تبحث دادة فاطمة عن سارة في غرفتها ولا تجدها فتذهب بسرعة لتخبر مرفت هانم
مرفت بعصبية وخوف : يعنى اية مش موجودة هتكون راحت فين ؟؟؟
عزالدين : اهدى يا مرفت اكيد موجودة هتكون هنا ولا هنا.......ولدادة فاطمة : روحي دورى عليها في الفيلا كلها وفي الجنينة
تذهب دادة فاطمة لتبحث عنها وتعود بعد قليل
مرفت بلهفة : لقتيها يا دادة
دادة فاطمة بخيبة امل : لا مش موجودة في اي مكان
عزالدين : دورتي في اوضة آسر وياسين
دادة فاطمة : لا
مرفت بأمل : يالا بسرعة نشوف
وذهبت هى وعزالدين لغرفة ياسين اولا فلم يجدوها
مرفت بخوف : مش موجودة
عزالدين : قاعد اوضة آسر وذهبوا بسرعة لغرفة آسر دخل عزالدين ومرفت غرفة آسر وكانت الصدمة انهم وجدوا سارة نائمة وآسر بجانبها وممسك بيدها
نظر عزالدين ومرفت لبعضهم بدهشة وخصوصا ان آسر دائما يزعج سارة في هذا الوقت استيقظ آسر ونظر لوالدية
آسر : صباح الخير
عزالدين : صباح النور......وبستغراب اية اللى جاب سارة اوضتك
نظر آسر لسارة وابتسم وقال
آسر : كانت خايفة بالليل ونامت عندى
فلاش باااك لم حدث
تذهب سارة لغرفتها لكي تنام ولكن تتذكر احداث الفيلم المرعبه ولا تستطيع النوم فتذهب لغرفة آسر
آسر بغضب : جاية اوضتى ل وتوقف عن الكلام عندما وجدها تبكى
آسر بستغراب : انتى بتعيطي لية
سارة بدموع : انا خايفة يا آسل
ضحك آسر بشدة علي طريقة نطقها لاسمه
آسر ضاحكا : اسمي آسر
سارة ببراءة : آسل
آسر ضاحكا : ماشي يا ستي آسل آسل بس انتى بتعيطي لية وجاية اوضتى
سارة ببراءة وطفولة : علسان خايفة من الوحوس
ضحك آسر علي كلامها ثم قال : بس مفيش وحوش
سارة بخوف : لا فيه
آسر بحنية : طيب خلاص متعيطيش ومسح دموعها بيده الصغيرة تعالي احكيلك حدوتة
سارة بفرحة : ماثى
جلس آسر وسارة على السرير وبدأ يحكي لها حتى نام وهو ممسك بيدها
بااااااك
تذكرت سارة كيف اصبح آسر يعاملها بلطف منذ ذلك اليوم ويلعب معاها ويساعدها في دروسها واصبح اقرب شخص لها حتى دخوله الجامعة بدأ يبتعد عنها تدريجا حتى اصبح كالغريب لا يعرف عنها شئ
فاقت سارة من زكرياتها علي صوت اذان الفجر
سارة فى نفسها : ياااااه انا قعدت كل دة ثم نهضت وغيرت ملابسها وصلت الفجر وظلت تدعو ربها ثم نامت بعد ان قررت شئ ما
اما عند بطلنا بعد ان تركتة سارة ظل يفكر فيما فعل
آسر فى نفسة : يا تري اللى عملتة صح ولا غلط
قلبه : انت جرحتها جامد
عقلة : لا اللى انت عملته صح مفيش حاجة اسمها حب كلهم خاينين
قلبه : بس دى سارة
عقلة : كلهم زى بعض
واستسلم لرأى العقل ثم ذهب فى نوم عميق
في صباح اليوم التالي استيقظ بطلنا ونظر فى ساعته فوجدها 12 الظهر
آسر في نفسه : يااااه انا نمت كل دة
ثم نهض واخذ شور وغير ملابسة وخرج بحث عن سارة فلم يجدها فتوقع ان تكون ما زالت نائمة وذهب لمشاهد التلفاز حتى تستيقظ
بعد قليل استيقظت سارة ونظرت حولها باستغراب ثم تذكرت ما حدث وانها بالفندق ابتسمت بسخرية ثم نهضت واخذت شور وغيرت ملابسها الي ( بنطلون جينز اسود واسع وقميص ابيض ولفت طرحة ابيض في اسود ) وخرجت وجدت آسر يشاهد التلفاز فوقفت امامة اما آسر فنظر لها باستغراب على ما ترتدية والطرحة ومن المفترض انها عروس
سارة بهدوة وجدية : طلقني
آسر بدهشة : نعم
سارة بنفس الهدوء والجدية : بقولك طلقني انا مش هقدر اعيش كدة
آسر بعصبية بعد ان استوعب ما قالته : انتي مجنونة عاوزة تطلقي والفرح كان امبارح مفكرتيش الناس هتقول اية
سارة بعند : ميهمنيش
آسر بعصبية وصوت عالى : طيب مفكرتيش فى بابا وماما هنقولهم اية والفضيحة اللي هتحصل صمتت سارة ................ فتابع اسر بصي احنا هنفضل كام شهر وبعدين نطلق ونقول اني احنا متفقناش
صمتت سارة لتفكر وآسر ينظر لها بترقب
سارة بجدية : موافقة بس بشرط
اسر بستغراب : شرط اية
سارة بخجل حاولت ان تدارية : مش هتلمسني كل واحد هينام فى اوضة
آسر بهدوء : يعني اية
سارة بخجل اكبر : يعني جوازنا هيكون علي ورق محدش يدخل في حياه التاني
آسر بعصبية خفيفة : يعني هتحرميني من حقي انا جوزك
سارة بسخرية : جوزى ............ وببرود ملكش عندي حقوق
اغتاظ آسر بشدة من كلامها وحاول ان يرد لها الصاع صاعين
آسر بغيظ : وانتي فاكرة اني ممكن اقربلك انتي مش بتبصي في المراية ولا اية
اغتاظت سارة من كلامه ولكنها ردت ببرود : يبقى اتفقنا وتركتة ودخلت غرفتها وهو ينظر لها بغيظ وبعد قليل رن هاتفه فوجد صديقة المقرب حاتم فأجاب بهدوء
آسر : الوو
حاتم بمرح : اية يا عريس الغفله يعني صاحي بدرى شكلك مرفعتش راسنا
اسر بغيظ : وانا اقول برضو اترية كلة من قرك الفقر
حاتم بضحك وفضول : لية اية اللى حصل هاااا
حكي له آسر ما حصل فضحك حاتم بشدة ثم قال
حاتم بتشفي : احسن تستاهل ..........تصدق انك معندكش دم يعني بعد اللى قولتهولها عاوزها تعملك عادى كزوج ........وبضحك بس سارة طلعت 100 راجل وشكلها هتربيك
آسر بغيظ وعصبية : اقفل يا حاتم احسنلك
حاتم بضحك : خلاص يا هولاكو هسكت اهو بس طيرتكم الساعة كام
آسر : الساعة 5
حاتم : اوك سلام بقي
آسر : سلام
يا ترى اية اللى هيحصل ؟؟؟؟
وآسر هيعمل اية ؟؟؟؟؟؟
وحياتهم هتكون ازاى ؟؟؟؟؟؟؟
