في بيت عبد الرحمن اقصد( ڤيلا وقصر يجنن) بيت كبير يجنن عثمان والد مهجة هو الي شراه وضاف عليه تعديلات يخبل وصار يجننن وبعدها جاب اهله واخوانه الأربعة ماعداه يعني متزوجين بس الصغير غيث لساه المهم جانو عايشين سوية كلهم في بيت كبير في بغداد بس عثمان شرالهم البيت الجديد قريب من شغلهن وشركاتهم ومحلاتهم بالكرادة الا هو جان عايش بغير بيت تعرفون ليش لان امه ماراضية على زواجة من ريحانه البنت الغريبة الي تزوجها عن طريق حب بالجامعه وهي جانت تريد تزوجة بنت اقاربها تعرفها ونفس مستواهم المادي لكن ريحانه همات وضعها المادي زين كللش بس مو مثلهم وبالأخير المال زائل هو ما غضبها ولا سوة شي حرام تزوج بعلم اهله كلهم وبحضورهم بس امه گالتله ماتگعد بالبيت وياي بس عبدالرحمن ابوه مارضه اكيد وخلاهم يگعدون وياهم ولمن شافت ريحانه شلون زينه وشلون تشتغل وتخدمهم ولا تگول لا على اي شي تطلبه منها رادت تغير نضرتها الها بس حقد گلبها والشيطان منعها من هالشي وجانت وياها على هذا الشي زوجة ابنها الجبير اكبر من عثمان اسماء تموت من ريحانه على بالها انها تمثل الطيبة ماتدري انها طيبة من صدگ وهذا مو تمثيل شافها تسويلها مشاكل كل يوم وريحانه تسكت لخاطر زوجها الي تحبه وعمها وحتى من يجي من شغله عثمان تمدح عمتها گباله ماتحجي الي صار بس هو يدري الي يصير وياها ويدري بيها تنقهر بس وعد نفسه انو ياخذ حقها بطريقته
على فكرة عثمان مثل ريحانه بالضبط هادئين كلش وماعدهم عصبية وطيبين ويحبون الخير حتى لو شافو شر
ريحانه گاعد تشتغل بالمطبخ ومحمد وسلوان كاعدين يمها يحلون واجباتهم تردلهم الحل ويكتبون ومهجة توها مولودة نايمة بالغرفة عايفتها
اجت اسماء تصيح:ولج ريحانه
ريحانه نشفت اديها من غسل الصحون واجتها للصاله:خير شصاير خوفتيني
اسماء:اوي عيني اسم الله عليج من الخوف شبيج طرشة ماتسمعين صوت بنتج يلعلع عابت شگد نحيسة هالبنية بس تبجي
ريحانه رجعت للمطبخ :ماما محمد ساعد اخوك بالحل هسه اجي جوجو كعدت
محمد جان متوسطه:اي ماما روحي
صعدت ريحانه وشافت رقية يمها جارتها من شعرها لمهجة وتبجي
رقية عمرها3سنين بنت اسماء تغار من مهجة اي طغل يغار من طفل صغير يجي لبيتهم وهواي تشوف جدها ييوسها ويحبها لمهجة تغار اكيد
ريحانه شالت رقية:ليش ماما ليش حبي هيج تجريها من شعرها نونو خطية بعدها هاي بنت عمج هسه من تكبر تلعب وياج
رقية نحسه طبعها تبجي بساع مع العلم انو ريحانه حجت وياها بهدوء
اسماء اجتها اخذت رقية من ايدها وتصرخ على ريحانه:وكسر ان شاء الله تنكسر ايدج شهالخبث هذا حتى الطفله تكرهيها ليش شسوت عيني لأن كاعدة عند بنت عاد مادري بنت منو عوع عليها وعلى امها امداج انتي وخلفتج النحسه
