إنتحار

#إِنتِحَار 17

#إِنتِحَار
الكَاتِبة هَامِي
البَارت 17
,,,,
بَالِغ في حُسنِ ظنِّكَ بِاللَّه،
فإنّ جَزاءَ حُسنِ الظّنِ أن تَنالَ مَا ظَنَنْت ❤

....

فرح

ألم ينغز في قلبي لا قادرة نقول أه ولا قادرة نرفض مُصرة الحياة على واجعي كأنوا مفش غيري في دنيا !

رديت على أمي بأعذار

-بس انا مزلت ماخذيت شهادتي حابه نقدم على الإمتحانات ونواصل قرايتي

ماما:: عادي كملي ونحنا معاك؛ وهما اكيد مش ح يعارضوا ؛ يابنتي هذي فرصه متضيعهش من إيدك ساد لراح

"لمستني كلمة امي"ساد لراح" حسيت وقتها انها قصدت فارس 💔
مكنتش نبي هك وربي لعالم في سابع سماء و يشهد على ماسكن قلبي غيرك ولاراد نصيب غيرك منبش نخونه حتى بتفكيري كيف ناخذ غيرك وقلبي معاك فكرت انه اسمي جنب غيرك بروحها تحرق يااافاارس

رديت عليها بتعب ويأس
خليني نصلي إستخاره ولي فيها خيره يجيبها الله.

ماما:: احسن شي والله ؛ ربي يريح بالك ان شاء لله

ابتسمتلها
ان شاء لله يارب

طلعت ماما ودموعي نزلن زي جمر دمعة الحبيب تفرق تحرق حرق في جواتي نار ورفض لكن مش قادره نقول احسن شي يريحني الوضوء الصلاة الدعاء

فرشت سجادة الصلاة من بعد وضوئي وصليت إستخاره ودعيتها ونهيتها بدعاء

"اللهم أختر لي ولا تخيرني فا أنت خيرٌ من يختار"

من بعد شكوتي لربي تريحت كأنوا صلاتي نداء إستغاثه وربي أستجابها وزال الهم

رقدت وانا نستغفر

.....

ثاني يوم الصبح

بلغتني ماما انه زينب بتجي مع امها

فرحت لأني كنت مرايفه عليهم

طلعت المطبخ لقيت امال

-صباح الخير

امال:: صباح نور ؛ قالتلك عمتي انه جايين عيلة الشيخ

-قالتلي توا نبي نجهز حاجات حلوه زينب تحب الحلو

امال نظرتلي بإستغراب

فرح انتي موافقه عليهم؟

خبيت ملامح وجهي ومش عارفه نجحت او لأ

-قاعده نصلي إستخاره ونشوف

امال:: كان عندي امل انك انتي وفارس تكونوا لبعض يخساره

-ربي يجيب لي فيه الخير

نبي نمشي توا لي إسراء بنأخذ منها كتابات شهاده تعرفي اني ملحقتش عليها سنه لفاتت توا نبي نقدم على امتحانات زعما مزالوا عندها