روايه قانون عائله...
سماح محمود...
صلو ع النبي💛
الحلقة الثالثة...
قصيره عشان بس انا بره... وبدري كمان
وانا والله مكنتش هنزل بس عشان اللي كلموني وياريت تقدروني حبه بقي والله بنزل وانا بره 😊
----
سمر جت تمشي... جود وقفها بكلمه.
جود-عارفه ياسمر انا اكتر حاجه بكرها فحياتي هيا ايه؟
سمر وقفت وبصتلو-ايه؟
جود-الكدب.!!
سمر بستغراب-ومين مبيكرهش الكدب انا بموت منوا.
جود -لا والله
سمر-اه والله ليه حضرتك.
جود بتنهيده-انتي وانتي جايه من بيتكم جيتي علي طول علي هنا ياسمر؟؟ علي طول .
سمر بستغراب-هو اه جيت علي طول بس جيت مشي على البحر وشوفت واحد بعربيه كان بعيط اسمه ناصر وتعب مسكته من ايده دخلته عربيته بس.
جود اخد تنهيده طويله مريحه-تعب ازاي ؟
سمر-معرفش بس صعب عليا شكل حد مضايقه.
جود-بس ناصر مبيعيطش .
سمر بستغراب-انت تعرفه؟
جود-هو مين ؟
سمر-ناصر.
جود -وهعرفه منين هو انا كنت معاكم بس انا عندي ابن عم اسمه ناصر مش بيعيط .
سمر -ههه مش كلهم .
جود ابتسم-طيب اقعدي عشان انا هخرج اخوكي...
سمر بفرحه-ايه هتخرجه دلوقتي.
جود-اه.
سمر-حضرتك قولت بكره.
جود-لاء خلاص هخرجه هخلي سبيله
سمر بفرحه.-فرحتني اوي اوي ربنا يخليك بجد.
جود ابتسم وبعت لي العسكري...
----
ففيلا اباظه...
مرفت بصدمه-يالهوي مستحيل ناصر يعمل كده .
حسين بعصبيه-لا عمل ولو احمد ساعدها يبقي ضعنا.
مرفت مستحيل تخليه ينطق لو هيحصل ايه.
حسين-ده اخويا اعمل ايه فيه اموته مثلا.
مرفت-لو هيحصل الامر لي انه يضيعنا يبقي ده الحل الموت راحه ليه.
حسين بصدمه-اكيد اتجننتي اموت اخويا.
مرفت -خلاص متموتوش بس علي الاقل ياخد درس بسيط...فك فرامل العربيه.
حسين بعصبيه-مرفت اخرسي بدل ما تشوفي المحروس ابنك والله اربيه.
مرفت بزعيق-ناصر مش ناقص كرهه ياحسين ناصر احنا كرهنا في الحياه كلها من اول ما جه علي وش الدنيا ما يمكن ده اللي عمل فيه كده.
حسين-اسكتي انا استكفيت ومش عايز اسمع حاجه خليني اشوف حل في المصيبه دي.
روان-بابا انت بتزعق ليه .
حسين-مش وقتك خالص ياروان امشي علي اوضتك.
روان بزعل-حاضر.
مرفت -روان مذنبهاش حاجه مطلعش غضبك فيها.
مرفت-روحي ياحبيبتي دلوقتي بابا بس مخنوق من الشغل وانا شويه وهجيلك.
روان -حاضر بس صوتكم طالع بس اتخضيت .
مرفت -معلش ياقلبي .
روان -قفلت الباب وخرجت بس سمعت صوت ابوها بيتكلم وقفت.
حسين-هتجنن اعمل ايه احمد بيقول هيساعدها لو ايه هيحصل...هموت عقلي هيقف.
مرفت-زي ما قولتلك فكلو فرامل العربيه يعمل حادثه بسيطه وخلاص يكون لاقينا حل.
حسين بتنهيده-شكلي هعمل كده بس ابنك فين.
روان بره الباب بصدمه-يالهوي بابا وماما عايزين يفكو فرامل عمو احمد ليه لازم حد يخليهم ميعملوش كده ممكن يسمعو لي جود عشان هو بيشتغل وكيل نيابه بس هو ظابط ممكن يسجن بابا... لاء لاء مش هيسجنه ده عمه يعني هيخليه ميعملش كده وبس انا هروح اقوله.
-----
جود -مش كفايه أحضان وبوس ولا ايه؟
سمر -معلش اصل كان وحشني عمر ده مليش غيرو.
ججود-اسمعني دي اخر مره تيجي فيها هنا.
عمر-اخر مره ومش هسمع لحد والله لاني تعبت هنا اوي.
جود-ماشي هشوف هديلك فرصه بدل ما اقرصلك ودانك وانت عارف.
عمر-تووووبه والله توبه انا اتبهدلت.
سمر ببتسأمه-ربنا يخليك بجد ومتحرمش منك ابداً.
جود ابتسم-لاء ولا يهمك خلي بالك منو بس عشان انتي مبيعجبكيش طريقتي.
سمر-هههه حاضر بعد اذنك.
جود هز دماغه...
وعمر وسمر خرجو.
عمر-هو عمل فيكي حاجه .
سمر-انا اتبهدلت عشان خاطرك المفروض تعقل بقي ابوس ايدك فكر فينا شويه احنا تعبنا بجد.
عمر-اخر مره واللهي انا معرفش عملت كده ازاي.
سمر-امشي نكمل في البيت كلامنا عشان نفرح ماما.
قبلهم نادر...
نادر-هتخرج اخيراً جود واقف يخرجو.
سمر-ههه ايوه.
نادر -ماشي اتعدل بقي يا ابني انت مش وش بهدله وعشان متبهدلش اختك كمان.
عمر-خلاص ده كلامكم بس هيخليني عمري ما افكر اغلط تاني.
نادر-ههه طب كويس يلا سلام.
سابهم نادر ودخل مكتب جود...
جود-شرفت يازفت.
نادر-هههه ابو لهب وحشتني ...ويارب سامحني علي الكدب ده.
جود-ههه اخرس هربيك من جديد يا بتاع زهره.
نادر -نفسي اتجوزها واستفرد بيها وتاني يوم ابقي احكيلك بقي يالهوي.
جود-اتلم بدل ما اقوم المك.
نادر-انا لو متجوزتش هخرج ابوس في العسكري اللي بره.
جود انفجر فالضحك-الله يخربيت عقلك انا مليش مزاج خرجتني من الكبت اللي فيه...
لاقو الباب اتفتح فجأه...
روان بضحكه-انا جيت.
جود بستغراب-روان جيتي هنا ازاي ياحبيبتي مين عرفك الطريق وحصل حاجه ولا ايه.
روان-اهدي بس عم عبده هو جابني بي العربيه هنا محصلش حاجه بس عايزك في موضوع.
جود باسها-ههه الجميل كبر وبقي عنده مواضيع .
نادر-ازيك ياروان مالك بقيتي قمر كده كبرتي دانا اسيب زهره واتجوزك بقي .
روان -شدت جود نزلها...
جود-ايه ياحبيبتي.
روان بهمس-صاحبك ده عينه زايغه.
جود-ههههههههههه معلش حقك عليا...سيبنا يانادر شويه وخلي العسكري يجيب عصير هنا لروان.
روان-لاء شكرا انا مش عايزه‘
جود-معقوله دانتي اول مره تنوريني في المكتب.
نادر ضحك وهو خارج شد خدها .
روان كشرتله.
جود قعدها وقعد...
جود -خير ياحبيبتي فيه ايه.
روان بتوتر-جود انا الكلام اللي هقولهولك اوعي حد يعرف اني انا اللي قولتلك.
جود بستغراب-كلام ايه ياحبيبتي ومالك خايفه ليه.
روان-انت الاول هتأذي بابا وماما.
جود استغرب اكتر-هأذيهم ليه ياحبيبتي بس مين اللي قالك التخاريف دي.
روان-وانا واثقه فيك بس انا عايزاك تراجع بابا‘
جود-ارجعه في ايه ياحبيبتي.
روان -انا سمعت بابا وماما بيقولو هيفكو لي عمو احمد فرامل العربيه.
جود بصدمه -ايييييه ؟انتي متاكده من كلامك ده.
روان بخوف -ايوه انت بتخوفني ليه انت مش هتعمل حاجه فيهم صح.
جود اخد تنهيده واخدها فحضنه...
جود-متخافيش ياحبيبتي انا هتصرف وانتي انسي الكلام اللي سمعتيه مش هيحصل حاجه...
روان -بجد مش هيحصل حاجه ؟
جود-بجد ياقلب جود.
روان بفرحه-عارف انا بحبك اوي واول حد بيجي فبالي علي طول احكيلو كل حاجه.
جود،-هههه حبيبتي ياناس وانا بموت فيكي معنديش اغلا منك.
روان -ولا انا كمان... بس عايزه اروح بقينا بالليل وعم عبده مشي وانا خايفه.
جود-متخافيش انا هروحك. ياروحي يلا بينا.
نادر دخل بي العصير.
نادر-راحين فين.
جود-هوصل روان واجي‘.
نادر-والعصير.
روان بتكشيره -اشربه انت‘
جود ضحك واخدها وخرج...
نادر بستغراب-اشربه انا يعني ابن عمها ابو لهب وهيا لمونه المجنونه... والله اشربه خساره فيكي.
-----
اراء
