حب الظالم🔥

حلقة 2

حزينين بس حاولو يصبرو ويدعولها 💔
جي الليل وخش بوهم
أحمد:خيرك يا بنيتي شن فيك 💔
أفنان :أا طحت عالطاولة متع النظافه
أحمد:كيف طحتي يعني
أفنان حكت لبوها
أحمد :قتلك أني خشي حاجه تانيه صكرتي راسك 😠
سماح :حصل خير يا أحمد متكبرش الموضوع
*طبعاً أمها وبوها ميندروش إن الجرح عميق لإن أفنان محبتش تخوفهم
توليب :إيه مساقت بينا إلا بالسيف بيد وحدة
مارن: إيه معاش تعبي روحك تريحي وخودي إجازة سبوع من المصحة
توليب :حقا من بيرفعنا غدوة
أفنان :توا نشوف وحدة من صحباتي ونمشي معاكم وبعدها نمشي للمصحة ناخد إجازة
أحمد أني زي متعرفو خدمه منقدرش (بوهم يخدم مستشار قانوني )
أفنان إتصلت بصحبتها روان
روان :أيوة فنونة كيف حال إيدك توا
أفنان :الحمد الله نبيك غدوة تجي توصلي خواتي
وترفعيني للمصحة ندير إجراءات الإجازة
روان :من عويناتي أسمعي بنقولك الممرضه سناء إلي معانا
أفنان :خيرها ؟
روان:الحالة لماتت اليوم تقربلها وكلنا ماشيين بنعزوها
أفنان :نشوف ماليا ونقولك
روان:تمام تصبحِ على خير فنونة 💚
أفنان وإنت من أهلة رورو 💛
مارن :شن صار معاك
توليب :شن قتلك بتجي ترفعنا روان
أفنان :إيه بتجينا
توليب :ماما العشي واتي
سماح :إيه برو وتو طاولة الأكل بس
مارن :إيه جعانة بنموت هيا
أفنان :هي تصبحو على خير بنرقد
أحمد :تعشي قبل يا أفنان
سماح :إيه تعشي وأرقدي
أفنان :لالا صحتين والله مانيتي فيه
أحمد:خيرها البنت مضايقه يا سماح ؟
سماح :دارت عمليه مستعصيه اليوم وماتت الحالة وهيا ماسكه يدها هذا علاش مضايقه من الموقف
أحمد: ربي يرحمها ويصبر عيلتها
مارن:جعانه أني هيا
توليب: هي تعالو وتيت الطاولة
مارن :نجيها وخيتي الفالحه 😂
توليب :عالأقل مش زيك ناكل ونرقد
مارن :بلا كترت دوا كولي وأسكتي ترا
توليب :سلم يدياتك ماما ❤
سماح :سلمك بنيتي الفالحة مش زي هلبا ناس تاكل وحتى سلمك منسمعوهاش 😏
مارن :مبردكم في الرقبة خليتوها 🙄
أحمد :الحمد الله سلم يدياتك يا غاليه 💕
سماح :ربي يحفظكم ليا ،آه أمتى وحده منكم بتفرحتي بيها قبل نموت 💔
توليب :ماما متقوليش هكي مرة تانيه تسمعي فيا 😭 مارن :إيه معاش تفاولي على روحك ماما وأني وتوليب قاعدين صغار ومش مكملين شهايدنا الكلام لأفنان 😏
سماح :حسبي الله ونعم الوكيل فيك يا أمنه خليتي بنيتي تخاف من الإرتباط والزواج 💔
أحمد :إياه علينا نفس السيناريو من جديد راهو كله نصيبات
*توا تقولو من هيا أمنه وعلاش تكلمت عليها سماح هكي
أمنه تكون بنت خالة أحمد وأخته بالرضاعة والقصه إن ولد أمنه(حازم ) مواليد 1990مواصفاته عادية شعرة أسود وعيونه بني غامق بشرته حنطيه وجسمه عادي مش طويل ومش قصير
كان يحب أفنان وخطبها ودارو حتى بيان وقبل موعد العرس أمنه لفقت كذبه لأفنان بمساعدة بنتها مروة لكانت متزوجه وعندها بنتين ولد وكذبو على أفنان إن خانت حازم بواحد تاني وجابو دلائل مزيفة
وهوا صدق أمه وأخته ومخلاش أفنان حتى تتكلم معاه
وبعدها بالمكر في أفنان تزوج وتوا عنده ولد إسمه ناصر
توليب :إيه نفس السيناريو وحسبي الله ونعم الوكيل فيها وفيه وإنشاء الله مايتهنى يارب 💔
مارن :هذا ليفتح وذانه لأمه وخواته وتوا خلاص خدي من ذوق الماما العيل هوا إنشاء الله مايتهنى لا هوا ولا هيا
سماح :خشو أرقدو خلاص متنكدوش على روحكم أهم شي قرايتكم بنياتي 💕
توليب :إيه أهم شي شهايدنا هي تصبحو علي خير ❤
مارن :إيه عالأقل نقرو مش زي بناتها جاهلين هههه😂
أحمد :مدخلناش فيهم جاهلين ولا أميين 🤨
سماح هيا أرقدو أمتى بتنوضو
مارن :هي تصبحو علي خير
أفنان:كانت تفكر في محمد لوجعها كيف مقهور علي أخته وحست بوجع هاجر لخسرت أختها للابد وأمهم لفقدت بنتها محرها 💔لما تفقد حد غالي عليك
وسمعت بوها وخواتها وقعدت تبكي هلبا لأن تفكرت الظلم إلي نظلماته من ناس قراب عليهاومنأكثر شخص حباته وياريته برانيه لتهموها ورقدت ودموعها في عينها 💔
مارن وتوليب عرفو إن أختهم سمعت الكلام وتفكرت لصار ومحبوش يضايقوها وخلوها تبكي وطلع ل في خاطرها
*عند محمد مجاشي النوم لاهوا ولا يوسف وكانو طول الليل يتفكرو في ملامح وجه أختهم مريم
هاجر كانت مع أمها ولما أمها رقدت مشت تكلم في سيف إلي كان قلبه محروق علي بنت خاله وهاجر لكانت تبكي ومش قادرة تصبر علي فراق أختها
هاجر :سيف وهيا تبكي محتاجاتك والله نبيك تنسيني في الكابوس هوا 😭
سيف :والله لو بيدي عادي نجيك بس خوك محمد شاك فينا لو نوض بيلحقني
هاجر :والله مخنوقه هلبا يا سيف💔
سيف :حاس بيك وقلبي من بكري متفترش عليك💔
هاجر: هي تصبح على خير يا عمري بنحاول نرقد 😭سيف :تمام وإنت من أهله حاولي ترقدي بش تتريحي
ثاني يوم كان الكل يسبح ويصلي ويحاول يصبر ع فراق مريم
*عند أفنان هيا بنات جتنا صاحبتي ترفعنا أمس نسوق ألا بالسيف 😣
توليب:مفيش مشكله عادي ،هيا بسرعه يا مارن 😠
مارن :جيت هيا
أفنان :ماما نسيت نقولك ممرضة تخدم معانا تقربلها الحالة لماتت أمس بنمشو مجموعة بنعزوها عيب
سماح :إيه عيب بري قوم ي بالواجب لكن أستأذني من بوك قبل
أفنان :تمام ،بابا بنمشي نعزي
أحمد :من بتعزي؟
أفنان :ممرضه تخدم معانا تقربلها الحالة لماتت أمس وأني لدرت العملية
أحمد :أها بري قومي بالواجب يا بنتي إيه هكي مربيك أني ومن بيمشي معاك ؟
أفنان:أني وروان وبيلحقونا مجموعة دكتورات وممرضات معانا
أحمد:تمام عادي بري
توليب :هياااا 😠
مارن :تي خيركم أصبرو شويه
أفنان :هيا توليب وقت علينا
توليب :قولي لأختك الخرا مش أني
مارن :أهو جيت 😏
أفنان: هياهيا عيب البنت من بكري تراجي
طلعو البنات وركبو مع روان وكل وحده وصلت لجامعتها
مارن :عهودة تعالي نفطرو
عهد :هي شويه بس
مارن :محكيتلكش ع أفنان ؟
عهد: لالا خيرها فنونه
مارن حكت القصة لعهد
عهد:قصدك اليوم بتمشي تعزي أكيد تتلاقى هيا وياه😂 حقه شن أسمه ؟
مارن :حتى أفنان متعرفش ههه
ومشو فطرو وزي كل يوم خشو محاضرات وقرو ومفيش جديد
عند أفنان خدت الإجازة لمدة أسبوع ونص ووصلت للعزي هيا وروان وكانو مصدومين بالحوش لكان قصر مش حوش زي إلي في المسلسلات
أفنان: السلام عليكم
هاجر :وعليكم السلام دكتورة بس كيف عرفتي حوشنا
أفنان :تقربلكم ممرضه سناء
هاجر :إيه بنت خالتي
أفنان :إيه جينا لأن تخدم معانا وجايين بنعزوها
روان :إنت أخت المرحومه ؟
هاجر :إيه، تفضلو توا انادي سناء وماما
سالمه :السلام عليكم ،يا بنات تعالو يا بنات ضيفو الدكتورات
أفنان :عظم الله أجركم
سناء :أجرنا وأجرك دكتورة
سالمه:أسفه دكتورة علي تصرف ولدي محمد أمس هوا عصبي هلبا ومن الصدمة صار هذا كله
أفنان :لالا عادي ولايهمك
وضيفوهم وهدرزو شويه وجي وقت مرواح خواتها
ولما بيروحو السيارة مبتش تولع فجأة أفنان شبحت محمد جاي جيهتهم
محمد:في شن نقدر نساعدك دكتورة ...
أفنان :إسمي أفنان
محمد :وأني إسمي محمد تشرفنا وأسف مره تانيه علي أمس
أفنان :ولا يهمك عادي جرح بسيط
روان :سياره مبتش تولع مش عارف خير بلاها
محمد :ترا وخري نشوفها ،السياره قصتها قصه راهو بتريتها تبي شحن وهلبا
أفنان :كيف حي خواتي من بيروح بيهم
محمد :لو تبي عادي أني نوصلكم ونروح بيهم
أفنان :لالا توا نشوف تاكسي ولا أي لقطه
محمد :كيف وأني موجود تاخدو تاكسي وبعدين خليني نحس روحي درت حاجه بيش نتأسف بيها
أفنان: لالا شكراً
روان :من بيروح بينا بوك خدمه
محمد :عادي لو تبي ننزل نكلم بوك أو أمك متخافيش ولو تبي نرفع أمي ولا هاجر معاي
أفنان :لا والله ما هكي بس
محمد: لا بس لا شي هيا أركبي وبوك توا نكلمه
روان :هيا أفنان
أفنان :تمام
يوسف :محمد عمي وصل توا برا إستقبله في المطار قالك بوي
محمد :يوسف مالا إنت روح بالدكتورات ووخوات الدكتورة أفنان
يوسف: تمام
محمد :إيه وخود هاجر معاك وكلم بوها الدكتورة بش ميفهمش غلط وكلم حد يجي يرفع السيارة لصلاح ويبعتوها لدكتورة روان
يوسف :باهي ساهل غير برا لعمي يراجي
ركبو مع يوسف إلي كانت سيارته فخمه وعاليه
روان :نحب سيارتي تعرفي خلتني نركب سيارة فخمه هكي 😂😂
أفنان :تدوي بصوت واطي :أسكتي بكشه فضحتينا 😨
وصلو في توليب لكانت تشبح لسيارةوالفخمه والمظلمه لدرست بحداها ومستغربه
أفنان :أركبي يا توليب
توليب :أولاً من يكون هذا
أفنان : أسكتي وأركبي توا نحكيلك
توليب :تمام به ادني
يوسف مكانش مهتم أن كلهم ركبو من تالي لين وصلو في مارن
عهد :مارن من الطرف هذا وعلاش جاي مروح بيك
مارن: شن عرفني بيه
عهد :شوفيه طرفففف يهبلل
مارن :به وكان
أفنان فتحت الروشن:أركبي يا مارن
مارن إستغربت من وجود أخواتها مع الولد هدا وهيا متعرفاش
يوسف شاف مارن ورغم إن أخته ميته بس قعد مركز في ملامحها البريئة ونسي كل حزنه وهمه 💔
مارن بتفتح الباب بتركب من تالي
يوسف :أا هلبا من تالي وحدة تركب من قدام
هاجر :صح يابنات هلبا حني هكي 4ولاصقين في بعض
يوسف :قتلك أركبي من قدام أني
هاجر:تعرفني منحبش نقعمز من قدام يوسف 😐
أفنان :أركبي من قدام يا مارن
مارن :😨😨 شش شنو ؟
أفنان :هيا سقدينا عيب
مارن ركبت وهيا ترعش مع بعضها لأن أول مره تركب مع ولد
طول الطريق ويوسف مش قادر ينحي عيونه من علي مارن وهاجر لاحظت هيا وتوليب
توليب :مارن
مارن :نعم
توليب:شي خلاص وشبحت ليوسف شبحه قويه لين فهم إنها لاحظت كيف يشبح لأختها
ومارن زي العبيطه مش فاهمه شي
حطو روان في حوشها وحتى ماليها معدلوش عليها ولا سألوها لين هيا حكتلهم ع لصار
وصلو للحوش وهما خايفين من ردة فعل إماليهم نزل معاهم يوسف
أحمد :السلام عليكم تفضل من تكون
يوسف :وعليكم السلام ياعمي أني ولد عيلة .....
وبنتك جت تعزي في بنت خالتي ع المرحومه أختي
أحمد:تفضل خش يا ولدي وعظم الله أجركم وربي يصبركم 💔
يوسف :أجرنا وأجركم
خشو البنات ومعاهم هاجر وإستقبلتها أمهم ودخلوها للصالون وضيفوها قهوه البنات خشو للكوجينه ولحقتهم سماح :من يكون هذا أشرحولي وليش هوا جايبكم وين روان هيا وحدة منكم تتكلم خيركم ساكتين ومن تكون البنت هيا
أفنان حكت لأمها لصار معاهم عالسريع وقالتلها إن الراجل حب يكفر علي الي داره امس