إنتحار

#إِنتِحَار 11

#إِنتِحَار
الكَاتِبة هَامِي
البارتَ 11

كل شيء يمكن إخفاؤه، إلا ملامح العين حين تحن، وحين تحزن، وحين تفتقد شخصًا💔

....

خطر في بالي نسألها سؤال

جديدتي نسألك
انا كان عندي اخت اسمها فاتن؟

جدتي بحزن :: كان يابنيتي كان .. الله يرحمها  ذخر لولديك ان شاء لله

- من شنو ماتت فاتن؟؟

جدتي:: عمرها يابنتي ماحد يموت ناقص عمر

مسكت إيديها بتراجي ودموعي ينزلن

أرجوك احكيلي حياتي كابوس بسبب موضوع هذا ليش كل ما نسألهم يتهربوا اصلاً  ماقالولش حتى انه عندي أخت

جدتي::  الله يرحمها ولدت فيها تشوه في الكبد والله كثروا فيها ادوا وكل دكتور شخص شكل  لكن هذا مافهمنا  ومسكينه بنيتي تعبت وبنت كانت تبي من يعانيها متحملتش وتوفت

ووقتها مشاكل بين العائلات قدرها هكي البنيه ماتهنت ولا يوم

نسمع فيها وقلبي واجعني  وعيوني مابطلوا بكى بدون صوت مش قادره نستوعب ليش خبوا على وليش فاتن ساكنه في !

طلعن مني الكلمات بصعوبه

-ليش في مشاكل بين عائلتين وليش ماما كانت تعبانه زيدي قوليلي نبي نفهم

جدتي بروحها متحملتش  ودموعها ينزلوا كأني فتحت عليها جروح الماضي كلهن مستحيل ننسى اليوم هذا مستحيل

من ايام وامك حامل بي فاتن  وهي مشاكل مع عماتك وسلفاتها ، ماريحوهش جدك طلب من بوك يطلعوا من الحوش ويأجرلها برا احسن لكن وضع بوك وقتها تعبان  وكنت نساعد في بنتي من دون ماجدك يعرف لأنه حالفلها وقايلها هذا اختيارك تحمليه ممكن مشاكل وحاله ماديه صعبه لعاشتها امك اثرن على حملها والبنت تعبت وامك نفس شي من يوم ولادتها وهي في نزيف وهبوط وزادها لما عرفت انه بنتها تاعبه واحتمال تموت وهما ولا دوروها وبوك يجري يبي لم شمل عيلته ونحنا كنه نبوا بنتنا خلاص طلاق احسن حل لهم  والبنت مافي امل تعيش بوك لقعد يعاني فيها وامك ماتعلم بشي عايشه على تغذيه  وردت كويسه شوي ورجعوا حياتهم عادي واخر شي قالولهم بنت فيها تشوه خلقى في الكبد  عانوا معها وجاهم سيف غير عليهم جو شوي وحنن قلب جدودك عليه
مادامش الفرح وتوفت فاتن وامك عاشت ايام صعبه وحست بذنب لأنها كانت اول ولادتها تاعبه ومااهتمت بيها وحملت فجأه بي سيف ماكان في بالها شي هذا ياما عاشت امك يابنتي لكن ربي عوضها بخوتك وبيك

طول ماهي تحكي وانا مش قادره نستوعب لصار  باهي هو ماضي وقبل مانجي على دنيا انا شن ذنبي نعيش هذا كله

اضايقت اخره بدال مانتريح اني عرفت سر موت قرينتي مش بس أختي

قاطعنا بنات
وكنت منزله راسي