ﺍﻟﺤﻠﻘﺔ ﺍﻟﺨﺎﻣﺴﺔ ...
ﻣﻦ ﺭﻭﺍﻳﺔ : ﺍﺣﺒﺒﺘﻚ ﺩﻭﻥ ﻋﻠﻤﻚ
..................
ﺻﻔﺎﺀ : ﺍﺳﻔﺔ ﻳﺎﻭﻟﺪﻱ ﻣﻔﺮﻭﺽ ﻭﻗﻔﺘﻬﺎ ﻋﻨﺪ ﺣﺪﻫﺎ ﻣﻦ ﺍﻟﺒﺪﺍﻳﺔ
ﺻﻘﺮ : ﻭﻻ ﻳﻬﻤﻚ ﻳﺎﻏﺎﻟﻴﺔ ﺻﺎﻟﺤﻲ ﺧﺎﻟﺘﻲ ﺍﻛﻴﺪ ﺯﻋﻼﻧﻪ
ﻣﻨﻚ ..
ﻣﻬﻤﺎ ﻛﺎﻥ ﻓﻲ ﺍﻻﺧﻴﺮ ﺑﻨﺘﻬﺎ
ﺻﻔﺎﺀ : ﺍﻥ ﺷﺎﺀﺍﻟﻠﻪ ﺧﻴﺮ
ﺍﺧﺘﻲ ﻣﺶ ﺭﺡ ﺗﺰﻋﻞ ﻣﻨﻲ ﻻﻥ ﺍﻟﻐﻠﻂ ﻣﻦ ﺑﻨﺘﻬﺎ
ﻣﻦ ﺍﻟﺒﺪﺍﻳﺔ ..
ﺻﻘﺮ : ﺍﻧﺘﻲ ﺗﻌﺮﻓﻲ ﺍﻛﺜﺮ ﻣﻨﻲ ..
ﻳﻨﺎﺩﻱ ﺑﺼﻮﺕ ﻋﺎﻟﻲ ..
ﺷﺪﻱ ﻳﺎﺷﺪﻱ
ﺷﺪﻱ : ﻣﻴﺘﻪ ﺧﻮﻑ
ﻧﻌﻢ
ﺻﻘﺮ : ﺑﺼﻮﺕ ﺍﻋﻠﻲ ..
ﺗﻌﺎﻟﻲ ﺟﺎﻱ ﻳﺎﺑﻨﺖ ...
ﺷﺪﻱ : ﺑﺪﺕ ﺩﻣﻊ ﺗﺨﺎﻑ ﻣﻦ ﻗﺼﺮ ﻟﻤﺎ ﻳﻌﺼﺐ ...
ﺑﺨﻮﻑ ..
ﺟﻴﺖ ﻧﻌﻢ
ﺻﻘﺮ : ﺣﻀﻨﻬﺎ ﺷﻜﺮﺍ ﻻﻥ ﺑﺴﺒﺐ ﻋﻤﻠﺘﻚ ﻟﻲ ﺯﻱ ﻭﺟﻬﻚ ﺭﻳﺤﺘﻨﻲ ﻣﻦ ﻣﺸﻜﻠﺔ
ﻛﺒﻴﺮﺓ
ﺑﺤﺪﺓ ﻭﺍﺧﺮﻟﻚ ﻣﺮﺓ ﺗﺼﻮﺭﻳﻨﻲ
ﻭﺩﻳﺮﻱ ﻟﻘﻄﺎﺗﻚ ﺍﻟﻄﻔﻮﻟﻴﺔ ﺷﺪ ﺧﺸﻤﻬﺎ ﻭﺍﺿﺢ
ﺷﺪﻱ : ﺍﺑﺘﺴﻤﺖ ﻣﻦ ﺑﻴﻦ ﺩﻣﻮﻋﻬﺎ
ﻣﺎﺷﻲ ﺣﺎﺿﺮ ﻭﺍﺿﺢ
ﺍﻟﺨﻮﻑ ﻳﻌﻴﺶ
....
ﻋﻨﺪ ﻣﻨﺎﺭ ﻭﺍﻣﻬﺎ ﺳﻬﺎﻡ
ﻣﻨﺎﺭ : ﻣﺎﻣﻲ ﺑﺠﺪ ﺑﻨﺖ ﺧﺎﻟﺘﻲ ﺯﻭﺩﺗﻬﺎ
ﻣﺶ ﻣﻌﻘﻮﻟﺔ ﺍﻟﺤﻘﺎﺭﺓ ﺗﻮﺻﻞ ﻟﺪﺭﺟﺔ ﻫﺎﺩﻱ
ﺳﻬﺎﻡ : ﻭﻟﻠﻪ ﻣﺎﻧﻲ ﻋﺎﺭﻓﻪ ﻛﻴﻒ ﺍﻟﺤﻞ ﻣﻌﻬﺎ ﺍﻟﺒﻨﺖ ﻫﺎﺩﻱ
ﺑﺠﺪ ﺯﻭﺗﻬﺎ ﻓﻮﻕ ﺍﻻﺯﻡ
ﻣﻨﺎﺭ : ﺭﺑﻲ ﻳﻬﺪﻱ
ﻭﻟﻠﻪ ﻭﺟﻌﺘﻨﻲ ﺧﺎﻟﺘﻲ ..
ﺳﻬﺎﻡ : ﺍﻟﻤﻬﻢ ﻋﺪﺕ ﻋﻠﻲ ﺧﻴﺮ
ﻭﺑﻌﺪﻳﻦ ﻳﺎﺑﻨﺖ ﺧﻴﺮﻙ ﻣﺶ ﺣﺎﻃﺔ ﻣﻴﻜﺐ
ﺍﻛﺜﺮ ﺧﻴﺮﺍ ﺧﻔﻴﻒ ﻫﻠﺒﺎ
ﻣﻨﺎﺭ : ﺑﻤﻠﻞ ﺍﻣﻲ ﻧﺤﺒﻪ ﺧﻔﻴﻒ ﻣﺎﻧﺤﺒﺶ ﺍﻻﻭﻓﺮ
ﻫﻠﺒﺎ ﺍﻧﻲ ﺑﻨﺖ ﻣﺶ ﻣﺪﺍﻡ ..
ﺳﻬﺎﻡ : ﻗﻠﺒﺖ ﻋﻴﻮﻧﻬﺎ
ﺣﺴﺎﺑﻨﺎ ﻓﻲ ﺍﻟﺤﻮﺵ ﻭﺷﻜﻠﻚ ﺍﺻﻼ ﻣﺶ ﺣﺎﻃﺔ ﺑﺮﻓﺎﻥ ﻣﻦ ﺍﺳﺎﺳﺎ ..
ﻣﻨﺎﺭ : ﺑﻀﻴﻖ
ﺍﻥ ﺷﺎﺀﺍﻟﻠﻪ ﺗﻌﺪﻱ ﻋﻠﻲ ﺧﻴﺮ
ﺳﻬﺎﻡ : ﺳﻤﻌﺘﻚ ﻟﻠﻌﻠﻢ
ﻟﻜﻦ ﻣﺶ ﻭﻗﺖ ﺍﻟﻤﺸﺎﻛﻞ ﺗﻮﺍ
ﻣﻨﺎﺭ : ﺻﻤﺘﺘﺘﺖ
ﻧﺰﻟﺖ ﺷﺪﻱ ﻭﺍﻣﻬﺎ ﻳﻬﺪﺭﺯﻭ ﻭﻳﻀﺤﻜﻮﺍ
ﻣﻨﺎﺭ ﻗﻌﺪﺕ ﺗﺸﻮﻑ ﺑﺤﺰﻥ ﻟﻲ ﺑﺴﺎﻃﺔ ﺧﺎﻟﺘﻬﺎ ﻓﻲ ﺗﻌﺎﻣﻠﻬﺎ ﻣﻊ ﺑﻨﺘﻬﺎﻭﻛﻴﻒ
ﺍﻧﻬﺎ ﻗﺮﻳﺒﺔ ﻣﻦ ﺑﻨﺘﻬﺎ ﻭﺗﻬﺘﻢ ﻟﻲ ﻛﻼﻡ ﺑﻨﺘﻬﺎ ﻭﺗﺤﺘﺮﻡ ﻓﻴﻪ ..
ﻋﻠﻲ ﻋﻜﺲ ﺍﻣﻬﺎ ﻛﻠﻴﺎ ..
ﺣﺎﺳﺔ ﺭﻭﺣﻬﺎ ﻓﺎﻗﺪﺓ ﻟﻠﺤﻨﺎﻥ
ﺣﺎﺳﺔ ﺍﻧﻬﺎ ﻭﺣﻴﺪﺓ ﺣﻴﺎﺗﻬﺎ ﻣﺒﻨﻴﺔ ﻋﻠﻲ ﺍﻟﻤﻮﺿﻲ ﻭﺍﻟﻠﺒﺲ ﻭﺍﻟﻄﻠﻌﺎﺕ ﻣﺤﺘﺎﺟﺔ
ﺍﺧﺖ ﺗﻮﺍﺳﻴﻬﺎ ﺍﻡ ﺗﺴﻤﻌﻠﻬﺎ ﺗﻬﺘﻢ ﻟﻲ ﺗﻔﺎﺻﻴﻞ ﺣﻴﺎﺗﻬﺎ ..
ﺑﺲ ﻻﺳﻒ ﺍﻣﻬﺎ ﻣﺶ ﺣﺎﺳﺔ ﺑﻴﻬﺎ
ﺣﺎﺳﺔ ﺑﺎﻟﺤﻨﺎﻥ ﻣﻊ ﻏﻴﺮ ﺍﻣﻬﺎ ﻭﺑﻮﻫﺎ
___________________
ﻋﻨﺪ ﺭﻭﺍﺳﻲ ...
ﺭﻭﺍﺳﻲ : ﻳﺎﺑﻘﺮﺓ ﺍﻧﺘﻲ
ﻣﺶ ﻋﺎﺭﻓﻪ ﻋﻼﺵ ﺍﻧﻲ ﺣﺎﺳﺔ ﺍﻣﻲ ﺗﺘﺼﺮﻑ ﻣﻌﺎﻱ ﺑﻄﺮﻳﻘﺔ ﻏﺮﻳﺒﺔ ..
ﺍﻣﺎﻧﻲ : ﺑﻌﺒﺎﻃﺔ
ﻣﻤﻜﻦ ﺗﻔﻬﻤﻴﻨﻲ ﻳﺎﺃﺧﺖ ﻻﻧﻲ ﺑﺼﺮﺍﺣﻪ ﻣﺶ ﻓﺎﻫﻤﻪ ﻗﺼﺪﻙ
ﺭﻭﺍﺳﻲ : ﺍﻣﻤﻢ ﺑﻪ ﺷﻮﻓﻲ ﺍﻣﻲ ﻛﻢ ﻣﺮﺓ ﺗﺤﺪﻑ ﻓﻲ ﻛﻼﻡ
ﻏﻴﺮ ﻣﺒﺎﺷﺮ ﺍﻥ ﻓﻲ ﺣﺪ ﻣﺘﻘﺪﻣﻠﻲ ﺍﻭ ﺷﻲﺀ ﻣﻦ ﻫﻜﻲ
ﺍﻣﺎﻧﻲ : ﻻ ﻭﻟﻠﻬﻲ ﻓﻮﻗﻲ ﻳﺎﻣﺎﻣﺎ ﺍﺣﺴﺎﺳﻚ ﻫﺬﺍ ﺷﻜﻠﺔ ﺑﻴﻮﺩﻳﻚ ﻓﻲ ﺩﻫﻴﺔ ..
ﺳﺎﺩﻙ ﺍﻭﻫﺎﻡ ﻳﺎﺑﻨﺖ ﺷﻜﻠﻚ ﻫﺒﻠﺘﻲ ..
ﻃﺒﻌﺎ ﺍﻣﺎﻧﻲ ﺗﻌﺮﻑ ﺑﺎﻟﻤﻮﺿﻮﻉ
ﺭﻭﺍﺳﻲ : ﺗﻔﻔﻒ ﻋﻠﻲ ﻭﺟﻬﻚ ﺗﺼﺪﻗﻲ
ﺣﺘﻲ ﺍﻧﻲ ﻋﺮﻓﺖ ﻟﻤﻦ ﻧﺤﻜﻲ
ﺗﺄﺷﺮ ﺑﺘﻘﺰﺯ ﻭﻟﻲ ﻣﻨﻮ
ﻟﻠﻌﻘﺮﺑﺔ ﻫﺎﺩﻱ ..
ﺍﻣﺎﻧﻲ : ﺻﻮﺗﻚ ﻋﺎﻟﻲ ﺭﺍﻫﻮ
ﻭﺷﻔﺘﻚ
ﻫﻬﻬﻬﻬﻪ ﻭﻟﻠﻪ ﺍﻧﻚ ﻫﺒﻠﺔ ﺣﻖ
ﺭﻭﺍﺳﻲ : ﻣﻦ ﺩﺍﺭﻫﺎ
ﺩﺧﻠﻜﺶ ﻓﻴﺎ ﺑﺮﻱ ﻟﻲ ﺭﺍﺟﻠﻚ ﻳﺴﺘﻨﻲ ﻓﻴﻚ
ﺍﻣﺎﻧﻲ : ﻫﻬﻬﻬﻬﻪ
ﺍﻟﻴﻮﻡ ﺑﺎﻳﺘﻪ ﻣﻌﺎﻙ ﻣﺎﺷﻲ ﺯﺭﺩﺓ ﻧﻮﺭ ﺍﻟﻌﻴﻦ
ﺭﻭﺍﺳﻲ : ﺗﺤﻠﻤﻲ ﺍﻧﻚ ﺗﺮﻗﺪﻱ ﺟﻨﺒﻲ
ﻳﺎﻟﻌﻘﺮﺑﺔ ..
ﺍﻣﺎﻧﻲ : ﺻﺪﻗﺘﻴﻬﺎ ﻫﻬﻬﻬﻪ
ﻳﺎﻣﺮﻳﻀﺔ ﺗﺼﺒﺤﻲ ﻋﻠﻰ ﺧﻴﺮ ﺑﻨﻤﺸﻲ ﻟﻲ ﺭﺍﺟﻠﻲ
ﺳﻼﻡ
ﺭﻭﺍﺳﻲ : ﻫﻬﻬﻬﻬﻪ
ﻭﺍﻧﺘﻲ ﻣﻦ ﺍﻫﻠﻮ ﻳﺎﻟﺤﺐ ...
ﺷﺪﺕ ﻓﻮﻧﻬﺎ ﻭﺗﺘﺼﻞ ﺑﺸﺪﻱ ..
______________
ﻓﺎﺕ ﺍﻟﻮﻗﺖ ﺑﺴﺮﻋﺔ
ﻭﺳﻬﺎﻡ ﻭﺑﻨﺘﻬﺎ ﻣﻨﺎﺭ ﺭﻭﺣﻮﺍ ..
ﺻﻔﺎﺀ ﺗﻌﺒﺖ ﺍﻟﻴﻮﻡ ﻛﺎﻥ ﺑﺠﺪ ﻳﻮﻡ ﻣﺮﻫﻖ
ﺧﺸﺖ ﻟﻲ ﺩﺍﺭﻫﺎ ﺑﺘﺮﺗﺎﺡ
ﺷﺪﻱ : ﺑﻤﻠﻞ
ﺍﻣﻤﻤﻢ ﺍﻟﻔﻴﻠﻢ ﻫﺬﺍ ﺷﻜﻠﺔ ﺣﻠﻮ
ﺧﻠﻲ ﻧﺘﻔﺮﺝ ﻋﻠﻴﻪ ﻭﻣﻨﻬﺎ ﻳﻔﻮﺕ ﺍﻟﻮﻗﺖ ..
ﺻﻘﺮ : ﻧﺎﻳﺾ ﻣﻦ ﺍﻟﻨﻮﻡ ﻳﺘﻜﺴﻞ ﻭﺣﺎﻟﺘﻪ ﺣﺎﻟﺔ
_ ﻋﻠﻲ ﺷﻨﻮ ﺗﺘﻔﺮﺟﻲ ﻳﺎﺑﻨﺖ ..
ﺷﺪﻱ : ﺻﺤﻪ ﺍﻟﻨﻮﻣﺔ ﻛﺎﻥ ﻛﻤﻠﺖ ﻧﻮﻣﺘﻚ ﺧﻴﺮ
ﻭﻟﻠﻪ ﻛﻴﻒ ﻓﺘﺤﺖ ﻋﻠﻲ ﻓﻴﻠﻢ ﺷﻜﻠﺔ ﺣﻠﻮ
ﺻﻘﺮ : ﻭﻟﻠﻪ ﺷﺒﻌﺖ ﻧﻮﻡ ﺍﻟﺤﻖ ﻗﻮﻟﺖ ﻧﻜﺴﺪ ﻣﻌﺎﻙ
ﻟﻮ ﺳﻤﺤﺘﻲ ﻳﻌﻨﻲ ..
ﺷﺪﻱ : ﺗﻔﻀﻞ ﺍﺻﻼ ﺣﺘﻲ ﻟﻮ ﻗﻮﻟﺖ ﻻ
ﺭﺡ ﺗﻜﺴﺪ ﻣﻌﺎﻱ ﻏﺼﺐ ﺷﻦ ﺍﻟﺠﺪﻳﺪ ﻳﻌﻨﻲ
ﺻﻘﺮ : ﺣﺪﻓﻬﺎ ﺑﺎﻟﻤﺨﺪﺓ ﺑﺘﺎﻉ ﺍﻟﻜﻨﺐ
ﻗﻮﻟﻲ ﺑﺎﻫﻲ ﻭﺍﺳﻜﺘﻲ ﻭﺍﻧﺘﻲ ﺿﺮﻭﺭﻱ ﺗﻌﻠﻘﻲ ..
ﺷﺪﻱ : ﻫﻬﻬﻪ ﺍﻳﻴﻴﻲ
ﻳﺎﻭﺣﺶ ﺧﺰﻭ ﻋﻠﻴﻚ
ﺻﻘﺮ : ﺷﻦ ﺧﺰﻭ ﺑﺘﺎﻋﻚ ﻫﺎﺩﻱ
ﺗﺒﻲ ﺍﺭﻳﺶ ﺷﻌﺮﻙ ﻳﺎﺑﻨﺖ ﻭﻻ ﻛﻴﻒ
ﺷﺪﻱ : ﺑﻠﻴﺰ ﺍﻻ ﺷﻌﺮﻱ ﻻ
ﻫﻬﻬﻬﺦ
ﺻﻘﺮ : ﻗﻌﻤﺰ ..
ﺧﻼﺹ ﻣﻌﻨﻬﺎ ﻫﻨﻲ ﺭﻭﺣﻚ ﻫﻲ
ﻋﻠﻲ ﺻﻮﺕ
ﺗﺮﻥ ﺗﺮﻥ ﺗﺮﻥ
ﺷﺪﻱ ﻣﻦ ﻳﺘﺼﻞ ﺑﻴﺎ ﺗﻮﺍ
ﻏﺮﻳﺒﺔ ..
ﺷﺎﻓﺖ ﺍﻟﻤﺘﺼﻞ ﺑﻠﻬﻔﺔ
ﺷﺪﻱ : ﺍﻟﻮﻭﻭ ﻳﺎﻟﺤﺐ
ﺻﻘﺮ ﻗﺎﻡ ﺣﺎﺟﺐ ﻭﻓﻲ ﺧﺎﻃﺮﺓ
ﺍﻛﺒﺮ ﻛﺬﺍﺑﺔ ﺍﺧﺨﺦ ﺍﻟﺒﻨﺎﺕ ﻟﻲ ﻳﻘﺪﺭﻛﻢ ﺑﺲ
ﺭﻭﺍﺳﻲ : ﺷﻦ ﺟﻮﻙ ﻳﺎﻋﺴﻞ
ﺗﺼﺪﻗﻲ ﺍﺳﺘﺤﺸﺘﻚ
ﺷﺪﻱ : ﺍﻱ ﻭﻟﻠﻪ ﺣﺘﻲ ﺍﻧﻲ ﺍﺳﺘﺤﺸﺘﻚ
ﻭﻓﺘﺤﺖ ﺍﻟﻤﺎﻳﻚ ﻭﺗﺮﻗﺺ ﻓﻲ ﺣﻮﺍﺟﺒﻬﺎ ...
ﺻﻘﺮ ﻋﻘﺪ ﺣﻮﺍﺟﺒﺔ ﻣﻦ ﻟﻘﻄﺔ
ﺍﺧﺘﻪ ﺍﻟﻐﺒﻴﺔ
ﺭﻭﺍﺳﻲ : ﺍﺩﻛﺮﺕ ﻳﺎﻣﻌﻔﻨﻪ
ﻗﻮﻟﻴﻠﻲ ﻳﺎﺯﻓﺘﻪ ﻋﻼﺵ ﺍﻣﺲ ..
ﻗﻌﺪﺗﻲ ﻣﺘﺸﻤﺘﻪ ﻓﻴﺎ ﻟﻤﺎ ﺻﻘﺮﻭﻩ ﺷﺎﻓﻨﻲ
ﺷﺪﻱ : ﻫﻬﻬﻬﺦ ﺳﻮﺭﻱ ﻣﺶ ﻗﺼﺪﻱ
ﺑﺲ ﺑﺼﺪﻕ ﺷﻦ ﺭﺍﻳﻚ ﻓﻲ ﺧﻮﻱ ﻃﺮﻑ ﺻﺢ
ﻭﻗﻌﺪﺕ ﺗﺸﻮﻑ ﻟﻲ ﺻﻘﺮ ﺑﺨﺒﺚ
ﺭﻭﺍﺳﻲ : ﺳﻜﺮﻱ ﻓﻤﻚ ﻳﺎﺑﻘﺮﺓ
ﻭﺭﺑﻲ ﻣﺘﺖ ﺍﺣﺮﺍﺝ
ﺷﺪﻱ : ﺗﺸﻮﻑ ﻟﻲ ﺧﻮﻫﺎ ﻭﺗﻐﻤﺰﻟﻪ ..
ﻫﻬﻬﻬﻪ ﺗﺴﺘﺎﻫﻠﻲ ﺭﻭﺍﺳﻲ ﺑﺠﺪ ﺧﻠﻴﻚ ﺻﺮﻳﺤﻪ ﺷﻦ ﺭﺍﻳﻚ ﻓﻲ ﺧﻮﻱ ﻛﺎﻭﺟﻬﺔ
ﻧﻈﺮﻙ ﻳﻌﻨﻲ ﻃﺮﻑ ﻭﻻﻻ ..
ﺭﻭﺍﺳﻲ : ﺍﻣﻤﻤﻢ
ﺑﺼﺮﺍﺣﻪ ﻳﻌﻨﻲ ﺧﻮﻙ ﻭﺍﺿﺢ ﻋﻠﻴﻪ ﻣﺤﺘﺮﻡ ﻣﺎﺷﺎﺀ ﺍﻟﻠﻪ
ﻭﻏﻴﺮ ﻫﻜﻲ ﺑﺠﺪ ﻣﺶ ﻃﺮﻑ ﻭﺑﺲ ﺻﺎﺭﻭﺥ ﻳﺎﺑﻨﺖ
ﻫﻬﻬﺨﺨﺨﺦ ﺑﺪﻳﺖ ﻧﺘﻐﺰﻝ ﺷﻜﻠﻲ ..
ﻧﺒﺼﺮ ﻧﺒﺼﺮ ...
ﺗﻨﻬﺪﺕ ﺑﻌﻤﻖ ﺍﺳﻤﻌﻲ ﺑﻨﻘﻮﻟﻚ ﻋﻠﻲ ﺳﺮ
ﺍﻧﺘﻲ ﺗﻌﺮﻓﻲ ﻣﺎﻧﺪﺱ ﻋﻠﻴﻚ ﻓﻲ ﺷﻲﺀ
ﺷﺪﻱ : ﺧﺎﻓﺖ ﻭﺟﺎﻳﺔ ﺑﺘﺴﻜﺮ ﺍﻟﻤﺎﻳﻚ
ﺧﻮﻫﺎ ﺻﻘﺮ ﺷﺪ ﻳﺪﻫﺎ
ﺻﻘﺮ ﻓﻨﺺ ﻓﻴﻬﺎ ..
ﺷﺪﻱ ﻗﻌﺪﺕ ﺗﺸﻮﻑ ﺑﻤﻌﻨﻲ ﺧﺼﻮﺻﻴﺎﺕ
ﺑﺲ ﻫﻮﺍ ﻣﻨﻌﻬﺎ ﺗﺴﻜﺮ ﺍﻟﻤﺎﻳﻚ
ﻭﻃﺒﻌﺎ ﺍﻟﻜﻼﻡ ﺑﻴﻦ ﺻﻘﺮ ﻭﺷﺪﻱ
ﺑﺎﻟﻌﻴﻦ ..
ﺭﻭﺍﺳﻲ : ﻭﻳﻨﻚ ﻳﺎﻟﺰﻓﺖ
ﺷﻜﻠﻲ ﻧﺘﻜﻠﻢ ﺑﺮﻭﺣﻲ ...
ﺷﺪﻱ : ﺑﺎﺳﺘﺴﻼﻡ ﻣﻌﺎﻙ ﻣﻌﺎﻙ
ﺣﺒﻲ ﺷﻜﻠﺔ ﺍﻟﺘﻐﻄﻴﺔ ﻫﺮﺑﺖ
ﺭﻭﺍﺳﻲ : ﺍﻣﻤﻤﻢ ﺑﻪ ﺍﺳﻤﻌﻲ ﻣﻦ ﺍﻻﺧﻴﺮ ﺑﺪﻳﺖ ﻧﻔﻜﺮ ﻓﻲ ﺧﻮﻙ ﻫﻠﺒﺎ ...
ﺷﻦ ﻳﻌﻨﻲ ﻫﺬﺍ ﺍﻟﺸﻲ ..
ﺷﺪﻱ : ﻛﻴﻒ ﻳﻌﻨﻲ ﺗﻔﻜﺮﻱ ﻓﻴﻪ ﻫﻠﺒﺎ
ﻭﺿﺤﻴﻠﻲ ..
ﺭﻭﺍﺳﻲ :
ﻗﺼﺪﻱ ﻛﻴﻒ ﺑﻨﺤﻜﻴﻠﻚ ﻳﻌﻨﻲ ﺑﺪﻳﺖ ﻧﺘﺨﻴﻞ ﻓﻴﻪ ﻛﻞ ﻣﺎﻧﻐﻤﺾ ﻋﻴﻮﻧﻲ ﻣﻌﺪﺵ
ﻋﺮﻓﺖ ﻛﻴﻒ ﻧﺪﻳﺮ ﻭﺍﻟﻤﺸﻜﻠﺔ
ﺧﺎﻳﻔﺔ ﻧﻜﻮﻥ ﻣﺶ ﻃﺒﻴﻌﻴﺔ ﻗﻮﻟﺖ ﺍﻧﺘﻲ ﺍﻟﻮﺣﻴﺪﺓ ﻟﻲ ﺭﺡ ﺗﻘﻮﻟﻴﻠﻲ ﺷﻦ ﻗﺎﻋﺪ
ﻳﺼﻴﺮ ﻣﻌﺎﻱ ..
ﺷﺪﻱ : ﺑﺨﺠﻞ ﻣﻦ ﺧﻮﻫﺎ ..
ﻧﻘﻮﻟﻚ ﺍﻟﺼﺮﺍﺣﺔ ﺑﺪﻭﻥ ﺯﻋﻞ ..
ﺭﻭﺍﺳﻲ : ﻳﺎﺭﻳﺖ ﺑﺠﺪ ﻻﻧﻲ ﻫﺒﻠﺖ ﻳﺎﺷﺪﻭﻭﻭ
ﻧﺒﻲ ﻧﻌﺮﻑ ﺷﻦ ﻗﺎﻋﺪ ﻳﺼﻴﺮ ﻣﻌﺎﻱ ﻻﻥ ﺑﺠﺪ ﺑﻨﻨﺠﻦ
ﺷﺪﻱ : ﻓﻲ ﺗﻔﺴﻴﺮ ﻭﺍﺣﺪ ﺑﺲ
ﻫﺬﺍ ﻳﻌﻨﻲ ﺍﻧﻚ ﺗﺤﺒﻲ ﺧﻮﻱ ﺻﻘﺮ ﻳﺎﺭﻭﺍﺳﻲ
ﺻﻘﺮ : ﻗﺮﻳﺐ ﻳﻄﻴﺮ ﻣﻦ ﺍﻟﻔﺮﺣﻪ
ﺍﻟﺴﻌﺎﺩﺓ ﻻ ﺗﻮﺻﻒ
ﺭﻭﺍﺳﻲ : ﺗﺒﺼﺮﻱ ﻻﻻﻻ
ﺍﻧﻲ ﻻ ﻳﻤﻜﻦ ﻧﺤﺐ ﺍﻛﻴﺪ ﻭﻫﻢ ﻭﺭﺡ ﻳﻤﺸﻲ
ﺷﺪﻭﻭﻭ ﺳﺎﻋﺪﻳﻨﻲ ﻳﺎﺯﻓﺖ ﻭﻛﻴﻒ ﺍﻟﺤﻞ ﺗﻮﺍ
ﺷﺪﻱ : ﻋﻨﺪﻱ ﻟﻴﻚ ﺍﻟﺤﻞ ﺍﻟﻤﻨﺎﺳﺐ
ﺭﻭﺍﺳﻲ : ﻭﺷﻦ ﺍﻟﺤﻞ ﻳﻌﻨﻲ
ﺑﻠﻴﺰ ﺳﺎﻋﺪﻳﻨﻲ
ﺷﺪﻱ : ﺍﺳﻤﻌﻲ ﺗﻮﺍ ﺍﻟﻮﻗﺖ ﺗﺄﺧﺮ
ﻭﺍﻭﻝ ﻣﺎﻧﻔﻀﻲ ﺭﺡ ﻧﻘﻮﻟﻚ ﺷﻦ ﺍﻟﺤﻞ ﺗﻤﺎﻡ ﺣﺒﻲ
ﺭﻭﺍﺳﻲ : ﺑﺴﺘﺴﻼﻡ
ﺗﻤﺎﻡ ﺣﺒﻲ ﺗﺼﺒﺤﻲ ﻋﻠﻲ ﺧﻴﺮ
ﺷﺪﻱ : ﺻﻘﺮ ﺷﻦ ﺍﻟﺘﺼﺮﻓﺎﺕ ﻫﺎﺩﻱ
ﺑﺠﺪ ﻧﺤﺮﺟﺖ ﻣﻊ ﻋﺮﻓﺖ ﻛﻴﻒ ﻧﺘﺼﺮﻑ
ﻭﺑﻌﺪﻳﻦ ﺍﻓﺮﺡ ﺍﻟﻌﺮﻭﺱ ﺗﺤﺒﻚ ﻃﻠﻌﺖ
ﻫﻬﻬﻬﻪ
ﺻﻘﺮ : ﻣﺶ ﻣﻌﻬﺎ ﻧﻬﺎﺋﻲ
ﺷﺪﻱ : ﺻﻘﺮﺭﺭﺭﺭﺭ
ﺻﻘﺮ : ﻣﻄﻨﺸﻬﺎ ﻭﻳﺤﻂ ﻓﻲ ﻟﺤﻴﺘﻪ ﻭﺑﻔﻜﺮ
ﺷﺪﻱ ﺗﻘﻨﻄﺖ ﻧﺎﺿﺖ ﻭﺧﻼﺗﻪ
______________
ﺭﻭﺍﺳﻲ ﺣﻄﺖ ﺭﺍﺳﻬﺎ ﻋﻠﻲ ﺍﻟﻤﺨﺪﺓ ﻭﺗﻔﻜﺮ ﻓﻲ ﻛﻼﻡ ﺷﺪﻱ ..
ﻗﻌﺪﺕ ﺗﻔﻜﺮ ﻫﻞ ﺑﺠﺪ ﺍﻧﻲ ﺣﺒﻴﺖ ﺻﻘﺮ
ﻭﺍﻻ ﻣﺠﺮﺩ ﺍﻋﺠﺎﺏ ...
ﻭﻳﺎﺭﺑﻲ ﻛﻴﻒ ﻗﺪﺭﺕ ﻧﻨﺴﻲ ﺣﺐ ﻣﺤﻤﺪ ﺑﺴﺮﻋﺔ ﻫﺎﺩﻱ
ﻗﻌﺪﺕ ﺗﻔﻜﺮ ﻟﻘﺖ ﺭﻭﺣﻬﺎ ﻣﺶ ﻣﺘﻮﺟﻌﺔ ﻣﻦ ﻓﻜﺮﺓ
ﺍﻥ ﻣﺤﻤﺪ ﺳﻴﺒﻬﺎ ﺣﺴﺖ ﺑﺮﻭﺣﻬﺎ ﻣﺮﺗﺎﺣﻪ
ﻋﻜﺲ ﻗﺒﻞ ﻛﺎﻧﺖ ﺗﺘﻮﺟﻊ ﺗﺘﻤﺰﻕ ﻣﻦ ﺍﻟﺪﺍﺧﻞ
ﺣﻤﺪﺕ ﺭﺑﻲ ﻭﺷﻜﺮﺍﺗﻪ ...
ﻭﺭﻗﺪﺕ ..
___________________
ﻣﺮﻭﺍﻥ ﻳﻜﻠﻢ ﻓﻲ ﻣﻨﺎﺭ ﻋﻠﻲ ﺍﻟﻔﻮﻥ ..
ﻣﺮﻭﺍﻥ : ﺣﺒﻴﺒﺘﻲ ﻃﻠﻌﻲ ﻟﻲ ﻓﻲ ﻗﻠﺒﻚ ﺍﺣﻜﻴﻠﻲ ﺷﻦ ﻣﺰﻋﻠﻚ ﺍﻛﻴﺪ ﻓﻲ ﺷﻲﺀ
ﺍﻧﻲ ﺣﺎﺱ ﺑﻴﻚ ﻣﺶ ﻣﺮﺗﺎﺣﻪ
ﻓﻲ ﺣﺪ ﻣﺰﻋﻞ ﺍﻟﺤﻠﻮ
ﻣﻨﺎﺭ : ﻧﻬﺎﺭﺕ ﺑﻜﻲ ...
ﺑﺠﺪ ﻳﺎﻣﺮﻭﺍﻥ ﺣﺎﺳﺔ ﺑﺎﻟﻮﺣﺪﺓ ﺍﻣﻲ ﻣﺶ ﺣﺎﺳﺔ ﺑﻴﺎ
ﻣﺎﻋﻨﺪﻱ ﻣﻦ ﻳﺤﺲ ﺑﻴﺎ ﻭﻻ ﺑﻲ ﻣﺸﺎﻋﺮﻱ
ﻫﻤﻬﻢ ﺍﻟﻮﺣﻴﺪ ﺍﻟﻤﺎﻝ ﻭﺍﻟﻤﻈﺎﻫﺮ
ﻣﺮﻭﺍﻥ : ﻣﺘﺰﻋﻠﻴﺶ ﺭﻭﺣﻚ ﻳﺎﻗﻠﺒﻲ
ﺍﻣﻚ ﺍﻛﻴﺪ ﺭﺡ ﺗﻔﻴﻖ ﻋﻠﻲ ﻧﻔﺴﻬﺎ ﻣﻊ ﺍﻟﻮﻗﺖ
ﻣﻨﺎﺭ : ﻗﺼﺪﻙ ﺑﻌﺪ ﻓﻮﺍﺕ ﺍﻻﻭﺍﻥ
ﺑﻌﺪ ﻻ ﺗﺨﺴﺮﻧﻲ ﻣﺮﻭﺍﻥ ﺍﻧﻲ ﻧﺘﻌﺪﺏ
ﻣﺮﻭﺍﻥ :
ﺍﻥ ﺷﺎﺀﺍﻟﻠﻪ ﻣﺎﻳﺼﻴﺮ ﺍﻻ ﻛﻞ ﺧﻴﺮ
ﻭﺑﻌﺪﻳﻦ ﺗﻌﺎﻟﻲ ﺟﺎﻱ ﻫﻮﺍ ﺍﻧﻲ ﺷﻦ ﻧﺪﻳﺮ ﻣﻌﻘﻮﻟﺔ ﺍﻧﻲ ﻣﺶ ﻛﺎﻓﻴﻚ ﺗﺒﻲ
ﺷﺮﻳﻚ ﻳﺸﺮﻛﻨﻲ ﻓﻴﻚ ﻳﺎﻣﻌﻔﻨﻪ
ﻣﻨﺎﺭ : ﻫﻬﻬﻬﻬﻬﻪ
ﻭﻟﻠﻪ ﺿﺤﺘﻨﻲ ﺭﻏﻢ ﻭﺟﻌﻲ ﺷﺮﻳﻚ ﺷﻨﻮ ﻳﺎﻣﻬﺒﻮﻝ
ﻣﺮﻭﺍﻥ : ﻫﻬﻬﻬﻪ ﺭﻳﺘﻲ ﻛﻴﻒ ﺿﺤﻜﺘﻚ
ﻭﺑﻌﺪﻳﻦ ﺑﺠﺪ ﺍﻧﻲ ﺍﻧﺴﺎﻥ ﻏﻴﻮﺭ ﻭﻧﻐﺎﺭ ﻋﻠﻴﻚ ﻣﻦ ﻛﻞ ﺷﻲﺀ ﻳﺎﺭﻭﺣﻲ ...
ﻣﻨﺎﺭ : ﻫﻬﻬﻬﻪ ﺍﻭﻭﻭ
ﺣﺒﻮﺑﻲ ﻃﻠﻊ ﻏﻴﻮﺭ ﻫﻠﺒﺎ ﺑﺎﻟﻌﻜﺲ ﻛﺎﻓﻴﻨﻲ ﺑﺲ ﻧﺤﺘﺎﺝ ﺍﻫﻠﻲ ﻓﻲ ﻭﻗﺖ ﻓﺮﺍﻏﻲ
ﻳﺎﺭﻳﺖ ﺗﻔﻬﻢ ﻋﻠﻴﺎ
ﻣﺮﻭﺍﻥ : ﺍﻧﻲ ﻓﺎﻫﻢ ﻋﻠﻴﻚ
ﻭﺭﺡ ﻧﻔﻀﻲ ﺭﻭﺣﻲ ﻋﻠﻲ ﺷﺎﻧﻚ ﻳﺎﻗﻠﺒﻲ
ﺍﻧﺘﻲ ﻟﻲ ﺗﻬﻤﻴﻨﻲ ﻓﻲ ﻛﻞ ﺣﻴﺎﺗﻲ ﻭﺭﺡ ﻧﻬﺘﻢ ﺑﻴﻚ ﺯﻱ ﺑﻨﺘﻲ ﺍﻟﺼﻐﻨﻄﻮﻃﻪ
ﻭﺯﻭﺟﺘﻲ ﻭﺻﺪﻳﻘﺘﻲ ﻭﻛﻞ ﺷﻲﺀ
ﻣﻨﺎﺭ : ﻓﺮﺣﺖ ..
ﺣﺒﺖ ﺍﻫﺘﻤﺎﻣﻪ ﺑﻴﻬﺎ ﺧﻮﻓﻪ ﻋﻠﻴﻬﺎ
ﻳﻬﺘﻢ ﻟﻲ ﺍﺑﺴﻂ ﺗﻔﺎﺻﻴﻠﻬﺎ ﻳﺤﺐ ﻳﺴﻤﻊ ﻛﻼﻣﻬﺎ
ﻭﻳﻌﻄﻲ ﻓﻴﻬﺎ ﺭﺍﺋﻴﻪ ﻭﻳﺎﺧﺪ ﻓﻲ ﺫﻭﻗﻬﺎ ﻭﻋﻄﻴﻬﺎ ﺣﺮﻳﺘﻬﺎ ﻓﻲ ﻛﻞ ﺷﻲﺀ ﺣﺐ
ﺻﺎﻓﻲ ﺧﺎﻟﻲ ﻣﻦ ﺍﻟﻤﺼﺎﻟﺢ ...
ﻫﺬﺍ ﺍﻟﺤﺐ ﺍﻟﺼﺎﺩﻕ
_________________
ﺷﺪﻱ :
ﻭﻳﻨﺎ ﻫﺬﺍ ﺧﻴﺮﻩ ﺗﺄﺧﺮ ﻭﻣﺎﻛﻠﻤﻨﻴﺶ
ﻳﺎﺭﺑﻲ
ﺣﻄﺖ ﻓﻮﻧﻬﺎ ﻋﺎﻡ ﻭﺭﻗﺪﺕ ﻭﻫﻴﺎ ﺗﻔﻜﺮ ﻓﻴﻪ
...
ﻋﻨﺪ ﻣﺤﻤﺪ ﻭﺳﻬﺎﻡ ...
ﻣﺤﻤﺪ : ﻣﻤﻜﻦ ﻛﻠﻤﺘﻴﻦ ﻳﺎﻟﻐﺎﻟﻴﺔ
ﺳﻬﺎﻡ : ﻣﻤﻜﻦ ﻧﻔﻀﻞ ﺍﻛﻴﺪ
ﻣﺤﻤﺪ : ﺍﻣﻤﻢ ﻭﻟﻠﻪ ﺷﻦ ﺑﻨﻘﻮﻟﻚ
ﺍﻟﺒﻨﺖ ﻟﻲ ﻗﺒﻞ ﻗﺘﻠﻚ ﻧﺒﻴﻬﺎ
ﺳﻬﺎﻡ : ﻭﺷﻦ ﺟﻴﺐ ﺳﻴﺮﺗﻬﺎ ﺍﻟﺰﻓﺖ ﻫﺎﺩﻱ
ﻭ ﺑﻌﺪﻳﻦ ﺭﺍﻙ ﺧﺎﻃﺐ ﻳﺎﺭﻭﺣﻲ ﺑﻨﺖ ﺧﺎﻟﺘﻚ
ﻭﻻ ﺗﺤﺐ ﻧﺪﻛﺮﻙ .
ﻣﺤﻤﺪ : ﻻﻻ ﻳﺎﻏﺎﻟﻴﺔ ﺷﻜﻠﻚ ﻓﻬﻤﺘﻲ
ﻗﺼﺪﻱ ﻏﻠﻂ
ﺳﻬﺎﻡ : ﺑﺤﺪﺓ
ﻣﻨﺎ ﺷﻦ ﻗﺼﺪﻙ ﻳﺎﻭﻟﺪ ﺑﻄﻨﻲ
ﻣﺤﻤﺪ : ﺑﺎﻧﺪﻓﺎﻉ
ﺗﺒﻲ ﺍﻟﺤﻖ ..
ﺍﻟﺒﻨﺖ ﺷﻔﺘﻬﺎ ﺑﺎﻟﺼﺪﻓﺔ ﻭﻛﺎﻧﺖ ﻣﺶ ﺻﻠﻌﺔ
ﺯﻱ ﻣﺎﻗﻮﻟﺘﻲ ﺍﻧﺘﻲ
ﺳﻬﺎﻡ : ﺗﻜﺪﺏ ﺍﻣﻚ ﻳﺎﻭﻟﺪ ﻣﻌﻘﻮﻟﺔ ﺗﻜﺪﺑﻨﻲ
ﻭﺍﻧﻲ ﺑﺎﻟﻌﻤﺮ ﻫﺬﺍ
ﻭﺑﻌﺪﻳﻦ ﻣﻦ ﻗﺎﻝ ﺍﻧﻬﺎ ﻣﺶ ﻻﺑﺴﺔ ﺑﺮﻭﻛﺔ
ﻫﺎﺍﺍﺍ
ﻣﺤﻤﺪ : ﻗﻌﺪ ﻳﻔﻜﺮ ﻟﻘﻲ ﻛﻼﻡ ﺍﻣﻪ ﺻﺢ
ﺍﺳﻒ ﻳﺎﻟﻐﺎﻟﻴﻪ ﻧﻮﻋﺪﻙ ﻣﻌﺪﺵ ﻧﺘﻜﻠﻢ ﻓﻲ ﺍﻟﻤﻮﺿﻮﻉ ﻫﺬﺍ ﺗﺎﻧﻲ ﻭﺣﻘﻚ ﻋﻠﻴﺎ ﻟﻮ
ﺯﻋﻠﺘﻲ ..
ﺳﻬﺎﻡ : ﻳﺎﺭﻳﺖ ﻳﻌﻨﻲ
ﻻﻥ ﺑﺠﺪ ﺭﺡ ﻧﺰﻋﻞ ﻣﻨﻚ ...
ﻣﺤﻤﺪ : ﺑﺎﺱ ﺭﺍﺱ ﺍﻣﻪ ﺯﻋﻠﻚ ﻣﺎﻳﻬﻮﻥ ﻳﺎﻟﻐﺎﻟﻴﺔ
ﻭﻫﻲ ﺗﺼﺒﺤﻲ ﻋﻠﻰ ﺧﻴﺮ
ﻭﻣﺸﻲ ﻋﻠﻲ ﺣﺎﻟﺔ ﻭﺭﻗﺪ ﻣﻦ ﻛﺜﺮﺓ ﺍﻟﺘﻔﻜﻴﺮ ﻭﻧﺴﻲ ﻳﻜﻠﻢ ﺷﺪﻱ ..
____________________
ﺻﻘﺮ ..
ﻣﺤﻤﺪ : ﺑﺎﺱ ﺭﺍﺱ ﺍﻣﻪ ﺯﻋﻠﻚ ﻣﺎﻳﻬﻮﻥ ﻳﺎﻟﻐﺎﻟﻴﺔ
ﻭﻫﻲ ﺗﺼﺒﺤﻲ ﻋﻠﻰ ﺧﻴﺮ
ﻭﻣﺸﻲ ﻋﻠﻲ ﺣﺎﻟﺔ ﻭﺭﻗﺪ ﻣﻦ ﻛﺜﺮﺓ ﺍﻟﺘﻔﻜﻴﺮ ﻭﻧﺴﻲ ﻳﻜﻠﻢ ﺷﺪﻱ ..
____________________
ﺻﻘﺮ : ﺣﺪﻑ ﺭﻭﺣﻪ ﻋﻠﻲ ﺍﻟﻤﺨﺪﺓ
ﺭﺡ ﻧﻜﻠﻢ ﺍﻣﻲ ﺗﻤﺸﻲ ﺗﺨﻄﺒﻬﺎﻟﻲ ﺧﻼﺹ ﻣﻌﺪﺵ ﻋﻨﺪﻱ ﺻﺒﺮ ..
ﻭﺭﻗﺪ ﻭﻫﻮﺍ ﻳﻔﻜﺮ ﻓﻴﻬﺎ ...
ﺷﻦ ﺑﺼﻴﺮ ﺗﺎﺑﻌﻮﻧﻲ
ﻫﻞ ﺻﻘﺮ ﺭﺡ ﻳﻌﺮﻑ ﺭﻭﺍﺳﻲ ﺷﻦ ﺗﻜﻮﻥ ﺑﻨﺴﺒﺔ ﻟﻲ ﻣﺤﻤﺪ
ﺭﻭﺍﺳﻲ ﻛﻴﻒ ﺑﺘﻜﻮﻥ ﺭﺩﺕ ﻓﻌﻠﻬﺎ ﻟﻤﺎ ﺗﻌﺮﻑ ﻣﺤﻤﺪ ﺧﻄﻴﺐ ﺍﻋﺰ ﺻﺪﻳﻘﺔ ﻋﻠﻲ
ﻗﻠﺒﻬﺎ ..
ﺷﺪﻱ ﺷﻦ ﺭﺩﺕ ﻓﻌﻠﻬﺎ
ﻭﻫﻞ ﺭﺡ ﺗﺮﺿﻲ ﺗﻜﻤﻞ ﻣﻊ ﻣﺤﻤﺪ
ﻣﻨﺎﺭ ﻛﻴﻒ ﺑﺼﻴﺮ ﻓﻴﻬﺎ
ﺧﻠﻴﻜﻢ ﻣﻌﺎﻱ
ﻧﺒﻲ ﺗﻔﺎﻋﻞ ﻭﻣﺸﻜﻮﺭﻳﻦ ..
ﺍﻟﻜﺎﺗﺒﺔ : ÉMåñ Ålbåshå
