مررررحبا شلونكم شخباركم ان شاءالله تكونون بخير يارب جيتكم برواية واتمنى تعجبكم وتتفاعلون وياي 😻
روايتي تتحدث عن فتاة من بغداد تعيش مع عائلتها بسلام وسعادة وبعد وفاة والدها تتحول حياتها الى جحيم لكن دائما وياها الشخص الي ينسيها انو هي يتيمه ويرسم السعادة على وجنتها الحلوة
مهجه😊بطلة روايتنه اسمها مهجه
مراح احجيلكم بعد تابعو احداث اول بأول وتعرفون كلشي
نبلش ويلااا
مهجه بنية حبوبة كلش ولطيفة وخفيفة واطباعها تجنن والكل يحبها من طفولتها اما شكلها بيضة ونازكة وعيونها احلى شي بوجهها وساع ولونهم رمادي يجنن وحواجبها سود كثيفات وطويلات ورموشها طوال وشفافها بلون الكرز ومنفوخه وخشمها ناعم وشوي مرفوع من تحت شعرها كلش طويل جوة ركبتها اسود حيل وطولها يخبل ناعمة ورشيقة وقزوم
مهجه حاليا ثالث متوسط والدها توفى من جانت بالخامس ابتدائي اثر حادث بسيارته لمن جان رايح لشغله بالمشفى دكتور جراحة قلب اسمه عثمان
گاعدة تقرة مهجة بغرفتها اليوم اخر امتحان وزاري كيمياء الها لابسة صدرية قصيرة تحت الركب نيلي وقميص وشعرها ضافرته يجنن ولابسة طاك ابيض اجت امها ريحانه:يلا جوجو ماما راح تتاخرين ع الخط ع وصول ترى
فزت مهجه من فراشها وشالت كتابها ولبست جنطتها بضهرها من هاي الكيوت الصغيرة وهي جاهزة كلشي لابسة :اي ماما خلصت راح اگعد انتضرة بالمرجوحة بررة
ريحانه:ههههه تضحك على تصرفات بنتها الطفولية وتگول بنفسها :ولا عبالك مخطوبة هالبنية تبقى طفلة بعيني يربي احفضها الي 😻
باست امها وطلعت بالحوش تقرة
اجت ريحانه متكشخة لابسة بنطلون عريض اسود وقميص نيلي وشال وتريد تروح لدوامها هم عدها مراقبة ع الامتحانات بمدرسة اعدادية گرصت مهجه من خدها :يلا ماما اجه الخط مالتج تعالي وديري بالج بالامتحان مو تستعجلين وتخافين انتي شطورة واثقة منج راح تجيبلي المعدل القوي مووو يلا حبي باستها مرة ثانية :اكيد ماما لا تخافين عليه
راحت ريحانه لدوامها بسيارتها شگد رادتها من البداية تروح وياها بس هي ما ترضة الا بالخط ويه الشله وهمات امها وافقت لان المدرسة الي تراقب بيها امها بعيدة كلش عن مركز امتحانها 😊😊
ع فكرة مهجه مو محجبه هسه وامها ماتجبرها على شي وخطيبها همات شگد راد منها الا عاندته 😔😔
صعدت ونبراس صعدت وياها جيرانهم هذه وامها صديقة ريحانه من الطفولة ومهجة تعتبرها خالتها مو صديقة امها والبنات نبراس وايناس صديقاتها واخواتها لمهجه من گد مايحبون بعض
علي:خاطب مهجة بعد عنهم فرعين بس همات قريبين منهم ويحبونهم من ناحية الاخوة والمحبة يعني قريبين وامه هم صديقة ام مهجة كللش واخته نورة صديقتها لمهجة😻
وحبايبهم اكثر شي بالمنطقة اصدقاء وجوارين يخبلون 😻
يلا شوفوني تفاعلكم ويه هذا المقتطف الحلو
تحيات من گلبي الكم
جمانه الشمري
