#أشم_عطرك
#الكاتبة_ام_نور
البارت الاول
أني ندى عمري ٢٠ سنه
يتيمه
يتيمة الام ...ويتيمة الحياة
امي ماتت وهي تجيبني واخذت حياتي ويه حياتها
وماادري اذا اعتبر يتيمة الابو لو لا
ابوي عايش بس ماشفته ابد بس اسمع صوته
ولدت للدنيا واني عميه
حياتي عباره عن الون الاسود لي ماشفت غيرة
بيتنه تعايشت وياه ضليت اندل كلشي بي
ولا كأنو مااشوف
اطلع وادخل من غرفة لغرفة
كل حدود حياتي هي بيتنه وغرفنه المطبخ والحديقه وابويه
هذول لي اعرفهم بالحياة
كعدت الصبح حضرت الريوك
وضليت اصيح على ابويه
بابا بابا مايجاوب
بابا الريوك جاهز
رحت لغرفته
بابا انت هنا ده اشم عطرك
ماسمعت منه غير لتعودت اسمعه يوميه صبح
عوفيني بحالي وطلعي من كبال وجهي
مرات اسكت عنه ومرات اكله
ليش اني سويتلك
ليش تكرهني
وماالكه منه غير نفس الجواب
مرتي حبيبتي ماتت بسببج
انتي لكتلتي امج
انتي لكتلتي ام بيتي
من يوم لأجيتي مارتاحيت جبتي الفگر كله وياج
طلعت ودمعتي على خدي
كل مااسئله اكول هاي اخر مره بعد مااسئل
لان بس اقهر بنفسي
لااني ده اقتنع اني سبب موت امي ولاهو يقنع مو اني سبب
ياحب لي ده يحبه لامي
اريد اعرف شنو معنى
يعني شنو كلمة امج حبيبتي
اريد احس منك بهذا الاحساس
حسسني بحبك مو انت ابويه
مره وحده حسسني اني بنتك
بس أيست اي أيست منه
ماراح اله من ابويه غير العتب بموتت امي
اني عدوه اله مو بنيه
اني سمعت من خالي هو يحب امي
وجان يعشقها بجنون وهي حب حياته
بس اني شنو ذنبي
اني مالي ذنب
بالعكس اني نظلمت بهاي الحياة
اخذت مني امي قبل لااحس بحنانها
واخذت مني نظري وعيوني
#أشم عطرك
#الكاتبه_ام_نور
البارت الثاني
اني المظلمومه بهاي الحياة
كلشي نوخذ مني من طفولتي
خالي الوحيد لكان حنين عليه ويحبني
من اسمع صوت سيارته يجيلنه
اركض مثل الطفلة
مثل الطفل وفرحته بعيدية العيد
اركض بس احضنه واحس بحنانه
بس حتى خالو مالكدر اشوفه على طول
اذا ابويه موجود حتى من حنان خالي يمنعني
مو كافي حنانك لمفتقدته
مفقتقده لكل معاني الانسانية
انسانة عايشه بس اكل واشرب وانام
مدرسه مارحت ولاعرفتها
بس اسمع بالراديو مرات يحجون عن المدارس
صنعتلها صوره بمخيلتي
هيج من اغمض اتخيل ناس بيها هواي
بس بدون معاني
مااعرف شلون اشكالهم
مااعرف ارتب الصور
لان ماشفت شي
