رياح العشق

😍تعريف الشخصيات 😍

ليا : هلو اني ليا عمري 18 سنة طالبة سادس ادبي من بغداد طولي 150 (ادري قزمة😅) وزني 45 يعني رشيقة شكلي عادي بس حلوة 
عيوني كبار لونهن بني غامق يعني مزيج من الاسود والبني خشمي وسط شفتي ممتلئة (يعني منفوخة طبيعي ما احتاج فلر😄)
عندي خدود وغمازات صغاروبشرتي بيضاء 😍شعري طويل لحد نهاية ظهري ولونة بني متوسط مايل للاشقر 
صفاتي صاحبة شخصية عنيدة وعصبية بس حبابة وهادئة ومثل ميكولن صديقاتي رومانسية وبشوشة دائما مبتسمة الضحكة متفاركني ادري راح تكولون مخبلة🤣🤣 اضافة الى انو تصرفاتي تصرفات طفلة يعني تفكيري او تصرفاتي او خبالي مال اطفال 


زياد : هلووو اني زياد عمري 24 سنة من بابل خريج كلية تمريض طولي 170 وزني 60 جسمي لا معضل ولا مليان عادي شكلي عيوني كبار لونهن اسود خشمي صغير وشعري اسود بس يعني صاحب كفشة وبشرتي لونها اسمر (اسمر والعيون وساع كتالة)😍 صفاتي شخصيتي قوية وعصبي شوية غيور كلش ومثل متكول حبيبتي ليا ❤حنون عنيد وما احب احد يعاندني 


ابو ليا : مرتضى عمرة 45 سنة يشتغل موضف حكومي خريج ادارة واقتصاد صفاتة انو عصبي كلش يخاف جدا على اولادة خاصة البنات وحنون ويحب يغمر اولادة بحبة حتى يبين الهم انو هو سندهم لاخر عمرة لون عيونة عسلي ولون بشرتة ابيض تقريبا ليا نسخة من ابوها 

ام ليا : سمر عمرها 34 سنة ربة بيت خريجة سادس علمي صفاتها هادئة جدا وحنونة صاحبة قلب طيب بس مبتعدة شوية عن اولادها اي متفتهمه او متفهم طريقة تفكيرهم لون عيونها اسود وبشرتها لونها اسمر وكلشي بوجها ناعم يعني جمالها ناعم وحلو

رؤى : اخت ليا وصديقتها المقربة او اصح اقرب شخص الها تفهمها بشكل مو طبيعي عمرها 19 سنة شكلها حلوة لون عيونها بني وبشرتها سمراء عدها خدود وشامات يجنن والغمازة تكتل كتل تعتبر تؤام ليا بشخصيتها وتفكيرها وهي طالبة قانون مرحلة ثانية

علي :اخو ليا الكبير عمرة 23 سنةطولة 166  بس مبتعد عن خواتة كلش وهذا العيب الي بيه طالب بكلية تربية ابن رشد اضافة الى انو هو زاحف من الدرجة الاولى😅😅😅 صفاتة عصبيي ومبتعد عن عائلتة اي انعزالي شوية شكلة اسمر وعيونة وسط لا كبيرة ولا صغيرة لونهن اسود وشعرة اسود وبيه شعر ابيض 

اما منتظر :فهو اخ ليا الثاني او تؤام روحها لان اكثر شخص يفهمها من بعد رؤى هو منتظر طولة 160 عمرة 21 طالب تحليلات مرضية شكلة حنطاوي وعيونة كبار لونهن عسلي وشعرة اسود وعندة لحية حنون اكثر شخص تلجى الا ليا من بعد رؤى شخصيتة مرحة بس وكت الجد لا جاد الى ابعد الحدود

هذا البارت تعريف لعائلة ليا بلبارتات القادمة راح نتعرف على عائلة زياد وبقية الشخصيات 
وشكرا😘❤