺍﻣﺮ ﺍﻟﻮﺍﻗﻊ
ﻭﺟﺖ ﻣﻌﺎﻫﻢ ﺧﺸﺖ ﻟﺪﻛﺘﻮﺭﻩ ﺍﻟﻌﻨﺎﻳﺔ ﺑﺎﻟﺸﻌﺮ ..
ﺍﻣﺎﻧﻲ : ﺍﻟﺴﻼﻡ ﻋﻠﻴﻜﻢ
ﺩ . ﻧﻮﺭ : ﻭﻋﻠﻴﻜﻢ ﺍﻟﺴﻼﻡ ..
ﺍﻛﻴﺪ ﺍﻧﺘﻢ ﻟﻲ ﻛﻠﻤﺘﻮﻧﻲ ﻋﻠﻲ ﺧﺎﻃﺮ ﺭﻭﺍﺳﻲ ﺻﺢ
ﺍﻣﺎﻧﻲ : ﺑﺰﺑﻂ ..
ﺩ . ﻧﻮﺭ : ﻣﻤﻜﻦ ﺭﻭﺍﺳﻲ ﺗﻨﺤﻲ ﺍﻟﻮﺷﺎﺡ ﺷﻮﻳﺔ
ﺭﻭﺍﺳﻲ : ﻓﻨﺼﺖ ﻋﻴﻮﻧﻬﺎ ﻋﻼﺵ ﺍﻧﺤﻲ ﻭﺷﺎﺣﻲ
ﺩ . ﻧﻮﺭ : ﺍﻧﻲ ﺩﻛﺘﻮﺭﺓ ﻧﻮﺭ ﺗﺨﺼﺼﻲ ﻣﻌﺎﻟﺠﺔ ﺗﺴﺎﻗﻂ ﺍﻟﺸﻌﺮ ﻭﺗﻠﻔﻪ ﻭﺭﺡ
ﺍﺭﺟﻌﻚ ﺯﻱ ﺍﻻﻭﻝ ﻭﺍﺣﺴﻦ ﺑﺎﺫﻥ ﺍﻟﻠﻪ
ﺭﻭﺍﺳﻲ : ﻣﺎﺷﻲ ...
ﻧﺤﺖ ﺍﻟﻮﺷﺎﺡ ...
ﺩ . ﻧﻮﺭ : ﺍﻧﻲ ﺭﺡ ﻧﻄﻠﺐ ﻣﻨﻚ ﺑﻌﺾ ﺍﻟﻔﺤﻮﺻﺎﺕ ﺍﻻﺯﻣﻪ
ﻭﺭﺡ ﻧﻌﻄﻴﻚ ﺑﻌﺪﻫﺎ ﺍﻟﻌﻼﺝ ﻟﻲ ﻳﻤﺸﻲ ﻣﻌﺎﻙ ..
ﺭﻭﺍﺳﻲ : ﺍﻭﻙ ﻣﺎﺷﻲ ..
ﺩﺍﺭﺕ ﺍﻟﻔﺤﻮﺻﺎﺕ ﻓﻲ ﻧﻔﺲ ﺍﻟﻌﻴﺎﺩﺓ
ﻭﻃﻠﻌﺖ ﺍﻟﻨﺘﻴﺠﻪ ..
ﺩ . ﻧﻮﺭ : ﺍﻧﺘﻲ ﺭﺡ ﺗﺤﺘﺎﺟﻲ ﻟﻲ ﺟﻠﺴﺎﺕ ﻋﻼﺟﻴﺔ ﻟﻤﺪﺓ ﺳﺘﻪ ﺷﻬﻮﺭ ﻋﻨﺪﻙ
ﺿﻌﻒ ﺣﺎﺩ ﻓﻲ ﺑﺼﻴﻠﺔ ﺍﻟﺸﻌﺮ ..
ﻭﺭﺡ ﻧﻌﻄﻴﻚ ﻛﺮﻳﻤﺎﺕ ﻛﻞ ﻳﻮﻡ ﺗﺴﺘﺨﺪﻣﻴﻬﻢ ..
ﺑﺸﻜﻞ ﻣﻨﺘﻈﻢ ..
ﺭﻭﺍﺳﻲ : ﺍﻥ ﺷﺎﺀﺍﻟﻠﻪ ..
ﺩ . ﻧﻮﺭ : ﻭﺍﻥ ﺷﺎﺀ ﺍﻟﻠﻪ ﺭﺡ ﺗﺮﺟﻌﻲ ﺍﺣﺴﻦ ﻣﻦ ﺍﻻﻭﻝ
ﺭﻭﺍﺳﻲ : ﻃﻠﻌﺖ ﻫﻴﺎ ﻭﺍﻟﺒﻨﺎﺕ ﻣﻦ ﺍﻟﻤﺸﻔﻲ ..
ﺍﻣﺎﻧﻲ : ﺣﻀﻨﺖ ﺭﻭﺍﺳﻲ ..
ﻭﻫﺎﺩﻱ ﺍﻭﻝ ﺧﻄﻮﺓ ﺭﺡ ﺗﺮﺟﻌﻠﻚ ﺛﻘﺘﻚ ﺑﻨﻔﺴﻚ
ﺍﺣﺴﻦ ﻣﻦ ﺍﻻﻭﻝ ﻳﺎﺭﺏ ﺗﻜﻮﻥ ﻋﺠﺒﺎﺗﻚ ﺍﻟﺴﺒﺮﺍﻳﺰ
ﺍﻳﻨﺎﺱ : ﻫﻴﺎ ﻳﺎﺑﻨﺎﺕ ﺟﻌﺎﺍﺍﺍﻧﻪ
ﺭﻭﺍﺳﻲ : ﻣﺴﺤﺖ ﺩﻣﻮﻋﻬﺎ ﻳﺎﺑﻨﺎﺕ ﺭﺑﻲ ﻣﺎﻳﺤﺮﻣﻨﻲ ﻣﻨﻜﻢ ﻳﺎﺭﺏ ..
ﺍﻳﻨﺎﺱ : ﻋﻴﺐ ﻋﻠﻴﻚ ﺍﻧﺘﻲ ﺍﺧﺘﻲ ﻳﺎﺑﻘﺮﺓ
ﺭﻭﺍﺳﻲ : ﻫﻬﻬﻪ ﻭﻟﻠﻪ ﻭﺍﻧﺘﻢ ﺧﻮﺍﺗﻲ ﺻﺢ ﺭﺑﻲ ﻣﺎﺭﺯﻗﻨﻲ ﺑﻲ ﺧﻮﺍﺕ ﺑﺲ
ﺭﺑﻲ ﻋﻮﺿﻨﻲ ﺑﻴﻜﻢ ..
ﺗﻌﺎﻟﻮﺍ ﺟﺎﻱ ﻛﻴﻒ ﻫﻮﺍ ﻣﺮﻛﺰ ﺧﺎﺹ ﻭﺍﻧﺘﻢ ﻣﺎﺩﻓﻌﺘﻮﺵ ﻓﻠﻮﺱ ..
ﺍﻳﻨﺎﺱ : ﻭﻟﻠﻪ ﺷﻦ ﺑﻨﻘﻮﻟﻚ ﻫﺬﺍ ﺍﻟﻤﺮﻛﺰ ﺻﺢ ﺧﺎﺹ ﺑﺲ ﻓﺎﺗﺢ ﺟﺪﻳﺪ ..
ﻭﺍﻭﻝ ﻋﺸﺮﺓ ﺯﺑﺎﺋﻦ ﺭﺡ ﻳﺘﻜﻠﻒ ﺑﻴﻬﻢ ﺍﻟﻤﺮﻛﺰ ﻛﺎﻫﺪﻳﺔ ﻟﻲ ﺍﻻﺳﺘﻔﺘﺎﺣﻴﺔ ﻭﺍﻧﺘﻲ
ﻣﻦ ﺿﻤﻦ 10 ..
ﺭﻭﺍﺳﻲ : ﺍﻟﺤﻤﺪﻟﻠﻪ ﻳﺎﺭﺏ ..
ﺩﻋﺘﻬﺎ ﻣﻦ ﻗﻠﺒﻬﺎ ..
ﻓﻲ ﺍﻟﻤﻄﻌﻢ ..
ﻛﻞ ﻭﺣﺪﺓ ﻃﻠﺒﺖ ﻃﻠﺒﻬﺎ ..
ﺷﺪﻭﻫﺎ ﻫﺪﺭﺯﺓ ﻭﺍﻛﻞ ﻭﺿﺤﻚ ..
ﻭﺟﻲ ﺍﻟﻮﻗﺖ ﻟﻲ ﻛﻤﻠﻮﺍ ﻓﻲ ﺍﻛﻠﻬﻢ ..
ﻭﺧﻠﺼﻮﺍ ﺍﻟﺤﺴﺎﺏ ..
ﺑﺲ ﻛﺎﻧﺖ ﺍﻟﺼﺪﻣﺔ ﻟﻲ ﺭﻭﺍﺳﻲ ...
ﻣﺤﻤﺪ ﻣﻘﻌﻤﺰ ﻋﻠﻲ ﻃﺎﻭﻟﺔ ﻭﺷﺎﺩ ﻳﺪ ﺑﻨﺖ ﻭﻭﺍﺿﺢ ﺍﻧﻪ ﻳﺮﺍﺿﻲ ﻓﻴﻬﺎ ﻭﻳﺘﻐﺰﻝ
..
ﺭﻭﺍﺳﻲ : ﻃﻠﻌﺖ ﻃﻴﺎﺭﺓ ﻣﻦ ﺍﻟﻤﻄﻌﻢ ..
ﺍﻣﺎﻧﻲ : ﺧﻴﺮﻫﺎ ﺍﻟﻤﺠﻨﻮﻧﻪ ﻫﺎﺩﻱ ..
ﺍﻳﻨﺎﺱ : ﻛﺎﻧﺖ ﻣﻨﺘﺒﻬﺎ ﻟﻠﻤﻮﻗﻒ ﻣﻦ ﺍﻻﻭﻝ ..
ﻭﺣﻜﺖ ﻟﻲ ﺍﻣﺎﻧﻲ ﺷﻦ ﺻﺎﻳﺮ
ﺍﻣﺎﻧﻲ : ﻳﺎﻋﻠﻴﻚ ﺣﺎﻟﺔ ﻭﺧﻼﺹ ﻛﻴﻒ ﺍﻟﺤﻞ ﺗﻮﺍ
ﺍﻳﻨﺎﺱ : ﺍﻋﻤﻞ ﻧﻔﺴﻚ ﻣﺶ ﻓﺎﻫﻢ
ﻭﻧﺤﺎﻭﻟﻮﺍ ﻧﻐﻴﺮﻭﺍ ﺟﻮﻫﺎ ﺍﻭﻛﻲ
ﺍﻣﺎﻧﻲ : ﺍﻭﻛﻲ ..
ﻃﻮﻝ ﺍﻟﻄﺮﻳﻖ ﻭﻫﻤﺎ ﻳﺤﺎﻭﻟﻮﺍ ﻳﻐﻴﺮﻭ ﺟﻮ ﺭﻭﺍﺳﻲ
ﺑﺲ ﺭﻭﺍﺳﻲ ﻣﺶ ﻣﻌﺎﻫﻢ ﻧﻬﺎﺋﻲ ..
________________________
ﺷﻦ ﺑﺼﻴﺮ ﺗﺎﺑﻌﻮﻧﻲ
ﺭﻭﺍﺳﻲ ﺷﻦ ﺑﺼﻴﺮ ﻓﻴﻬﺎ
ﻫﻞ ﺣﺎﻟﺘﻬﺎ ﺭﺡ ﺗﺘﺤﺴﻦ ﻭﻻ ﺑﺘﺨﺶ ﻓﻲ ﺣﺎﻟﺔ ﺍﻛﺘﺌﺎﺏ
ﺣﺎﺩﺓ . .
ﻣﺤﻤﺪ ﺷﻦ ﺭﺩﺓ ﻓﻌﻠﻪ ﻟﻤﺎ ﻳﻜﺘﺸﻒ ﺍﻟﺤﻘﻴﻘﻪ
يتبع ...