#أشم_عطرك
#الكاتبة_ام_نور
البارت الاخير
دخل عليه فهد يله كومي كومي بسرعه
الجماعه لكونه بسرعه تحركي
طلعنا نركض وين ماادري
يجر بيه حيل وكلشي مااشوف كدامي
بقينه بالساعه نركض وصلنه لمكان كعدنا نرتاح بي
كال الحمد لله تيهناهم
مو كتلج ندى ارجعج لاهلج انتي مو كد هذا الحمل
فهد ماارجع هسه تكلي ليش شايل سلاح وياك
ندى حياتي صعبه لذلك اكلج طلعي منها يابنت الحلال لاتخليني ادخل بخطيتج
حياتي جبرتني دوم السلاح بجيبي
هاي عاداتنه وراح اموت وسلاح بجيبي
لاتكول اموت
لاأكول وابقى أكول
نولدت بيت دم والثار ياكل ويشرب ويانه
نخلص من سالفه تطلعنه الف سالفه
عشت بمجتمع كله ثارات
واذا تركت ثارك تصير مو رجال
ويصيحولك حرمه
لازم تكتل وتسبح بالدم يله تصير خوش رجال
اذا انت ماتدري ودعمته ليش ماتروح للشرطه
وتكلهم على كلشي
مايفيد ندى مايفيد
الشرطه ماتنفع بدوله يحكمها العادات والتقاليد
بلد تحكمه دولة العشاير قبل القانون
كومي ندى يله كومي
وين
راح اعلمج على السلاح
علمود تعرفين تحمين نفسج
خليني اعلمج شلون دافعين على نفسج
احسن الج من ابوج الظالم
بده يعلمني على سلاح
المكان لوصلناله وكعدنه بي
ماتسمع بي صوت بشر ولاحيوان
ماعده صوت زقزقة عصافير
وصوت صلة سنونه من البرد
ضل فهد يخلي سلاح بيدي
وشلون الزمه واحدد الهدف
فهد مااعرف احدد هدف اني ماأشوف
ندى امشي على احساسج يله تعلمي
لازم نروح منا بدت تغرب الدنيا
وماندري هنا شنو اكو
يله حددي الهدف على احساسج والعطر لتشتمي
انتي حاسة شم عندج قوية
وتعلمت بس ايدي ترجف
وضل يخليني ارمي طلقتي لو ٣
كال يله كافي لايخلص العتاد وضل يضحك
بده كلشي يتغير بداخلي من بنيه ماتعرف بشر
غير ابوها وحدود بيتهم
لندى جديده حتى سلاح تعلمتله وماعاد تخاف من شي
احلى مابيها الحب
الحب أهم جزء عشته
ندى وين نروح هسه صا ليل واني مااندل طريق
واكيد جماعه بعدهم يفترون بالمنطقة
خلينه نام هنا وصبح يحلها الف حلال
ماشي
ضلينه نسولف لحد مانمنه
واحنه نايمين بليل مااحس اله جماعه هجموا علينه
فزيت بس مااشوف شي
فهد شنو شده يصير
مااسمع اله صوت العرايك وضرب
اصيح فهد مايجاوبني
حاولت ادخل بنص ضلوا يضربوني
ضليت اتلمس وادور على سلاح ضمينه جوه قمصلة فهد
اي هذا سلاح ضليت ارمي لاعلى تعين
وفعلآ صوبت اثنين منهم
صارت سكته واسمع واحد يصيح مو تكولون عميه
شلون ترمي
ضليت اصيح فهد ماكو جواب امشي واشم عطره
تقربت منه
يااا يمه اني مصوبه فهد وياهم
رد عليه فهد رد عليه
بس حاجيني فهد
مو كتلك مااعرف اصوب
ضليت اضرب براسي
شلون ماشميت عطرك شلون صوبتك
مااعرف شنو اسوي
ولاوين اروح
اني فهد جان عيوني لاشوف بيهن
هو يدليني طريقي
ضليت اركض مثل المخبله
واصيح عفيه اكو احد هنا
لازم انقذ فهد لازم انقذه
واركض وصلت لشارع كله صوت سيارات
ضليت اصرخ بس محد وكف الي
وكفتلي سيارة شرطه
وكتلهم هنا بهاي لمنطقه بس مااندل ارجع
تقريب صار ربع ساعه اركض يله وصلت هنا
لكوو الولد والحمد لله كلهم عايشين بس مصوبين
واني ابد ماعليه شي
فهد كال صوبوني وصوبتهم
واني اعتبروني مخطوفه
لان ابوي مبلغ عن خطفي
اخذوهم للمستشفى وره ماتعافى اخذوا للسجن
اني رجعت لخالي وكتله اعيش وياك
فهد خطبني من خالو دوم جنت اروح ازوره بالسجن
فهد انحكم عليه حكم مخفف اعتبروا حمل سلاح واطلاق نار دفاع عن نفس
وطفل وره مادخلت دوله والعشاير
ندفعت الفديه ومجرد الحق العام
أبويه مااعرف عنه شي ولاوصلتله بعد
ولااريده اصلا
هو همين ماسئل عليه
انتظرت فهد يوم يوم احسب
ويه ماطلع كانت بداية حياة جديده الي
فهد صار بيها عيوني
وضليت دوم البس حذاء ابد مانزعته
مااحتاج احس بطريق بعد
فهد طريقي ونظر عيني
اول مره سمعت منه كلمة احبج
لحد ماتعدلت ضروفه يله نطقها
ماراد يعلقني ب امل
راد يخلي صورة الواقع كدامي
واني اليوم عايشه كل الحقيقة
وقررنا نترك البلد لايجينه ثار وترجع مشاكلنه
احبك فهد اريد اكولها الك كدام كل ناس
احبك يانظر عيني
اتمنى عجبتكم القصة
ولنتقي بقصة جديده
