إنتحار

#إنتِحَآر 6

#إِنتِحَار
الكَاتِبة هَامِي
البارت 6

فَكُلِ مِنا يسرقَ طَاقة الأخرَ فيِ كُلِ شئ ويرحَل دُونَ مُقدِمات مَأساوِية ...
كَأن قلُوبنا منَاطِق مُؤقتة لِطيور قلوبِهم المُهاجِرة..!

...
فرح زادت حضنتني:: اممم شي كلامه يضحك في واسمه حلو 💕

فارس رفع حاجبه:: أسمه حلو!!!

انتي اي وحده فيهن فرح من انتي توا؟؟

فرح بأستغراب:: كيف يعني من ؟!!

فارس تنهد وشال ايديها من عليه::
ولا شي يلا خشي جو مصقع توا تمرضي

خشت فرح سريرها ورقدت

أما انا ماجنش نوم قبل بنرن على عُدي لقيت الوقت متأخر بعتله رسالة
انه لازم اول ماينوض يجيني في المستشفى موضوع مهم

..

طول الليل وانا عيني على فرح واضح انها تكوبس من حركات إيديها مره على رقبتها ومره تضغط بيهن في ملاية سرير مسكت إيديها الأثنين وخذاني نوم قريب من الفجر

....

دكتور ساري:: اووو فارس انت هنا ؟؟

فتحت عيوني و حسيت بجسمي متكسر من نومه على الكرسي شلت ايدي منها وغطيت فرح

مش عارف كيف رقدت ، ساعه كم توا ؟
ساري:: ساعه7 خلاص شوي ونفصل قلت نشوف مريضتي لقيتك عندها ، شنو وضعها توا؟
فارس:: تمام
بس ....

نقولك تعال برا خلها راقده

طلعنا للكافي
ساري:: شن في فارس؟
فارس::منبكش تكتبلها خروج مزال عُدي يجي يشوفها .
ساري:: اها أوكي ، توا في جدول يستلمها دكتور أسامه طرابلسي

**أسامه غلاي بطل رواية أجيااال لقاريها يزبطه😍**

فارس:: اووف هذا عد كيف بنفهمه انه نبيها تقعد تعرفه رأسه يابس

ساري:: هههه شوف نسيبه دكتور هشام ولا اخته ماهو ماشاءالله العيله كلها هنا 😂😂 قالوا حتى المدام متاعه دكتوره ههه

فارس يضحك:: وانت شي جايب سجل العيله كله ههه نعرفهم كانوا يقروا معي برا مهم توا ندير رأي

قاطعنا صوت الفون وكان عُدي
رديت
عُدي::شنو في على الصبح
فارس:: ههه قصدك توا نضت انت من رسالة امس نبيك تجيني توا نفهمك
عُدي:: لا من بدري توا في طريق قريب نوصل
فارس:: تمام بكل نستنا فيك في كافي مستشفى
عُدي:: اطلبلي قهوه مزال مافطرت طلعتني مخلوع ههه

فارس:: اوكي تمام
....

وصل عدُي وطلع ساري
وقعدنا وحدنا

عُدي يشرب في قهوته:: مش عارف ليش حاسس انه موضوع يخص فرح🤔

فارس:: ومن غيرها يعني شن نبي في جمالك مهم هي أمس تعبت وصار معها انهيار عصبي وقاعده توا هنا