عبدالرحمن كبير العائلة ابو علاء عرف انو صاير شي وشاف فوزية شلون تباوع لريحانه وغيث وهو يدري علاقة غيث بيها قوية علمود الصغيرة بنتها يحبها كللش لمهجة فلذلك تضوج فوزية
كملو الغدة بس عثمان ماكو لان يتاخر للضهر بالشغل بالمشفى عبد الرحمن:فوزية تعالي وراي للغرفة اريدج بكلمة
فوزية تباوع لأسماء على بالهن انو ريحانه شكت اله وگالت بس هنه يعرفن كلش زين انها ماتنقل اخبار لاي احد زينه او مو زينة حتى عثمان بس يبقى الحقد والغيرة والحسد بگلبهن لفوزية وچنتها الكبيرة
گامت ريحانه غسلت الصحون وحضرت الهم چاي اخوان زوجها بالصالة راحت خلته گبالهم
غيث:عاشت ايدج ام محمد الأكل كللش طيب حتى احس معدتي انتفخت
كرار :اي والله تعيشين على هالطبخ
علاء ومحمود :عاشت ايدج
ريحانه:بالعافية ان شاءالله مداخيل العافية
من رخصتكم اروح رايدين شي
كلهم تشكرو منها وراحت
تأكدت من ولدها محمد وسلوان بغرفتهم يطالعون تلفزيون
ريحانه:ها ماما شبعتو ع الغدة الاكل طيب
محمد :اي ماما عاشت ايدج
سلوان :ماما طبخج طيب
ريحانه اجت باستهم :عوافي حبايبي يلا عيوني خل يخلص هذا الكرتون ونامو شوي ها ابوكم جاي بعد ساعة ماريد تزعجو ماشي
راحت لغرفتها جهزت الحمام لعثمان لأن جاي من شغلة ومهجة سبحتها وبدلت الها وشبعتها ونامت گامت هي جهزت نفسها حلت شعرها يجنن شطولة تحت ركبة رجليها واسود طووخ وناعم ويلمع خلت بشعرها كماشة صغيرة من الوسط والباقي محلول وخلت مكياج خفيف كلش لان بشرتها مايلوگ الها مكياج طوخ هي بيضة وخدودها وردية من الله وعيونها ملونه رمادي بس بنتها عليها طالعة كل مواصفاتها بيها
اجة عثمان هي گاعدة تطالع تلفزيون بغرفتها:سلام عليكم
گامت طفت الجهاز تلگته مثل كل يوم بجبها وحنانها حتى عثمان يرتاح لمن يدخل غرفته يحسها قصر مو غرفة مملكه كبيرة كلش من كثر ما ريحانه مهتمة بي وتحبه من اول يوم زواجهم لحد هسه ماتغيرو على بعض ولا اهتمو للمشاكل الي يمهم دام همه ماشين على رضا الله وما سوو شي غلط
عثمان باسها من خدها:شلونج حبيبتي
ريحانه ردتله البوسة :الحمدلله بخير حبي
ريحانه:يلا حبيبي نطيني من ايدك هذول ويلا للحمام صليت موو
عثمان نطاها الجنطة الي بيدة واغراضة الفون وغيره :اي حبي صليت بالمشفى بس مو متغدي
ريحانه:على عيني روح تحمم وتلكاه جاهز الاكل بس تطلع
راحت جوة تحضرلة صينية مرتبة وصعدت قبل لا يطلع من الحمام ومثل كل يوم تفاجئة بجو شاعري يخبل طلع وتغدو سوية لان هي تكعد وياهم ع السفرة احترام لعمها لان هو مايرضه ياكل الا هي وجهالها موجودة يحبها كللش عمها
عثمان بعد ما تغدة يباوع لكاروك مهجة:شوكت نايمة
ريحانه كامت تاخذ الاكل جوة:قبل لا تجي بساعة نامت
نزلت هي وهو راح لبنتة شالها وضل يبوس بيها گعدت لمن شالها ضل يلعب وياها ويضحك كللش يحبها المدللة مالته نطاها لريحانه حتى تغسل الها وراح للولد شافهم نايمين باسهم واجة لغرفتة نام خطية تعبان:ريحانه گلبي عذريني ما اكدر اكعد وياج تعبان اريد انام
ريحانه:ولا يهمك گلبي نام ادري بيك تعبان بس بليل اريد اطلع اني وياك وجوجو
عثمان:حاضر من عيوني يلا خليها بفراشها وتعالي نامي يمي ماعرف اغفة الا انتي يمي
ريحانه ابتسمت واجت يمه حضنها ونام من زمان وهمه هيج لو حتى يجي من شغلة تعبان الا تنام يمه ريحانه هيج بس يتنفس عطرها كافي يغفة ويرتاح😻😻😻
عثمان كعد العصاري على حركات بريئة ع وجهه مهجة نايمة يمة تريد تصحيه تناغي وتلعب بوجه ابوها
عثمان اخذها على صدرة ويبوس بيها:حبيبي بابا حياتي عمري
ريحانه جوة محضرتلهم الحديقة اليوم يگعدون بيها العصاري مثل كل يوم تحضر الهم مكان للگعدة واحلى جاي بليمون من ايدها وكعك وحلو والاولاد محمد وسلوان وابن عمهم سامي راحو ويه غيث للسوگ هو واعدهم الجمعة يطلع وياهم الباقين صغار الولد اكثر احفاد عبدالرحمن ولد ماشاءالله ويه مهجة ولادتهم سجاد اخو سامي والتوئم اولاد ايه اسماعيل بس فرق شهور واسابيع يعني وابراهيم ورقية وخولة خوات بنات اسماء الله رازقها بالذريه وحاسدة هالفقيرة ريحانه
صعدت ريحانه شافت مهجة تلعب ويه ابوها :ها حبي گعدت
عثمان:اي حبي الحمدلله ارتاحيت بالنومه اي صدگ الولد وين ماشفتهم
ريحانه:اجو عليك قبل شوي ورجعتهم جنت نايم ماردتهم يگعدونك نطيتهم فلوس وراحو ويه عمهم غيث وسامي للسوگ
عثمان:اها خير ان شاءالله
نزلو جوة ويه الاهل وگعدو وريحانه وعثمان يسمعون نغزات من امه بس يطوفون ويردون عليها بأبتسامه لان طيبين گلب 😻
