ﺍﻟﺤﻠﻘﺔ : 4 ..
ﻣﻦ ﺭﻭﺍﻳﺔ : ﺍﺣﺒﺒﺘﻚ ﺩﻭﻥ ﻋﻠﻤﻚ ..
____________
ﻓﻲ ﻣﻜﺎﻥ ﺗﺎﻧﻲ
ﻋﻨﺪ ﻣﻨﺎﺭ ﺑﻨﺖ ﺳﻤﻴﺔ ..
ﻳﺎﺭﺑﻲ ﻋﻼﺵ ﺍﻣﻲ ﺗﻌﺎﻣﻞ ﻓﻴﺎ ﺍﻟﻤﻌﺎﻣﻠﻪ ﺍﻟﺰﻓﺘﻪ ﻫﺎﺩﻱ
ﻛﻞ ﻳﻠﻲ ﻳﻬﻤﺎ ﺍﻟﻔﻠﻮﺱ ﻭﺍﻟﻤﻈﺎﻫﺮ ...
ﻣﻊ ﺍﻥ ﻛﻨﺎ ﻋﻠﻲ ﺑﺎﺑﻚ ﻳﺎﻛﺮﻳﻢ ﻟﻮﻻ ﺍﻟﻠﻪ ﺛﻢ ﺧﺎﻟﺘﻲ ﻻ ﻛﻨﺎ
ﻭ ﻻﺷﻲ ...
ﻭﺍﻟﻜﺎﺭﺛﺔ ﺍﻫﻨﻲ ﺍﻥ ﺧﺎﻟﺘﻲ ﻣﺘﻮﺍﺿﻌﻪ ﻋﻠﻲ ﺍﻻﺧﻴﺮ ﻋﻜﺲ ﺍﻣﻲ ﻛﻠﻴﺎ ..
ﺍﺧﺨﺨﺦ ﻳﺎﺭﺏ ﻳﻐﻴﺮ ﺣﺎﻟﻚ ﻳﺎﺍﻣﻲ ﻭﺧﻼﺹ ﻣﺎﻋﻨﺪﻱ ﻣﺎﻧﻘﻮﻝ ..
ﻭﻛﺎﻥ ﻧﻘﻮﻟﻬﺎ ﺍﻧﻲ ﻧﺤﺐ ﺷﺨﺺ ﺣﺎﻟﺘﻪ ﺍﻟﻤﺎﺩﻳﺔ ﻣﺘﻮﺳﻄﺔ
ﻭﻟﻠﻪ ﺛﻢ ﻭﻟﻠﻪ ﺍﻟﻤﺎ ﺗﺪﻓﻨﻲ ﺣﻴﺎﺓ ﺍﻧﻲ ﻭﻳﺎﻩ ..
ﺣﻄﺖ ﻳﺪﻫﺎ ﻋﻠﻲ ﻭﺟﻬﺎ ﺍﺫﻛﺮﺕ ﻛﻴﻒ ﺗﻌﺮﻓﺖ ﻋﻠﻴﻪ
ﻭﻗﻌﺪﺕ ﺗﺒﺘﺴﻢ ﺯﻱ ﺍﻟﺒﻠﻬﺎﺀ ..
ﻧﺮﺟﻊ ﻟﻠﺨﻠﻒ ﺷﻮﻳﺔ ..
ﻳﻮﻡ ﻣﺸﻮ ﻟﻲ ﺣﻮﺵ ﺍﻫﻞ ﺭﻭﺍﺳﻲ ﺷﺎﻓﺖ ﻣﺮﻭﺍﻥ ﻛﻴﻒ ﻳﺒﺼﺮ ﻣﻊ ﺧﻮﺗﻪ ..
ﻭﻛﻴﻒ ﻧﻌﺠﺒﺖ ﺑﻴﻪ ﻋﻠﻲ ﺍﻻﺧﻴﺮ ﻃﻮﻝ ﻭﺟﻤﺎﻝ
ﺍﻟﺒﻨﺖ ﻋﻘﻠﻬﺎ ﻃﺎﺭ ..
ﺧﻔﺖ ﺍﻋﺠﺎﺑﻬﺎ ﻭﺧﺠﻠﻬﺎ ﻭﺭﻭﺣﺖ ﻣﻊ ﺍﻣﻬﺎ ...
ﺍﻣﺎ ﻋﻤﻚ ﻣﺮﻭﺍﻥ ﻗﻌﺪﺕ ﻣﺘﻨﺢ ﺣﺘﻲ ﻛﻠﻤﺔ ﻻ
ﺍﻳﻤﻦ : ﺑﺨﺒﺚ
ﺍﻧﺖ ﻳﺎﺍﻫﺒﻞ ﺧﻴﺮﻙ ﺳﻜﺘﺖ ﻓﻲ ﻧﺺ ﺍﻟﻜﻼﻡ ﻭﻗﻌﺪﺕ ﻳﻠﻌﺐ ﻓﻲ ﺣﻮﺍﺟﺒﺔ
ﺑﻤﻌﻨﻲ ﻛﺎﺷﻔﻚ ﻳﺎﺑﻄﻞ
ﻣﺮﻭﺍﻥ : ﺗﻨﺤﻨﺢ ﻭﻗﻌﺪ ﻳﻜﻤﻞ ﻓﻲ ﻛﻼﻣﻪ ..
ﻟﻜﻦ ﻋﻘﻠﻪ ﻣﺰﺍﻝ ﺷﻐﺎﻝ ﻣﻦ ﻧﺎﺣﻴﺔ ﺍﻟﺒﻨﺖ ﺍﻟﻤﺠﻬﻮﻟﺔ
ﻟﻲ ﺧﺪﺕ ﻋﻘﻼﺗﻮ ..
ﻭﻓﺎﺗﺖ ﺍﻻﻳﺎﻡ ﻭﺍﻟﺜﻨﺎﺋﻲ ﻣﺰﺍﻝ ﻳﻔﻜﺮﻭ ﻓﻲ ﺑﻌﺾ
ﻳﻮﻡ ﻣﻦ ﺍﻻﻳﺎﻡ ﻣﻨﺎﺭ ﻗﺮﺭﺕ ﺗﻄﻠﻊ ﻣﻊ ﺻﺪﻳﻘﺎﺗﻬﺎ ﺗﺘﻤﺸﻲ ﻋﻠﻲ ﺍﻟﻜﻮﺭﻧﻴﺶ ..
ﻣﻨﺎﺭ : ﺍﺧﻲ ﻳﺎﻋﻠﻴﻚ ﻳﺎﻋﺎﻓﻨﻪ ﺍﻧﻲ ﺗﺴﺘﺨﺴﺮﻱ ﻓﻴﺎ ﻃﺮﻑ ﺷﻮﻛﻮﻻﺗﻪ ﻭﺩﺍﺭﺕ
ﻭﺟﻬﺎ ﺍﻟﻄﻔﻮﻟﻲ ..
ﻫﺪﻳﻞ : ﻫﻬﻬﻬﻬﺦ ﻭﻟﻠﻪ ﺍﻟﻘﺼﺔ ﻣﺶ ﻫﻜﻲ ﺑﺲ ﺍﻧﻲ ﺳﻜﺮﻱ ﻣﻦ ﺍﻣﺘﻲ ﺷﻔﺖ
ﻭﺟﻬﻚ ﺍﻫﺒﻂ
ﻣﻨﺎﺭ : ﻳﺎﺯﺑﺎﻟﻪ ﺷﻦ ﻗﺼﺪﻙ
ﻗﻄﻌﺖ ﻋﻠﻴﻬﻢ ﺍﻟﻜﻼﻡ ﻣﻨﺎﻝ ..
ﻣﻨﺎﻝ : ﻫﻬﻬﺨﺦ ﺻﺢ ﻛﻼﻣﻚ ﻳﺎﻫﺪﻭﻝ ..
ﻣﻨﺎﺭ : ﺭﻗﺘﻠﻬﺎ ﻣﻨﻬﻢ
ﻭﺑﺨﺒﺚ ﺣﺒﺖ ﺗﻠﻌﺐ ﺑﺎﺍﻋﺼﺎﺑﻬﻢ ..
ﻣﺎﺷﻲ ﻣﻨﻮﺭﻳﻦ ﻋﻠﻴﻬﺎ
ﻭﺧﻔﺖ ﻓﻲ ﻣﺸﻴﺘﻬﺎ ﻭﺗﻀﺮﺏ ﻓﻲ ﻛﺜﻒ ﺷﺨﺺ
ﺍﺳﻔﻪ ﻣﺶ ﻣﺰﺍﻝ ﻣﺎﻛﻤﻠﺘﺶ ﺟﻤﻠﺘﻬﺎ ﻭﻗﻒ ﺍﻟﻜﻼﻡ ﻓﻲ ﺣﻠﻘﻬﺎ ﻣﻌﺪﺵ ﻋﺮﻓﺖ
ﺷﻦ ﺗﻘﻮﻝ ..
ﻣﺮﻭﺍﻥ : ﻣﺘﻨﺢ ﺍﺍﺍ ﺍﺍﺍ
ﻫﺪﻳﻞ : ﻣﻨﺎﺭ ﻣﻦ ﻫﺬﺍ
ﻣﻨﺎﺭ : ﺣﺮﻙ ﻓﻲ ﻳﺪﻫﺎ ﺑﻌﺒﺎﻃﻪ
ﻭﺛﻮﺗﺮ ﺍﺍﺍ ﺍﺍﺍﺍ
ﻫﺪﻳﻞ : ﻗﺎﻣﺖ ﺣﺎﺟﺐ ﺍﻱ ﺑﻪ
ﻣﻨﺎﺭ : ﻧﺰﻟﺖ ﺭﺍﺳﻬﺎ ﺑﺨﺠﻞ
ﻻﻥ ﻣﺮﻭﺍﻥ ﺑﻴﺎﻛﻠﻬﺎ ﺑﻨﻈﺎﺭﺍﺗﻬﺎ
ﻣﻨﺎﻝ : ﺑﺘﻬﻮﺭ : ﻻ ﻳﻜﻮﻥ ﻫﺬﺍ ﻧﻔﺲ ﺍﻟﺸﺨﺺ ﻟﻲ ﻭﺍﺧﺪ ﻋﻘﻠﻚ ..
ﻣﻨﺎﺭ : ﻓﻨﺼﺖ ﻋﻴﻮﻧﻬﺎ ﺑﺼﺪﻣﺔ ﻣﻦ ﻛﻼﻡ ﺻﺎﺣﺒﻬﺎ ﺍﻟﻐﺒﻴﺔ ..
ﻫﺪﻳﻞ : ﺑﺘﻬﻮﺭ ﻭﺗﺴﺮﻉ
ﻫﻮﺍ ﺍﻗﺴﻢ ﺑﺎﻟﻠﻪ ﻭﺭﺗﻨﻲ ﺻﻮﺭﺗﻪ ﻻ ﻳﻜﻮﻥ ﺗﻜﻠﻤﻲ ﻓﻴﻪ ﻭﻣﺘﺤﺸﻤﻪ ﻣﻨﺎ ﻫﺎﺍﺍ ..
ﻣﻨﺎﺭ : ﺗﺘﻤﻨﻲ ﺍﻻﺭﺽ ﺗﻨﻔﺘﺢ ﻭﺗﺒﻠﻌﻬﺎ ﺍﻟﻌﺒﻴﻄﺎﺕ ﻓﻀﺤﻮﻫﺎ ﻭﻗﺪﺍﻣﻪ ﺯﻳﺎﺩﺓ ..
ﻣﺮﻭﺍﻥ : ﻣﻌﺪﺵ ﻗﺪﺭ ﻳﺸﺪ ﻧﻔﺴﻪ ﻧﻔﻠﻖ ﺑﻀﺤﻚ
ﻫﻬﻬﻬﻬﻬﻬﻬﻬﻬﻪ
ﻣﻨﺎﺭ : ﻗﺮﻳﺐ ﺗﺒﻜﻲ ﻭﻟﻤﺎ ﺿﺤﻚ ﻗﺎﻣﺖ ﻋﻴﻮﻧﻬﺎ ﻟﻲ ﻣﻌﺒﻴﺎﺕ ﺩﻣﻮﻉ ﻭﺷﺮﺩﺕ
ﻓﻲ ﺿﺤﻜﺘﻪ ﻛﻴﻒ ﺗﻬﺒﻞ ﻭﺿﺎﻋﺖ ﻓﻴﻬﺎ ﻫﻮﺍ ﺷﺎﻑ ﻧﻈﺎﺭﺗﻬﺎ ﻗﺎﻡ ﺣﺎﺟﺒﻪ ﻫﻴﺎ
ﺧﻼﺹ ﺳﺨﻨﺖ ﺭﺟﻠﻴﻬﺎ ﻭﻣﻨﻌﺖ ﺗﻤﺸﻲ ﺑﻼ ﻫﺪﻑ ﻭﻣﺶ ﻣﻌﺪﻟﻪ ﻋﻠﻲ ﺣﺪ ﻓﻴﻬﻢ
ﺍﻫﻢ ﺷﻲﺀ ﺗﻬﺮﺏ ﻣﻦ ﻧﻈﺎﺭﺍﺗﻪ ﻭﻛﻼﻡ ﺻﺎﺣﺒﺘﻬﺎ ﻟﻲ ﻓﻀﺤﻮﻫﺎ ﻗﺪﺍﻣﻪ ..
ﻣﺮﻭﺍﻥ : ﻗﺎﻝ ﻟﻲ ﺻﺎﺣﺒﺘﻬﺎ ﺷﻮﻳﺔ ﻭﻧﺠﻮﻛﻢ ﺧﻠﻮﻧﻲ ﻣﻌﺎﻫﺎ ﺷﻮﻳﺔ ﻛﺎﻧﺖ ﺭﺡ
ﺗﺤﻜﻴﻠﻜﻢ ﻟﻜﻦ ﺍﻧﺘﻢ ﺣﺸﻤﺘﻮﻫﺎ
ﻭﺍﺑﺘﺴﻢ ﻋﻠﻲ ﻣﺤﺒﻮﺑﺘﻪ ﻭﻗﻌﺪ ﻳﻤﺸﻲ ﺧﻠﻔﻬﺎ ...
ﻣﻨﺎﺭ : ﺗﺘﻜﻠﻢ ﻭﺗﺤﺮﻙ ﻓﻲ ﻳﺪﻫﺎ ﺗﻘﻮﻝ ﺑﺘﺨﺶ ﺩﻋﻜﺔ
ﺣﻘﻴﺮﺍﺕ ﺯﻓﺘﺎﺕ ﻭﻟﻠﻪ ﻓﻀﺤﻮﻧﻲ ﻳﺎﺭﺑﻲ ﺧﻼﺹ
ﻗﺮﻳﺐ ﺑﻨﻤﻮﺕ ﻣﻦ ﺍﻟﺤﺸﻢ ﻣﻌﺪﺵ ﻋﻨﺪﻱ ﻭﺟﻪ ﻧﻘﺎﺑﻞ
ﺑﻴﺔ ﺷﺪﺕ ﻭﺟﻬﺎ ﻭﻗﻌﺪﺕ ﺗﻌﻴﻂ ﻭﺗﻀﺮﺏ ﻓﻲ ﺭﺟﻠﻬﺎ ﻋﻠﻲ ﺍﻻﺭﺽ ...
ﻣﺮﻭﺍﻥ : ﺧﻠﻔﻬﺎ ﻳﺴﻤﻊ ﻓﻴﻬﺎ ﻛﻴﻒ ﺍﺗﻤﺘﻢ ﻭﻳﺒﺘﺴﻢ ﻋﻠﻲ ﺣﺮﻛﺎﺗﻬﺎ ﺍﻟﻄﻔﻮﻟﻴﻪ ..
ﻣﻨﺎﺭ : ﺩﻫﺸﺖ ﻣﻦ ﺍﻟﻤﺸﻲ ﻭﺣﺮﻛﺎﺗﻬﺎ ﺍﻟﻤﻬﺒﻮﻟﺔ ﻭﻗﻌﻤﺰﺕ ﺣﺴﺖ ﺑﻲ ﺣﺪ
ﻗﻌﻤﺰ ﺟﻨﺒﻬﺎ ...
ﺑﺲ ﻣﻌﻄﺘﺶ ﺍﻳﺔ ﺍﻫﺘﻤﺎﻡ ..
ﻣﺮﻭﺍﻥ : ﻣﻘﻌﻤﺰ ﺟﻨﺒﻬﺎ ﻭﻳﺘﻔﺮﺝ ﻋﻠﻲ ﻣﻌﺸﻮﻗﺘﻪ
ﻭﻳﺒﺘﺴﻢ ﻭﺍﺧﻴﺮﺍ ﻗﺮﺭ ﻳﺘﻜﻠﻢ ..
ﻟﻠﻌﻠﻢ ﺣﺘﻲ ﺍﻧﻲ ﻣﻌﺠﺐ ﺑﻴﻚ ﻭﻣﻦ ﺍﻭﻝ ﻧﻈﺮﺓ
ﻭﻻﻥ ﻣﺶ ﻣﺼﺪﻕ ﺍﻧﻲ ﺷﻔﺘﻚ ﻗﺪﺍﻣﻲ ..
ﻣﻨﺎﺭ : ﺷﺎﻓﺖ ﺟﻨﺒﻬﺎ ﻻﻗﺘﻪ ﻣﺮﻭﺍﻥ ﻃﺒﺴﺖ ﺭﺍﺳﻬﺎ ﺗﺤﺖ
ﻭﻗﻌﺪﺕ ﺗﺒﺮﺭ ...
ﺑﺨﺠﻞ ﺍﺳﻔﺔ ﺑﺠﺪ ﺻﺪﻳﻘﺎﺗﻲ ﻣﺒﺎﻟﻐﻴﻦ ﺑﻌﺾ ﺍﻟﺸﻲﺀ ﻭﻭﺟﻬﺎ ﻭﺍﺿﺢ ﺍﺣﻤﺮ ﻣﻊ
ﺑﻌﻀﻪ
ﻣﺮﻭﺍﻥ : ﻫﻬﻬﻪ ﺣﺴﻴﺖ ﺣﺘﻲ ﺍﻧﻲ ﺧﻠﻴﻚ ﻣﻨﻬﻢ ﺗﻮﺍ ﺍﻫﻢ ﺷﻲ ﻋﻨﺪﻱ ﺍﻧﺘﻲ
ﺍﻧﻲ ..
ﻣﻨﺎﺭ : ﺍﺑﺘﺴﻤﺖ ﺑﺨﺠﻞ ..
ﻣﺮﻭﺍﻥ : ﺣﺐ ﺧﺠﻠﻬﺎ ..
ﺍﻧﺘﻲ ﻣﺮﺗﺒﻄﻪ ﻓﻲ ﺣﺪ ﻓﻲ ﺣﻴﺎﺗﻚ ...
ﻣﻨﺎﺭ : ﻫﺰﺕ ﺭﺍﺳﻬﺎ ﺑﻤﻌﻨﻲ ﻻ
ﻣﺮﻭﺍﻥ : ﻓﺮﺡ ﻣﻤﻜﻦ ﻓﻮﻧﻚ ﺷﻮﻱ
ﻣﻨﺎﺭ : ﻣﺪﺗﻬﻮﻟﻪ ..
ﻣﺮﻭﺍﻥ : ﻛﺘﺐ ﺭﻗﻤﻪ ﻭﺳﺠﻞ ﺍﺳﻤﻪ ﻣﻌﺸﻮﻗﻚ
ﻭﺩﺍﺭ ﺭﻧﻪ ﻟﻲ ﻧﻔﺴﺔ ..
ﻣﻨﺎﺭ : ...
ﻭﺷﺪﻭﻫﺎ ﻫﺪﺭﺯﺓ ﻣﻊ ﺑﻌﺾ ..
ﻓﺎﻗﺖ ﻣﻦ ﺷﺮﻭﺩﻫﺎ ﻋﻠﻲ ﺻﻮﺕ ﺍﻣﻬﺎ ..
ﻣﻨﺎﺭ : ﻧﻌﻢ ﻣﺎﻣﻲ
ﺳﻤﻴﺔ : ﻭﺗﻲ ﺭﻭﺣﻚ ﺑﻨﻤﺸﻮ ﻟﻲ ﺣﻮﺵ ﺧﺎﻟﺘﻚ
ﻣﻨﺎﺭ : ﻓﺮﺣﺖ ﺍﻭﻛﻲ ﻣﺎﻣﻲ ..
ﺳﻤﻴﺔ : ﺑﺴﺮﻋﻪ ﻳﺎﺑﻨﺖ ﻻﻥ ﻧﺒﻲ ﻧﻤﺸﻮ ﺑﻜﺮﻱ ﻭﺭﻭﺣﻮﺍ ﺑﻜﺮﻱ
ﻣﻨﺎﺭ : ﺗﻤﺎﻡ ﺭﺑﻊ ﺳﺎﻋﻪ ﺑﺎﻟﻜﺜﻴﺮ
ﻃﻠﻌﺖ ﺳﻤﻴﺔ ﺑﻌﺘﺖ ﻣﺴﺞ ﻟﻲ ﻣﺮﻭﺍﻥ ﺍﻧﻬﺎ ﺑﺘﻄﻠﻊ
ﻫﺎﺩﻱ ﻋﺎﺩﺓ ﻓﻴﻬﺎ ...
.....................
ﻋﻨﺪ ﻣﺮﻭﺍﻥ ..
ﻣﻘﻌﻤﺰ ﻣﻊ ﺻﺎﺣﺒﻪ ﺍﻟﺸﺒﺎﺏ ﻭﺧﻮﺗﻪ ..
ﻭﺻﻠﻪ ﺍﻟﻤﺴﺞ ﺍﺑﺘﺴﻢ ﻭﺑﻌﺘﻠﻬﺎ ﻣﺴﺞ
ﻭﺳﻜﺮ ﻓﻮﻧﻪ
ﺍﻭﻛﻲ ﺣﺒﻴﺒﺘﻲ ﻏﻴﺮﻱ ﺟﻮﻙ ﻓﻲ ﺣﻔﻆ ﺍﻟﻠﻪ ..
ﻭ ﺑﻌﺪﻳﻦ
ﺷﺪﻫﺎ ﻫﺪﺭﺯﺓ ﻣﻊ ﺍﻟﺸﺒﺎﺏ ﺗﺎﻧﻲ ..
ﻣﺮﻭﺍﻥ : ﺍﻧﺴﺎﻥ ﻃﻤﻮﺡ ﺩﻛﺘﻮﺭ ﺍﺳﻨﺎﻥ ..
ﺣﺎﻟﺘﻪ ﺍﻫﻠﻪ ﺍﻟﻤﺎﺩﻳﺔ ﻣﺘﻮﺳﻄﺔ ﺍﻣﺎ ﻫﻮﺍ ﻣﻌﺘﻤﺪ ﻋﻠﻲ ﻧﻔﺴﻪ ﻣﻦ ﺻﻐﺮﻩ ﻭﺣﺎﻟﺘﻪ
ﺣﻜﻢ ﻣﻤﺘﺎﺯﺓ ..
ﺍﻧﻴﻖ ﻟﻲ ﺍﺑﻌﺪ ﺣﺪ ﻭﺟﻨﺘﻞ ﻭﻏﻴﺮ ﺍﻧﻪ ﻃﺮﻓﻮﺵ
ﻭﺟﻮﻩ ﻋﺴﻠﻠﻠﻞ ..
...............................
ﻋﻨﺪ ﺷﺪﻱ ﻟﺒﺴﺖ ﻓﺴﺘﺎﻥ ﺳﻜﺮﻱ ﻟﻲ ﻓﻮﻕ ﺍﻟﺮﻛﺒﺔ ﺑﺸﻮﻱ
ﻣﺮﺳﻮﻡ ﻋﻠﻲ ﺍﻟﺠﺴﻢ ﺑﻄﺮﻳﻘﺔ ﺣﻠﻮﺓ ﻓﻴﻪ ﻓﺘﺤﻪ ﻣﻦ ﺍﻟﺼﺪﺭ ﺑﺴﻴﻄﺔ ﻭﺣﻄﺖ
ﻣﻴﻜﺐ ﺧﻔﻴﻒ ﻣﻊ ﻛﺴﺴﻮﺍﺭﻱ ﺑﻴﺴﻂ ﻭﺣﻄﺖ ﺍﻻﻣﺴﺎﺕ ﺍﻻﺧﻴﺮﺓ ﻣﻦ ﺍﻟﺒﺮﻓﻴﻮﻥ
ﻭﻋﻄﺖ ﺑﻮﺳﺔ ﻟﻲ ﻣﺮﻳﺘﻬﺎ ﻭﻧﺰﻟﺖ ﻟﻲ ﺗﺤﺖ ...
ﺷﺪﻱ : ﻫﺎﺍﺍ ﻣﺎﻣﻲ ﺷﻦ ﺭﺍﻳﻚ
ﺻﻔﺎﺀ : ﺍﻟﻠﻪ ﻳﺒﺎﺭﻙ ﻋﺴﻞ ﻳﺎﺑﻨﺘﻲ ﻳﺎﺭﺏ ﻧﺸﻮﻓﻚ ﻋﺮﻭﺱ
ﺷﺪﻱ : ﺍﻣﻴﻴﻴﻲ ﺧﻼﺹ ﺧﺠﻠﺘﻴﻨﻲ
ﺻﻔﺎﺀ : ﻫﻬﻬﻬﻪ ﻳﺎﻋﻠﻴﻚ ﺑﻨﺖ ..
ﺷﺪﻱ : ﻗﻌﻤﺰﺕ ﺗﺎﻛﻞ ﻓﻲ ﻓﻮﺍﻛﻪ ﻣﻊ
ﺍﻣﻬﺎ ﻭﺗﻬﺪﺭﺯ ﻣﻌﻬﺎ
.............................
ﻋﻨﺪ ﺭﻭﺍﺳﻲ ﻏﺴﻠﺖ ﻭﺟﻬﺎ ﻭﻟﺒﺴﺖ ﺗﻮﺗﻪ ﺑﺮﻣﻮﺩﺓ
ﻭﺷﺪﻩ ﺷﻌﺮﻫﺎ ﺑﺸﺪﺍﺩﻩ ﺑﻄﺮﻳﻘﺔ ﻋﺸﻮﺍﺋﻴﺔ ..
ﻭﺣﻄﺖ ﻻﻣﺴﺎﺕ ﺑﻴﺘﻴﺔ ﻭﻣﺸﺖ ﻗﻌﻤﺰﺕ ﻣﻊ ﺍﻟﻌﻴﻠﺔ
ﻭﺷﺪﺗﻬﺎ ﻫﺪﺭﺯﺓ ...
ﺣﺴﺖ ﺍﻣﻬﺎ ﺗﺸﻮﻓﻠﻬﺎ ﻧﻈﺮﺍﺕ ﻏﺮﻳﺒﺔ ﺑﺲ ﻣﺎﺣﻄﺖ ﺷﻲﺀ ﻓﻲ ﺭﺍﺳﻬﺎ ..
........................
ﻋﻨﺪ ﺻﻘﺮ ..
ﺭﻭﺡ ﻭﺣﺪﻑ ﻧﻔﺴﻪ ﻋﻠﻲ ﺍﻟﺴﺮﻳﺮ ﻭﻏﻤﺾ ﻋﻴﻮﻧﻪ
ﻭﻗﻌﺪ ﻳﺴﺘﺮﺟﻊ ﻓﻲ ﺟﻤﻴﻊ ﺫﺍﻛﺮﺗﻪ ﻭﺫﻛﺮ ﺍﻭﻝ ﻣﺮﺓ
ﺷﺎﻓﻬﺎ ﻓﻴﻬﺎ ...
ﺻﻘﺮ : ﺷﺪﻱ ﺍﻋﻄﻨﻲ ﺗﻠﻴﻔﻮﻧﻚ ﺷﻮﻳﺔ ﻣﺶ ﻋﺎﺭﻑ ﻭﻳﻦ ﺣﺪﻓﺖ ﺗﻠﻔﻮﻧﻲ ..
ﺷﺪﻱ : ﻣﺪﺗﻬﻮﻟﻪ ..
ﺻﻘﺮ : ﺍﺗﺼﻞ ﻭﻟﻘﻲ ﻓﻮﻧﻪ ..
ﺑﺲ ﻟﻔﺖ ﻧﻈﺮﺓ ﺧﻠﻔﻴﺔ ﻓﻮﻥ ﺍﺧﺘﻪ ﺷﺎﻑ ﺑﻨﺖ ﻓﻲ ﻗﻤﺔ ﺍﻟﺠﻤﺎﻝ ﻋﺮﻑ ﺍﻧﻬﺎ
ﺭﻭﺍﺳﻲ ﻟﻲ ﺩﻳﻤﺎ ﺗﺤﻜﻲ ﻋﻠﻴﻬﺎ
ﻭﺗﺎﻧﻲ ﻣﺮﺓ ﺷﺎﻓﻬﺎ ﻟﻤﺎ ﻭﺻﻞ ﺍﺧﺘﻪ ﻟﻲ ﺍﻟﺠﺎﻣﻌﺔ
ﺯﺍﺩ ﺍﻋﺠﺎﺑﻪ ﻓﻴﻬﺎ ﺍﻛﺜﺮ ﻭﺍﻛﺜﺮ ...
ﻭﺳﺄﻝ ﻋﻠﻴﻬﺎ ﺍﻛﺜﺮ ﻣﻦ ﻣﺮﺓ ﻭﻛﺎﻥ ﺍﻟﺮﺩ ﺍﻥ ﺍﻟﺒﻨﺖ ﺗﺒﺎﺭﻙ ﺍﻟﺮﺣﻤﻦ ...
ﻭﺍﻟﺒﺎﻗﻲ ﺗﻌﺮﻓﻮﺍ
.......................................
ﻓﺘﺤﺖ ﺍﻟﺸﻐﺎﻟﻪ ﺍﻟﺒﺎﺏ ﻭﻛﺎﻧﺖ ﺳﻤﻴﺔ ﻭﻣﻨﺎﺭ
ﺍﺳﺘﻘﺒﻠﺘﻬﻢ ﺻﻔﺎﺀ ﻭﺷﺪﻱ ..
ﺑﻌﺪ ﺍﻟﺴﻼﻡ ﻭﺍﻟﺴﺆﺍﻝ ..
ﺍﻟﺒﻨﺎﺕ ﺧﺪﻭ ﺟﻨﺐ ﻭﺷﺪﻭﻫﺎ ﻫﺪﺭﺯﺓ ﻣﻊ ﺑﻌﺾ
ﻭﺍﻟﺨﻮﺍﺕ ﻧﻔﺲ ﺍﻟﺸﻲﺀ ..
ﻭﺍﺣﺘﻤﺎﻝ ﺗﺠﻲ ﺍﻟﺨﺎﻟﻪ ﺍﻟﺜﺎﻟﺘﻪ ﻣﻊ ﺑﻨﺘﻬﺎ ..
ﻣﻨﺎﺭ : ﺣﻜﺖ ﻟﻲ ﺷﺪﻱ ﻋﻠﻲ ﻛﻞ ﺷﻲﺀ ﺻﺎﺭ ﻣﻌﻬﺎ
ﻭﺷﺪﻱ : ﻓﺮﺣﺘﻠﻬﺎ ﻋﻠﻲ ﺍﻻﺧﻴﺮ ﺑﺲ ﻓﻲ ﻧﻔﺲ ﺍﻟﻮﻗﺖ ﺧﺎﻓﺖ ﻣﻦ ﺭﺩﺓ ﻓﻌﻞ
ﺧﺎﻟﺘﻬﺎ ﻟﻮ ﺗﻌﺮﻑ ﺑﺎﻟﺸﻲ ﻫﺬﺍ ..
ﻋﻠﻲ ﺧﺸﺖ ﺑﻨﺖ ﺧﺎﻟﺘﻬﻢ ﺍﻟﻤﻐﺮﻭﺭﺓ ﺯﻱ ﺍﻣﻬﺎ ( ﺳﻬﺎﻡ )
ﺍﺣﻼﻡ : ﻫﺎﺍﺍﻱ ﺻﺒﺎﻳﺎ ﺍﻧﻲ ﺟﻴﺖ
ﻣﻨﺎﺭ : ﻳﺎﻛﺮﻫﻲ ﻻﻧﺴﺎﻧﻪ ﻫﺎﺩﻱ
ﺷﺪﻱ : ﻛﺘﻤﺖ ﺿﺤﻜﺘﻬﺎ ﻭﻋﻠﻴﻜﻢ ﺍﻟﺴﻼﻡ
ﺍﺣﻼﻡ : ﻃﻨﺘﺸﻬﻢ ﻭﻗﻌﻤﺰﺕ ﻣﻌﺎﻫﻢ ..
ﻛﻴﻒ ﺍﺧﺒﺎﺭﻛﻢ ..
ﺷﺪﻱ : ﺑﺨﻴﺮ ﻭﻧﻌﻤﻪ ..
ﺍﺣﻼﻡ : ﻣﻨﺎ ﻭﻳﻦ ﺻﻘﻮﺭﻱ ﻣﺶ ﻣﺒﻴﻦ
ﺷﺪﻱ : ﻗﺎﻣﺖ ﺣﺎﺟﺐ ﻋﻼﺵ ﺗﺴﺄﻟﻲ ﻭﺑﻌﺪﻳﻦ ﺷﻦ ﺻﻘﻮﺭﻱ ﺑﺘﺎﻋﻚ ﻫﺎﺩﻱ
ﺍﺣﺘﺮﻣﻲ ﻧﻔﺴﻚ ﺍﺳﻤﻪ ﺻﻘﺮ
ﺍﺣﻼﻡ : ﺍﻏﺘﺎﺿﺖ ﻗﺮﻳﺐ ﺗﺘﻔﺠﺮ ..
ﺑﻤﻜﺮ ﺗﻮﺍ ﻧﻮﺭﻳﻚ ﻳﺎﺷﺪﻭﻭﻭ ﻳﺎﺯﻓﺖ
ﺗﻠﻔﺘﺖ ﻭﺳﺄﻟﺖ ﺧﺎﻟﺘﻬﺎ ﺧﺎﻟﺘﻮ ﻣﻨﺎ
ﻭﻳﻦ ﺻﻘﺮ ﻣﺶ ﻣﺒﻴﻦ
ﺻﻔﺎﺀ : ﻣﺶ ﻋﺎﺟﺒﻬﺎ ﺍﻟﺴﺆﺍﻝ
ﺭﺍﻗﺪ ﻓﻲ ﺩﺍﺭﻩ ﻋﻼﺵ ﺗﺒﻲ ﻓﻲ ﺣﺎﺟﺔ
ﺍﺣﻼﻡ : ﻧﺤﺮﺟﺖ ﻻﻻ ﺍﻟﺤﻖ ﻧﺴﺄﻝ ﻋﻠﻴﺔ
ﻭﺍﺍﺍﻣﻤﻢ ﻧﻮﻡ ﺍﻟﻌﻮﺍﻓﻲ ..
ﻗﻌﺪﺕ ﺷﻮﻳﺔ ﻣﻊ ﺍﻟﺒﻨﺎﺕ ﻭﺳﺘﺎﺫﻧﺖ ﻟﻲ ﺍﻟﺤﻤﺎﻡ
ﻣﻨﺎﺭ : ﺍﻟﺒﻨﺖ ﻫﺎﺩﻱ ﻭﺭﺍﻫﺎ ﻣﺼﻴﺒﻪ ﺍﻧﻲ ﺣﺎﺳﺔ
ﺷﺪﻱ : ﻧﻔﺲ ﺍﺣﺴﺎﺳﻚ ﺷﻦ ﺭﺍﻳﻚ ﺍﻧﺘﺒﻌﻮﻫﺎ ..
ﻣﻨﺎﺭ : ﻓﻜﺮﺓ ﻭﻟﻠﻪ ..
ﻋﻨﺪ ﺍﺣﻼﻡ ﺳﺎﻭﺕ ﺭﻭﺣﻬﺎ ﻓﻲ ﺍﻟﻤﺮﺍﻳﺎ ﻭﺣﻄﺖ ﻧﺺ ﺍﻟﺒﺮﻓﺎﻥ ﻭﺣﻄﺖ ﺭﻭﺝ
ﺻﺎﺭﺥ ﻭﻣﺸﺖ ﺗﺘﻤﺎﻳﻞ ﻟﻲ ﻏﺮﻓﺖ ﺻﻘﺮ ..
ﺷﺪﻱ : ﻫﺎﺩﻱ ﺷﻜﻠﻬﺎ ﺣﻖ ﺭﺍﺳﻤﻪ ﻋﻠﻲ ﻣﺼﻴﺒﺔ
ﻣﻨﺎﺭ : ﺗﺒﻌﻴﻬﺎ ﻭﺍﺳﻜﺘﻲ ﻻ ﺗﻔﻀﺤﻴﻨﺎ .
ﺷﺪﻱ : ﺍﻭﻛﻲ ..
ﺻﻘﺮ : ﻣﻐﻤﺾ ﻋﻴﻮﻧﻪ ﺿﺮﺑﺖ ﻓﻲ ﺧﺸﻤﺔ ﺭﻳﺤﺔ ﺑﺮﻓﺎﻥ ﻗﻮﻳﺔ ﻋﻠﻲ ﺍﻻﺧﻴﺮ ..
ﺷﺪﻱ : ﻣﻨﺎﺭ ﺍﻓﺘﺤﻲ ﺍﻟﻜﺎﻣﻴﺮﺍ ﻋﻠﻲ ﺍﻟﻔﻴﺪﻳﻮﺍ ﺧﻠﻲ ﻧﺪﻟﻮﻫﺎ ﺑﻴﻪ ﺍﻟﻮﺳﺨﻪ
ﻫﺎﺩﻱ ....
ﻣﻨﺎﺭ : ﻭﻟﻠﻪ ﻓﻜﺮﺓ ﻫﺨﺨﺨﺦ
ﺷﺪﻱ : ﺻﻮﺭﻱ ﻳﺎﺯﻓﺘﻪ ﻭﺳﻜﺮﻱ ﻓﻤﻚ ..
ﻭﻓﻌﻼ ﺑﺪﻭ ﻳﺼﻮﺭﻭ ..
ﺻﻘﺮ : ﺍﺳﺘﻐﺮﺏ ﻓﺘﺢ ﻋﻴﻮﻧﻪ ﺷﺎﻑ ﺑﻨﺖ ﺧﺎﻟﺘﻪ ﻭﺍﻗﻔﺔ ﻗﺪﺍﻣﻪ
ﻭﺗﺸﻮﻓﻠﻪ ﺑﻨﻈﺮﺍﺕ ﺧﺒﺚ
ﺍﺣﻼﻡ : ﻫﺎﻱ ﺻﻘﻮﺭﻱ ﺷﻦ ﺍﺧﺒﺎﺭﻙ ﻳﺎﺭﻭﺣﻲ
ﺻﻘﺮ : ﺗﻘﻨﻄﻲ ﻣﻨﻬﺎ ﺷﻦ ﺍﺩﻳﺮﻱ ﺍﻫﻨﻲ ﻭﻣﻦ ﺳﻤﺤﻠﻚ ﺗﺨﺸﻲ ﻟﻲ ﺩﺍﺭﻱ ﻭﺍﻣﺎ
ﺭﻭﺣﻚ ﻟﻲ ﺗﺤﻜﻲ ﻋﻠﻴﻬﺎ ..
ﺍﺣﻼﻡ : ﺍﻣﻤﻤﻢ ﻋﻼﺵ ﻣﻜﺶ ﺣﺎﺱ ﺑﻴﺎ ﺍﻧﻲ ﻧﺤﺒﻚ ﻭﻧﺒﻴﻚ ﻳﺎﺻﻘﺮ ﺣﺲ ﺑﻴﺎ
ﺣﺮﺍﻡ ﻋﻠﻴﻚ ..
ﺻﻘﺮ : ﺍﻣﺎ ﺣﺐ ﻭﺍﻣﺎ ﻛﻼﻡ ﻓﺎﺭﻍ ..
ﺧﻠﻴﻬﺎ ﻓﻲ ﺑﺎﻟﻚ ﻟﻮ ﺗﻜﻮﻧﻲ ﺍﺧﺮ ﺑﻨﺖ ﻓﻲ ﺍﻟﻌﺎﻟﻢ ﻣﺴﺘﺤﻴﻞ ﻧﻔﻜﺮ ﻧﺘﺰﻭﺝ ﻭﺣﺪﺓ
ﺯﻳﻚ ﺗﺮﻣﻲ ﻓﻲ ﻧﻔﺴﻬﺎ
ﻋﻠﻲ ﻟﻲ ﻳﺠﻲ ..
ﺍﺣﻼﻡ : ﺟﺮﺣﻬﺎ ﻛﻼﻣﻪ ﻓﻲ ﺍﻟﺼﻤﻴﻢ ..
ﻋﻼﺵ ﺗﺘﻜﻠﻢ ﻣﻌﺎﻱ ﻫﻜﻲ ﺣﺮﺍﻡ ﻋﻠﻴﻚ ﺍﻧﻲ ﻋﻨﺪﻱ ﻣﺸﺎﻋﺮ ﻭﻧﺤﺲ ..
ﺻﻘﺮ : ﻟﻮ ﺣﺎﻓﻈﺔ ﻧﻔﺴﻚ ﺭﺍﻫﻮ ﻣﺶ ﻫﺬﺍ ﺣﺎﻟﻚ
ﻭﻟﻠﻌﻠﻢ ﺍﻧﻲ ﻧﺒﻲ ﻏﻴﺮﻙ ﻭﺭﺡ ﻧﺘﺰﻭﺟﻬﺎ ﻓﺎﺍﺍ ﻧﺤﻲ ﺍﻓﻜﺎﺭﻙ ﺍﻟﺴﺎﺩﺟﻪ ﻣﻦ ﺭﺍﺳﻚ
ﻭﺍﺧﺮﻟﻚ ﻣﺮﺓ ﻧﺸﻮﻓﻚ ﻓﻲ ﺩﺍﺭﻱ
ﻭﺍﺿﺢ ﻛﻼﻣﻲ ﻭﻳﻼ ﺗﻮﺍ ﺍﻟﺒﺎﺏ ﻳﻔﻮﺕ ﺟﻤﻞ ..
ﺍﺣﻼﻡ : ﺑﺨﺒﺚ ﺟﺒﺘﻪ ﻟﻲ ﺭﻭﺣﻚ ﻳﺎﻋﻤﺮﻱ
ﺍﻟﺰﻭﺍﺝ ﺭﺡ ﺗﺘﺰﻭﺟﻨﻲ ﻏﺼﺐ ...
ﺑﺪﺕ ﺗﻤﺴﺢ ﻓﻲ ﺭﻭﺟﻬﺎ ﺑﻴﺪﻫﺎ ﻟﺒﺰﺕ ﻭﺟﻬﺎ ﺑﻴﻪ
ﻭﻣﺰﻗﺖ ﺷﻮﻱ ﻣﻦ ﻟﺒﺴﻬﺎ ﻭﺑﺪﺕ ﺗﻌﻴﻂ ﺑﺼﻮﺕ ﻋﺎﻟﻲ
ﺍﻟﺤﻘﻮﻧﻲ ﺍﻟﺤﻘﻮﻧﻲ ..
ﻛﻠﻪ ﺗﺤﺖ ﻧﻈﺮ ﻣﻨﺎﺭ ﺷﺪﻱ ﻳﻠﻲ ﻣﺼﺪﻭﻣﻴﻦ
ﺍﻟﻨﺴﻮﻥ ﻣﻦ ﺍﻟﺨﻠﻌﻪ ﺟﻮﻭ ﻳﺠﺮﻭ ..
ﻭﺷﺎﻓﻮ ﺍﻟﻤﻨﻈﺮ ﻧﺨﻠﻌﻮﻭ ..
ﺻﻘﺮ : ﻣﺨﻠﻮﻉ ﻣﻦ ﻟﻲ ﻗﺎﻋﺪ ﻳﺼﻴﺮ ﻗﺪﺍﻣﻪ
ﺻﻔﺎﺀ : ﺟﺖ ﺿﺮﺑﺖ ﺍﺣﻼﻡ ﻛﻒ
ﺍﺣﻼﻡ : ﻣﺼﺪﻭﻣﻪ ﺑﺲ ﻛﻤﻠﺖ ﺗﻤﺜﻴﻠﻬﺎ ..
ﺧﺎﻟﺘﻲ
ﺍﺣﻼﻡ : ﻣﺼﺪﻭﻣﻪ ﺑﺲ ﻛﻤﻠﺖ ﺗﻤﺜﻴﻠﻬﺎ ..
ﺧﺎﻟﺘﻲ ﻭﻟﺪﻙ ﺣﺎﻭﻝ ﻭﻗﻌﺪﺕ ﺗﺒﻜﻲ ﻣﻦ ﺍﻟﺼﻤﻴﻢ
ﺻﻔﺎﺀ : ﺍﻃﻠﻌﻲ ﺑﺮﺍ ﺣﻮﺷﻲ ﻭﻟﺪﻱ ﻭﻧﻌﺮﻑ ﺭﺑﺎﻳﺘﻲ ﻣﺴﺘﺤﻴﻞ ﻳﺪﻳﺮﻫﺎ
ﺳﻤﻴﺔ : ﻣﺨﻠﻮﻋﻪ ..
ﺻﻘﺮ : ﺷﺎﻑ ﻟﻲ ﺍﻣﻪ ﺑﻤﻌﻨﻲ ﻭﻟﻠﻪ ﻣﺎﺩﺭﺕ ﺣﺎﺟﻪ
ﺻﻔﺎﺀ : ﻃﻤﻨﺎﺗﻪ ﺑﺮﺍﺳﻬﺎ ﺑﻤﻌﻨﻲ ﻧﻌﺮﻑ ﻳﺎﻭﻟﺪﻱ ..
ﺳﻬﺎﻡ : ﺑﺪﺕ ﺗﻌﻴﻂ ﺑﻨﺘﻲ ﺣﺮﺍﻡ ﻋﻠﻴﻜﻢ ﻣﻌﻘﻮﻟﺔ ﻫﻜﻲ ﻳﺎﺻﻔﺎﺀ ﻣﻌﻘﻮﻟﺔ ﻫﻜﻲ
ﺍﺩﻳﺮﻭ ﻓﻲ ﻭﺣﻴﺪﺗﻲ ..
ﺻﻔﺎﺀ : ﺍﻧﻲ ﻭﻟﺪﻱ ﻭﻧﻌﺮﻓﻪ ﺷﻨﻮ ...
ﺑﻨﺘﻚ ﻛﻠﻪ ﺗﻤﺘﻴﻞ ﻓﻲ ﺗﻤﺘﻴﻞ ﻭﻟﻠﻌﻠﻢ ﻋﻨﺪﻱ ﻋﻠﻢ ﺍﻥ ﺑﻨﺘﻚ ﺗﺤﺪﻑ ﻓﻲ ﺭﻭﺣﻬﺎ
ﻋﻠﻲ ﻭﻟﺪﻱ ﺑﺲ ﺍﻧﻲ ﺳﺎﻛﺘﻪ ﻟﻌﻴﻮﻧﻚ ﺑﺲ ﻟﻲ ﺍﻫﻨﻲ ﻭﺑﺲ ﻣﺘﻮﻗﻌﺘﺶ ﺍﻟﻨﺬﺍﻟﻪ
ﺗﻮﺻﻞ ﻟﻲ ﻫﺎﺩﻱ ﺍﻟﺪﺭﺟﺔ
ﺳﻤﻴﺔ : ﺑﺲ ﻳﺎ ﺻﻔﺎﺀ ﺍﻟﺸﻴﻄﺎﻥ ﺷﺎﻃﺮ
ﺻﻔﺎﺀ : ﻛﻴﻒ ﺑﺘﺘﻜﻠﻢ ﻗﻄﻌﺖ ﻋﻠﻴﻬﺎ ﻣﻨﺎﺭ
ﻣﻨﺎﺭ : ﻣﺎﻣﺎ ﺧﺎﻟﺘﻮ ﺍﻧﻲ ﻭﺷﺪﻱ ﺷﻔﻨﺎ ﻛﻞ ﺷﻲﺀ
ﻭﺻﻮﺭﻧﺎ ﺣﺘﻲ
ﺍﻟﻜﻞ ﺷﺎﻓﻮﻟﻬﻢ ﺑﻤﻌﻨﻲ ﻭﻳﻦ ﺍﻟﻔﻴﺪﻳﻮﺍ
ﺷﺪﻱ ﻭﻣﻨﺎﺭ : ﻓﺘﺤﻮﺍ ﺍﻟﻔﻴﺪﻳﻮﺍ ..
ﻭﺍﻟﻜﻞ ﺣﺎﻟﻪ ﺻﻤﺖ ﻭﺻﺪﻣﺔ ﻣﻦ ﻟﻲ ﺷﺎﻓﻮﺍ
ﺳﻬﺎﻡ : ﻗﻌﺪﺕ ﺗﻀﺮﺏ ﻓﻲ ﺑﻨﺘﻬﺎ ﺍﻟﻠﻪ ﻳﺤﺸﻢ ﺣﺎﻟﻚ ﺯﻱ ﻣﺎﺣﺸﻤﺘﻴﻨﻲ ﻗﺪﺍﻡ
ﺧﻮﺍﺗﻲ ﻧﻮﺿﻲ ﺍﻟﻠﻪ ﻳﺮﻓﻌﻚ ..
ﻭﺍﻋﺘﺬﺭﺕ ﻣﻦ ﺧﻮﺍﺗﻬﺎ ﻭﺻﻘﺮ ﻭﺭﻭﺣﺖ ﺑﻲ ﺑﻨﺘﻬﺎ ﻟﻲ ﺳﻮﺩﺗﻠﻬﺎ ﻭﺟﻬﺎ ﻗﺪﺍﻡ
ﺍﻫﻠﻬﺎ ..
.................
ﻋﻨﺪ ﺭﻭﺍﺳﻲ ﻭﻟﺖ ﻓﻜﺮ ﻫﻠﺒﺎ ﻓﻲ ﺻﻘﺮ ﻭﺗﺴﺮﺡ ﻓﻴﻪ
ﺑﺲ ﻣﻊ ﻫﺬﺍ ﺧﺎﻳﻔﺔ ﺍﻧﻬﺎ ﺗﺤﺐ ﺍﻧﺴﺎﻥ ﻣﺎﺗﻌﺮﻑ ﻋﻠﻴﻪ
ﺷﻲ ﺍﻻ ﺍﻥ ﻫﻮﺍ ﺍﺥ ﺻﺪﻳﻘﺘﻬﺎ ..
..............................
ﻧﺒﻲ ﺗﻔﺎﻋﻞ ...
ﻭﻳﻨﻜﻢ ﻳﺎﻫﻮﻭﻭ ﺗﻔﺎﻋﻠﻮ ﻣﻌﺎﻱ
ﺷﻦ ﺑﻴﺼﺮ ﺗﺎﺑﻌﻮﻧﻲ ..
ﺍﻟﻜﺎﺗﺒﺔ : Eman Albasha
