_____________________
ﻓﺎﺕ ﺍﻟﻮﻗﺖ ...
ﺻﻔﺎﺀ : ﺍﻟﺤﻖ ﺧﻮﻙ ﺧﻴﺮﺕ ﻣﺎﺧﺘﺎﺭ ﺻﺎﺣﺒﺘﻚ ﻫﺎﺩﻱ ﺗﺒﺎﺭﻙ ﺍﻟﻠﻪ ﻋﻠﻴﻬﺎ ﺍﺳﻠﻮﺏ
ﻭﻣﻨﻄﻖ ﻭﺫﻭﻕ ﺍﻟﻠﻪ ﻳﺒﺎﺭﻙ
ﺍﻟﺤﻖ ..
ﺷﺪﻱ : ﺭﺑﻲ ﻳﺤﻔﻈﻬﺎ ﺍﻥ ﺷﺎﺀﺍﻟﻠﻪ
ﺍﻟﺤﻖ ﻣﺎﺷﺎﺀ ﺍﻟﻠﻪ ﻋﻠﻴﻬﺎ ﻣﻦ ﻗﺒﻞ ﻧﻘﻮﻟﻚ ﻧﺘﻤﻨﻲ ﺻﻘﺮ ﻟﻲ ﺭﻭﺍﺳﻲ ﻭﺍﻟﺤﻤﺪﻟﻠﻪ
ﺍﻟﻨﺼﻴﺐ ﺟﺎﺏ ..
ﺻﻔﺎﺀ : ﺑﻔﺮﺣﻪ ..
ﺍﻟﺤﻤﺪ ﺍﻟﻠﻪ ﺍﻟﻤﻬﻢ ﻛﻴﻒ ﺣﺎﻟﻚ ﻣﻊ ﻣﺤﻤﺪ
ﺷﺪﻱ : ﺑﺤﺰﻥ ..
ﻣﺎﺷﻲ ﺍﻟﺤﻤﺪﻟﻠﻪ ﺍﻣﻮﺭﻧﺎ ﺑﺨﻴﺮ
ﺻﻔﺎﺀ : ﺣﺴﺖ ﻋﻠﻲ ﺑﻨﺘﻬﺎ
ﻳﺎﺑﻨﺘﻲ ﺍﻟﻤﺸﺎﻛﻞ ﺗﺼﻴﺮ ﺑﻴﻦ ﻛﻞ ﺍﺗﻨﻴﻦ ﻫﺎﺩﻱ ﺳﻨﺔ ﺍﻟﺤﻴﺎﺓ
ﺷﺪﻱ : ﺑﻨﺪﻓﺎﻉ ..
ﻻﻻ ﻣﺎﻓﻴﺶ ﺍﻳﺔ ﻣﺸﺎﻛﻞ ﺑﻴﻨﻲ ﻭﺑﻴﻦ
ﻣﺤﻤﺪ ﺍﻟﺤﻖ ...
ﺻﻔﺎﺀ : ﺣﺮﻛﺖ ﺣﻮﺍﺟﺒﻬﺎ ﺑﻄﺮﻳﻘﺔ ﺗﻌﺠﺐ
ﺍﻥ ﺷﺎﺀﺍﻟﻠﻪ ﺣﻖ ﻛﻼﻣﻚ ..
ﻣﺎﺣﺒﺘﺶ ﺗﻀﻐﻂ ﻋﻠﻲ ﺑﻨﺘﻬﺎ ﻫﻠﺒﺎ ..
ﻋﻤﻮﻣﺎ ﺗﺼﺒﺤﻲ ﻋﻠﻲ ﺧﻴﺮ ﺍﻛﻴﺪ ﺑﻮﻙ ﺭﻭﺡ ﻭﺗﻌﺒﺎﻥ
ﺑﺤﻤﺎﺱ
ﺧﻠﻲ ﻧﺤﻜﻴﻠﻪ ﺷﻦ ﺻﺎﺭ ﺍﻛﻴﺪ ﺭﺡ ﻳﻔﺮﺡ
ﺍﻟﺤﻖ ﻧﺒﻮ ﻓﻀﺎﻧﻴﺔ ...
ﺷﺪﻱ : ﺑﻀﺤﻜﻪ ﻣﺎﺷﻲ ﻳﺎﻋﻤﺮﻱ ﺍﻧﺘﻲ
ﺩﻭﻡ ﺍﻻﻓﺮﺍﺡ ﺍﻥ ﺷﺎﺀﺍﻟﻠﻪ
ﻭﺑﻌﺘﺖ ﺑﻮﺳﻪ ﻓﻲ ﺍﻟﻬﻮﺍﺀ ﻭﺍﻧﺘﻲ ﻣﻦ ﺍﻫﻠﻮﺍ ﻳﺎﻋﺴﻞ ...
ﻭﺣﺘﻲ ﻫﻴﺎ ﺭﻛﺒﺖ ﺷﺎﻓﺖ ﻓﻮﻧﻬﺎ ﻣﺎﻓﻴﺶ ﻻﻣﺴﺞ
ﻭﻻ ﺍﻳﺔ ﺍﺗﺼﺎﻝ ﻭﺟﻌﻬﺎ ﺧﺎﻃﺮﻫﺎ ..
ﻭﺗﺼﻠﺖ ﺑﻴﻪ ...
ﻣﺤﻤﺪ ﻣﺘﻜﻲ ﻭﻳﻔﻜﺮ ﻓﻲ ﺍﻳﺎﻡ ﻗﺒﻞ ﻟﻤﺎ ﻛﺎﻥ ﻣﻌﻲ ﺭﻭﺍﺳﻲ
ﻭﻳﺒﺘﺴﻢ ﻋﻠﻲ ﺍﻟﺬﻛﺮﻳﺎﺕ
...
ﻗﻄﻊ ﻋﻠﻴﻪ ﺗﻔﻜﻴﺮﻩ ﺍﺗﺼﺎﻝ ﺷﺪﻱ
ﻣﺤﻤﺪ : ﺍﻟﻮﻭ
ﺷﺪﻱ : ﺑﺰﻋﻞ
ﺍﻟﻮ ﺣﻤﻮﺩﻱ ﺧﻴﺮﻙ ﻣﺎﺩﻭﺭﺗﻨﻴﺶ
ﻣﺤﻤﺪ : ﺑﻤﻠﻞ
ﺍﺳﻒ ﻛﻨﺖ ﺭﺍﻗﺪ ﻣﺶ ﻗﺼﺪﻱ
ﺷﺪﻱ : ﺧﻼﺹ ﻳﺎﻋﻤﺮﻱ ﻣﺪﺍﻣﻚ ﺭﺍﻗﺪ ﺍﻟﺴﻤﻮﺣﻪ ﺍﻟﻤﺮﻩ ﻫﺎﺩﻱ ﺗﻤﺎﻡ
ﻣﺤﻤﺪ : ﺣﺘﺲ ﺭﻭﺣﻪ ﻣﺨﻨﻮﻕ
ﺍﻱ ﺗﻤﺎﻡ
ﺷﺪﻱ : ﺣﺒﻴﺒﻲ ﻓﻴﻚ ﺷﻲﺀ
ﻣﻀﺎﻳﻖ ﻭﻻ ﺣﺎﺟﻪ
ﻣﺤﻤﺪ : ﻻ ﻣﺶ ﻣﻀﺎﻳﻖ ﻭﻻ ﺷﻲﺀ
ﺑﻲ ﻛﻴﻒ ﻧﺎﻳﺾ ﺣﻠﻘﻲ ﻳﻮﺟﻊ ﻓﻴﺎ ..
ﺷﺪﻱ : ﺑﺨﻮﻑ
ﻣﺤﻤﺪ ﺍﻧﺖ ﻣﺮﻳﺾ ﻓﻴﻚ ﺷﻲﺀ ﺣﺒﻴﺒﻲ
ﻣﺤﻤﺪ : ﻻﻻ ﺍﻟﺤﻤﺪ ﺍﻟﻠﻪ ﺑﺨﻴﺮ
ﺑﺲ ﺣﻠﻘﻲ ﻣﺠﺮﺡ ﺷﻮﻱ ﻣﺘﺤﻄﻴﺶ ﻓﻲ ﺑﺎﻟﻚ ..
ﺷﺪﻱ : ﺑﻠﻴﺰ ﺣﻤﻮﺩﻱ ﺧﻮﺩ ﺣﺒﻮﺏ ﺣﻠﻖ
ﻟﻌﻴﻮﻭﻭﻧﻲ
ﻣﺤﻤﺪ : ﺍﻥ ﺷﺎﺀﺍﻟﻠﻪ ﺭﺡ ﻧﺎﺧﺪ
ﺷﺪﻱ : ﺗﻤﺎﻡ ﻳﺎﺭﻭﺣﻲ ...
ﺑﺎﻟﻚ ﻣﺶ ﻗﺎﺩﺭ ﺗﻜﻠﻤﻲ
ﻣﺤﻤﺪ : ﺑﻀﻴﻘﻪ
ﻻ ﻋﺎﺩﻱ ﺧﻠﻴﻚ ﻣﺎﻓﻴﺶ ﻣﺸﻜﻠﺔ
ﺷﺪﻱ : ﺑﺰﻋﻞ
ﺣﺴﺖ ﺍﻧﻪ ﻳﻜﻠﻢ ﻓﻴﻬﺎ ﺑﺪﻭﻥ ﻧﻔﺲ
ﺧﻠﻲ ﻧﺨﻠﻴﻚ ﺗﺮﺗﺎﺡ ﻭﻏﺪﻭﺍ ﻧﺘﻜﺎﻟﻤﻮﺍ ﺗﻤﺎﻡ ..
ﻣﺤﻤﺪ : ﻣﺎﺷﻲ ﺗﻤﺎﻡ ﻫﻲ ﺗﺼﺒﺤﻲ ﻋﻠﻲ ﺧﻴﺮ
ﺷﺪﻱ : ﺳﻜﺮﺕ ﺍﻟﺨﻂ ﺧﺸﺖ ﻓﻲ ﻧﻮﺑﺔ ﺑﻜﺎﺀ
ﻋﻼﺵ ﻳﻌﺎﻣﻞ ﻓﻴﺎ ﺑﻄﺮﻳﻘﺔ ﻫﺎﺩﻱ ﺷﻦ ﺫﻧﺒﻲ ﺍﻧﻲ ﺣﺒﻴﺘﻪ
ﻣﻌﻘﻮﻟﺔ ﻣﺶ ﻗﺎﺩﺭ ﻳﻨﺴﻲ ﺍﻟﻤﺎﺿﻲ ..
ﻣﺤﻤﺪ : ﺣﺪﻑ ﺍﻟﻔﻮﻥ ﻋﻠﻲ ﻃﻮﻝ ﻳﺪﻩ
ﻟﻴﺶ ﻣﺶ ﻗﺎﺩﺭ ﻧﺘﻘﺒﻞ ﺍﻟﺤﻘﻴﻘﺔ ﻟﻴﺶ
ﻣﺤﻤﺪ ﺍﻧﺖ ﺭﺡ ﺗﻔﺘﺢ ﺻﻔﺤﻪ ﺟﺪﻳﺪﺓ
ﺿﻐﻂ ﻋﻠﻲ ﻧﻔﺴﻪ ..
ﺍﺗﺼﻞ ﺑﻲ ﺷﺪﻱ
ﺷﺪﻱ ﺷﺎﻓﺖ ﺍﻻﺗﺼﺎﻝ ﻓﺮﺣﺖ
ﻣﺴﺤﺖ ﺩﻣﻮﻋﻬﺎ ..
ﺍﻟﻮﻭﻭﻭ
ﻣﺤﻤﺪ : ﺣﺒﻴﺒﺘﻲ ﺗﺒﻜﻲ ﺻﺢ
ﺷﺪﻱ : ﺑﺪﻟﻊ ﺍﻧﺖ ﺗﻜﻠﻢ ﻓﻴﺎ ﺑﺠﻔﺎﻑ
ﻣﺶ ﻗﺎﺩﺭﺓ ﻧﺴﺘﻮﻋﺐ ﺍﻧﻚ ﺣﺒﻴﺒﻲ ﺣﻤﻮﺩﻱ
ﻟﻲ ﻳﺤﺒﻨﻲ ﻭﻳﺨﺎﻑ ﻋﻠﻴﺎ ..
ﻣﺤﻤﺪ : ﻳﻠﻮﻡ ﻓﻲ ﻧﻔﺴﻪ ﻋﻠﻲ ﺗﺼﺮﻓﻪ ﺍﻟﻐﺒﻲ ...
ﻳﺎﻗﻠﺒﻲ ﻋﻠﻴﻚ ﺳﺎﻣﺤﻴﻨﻲ ﻳﺎﺭﻭﺣﻲ
ﺣﻠﻘﻲ ﻣﺘﻌﺒﻨﻲ ﻭﺣﺮﺍﺭﺓ ﺭﺩ ﺑﺎﻟﻚ ﺗﺰﻋﻠﻲ ﻣﻨﻲ ﺣﺒﻴﺒﺘﻲ
ﺷﺪﻱ : ﺑﻔﺮﺣﻪ
ﻧﺮﺿﻲ ﺑﺲ ﺑﺸﺮﻁ
ﻣﺤﻤﺪ : ﻋﻴﻮﻧﻲ ﻟﻴﻚ ﻳﺎﻋﻤﺮﻱ
ﺷﺪﻱ : ﻧﻮﺽ ﺧﻮﺩ ﺣﺒﻪ ﺣﻠﻖ
ﻣﺤﻤﺪ : ﺣﺎﺿﺮ ﺣﺒﻴﺒﺘﻲ
ﺷﺪﻱ : ﻫﻴﺎﺍﺍﺍ ﺗﻮﺗﻮ
ﻣﺤﻤﺪ : ﻫﻬﻬﻪ ﺣﺎﺿﺮ ﻳﺎﻟﻤﺠﻨﻮﻧﻪ
ﻭﺷﺪﻭﻫﺎ ﻫﺪﺭﺯﺓ ﻭﻣﺤﻤﺪ ﻳﺤﺎﻭﻝ ﻳﺘﺄﻗﻠﻢ ﻣﻊ ﺣﻴﺎﺗﻪ ﺍﻟﺠﺪﻳﺪﺓ ﻭﺧﻠﻰ ﺍﻟﻤﺎﺿﻲ
ﻟﻠﻤﺎﺿﻲ ..
_____________________
ﻋﻨﺪ ﺭﻭﺍﺳﻲ ﻛﻤﻠﺖ ﺍﻟﺤﻮﺳﻪ ..
ﻭﺗﻬﺪﺭﺯ ﻣﻊ ﺍﻣﻬﺎ ..
ﺍﻻﻡ : ﻳﺎﺑﻨﺘﻲ ﺍﻧﺘﻲ ﻛﺒﺮﺗﻲ ﻣﺎﺷﺎﻟﻠﻪ ﻋﻠﻴﻚ ﺻﺒﻴﻪ
ﻭﻧﺪﺍﺩﻙ ﺑﺼﻐﺎﺭﻫﻢ ..
ﺭﻭﺍﺳﻲ : ﺑﺨﺠﻞ ﻋﺎﺭﻓﻪ ﻳﺎﻟﻐﺎﻟﻴﺔ
ﺑﺲ
ﺍﻻﻡ : ﺧﻠﻲ ﻧﻜﻤﻞ ﻛﻼﻣﻲ ﻳﺎﺑﻨﺘﻲ ..
ﻭﺍﻧﺘﻲ ﻣﺎﺷﺎﻟﻠﻪ ﻋﻠﻴﻚ ﻗﻤﺮ ﻳﻤﺸﻲ ﻋﻠﻲ ﺍﻻﺭﺽ
ﻭﺍﻟﻜﻞ ﻳﺘﻤﻨﺎﻙ ﺧﻄﺒﻮﻙ ﻫﻠﺒﺎ ﻧﺎﺱ ﻣﻨﻲ ﺑﺲ ﻧﺮﻓﺾ ﺑﺪﻭﻥ ﺣﺘﻲ ﻻﻧﻘﻮﻟﻚ
ﻣﺮﺍﺕ ﺑﺲ ﻟﻤﺎ ﺗﻘﺪﻣﻠﻚ ﺻﻘﺮ ﻭﻟﺪ ﻋﻤﺘﻚ ﺻﻔﺎﺀ ﻗﻮﻟﺖ ﻧﺴﺄﻟﻚ ﻻﻧﻬﻢ ﻋﺎﺋﻠﺔ
ﺗﺒﺎﺭﻙ ﺍﻟﻠﻪ
ﺭﻭﺍﺳﻲ : ﺷﺎﻓﺖ ﺗﺤﺖ ﺑﺨﺠﻞ
ﺍﻻﻡ : ﻳﺎﺑﻨﺘﻲ ﻓﻜﺮﻱ ﺯﻳﻦ ﻓﻲ ﻛﻼﻣﻲ ﻭﺻﻠﻲ ﺍﺳﺘﺨﺎﺭﺓ
ﺷﻦ ﺧﺎﺳﺮﺓ ﺍﻧﺘﻲ ..
ﺭﻭﺍﺳﻲ : ﺻﺢ ﻛﻼﻣﻚ
ﺣﺎﺿﺮ ﻳﺎﺍﻣﻲ
ﺍﻻﻡ : ﺗﺸﻮﻑ ﻟﻲ ﺑﻨﺘﻬﺎ ﺑﺤﺐ
ﻣﺎﺷﺎﻟﻠﻪ ﻭﻟﻴﺘﻲ ﻣﺮﺍﺀ ﻭﺑﺘﻔﺤﺘﻲ ﺣﻮﺵ
ﺭﻭﺍﺳﻲ : ﺑﺨﺠﻞ ﺍﻣﻴﻴﻴﻴﻴﻲ
ﺧﻼﺹ ﻭﻟﻠﻪ ﺗﺤﺸﻤﺖ
ﺍﻻﻡ : ﻫﻬﻬﻬﻬﻪ
ﺍﻟﻠﻪ ﻳﻬﻨﻴﻚ ﻳﺎﺑﻨﺘﻲ ﺑﺮﻱ ﺭﺑﻲ ﻳﻔﺘﺤﻬﺎ ﻓﻲ ﻭﺟﻬﻚ ﻭﻳﺒﻌﺪ ﻋﻠﻴﻚ ﺑﻨﺎﺕ ﻭﻭﻻﺩ
ﺍﻟﺤﺮﺍﻡ ....
ﺭﻭﺍﺳﻲ : ﺍﻥ ﺷﺎﺀﺍﻟﻠﻪ ﻳﺎﺭﺏ
ﻫﻲ ﻣﺎﺗﺒﻲ ﺷﻲﺀ ﻏﺎﻟﻴﺘﻲ ..
ﺍﻻﻡ : ﺳﻼﻣﺘﻚ ﻳﺎﺑﻨﺘﻲ ...
ﺭﻭﺍﺳﻲ ﺍﺗﻜﺖ ﻋﻠﻲ ﺳﺮﻳﺮﻫﺎ ﻭﻗﻌﺪﺕ ﺗﻔﻜﺮ ﻓﻲ ﺻﻘﺮ
ﺯﻋﻤﺎ ﻟﻮ ﻋﺮﻑ ﺍﻟﻤﺎﺿﻲ ﺭﺡ ﺗﺴﺘﻤﺮ ﻋﻼﻗﺘﻬﻢ ﺑﺒﻌﺾ
ﺗﻔﻜﺮ ﻭﺗﻔﻜﺮ ﻭﺗﻔﻜﺮ ..
ﺣﺴﺖ ﺑﻔﻮﻧﻬﺎ ﻳﻬﺰﺯﺯﺯ
ﺭﻗﻢ ﻏﺮﻳﺐ ﻗﻌﺪﺕ ﺗﻔﻜﻴﺮ ﺍﻛﻴﺪ ﺭﺡ ﻳﻜﻮﻥ ﺻﻘﺮ ﻗﻌﻤﺰﺕ ﺗﺮﺑﻌﺖ ﻭﺗﻮﺍﺳﻲ ﻓﻲ
ﺭﻭﺣﻬﺎ ﻋﻼﺵ ﻣﺶ ﻋﺎﺭﻓﻪ ﻫﻬﻪ
ﺭﻭﺍﺳﻲ : ﺍﻟﻮ
ﺻﻘﺮ : ﺍﻟﻮ ﻣﺴﺎﺀ ﺍﻟﺨﻴﺮ
ﺭﻭﺍﺳﻲ : ﺑﺨﺠﻞ ﻣﺴﺎﺀ ﺍﻟﻨﻮﺭ
ﺻﻘﺮ : ﺍﺧﺒﺎﺭﻙ
ﺭﻭﺍﺳﻲ : ﺍﻟﺤﻤﺪ ﺍﻟﻠﻪ ﺑﺨﻴﺮ ﻭﺍﻧﺖ
ﺻﻘﺮ : ﺍﻟﺤﻤﺪﻟﻠﻪ ﺑﺨﻴﺮ
ﺣﺎﻟﺖ ﺻﻤﺖ
ﺻﻘﺮ : ﻃﺒﻌﺎ ﺍﻛﻴﺪ ﻭﺻﻼﺗﻚ ﺍﻟﻤﻌﻠﻮﻣﻪ ﺍﻧﻲ ﺧﻄﺒﺘﻚ ﻭﺣﺒﻴﺖ ﺍﻧﻚ ﻧﻌﺮﻓﻴﻨﻲ
ﻋﻠﻴﻚ ﺍﻛﺜﺮ
ﺭﻭﺍﺳﻲ : ﻗﺒﻞ ﻛﻞ ﺷﻲﺀ ﻳﺎﻭﻟﺪ ﺍﻟﻨﺎﺱ ﺍﻧﻲ ﺍﻧﺴﺎﻧﻪ ﺻﺮﻳﺤﻪ ﻟﻲ ﺍﺑﻌﺪ ﺣﺪ
ﻭﻫﺬﺍ ﻃﺒﻌﻲ ..
ﻭﻗﺒﻞ ﻻ ﻧﺘﻌﺮﻓﻮﺍ ﻋﻠﻲ ﺑﻌﺾ ...
ﻧﺒﻴﻚ ﺗﺴﻤﻊ ﻛﻼﻣﻲ ﻟﻠﻨﻬﺎﻳﺔ ﻟﻮ ﻣﺎﻓﻴﺶ ﻣﺸﻜﻠﻪ ..
ﺻﻘﺮ : ﺗﻔﻀﻠﻲ ﺍﺣﻜﻲ ﻭﺍﻛﻴﺪ ﺭﺡ ﻧﺴﻤﻊ ﻛﻼﻣﻚ ﻟﻠﻨﻬﺎﻳﺔ
ﻻﻧﻚ ﺗﻬﻤﻴﻨﻲ ...
ﺭﻭﺍﺳﻲ : ﺑﺎﺭﻙ ﺍﻟﻠﻪ ﻓﻴﻚ
ﺍﻧﻲ ﻛﻨﺖ ﻧﺒﻲ ﺷﺨﺺ ﻭﺍﻟﺸﺨﺺ ﻫﺬﺍ ﻳﺒﻨﻲ
ﻭﻗﻌﺪﻧﺎ ﻓﻲ ﻋﻼﻗﺔ ﻟﻤﺪﺓ ﺧﺴﻤﻪ ﺳﻨﻮﺍﺕ
ﺻﻘﺮ : ﻧﺼﺪﻡ ﺑﺲ ﺳﻜﺖ ..
ﺭﻭﺍﺳﻲ :
ﺍﻟﺸﺨﺺ ﻫﺬﺍ ﻗﺮﺭﺕ ﺍﻧﻪ ﻳﺨﻄﺒﻨﻲ ﻭﻓﻌﻼ ﺍﻫﻠﻪ ﺟﻮﻧﺎ ﻭﻛﺎﻧﺖ ﺍﻻﻣﻮﺭ ﻟﻲ ﺍﻫﻨﻲ
ﻛﻠﻬﺎ ﺗﻤﺎﻡ ﻣﻊ ﺍﻧﻪ ﺍﻣﻪ ﻛﺎﻧﺖ ﻣﻌﺎﻣﻠﺘﻬﺎ ﻣﻌﻨﺎ ﻣﺶ ﺣﻠﻮﺓ ...
ﺻﻘﺮ : ﻣﺎﺷﻲ ﺗﻤﺎﻡ ..
ﺭﻭﺍﺳﻲ : ﺍﻧﻲ ﻗﺒﻞ ﻻﺗﻌﺮﻓﻨﻲ ﻛﺎﻥ ﻓﻴﺎ ﻋﻴﺐ ﺍﻭ ﺑﻤﻌﻨﻲ ﻣﺮﺽ ﻭﻟﻜﻦ ﺍﻟﺤﻤﺪ
ﺍﻟﻠﻪ ﺗﻌﻔﻴﺖ ﻭﺭﺟﻌﺖ ﺯﻱ ﺍﻻﻭﻝ ﻭﺍﺣﺴﻦ ...
ﺻﻘﺮ : ﻫﻮﺍ ﻳﻌﺮﻑ ﺑﺲ ﻳﺴﺘﻌﺒﻂ ﻛﻞ ﺷﻲﺀ ﻋﻠﻴﻬﺎ
ﺍﻻ ﻋﻠﻘﺘﻬﺎ ﻣﺎﻳﻌﺮﻑ ﻋﻠﻴﻬﺎ ﺷﻲﺀ ...
ﻣﺮﺽ ﺷﻨﻮ ..
ﺭﻭﺍﺳﻲ : ﺗﻮﺍ ﺗﻌﺮﻑ ..
ﻟﻲ ﺻﺎﺭﻟﻲ ﻓﺠﺎﺀﺓ ﺷﻌﺮﻱ ﺑﺪﻱ ﻳﺨﻒ
ﻟﻦ ﻭﻟﻴﺖ ﺷﺒﻪ ﺻﻠﻌﺎﺀ ﺑﺲ ﺍﻟﺤﻤﺪ ﺍﻟﻠﻪ ﺧﺪﻳﺖ ﻋﻼﺝ ﻟﻤﺪﺓ ﺳﺘﻪ ﺷﻬﻮﺭ ﺭﺟﻊ
ﺷﻌﺮﻱ ﺍﻟﻄﺒﻴﻌﻲ
ﺻﻘﺮ : ﻳﺴﻤﻊ ﻭﺳﺎﻛﺖ ..
ﺭﻭﺍﺳﻲ : ﻟﻲ ﺻﺎﺭ ﺍﻻﻡ ﻗﻠﺒﺖ ﺍﻟﺪﻭﺍ ﻟﻲ ﻭﻟﺪﻫﺎ ﻭﻗﺘﻠﻪ ﺍﻥ ﺍﻫﻠﻲ ﺍﺳﺘﻘﺒﻠﻮﻫﻢ
ﺑﻄﺮﻳﻘﺔ ﻣﺶ ﻣﺤﺘﺮﻣﻪ ..
ﻭﻗﺎﻟﺖ ﻋﻠﻴﺎ ﺍﻧﻰ ﺻﻠﻌﺎﺀ ﻭﻛﻼﻡ ﻣﻦ ﻫﻜﻲ ﻳﻌﻨﻲ ﺩﻣﺘﻨﻲ ﺑﻄﺮﻳﻘﺔ ﻣﺶ ﺣﻠﻮﺓ
..
ﺗﺒﻲ ﺍﻟﺤﻖ ﻛﺎﻥ ﺍﻟﻐﻠﻂ ﻣﻨﻲ ﻟﻤﺎ ﻣﻘﻮﻟﺘﺶ ﻋﻠﻲ ﻋﻴﺐ ﻓﻴﺎ
ﻣﻦ ﺍﻟﺒﺪﺍﻳﺔ ﺑﺲ ﺻﺪﻗﻨﻲ ﻛﻨﺖ ﻣﺠﺒﻮﺭﺓ ﺧﺎﻳﻔﺔ ﻣﻦ ﺭﺩﺓ ﻓﻌﻞ ﻣﺶ ﺣﻠﻮﺓ
ﺍﻧﻲ ﺑﺮﻭﺣﻲ ﻛﻨﺖ ﻣﺶ ﻣﺘﻘﺒﻠﻪ ﺍﻟﻔﻜﺮﺓ
ﺻﻘﺮ : ﺑﺘﺮﻛﻴﺰ
ﺍﻳﺔ ﻓﺎﻫﻢ ﻋﻠﻴﻚ ﺑﺎﻫﻲ ﻭﺷﻦ ﺻﺎﺭ ﺗﺎﻧﻲ
ﺭﻭﺍﺳﻲ : ﺍﻟﺸﺎﺏ ﻟﻲ ﻛﺎﻥ ﻳﺒﻨﻲ ﺑﻌﺘﻠﻲ ﻣﺴﺞ ﺗﻬﺪﻳﺪ
ﻟﻮ ﻛﻠﻤﺘﻪ ﺗﺎﻧﻲ ﺍﻭ ﺟﻴﺖ ﻓﻲ ﻃﺮﻳﻘﻪ ﺭﺡ ﻳﺪﻳﺮ ﻓﻴﺎ ﺍﻟﻌﺎﺭ ﻭﻳﻘﻠﺐ ﺍﻟﺪﻧﻴﺎ ﻓﻮﻕ
ﺭﺍﺳﻲ ..
ﺍﻟﺤﻖ ﻗﻌﺪﺕ ﺯﻋﻼﻧﻪ ﻋﻠﻲ ﻧﻔﺴﻲ ﻭﻧﺪﻣﺖ ﻋﻠﻲ ﺣﺒﻲ ﻟﻴﻪ
ﺧﻤﺴﺔ ﺳﻨﻴﻦ ﺿﻴﻌﺘﻬﻢ ﻋﻠﻲ ﺷﺨﺺ ﻣﺎﻳﺴﻮﺍﺵ
ﻭﻭﻋﺪﺕ ﻧﻔﺴﻲ ﺭﺡ ﻧﺘﻐﻴﺮ ..
ﻭﺑﻌﺪ ﺷﻬﺮ ﺷﻔﺘﻪ ﻣﻊ ﻏﻴﺮﻱ
ﻳﻌﻨﻲ ﻛﻞ ﺷﻲﺀ ﻛﺎﻥ ﻣﺠﺮﺩ ﻛﺪﺏ ...
ﻭﻓﻌﻼ ﺣﺎﻭﻟﺖ ﻧﻐﻴﺮ ﻣﻦ ﻧﻔﺴﻲ ﻭﺗﻐﻴﺮﺕ
ﻭﻳﻮﻡ ﺷﻔﺘﻚ ﻧﻌﺠﺒﺖ ﺑﻴﻚ ...
ﺑﺲ ﻧﻨﻜﺮ ﻓﻲ ﺩﺍﺧﻠﻲ ﺍﻟﺸﻲ ﻫﺬﺍ
ﻻﻧﻲ ﺧﺎﻳﻔﻪ ﻧﻌﻴﺶ ﻧﻔﺲ ﺍﻟﺘﺠﺮﺑﺔ ..
ﻭﻟﻜﻦ
ﻭﻣﺮﻩ ﺑﻌﺪ ﻣﺮﻩ ﻧﻠﻘﻲ ﺭﻭﺣﻲ ﻧﻨﻌﺠﺐ ﺑﻴﻚ ﺍﻛﺜﺮ ﻭﺍﻛﺜﺮ
ﻭﻟﻤﺎ ﺗﺤﻜﻲ ﺷﺪﻱ ﻋﻠﻴﻚ ﺩﻗﺎﺕ ﻗﻠﺒﻲ ﺗﺰﻳﺪ ﻋﺮﻓﺖ ﺍﻧﻚ ﺍﻟﺤﺐ ﺍﻟﺤﻘﻴﻘﻲ ﻟﻲ
ﻳﺤﻜﻮﺍ ﻋﻠﻴﻪ
ﻗﺒﻞ ﻻ ﻧﺒﺪﻭﺍ ﻓﻲ ﺍﻳﺔ ﺷﻲﺀ ﺭﺳﻤﻲ
ﺍﻧﺖ ﺭﺍﺿﻲ ﺑﻴﺎ ﺍﻧﻲ ﺍﻧﺴﺎﻧﻪ ﻛﺎﻥ ﻋﻨﺪﻫﺎ ﻣﺎﺿﻲ ...
ﺻﻘﺮ : ﺗﺼﺪﻗﻲ ﺍﻧﻲ ﻣﺼﺪﻭﻡ ﺑﺠﺪ ..
ﺭﻭﺍﺳﻲ : ﺍﻣﻤﻤﻢ ﺍﻭﻙ ﺭﺩﻙ ﻭﺻﻞ ..
ﻭﻟﻠﻌﻠﻢ ﻣﺶ ﺯﻋﻼﻧﻪ ﻻﻥ ..
ﺍﻟﺪﻧﻴﺎ ﻧﺼﻴﺒﺎﺕ ﻳﻼ ﺣﺼﻞ ﺧﻴﺮ ﻣﻊ ﺍﻟﺴﻼﻣﺔ
ﺻﻘﺮ : ﺗﻲ ﻏﻴﺮ ﻭﻳﻦ ﺑﺘﺴﻜﺮﻱ ﺍﻟﺨﻂ ﻳﺎﻟﻤﺠﻨﻮﻧﻪ ..
ﺭﻭﺍﺳﻲ : ﺑﻨﺴﻜﺮ ﺍﻟﺨﻂ ﻻﻥ ﺭﺩﻙ ﻛﺎﻥ
ﻭﺍﺿﺢ ..
ﺻﻘﺮ : ﻭﻛﻴﻒ ﻛﺎﻥ ﺭﺩﻱ
ﺭﻭﺍﺳﻲ : ﺍﻧﺖ ﻣﺼﺪﻭﻡ ﺍﻥ ﺍﻧﻲ ﻋﻨﺪﻱ ﻣﺎﺿﻲ
ﻭﻣﺶ ﺭﺡ ﺗﺮﺿﻲ ﺑﺄﻧﺴﺎﻧﻪ ﻋﻨﺪﻫﺎ ﻣﺎﺿﻲ ﺯﻳﻨﻲ ﺍﻧﻲ ..
ﺻﻘﺮ : ﺑﻠﻌﻜﺲ ﻳﺎﺑﻨﺖ ﺍﻟﻨﺎﺱ ﺍﻧﻲ ﺍﻟﻤﺎﺿﻲ ﻣﺎﻳﻬﻤﻨﻴﺶ
ﺑﺲ ﻳﻜﻔﻲ ﺍﻧﻚ ﺑﻨﺖ ﻧﺎﺱ ﻭﺍﺻﻞ ﺍﻧﻚ ﻛﻨﺘﻲ ﺻﺮﻳﺤﻪ
ﻣﻌﺎﻱ ﻗﺒﻞ ﻛﻞ ﺷﻲﺀ ﺣﻜﺘﻴﻠﻲ ﺣﺘﻲ ﺑﺪﻭﻥ ﻻﻧﻄﻠﺐ ﻣﻨﻚ
ﺍﻟﺸﻲ ﻫﺬﺍ
ﻭﺍﻧﻲ ﻣﺼﺪﻭﻡ ﻣﺎﻓﻴﺶ ﺑﻨﺖ ﺗﺤﻜﻲ ﺷﻲﺀ ﻣﻦ ﺍﻟﻤﺎﺿﻲ ﻭﺭﺍﺡ ...
ﺭﻭﺍﺳﻲ : ﻟﻜﻞ ﺷﺨﺺ ﻭﺭﺑﺎﻳﺘﻪ ﻫﺎﺩﻱ ﺍﻧﻲ
ﺻﺮﻳﺤﻪ ﺗﺒﻨﻲ ﺍﻭﻙ ﻣﺎﻋﺠﺒﺘﻜﺶ ﺍﻟﻠﻪ ﻛﺮﻳﻢ ...
ﺻﻘﺮ : ﺑﺄﻋﺠﺎﺏ
ﻳﺸﻬﺪ ﺍﻟﻠﻪ ﻋﻠﻴﺎ ﺣﺒﻴﺘﻚ ﻣﻦ ﻛﻞ ﻗﻠﺒﻲ ...
ﻭﻣﺎﻧﺸﻮﻑ ﻓﻴﻚ ﺍﻻ ﺍﻡ ﻟﻲ ﺻﻐﺎﺭﻱ ..
ﺭﻭﺍﺳﻲ :ﺑﺨﺠﻞ ﻭﺍﻧﻲ ﺣﺒﻴﺘﻚ ﺑﺠﺪ
ﺻﻘﺮ : ﺧﻠﻲ ﻧﻌﺮﻓﻚ ﻋﻠﻲ ﻧﻔﺴﻲ ﺍﻛﺜﺮ ﻭﺍﻧﺘﻲ ﻧﻔﺲ ﺍﻟﺸﻲ ﺍﻭﻙ ..
ﺭﻭﺍﺳﻲ : ﺍﻭﻛﻲ ...
ﻭﻓﻌﻼ ﺷﺪﻭﻫﺎ ﻫﺪﺭﺯﺓ
ﺻﻘﺮ : ﺭﻭﺍﺳﻲ ﺗﺼﺪﻗﻲ ﻟﻲ ﻛﺎﻥ ﻳﺒﻴﻚ ﻣﺎﻳﺠﻲ ﺭﺍﺟﻞ ﻻﻧﻪ ﻓﺮﻃﻔﻲ ﻭﺭﺩﺓ
ﺯﻳﻚ ﺑﺲ ﺍﻟﺤﻤﺪﻟﻠﻪ ﻳﺎﺭﺑﻲ ﺍﻥ ﻛﻞ ﺷﻲﺀ ﺻﺎﺭ ﻻﻧﻚ ﺭﺡ ﺗﻜﻮﻧﻲ ﻟﻴﺎ ﺍﻧﻲ ...
ﺭﻭﺍﺳﻲ : ﺑﺨﺠﻞ ..
ﻟﻜﻞ ﺷﻲﺀ ﺣﻜﻤﻪ ﻭﺍﻟﺪﻧﻴﺎ ﻗﺴﻢ ﻭﻧﺼﻴﺐ
ﻭﺍﻥ ﺷﺎﺀ ﺍﻟﻠﻪ ﺗﻜﻮﻥ ﻧﺼﻴﺒﻲ ..
ﺻﻘﺮ : ﺑﺎﺫﻥ ﺍﻟﻠﻪ ﻧﺼﻴﺒﻚ ﻣﺶ ﺭﺡ ﻧﻔﺮﻁ ﻓﻴﻚ
ﻭﻫﺬﺍ ﻭﻋﺪ ﺭﺍﺟﻞ ...
ﺭﻭﺍﺳﻲ : ﺑﺤﺐ ﺭﺑﻲ ﻳﺤﻔﻈﻚ ﻟﻴﺎ
ﺻﻘﺮ : ﺑﺤﺐ ﻭﻳﺤﻔﻈﻚ ﻟﻴﺎ ﻳﺎﻋﻤﺮﻱ
ﺭﻭﺍﺳﻲ ﻣﺎﺗﺖ ﺧﺠﻞ
ﺑﺮﻏﻢ ﺧﺠﻠﻬﻢ ﺑﺲ ﺟﺮﻳﺌﻦ ﺧﺰﻭ
________________
ﻣﻨﺎﺭ : ﻣﺮﻭﺍﻥ ﺣﺒﻴﺒﻲ ﻭﻟﻠﻪ ﺗﻌﺒﺖ
ﻣﻦ ﺟﻴﻬﺔ ﺍﻣﻲ ﻣﻦ ﺟﻴﻬﺔ ﺧﻮﻱ ﻣﺤﻤﺪ
ﻣﺮﻭﺍﻥ : ﺣﺒﻴﺒﺘﻲ ﺻﺪﻗﻴﻨﻲ ﻛﻞ ﺷﻲﺀ ﺭﺡ ﻳﺘﻌﻮﺽ ﺑﺲ ﻣﺴﺄﻟﺔ ﻭﻗﺖ ﺑﺲ ..
ﻣﻨﺎﺭ : ﺯﻋﻤﺎ ﻫﻜﻲ ﺗﻘﻮﻝ ..
ﻣﺮﻭﺍﻥ : ﺍﻛﻴﺪ ﺣﺒﻴﺒﺘﻲ
ﺑﻨﻘﻮﻟﻚ ﻋﻠﻲ ﻣﻮﺿﻮﻉ
ﻣﻨﺎﺭ : ﻗﻮﻟﻲ ﻳﺎﻋﻤﺮﻱ ..
ﻣﺮﻭﺍﻥ : ﺧﻼﺹ ﺍﻧﻲ ﻭﺑﻮﻙ ﺗﻔﻬﻤﻨﺎ ﻋﻠﻲ ﻛﻞ ﺷﻲﺀ
ﻭﺑﺎﺫﻥ ﺍﻟﻠﻪ ﺭﺡ ﻳﺘﻢ ﺍﻟﻤﻮﺿﻮﻉ ﻋﻠﻲ ﺧﻴﺮ ﺑﺲ ﺣﺎﺳﺲ ﺑﻮﻙ ﺩﻳﻤﺎ ﻳﺤﻜﻲ ﻋﻠﻴﻚ
ﻗﺪﺍﻣﻲ ..
ﻣﻨﺎﺭ : ﺍﻛﻴﺪ ﻋﺠﺒﺘﻪ ﻭﺭﺗﺎﺣﻠﻚ ﻫﺬﺍ ﻟﻴﺶ ﺩﻳﻤﺎ ﻳﺘﻜﻠﻢ ﺟﻨﺒﻚ ﺑﻄﺮﻳﻘﺔ ﻫﺎﺩﻱ
ﻣﺮﻭﺍﻥ : ﺍﻥ ﺷﺎﺀﺍﻟﻠﻪ ﻧﻌﺠﺒﻪ ﻋﻠﻲ ﺍﻻﻗﻞ ﻳﺮﺿﻲ ﻋﻠﻴﺎ ﻭﻳﺰﻭﺟﻨﺎ ﻟﺒﻌﺾ ....
ﻣﻨﺎﺭ : ﺗﺒﻲ ﺍﻟﺼﺮﺍﺣﺔ ﻳﻌﻨﻲ ﺍﻛﻴﺪ ﺭﺡ ﻳﻨﻌﺠﺐ ﺑﻴﻚ
ﻻﻧﻚ ﻣﺎﺷﺎﺀ ﺍﻟﻠﻪ ﺫﻛﻲ ﻭﻧﺎﺷﻂ ﻓﻲ ﺷﻐﻠﻚ ﻭﻏﻴﺮ ﻫﻜﻲ ﺟﻤﻴﻞ ﺍﻛﻴﺪ ﺭﺡ ﻳﺘﻤﻨﺎﻙ
ﻟﻲ ﺑﻨﺘﻪ
ﻣﺮﻭﺍﻥ : ﺑﺴﻌﺎﺩﺓ
ﺑﺎﻟﻚ ﻻﻧﻚ ﺗﺤﺒﻴﻨﻲ ﺗﺸﻮﻓﻲ ﻓﻴﺎ ﻫﻜﻲ
ﻣﻨﺎﺭ : ﻻ ﺣﺒﻴﺒﻲ ﻭﻟﻠﻪ ﺟﺪ
ﻗﺼﺪﻱ ﺍﻧﻲ ﻗﻮﻟﺖ ﻛﻼﻡ ﺍﻳﺔ ﺣﺪ ﻳﻘﺪﺭ ﻳﺸﻮﻑ ﺍﻟﺼﻔﺎﺕ ﻫﺎﺩﻱ ﻓﻬﻤﺖ ﻋﻠﻴﺎ ...
ﻣﺮﻭﺍﻥ : ﺗﺴﻠﻤﻠﻲ ﻳﺎﻋﻴﻮﻧﻲ ﺍﻛﻴﺪ ﻓﻬﻤﺖ ﻋﻠﻴﻚ
ﻣﻨﺎﺭ : ﺑﺤﺐ ..
ﻧﺤﺒﻚ
ﻣﺮﻭﺍﻥ : ﺑﺠﻨﻮﻥ
ﺷﻨﻮ ﻗﻮﻟﺘﻲ ﺗﺤﺒﻨﻲ ﻳﺎﻗﻠﻴﻠﺔ ﺍﻟﺤﻴﺎﺓ
ﻭﻗﺪﺍﻣﻲ ﺑﻌﺪ
ﻣﻨﺎﺭ : ﻫﻬﻬﻬﻬﻬﻬﻬﻪ
ﻣﻦ ﻭﻳﻦ ﺟﺒﺖ ﺍﻟﻜﻼﻡ ﻫﺬﺍ
ﻣﺮﻭﺍﻥ : ﻫﺎﻟﺨﻠﻴﺞ ﻟﻲ ﺩﻳﻤﺎ ﺗﺘﻔﺮﺟﻮﺍ ﻋﻠﻴﻬﻢ
ﻧﻘﻠﺪ ﻋﻠﻲ ﺍﺳﺎﺱ
ﻣﻨﺎﺭ : ﻓﻲ ﻫﺎﺩﻱ ﻓﺎﺷﻞ ﻭﺑﻘﻮﺓ...
ﻣﻨﺎﺭ : ﻓﻲ ﻫﺎﺩﻱ ﻓﺎﺷﻞ ﻭﺑﻘﻮﺓ
ﻣﺮﻭﺍﻥ : ﺗﻄﻴﺮﺕ ﻋﻴﻦ ﻳﺎﺣﺒﻲ
ﻣﻨﺎﺭ : ﺑﺘﻤﺜﻴﻞ ..
ﺷﻦ ﻗﺼﺪﻙ ﺑﻜﻼﻣﻚ ﺍﻧﻲ ﺿﺮﺑﺘﻚ ﺑﻌﻴﻦ
ﺻﺤﺤﺤﺢ
ﻣﺮﻭﺍﻥ : ﺍﻧﺘﻲ ﻃﻴﺮﻱ ﺍﻟﺮﻗﺒﻪ ﻃﻮﻝ ﻋﻠﻲ ﺍﺳﺎﺱ ﻳﺮﻗﻊ ﻗﺼﺪﻱ ﺣﺸﺎﻙ
ﻳﺎﻟﻐﺎﻟﻴﻪ ﺍﻧﺘﻲ ﺗﻀﺮﺑﻲ ﺑﺎﻟﻌﻴﻦ ﻻﻻ ﻣﺶ ﻣﺼﺪﻕ ﺍﻟﺤﻖ
ﻣﻨﺎﺭ : ﻫﻬﻬﻬﻬﻬﻬﻪ
ﻃﻴﺮﺕ ﺍﻡ ﺍﻡ ﺟﺒﻬﺘﻲ ..
ﻣﺮﻭﺍﻥ : ﺭﻳﺘﻲ ﻛﻴﻒ ﻧﻌﺠﺒﻚ
ﻣﻨﺎﺭ :
ﻣﺮﻭﺍﻥ :
ﺍﻳﺔ ﺣﻘﺔ ﺷﻦ ﻛﻠﻤﺎﺗﻚ ﺍﺧﺘﻲ ﻭﻻ ﻣﺰﺍﻝ
ﻣﻨﺎﺭ : ﺗﺒﻲ ﺍﻟﺤﻖ ﻛﻠﻤﺘﻨﻲ ﺑﺲ ﺻﺎﺭ ﻇﺮﻑ ﻭﻣﺎﻗﺪﺭﺗﺶ ﺍﺭﺩ ﻋﻠﻴﻬﺎ ﺍﺗﺼﻠﺖ
ﺑﻴﻬﺎ ﻣﻘﻔﻞ ﻭﻣﻦ ﺑﻌﺪﻫﺎ ﻣﻌﺪﺵ ﺍﺗﺼﻠﺖ ﺑﻴﻬﺎ ﺍﻟﺤﻖ ﺗﺤﺸﻤﺖ ..
ﻣﺮﻭﺍﻥ : ﺍﻫﺎﺍﺍ ﻧﻈﻤﻮﺍ ﺍﻣﻮﺭﻛﻢ ﻣﻊ ﺑﻌﺾ ..
ﺍﻧﺘﻲ ﺍﻣﺘﻲ ﻣﺎﺷﻴﺔ ﻟﻠﺠﺎﻣﻌﻪ
ﻣﻨﺎﺭ : ﻏﺪﻭﺍ ﺍﻟﺤﻖ
ﻣﺮﻭﺍﻥ : ﺧﻼﺹ ﺗﻮﺍ ﻧﻜﻠﻤﻬﺎ ﺗﻜﻠﻤﻚ ﻳﺎﻋﻤﺮﻱ
ﺗﻤﺎﻡ ﻭﺗﺘﻼﻗﻮﺍ ﻣﻊ ﺑﻌﺾ
ﻣﻨﺎﺭ : ﺗﻤﺎﻡ ﺣﻴﺎﺗﻲ ..
ﻭﺑﺎﻗﻴﻬﺎ ﻫﺪﺭﺯﺓ ﻋﺎﺩﻳﺔ ...
........................
ﺍﺣﻼﻡ : ﺑﻌﺘﺖ ﻣﺴﺞ ..
ﻋﻠﻲ ﺣﺒﻴﺒﻲ ﻭﻳﻨﻚ ﻣﺨﺘﻔﻲ ﻳﻮﻡ ﻛﺎﻣﻞ
ﻣﺘﻜﻠﻤﻨﻴﺶ ...
ﻋﻠﻲ : ﺷﺎﻑ ﺍﻟﻤﺴﺞ ﺑﻤﻠﻞ
ﻭﺣﺪﻑ ﺍﻟﻔﻮﻥ ..
ﺍﻓﻔﻔﻔﻒ ﻫﺎﺩﻱ ﺧﻴﺮﻫﺎ ﻟﺼﻘﺖ ﻓﻴﺎ
ﺍﻟﺒﻨﺖ : ﺣﺒﻴﺒﻲ ﻓﻀﻴﻠﻲ ﺍﻓﻜﺎﺭﻙ ﻭﺧﻠﻴﻚ ﻣﻌﺎﻱ
ﻋﻠﻲ : ﻣﺎﺷﻲ ﺣﻴﺎﺗﻲ
ﻭﻣﺸﻲ ﻓﻲ ﺍﻟﻤﺤﺮﻣﺎﺕ ﻣﻊ ﻏﻴﺮﻫﺎ ..
ﺍﺣﻼﻡ ﻣﺎﺷﻴﺔ ﻭﺟﺎﻳﺔ ﺑﺘﻮﺛﺮ ...
ﺍﻃﻤﻦ ﻓﻲ ﺭﻭﺣﻬﺎ ...
ﺍﻛﻴﺪ ﻓﻲ ﺷﻲﺀ ﺻﺎﻳﺮ ﻣﻌﺎﻩ ﻣﺶ ﻣﻦ ﻋﺎﺩﺗﻪ ﻳﻄﻨﺶ ﻣﻜﺎﻟﻤﺎﺗﻲ ﻭﻻ ﺭﺳﺎﺋﻠﻲ
...
ﻋﻤﻮﻣﺎ ﺧﻠﻲ ﻧﺤﻂ ﻣﻨﻜﻴﺮ
ﺧﺎﻃﺮﻱ ﻓﻲ ﺍﻟﻠﻮﻥ ﺍﻟﺒﻴﺞ ﻣﻦ ﺍﻣﺲ ﺍﻛﻴﺪ ﺭﺡ ﻳﻌﺠﺐ ﻋﻠﻮﺷﻲ ...
ﻭﻗﻌﻤﺰﺕ ﺗﺤﻂ ﻓﻲ ﺍﻟﻤﻨﻜﻴﺮ ...
__________________
ﺍﻟﻴﻮﻡ ﺍﻟﺘﺎﻟﻲ ....
ﻓﻲ ﺍﻟﺠﺎﻣﻌﻪ ..
ﺷﺪﻱ ﻣﻘﻌﻤﺰﺓ ﻣﻊ ﺭﻭﺍﺳﻲ ..
ﺷﺪﻱ : ﺍﻳﺔ ﺣﻘﻪ ﻧﺴﻴﺖ ﻧﻘﻮﺑﻚ ﺑﺘﺠﻲ ﺑﻨﺖ ﺧﺎﻟﺘﻲ ﺍﻟﻴﻮﻡ ﻟﻠﻜﻠﻴﺔ ...
ﺭﻭﺍﺳﻲ : ﻭﺍﺧﻴﺮﺍﺍﺍﺍ
ﺗﺼﺪﻗﻲ ﺣﺘﻲ ﺣﺒﻴﺒﺖ ﺧﻮﻱ ﺑﺘﺠﻲ ﺍﻟﻴﻮﻡ
ﺧﻠﻲ ﻧﺘﺼﻞ ﺑﻴﻬﺎ ﻭﻧﺸﻮﻓﻬﺎ ﺷﻦ ﺻﺎﺭ ﻓﻴﻬﺎ ..
ﺷﺪﻱ : ﺍﻱ ﺍﻱ ﻛﻠﻤﻴﻬﺎ ﺧﺎﻃﺮﻱ ﻧﺸﻮﻓﻬﺎ ..
ﺭﻭﺍﺳﻲ : ﺣﺘﻲ ﺍﻧﻲ ﺯﻳﻚ ﻓﻀﻮﻝ ..
ﺍﻟﻴﻮﻡ ﻓﻲ ﺍﻟﺴﻴﺎﺭﺓ ﻛﻠﻪ ﻣﺤﺎﺿﺮﺓ ﺍﺻﺒﺮﻱ ﺍﺻﺒﺮﻱ
ﺭﺟﻌﺖ ﺍﻟﺬﺍﻛﺮﺓ ﺑﻨﺖ ﺧﺎﻟﺘﻚ ﺷﻨﻮ ﺍﺳﻤﻬﺎ ..
ﺷﺪﻱ : ﺑﺨﻀﻪ
ﻣﻨﺎﺭ ﻋﻼﺵ
ﺭﻭﺍﺳﻲ : ﻣﻨﺎﺭ ﻣﻨﺎﺭ
ﺷﺪﻱ : ﺍﺏ ﻣﻨﺎﺭ ﻣﻨﺎﺭ ﺧﻴﺮﻙ ﺍﻧﺘﻲ
ﺭﻭﺍﺳﻲ : ﻫﻴﺎ ﻭﺭﺑﻲ ﻫﻴﺎ
ﺷﺪﻱ : ﺭﻭﺍﺳﻲ ﺣﺒﻴﺒﺘﻲ ﺧﻴﺮﻙ ﺑﺘﻬﺒﻠﻲ
ﻣﺶ ﻓﺎﻫﻤﻪ ﻋﻠﻴﻚ ..
ﺭﻭﺍﺳﻲ : ﺷﻮﻓﻲ ﻟﻤﺎ ﺧﺎﻟﺘﻚ ﺟﺘﻨﺎ ﻣﻌﻬﺎ ﻣﻨﺎﺭ ﺻﺢ
ﻭﺧﻮﻱ ﻗﺎﻟﻲ ﻧﺒﻲ ﻣﻨﺎﺭ ﻟﻲ ﺟﺖ ﻣﻊ ﺍﻣﻬﺎ ﻣﻦ ﻗﺒﻞ
ﻭﺍﻧﻲ ﻧﺼﺤﺘﻪ ﻳﻌﻨﻲ ﻫﻴﺎ ﻧﻔﺴﻬﺎ ﺑﻨﺖ ﺧﺎﻟﺘﻚ ﺣﺒﻴﺒﺖ ﺧﻮﻱ ..
ﺷﺪﻱ : ﺧﻮﻙ ﻣﺮﻭﺍﻥ ﻳﻌﻨﻲ ﻫﻴﺎ ﺣﻖ
ﺭﻭﺍﺳﻲ : ﺷﺪﺕ ﺭﺍﺳﻬﺎ ﺣﻲ ﻋﻠﻲ ﺍﻡ ﺍﻟﻐﺒﺎﺀ
ﺷﺪﻱ : ﻛﻴﻒ ﻣﺎﻓﻜﺮﻧﺎﺵ ﻓﻴﻬﺎ ..
ﺭﻭﺍﺳﻲ : ﻣﺶ ﻋﺎﺭﻓﻪ ﻏﻴﺮ ﺍﻫﻨﻲ ﻣﺶ ﻣﺮﻛﺰﻳﻦ
ﺷﺪﻱ : ﺩﻭﺍﻳﺢ ﻳﺎﺣﻈﻲ
😂
ﻋﻠﻲ ﺟﻴﺖ ﻣﻨﺎﺭ ﺭﺣﺒﻮﺍ ﺑﺒﻌﺾ
ﻭﻛﺎﻥ ﺟﻮﻫﻢ ﻓﻮﻕ ﺍﻟﺨﻴﺎﻝ ...
______________
ﺷﻦ ﺑﺼﻴﺮ ﺗﺎﺑﻌﻮﺗﻲ ...
ﻣﻨﺎﺭ ﻣﻦ ﺑﻴﺮﻭﺡ ﺑﻴﻬﺎ ﻭﺷﻦ ﺭﺩﺍﺕ ﺍﻟﻔﻌﻞ ﻟﻲ ﺑﺘﺼﻴﺮ
ﺭﻭﺍﺳﻲ ﺷﻦ ﺑﺼﻴﺮ ﻓﻴﻬﺎ
ﺷﺪﻱ ﻭﻣﺤﻤﺪ ﺷﻦ ﺑﺼﻴﺮ ﻓﻴﻬﻢ
ﻭﻣﺤﻤﺪ ﻫﻞ ﻓﻌﻼ ﺭﺡ ﻳﺘﻐﻴﺮ ..
ﺍﻟﻜﺎﺗﺒﺔ : ÉMåñ Ålbåshå
