حب الظالم🔥

حلقة5

توليب :شكله عجبك خوه هلبا مارن 🌚
مارن :هاها ها دمك ولا دهان شربة
توليب: ههههه علاش تشوفيله من الروشن مالا
مارن:أولا عجبتني السياره مش هوا
توليب :لالا أصلا حتى هوا شكله عجبتيه كنهادا علاش تكلم على الزحمه وقت وصلنا فيك إنتِ ومقالهاش لما خداني أني
مارن :وووه كيف تركزي هلباا 🙄
أفنان :كلمت المصحه وقالولي لا ضروري توا يجو ياخدوه
مارن:أتصلي بيه
توليب :إيه قوليله
إتصلت أفنان
ترن ترن ترن
مردش عليها لأن حاط الفون في الدار وطالع للمربوعه
أفنان :بنخش للحمام مارن كان إتصل ردي عليه وقوليله شويه وتعاودلك
مارن:باهي تم
يوسف شاف مكالمة فائته من الدكتورة وعرف أن علي ولد مريم إتصلت ومحمد مكانش فاضي وقال ليوسف يتصل ويفهم من الدكتوره شن صار
ترن ترن ترن
مارن:آلو السلام عليكم
يوسف :وعليكم السلام دكتورة شن صار معاك
مارن :أني مش دكتوره
يوسف :مالا من معاي
مارن :أني أختها الصغيره مارن
يوسف :أها تشرفنا من جديد
مارن:أفنان مشغوله شويه دقيقه وتعاود عليك
يوسف:أا تمام
مارن : مع السلامه
يوسف :مع السلامه 💕
مارن صكرت من يوسف وهيا متلبكه ومتلخبطه ويوسف نفس الشي لدرجه نسي شن قالت
محمد:شن قالتلك
يوسف:مش هيا ردت عليا أختها الصغيره
محمد :به شن قتلك أختها ؟
يوسف :نن نسيت شن قالت
محمد:أغبى واحد خلقه ربي إنتَ وين كان دماغك وهيا تكلم فيك
يوسف :في خاطره صوتها يارب نستني حتى شن قالت ونستني في همي
محمد :ياهو في من نكلم رد يا دماغ
يوسف : شن قلت مسمعتش
محمد:يا ربي صبرك وخلاص نوض طير من وجهي أحسن ما نفسدلك وجهك
يوسف:بالله فوتني ترا محمد مش طايق حتى روحي
محمد عاود لأفنان
ترن ترن ترن
مارن:عاودلك تعالي
توليب:خيره علق هوا مش قالوله مشغوله خلاص
أفنان:ترا إلزموني سكوتكم خلي نرد عليه
محمد:أيوه أفنان راهو خوي زي الدماغ نسي حتى شن قالتله أختك
أفنان:لا عادي كنت مشغوله وهيا ردت علي فوني بنقولك موافقوش وقالو إن ضروري يجي ياخده حد توا
محمد :أففف شن الحل توا
أفنان :لو توافق عادي نقدر نخليه عندنا اليومين هما وبعدين تاخدوه بعد يتم العزي
محمد :توا نشوف ونعاودلك
أفنان:تمام
محمد: بوي يام تعالو
يوسف :ها جينا شن فيه
محمد :مصحه الي مش عارفه شن نقول عليها قالو تعالو خودوه توا حتى للدكتورة
هاجر:شن الحل
محمد :الدكتورة عرضت عليا إن يقعد عندها اليومين هما
عمار:قصدي هما ناس كويسين وثقة نقدرو إنأمنوهم حفيدنا
يوسف :إيه هكي حسيت وحتى بوها يخدم مستشار قانوني
هاجر :صح حتى أمها كويسه وواضح عليهم ناس نظاف وكويسين
عمار:شنو يا سالمه
سالمه:إنتو شفتو بوها وأمها أني منعرفش بس الدكتورة واضح عليها إنسانه كويسه وتخاف ربي
هاجر:خير ما يقعد مع اللفعه أميره
محمد :حقا وينه ليهدد مبكري روح لماما يبكي أكيدة هههه
يوسف :أكيده ، هيا قررو بسرعه
سالمه :شن يا عمار
عمار:ليقوله محمد ويوسف هما تعرفو علي بوها
يوسف :من ناحيتي حسيته كويس وراجل يخاف ربي وحتى لما كنت عندهم أذن الأذان وناض صلى طول وصليت معاه
محمد:أني نقول عادي لإن واضح عليهم ناس كويسه
عمار :خلاص برو أرفعوه بس جيبوه قبل نشوفوه
لإن منقدروش نسيبو العزي
يوسف:هيا محمد ،حاضر بوي
وركبو للسياره ووصلو قدام المصحة
محمد :لازم نتصلو بالدكتورة قبل
يوسف: إيه
ترن ترن ترن
أفنان:آلوو نعم
محمد:أهو أني وصلت في المصحه ناخده ونعطيعولك
يوسف :ردي بالك عليه يا دكتورة
أفنان :حاضر بإذن الله في عيوني وزي وليدي
وخشو محمد ويوسف وخدو الولد وأول ما شافوه تفكرو مريم وقعدو يبكو هلبا وحسوه يشبها هلبا
محمد:يشبه لمريم هلبا
يوسف:زي الملاك ماشاء الله
محمد:هيا نمشو للحوش قبل
وصلو للحوش وأمهم وهاجر لما شافو الولد إنهارو بالبكي وتفكرو مريم الي كان نسخه عليها بالزبط
هاجر:ياقلبي عليه نسخه منها يارب يصبرنا 💔😭
سالمه:محمد إشريله حليبه وحوايج وشمالات وأرفعهم معاه منبوش نكدرو الناس
محمد :أصلا مداير في بالي وشريتله كل شي من بكري
يوسف هيا محمد ساعه 10ره عيب نمشولهم مخر
محمد:هيا جاي
ركبو ووصلو في حوش أفنان الساعه 10:30من الزحمه
طق طق طق
أفنان :بابا وصلو شكله
محمد:السلام عليكم آسفين جينا متأخر بس أمي حبت تشوفه وبعدها علقنا في الزحمه
أحمد :وعليكم السلام ،لالا عادي ولا يهمك
يوسف:كيف حالك يا عمي
أحمد :الحمد الله كيف حالك إنت يا وليدي
يوسف: الحمد الله ياعمي
أحمد :عظم الله أجركم محمد
محمد:أجرنا وأجرك عمي وهذا والولد تفضل والحاجات هما للولد مستلزماته
أحمد :يا أفنان تعالي خودي الوليد ،مارن جيني القهوة
محمد:والله ماصارت يا عمي أحمد عطلنا عليكم هلبا
أحمد :يوسف قول لخوك أني مستحيل ضيف يجيني يطلع هكي
محمد :أا وجت أفنان لابسه عبايه سوداء تجنن ووشاح بترولي زايد مبيضها ومطلعها تجنن ومحمد سرح فيها وهوا يمد في الولد وشبحلها وكأن أول مرة يشوفها
ومارن مدت لبوها السفرة من حاشية الباب وشافت يوسف تكهربت وتلبكت ويوسف نفس الشي
أفنان :علاش شاريين أني شريتله
محمد:إنت لعلاش تعبتي روحك دكتورة هذا ولدنا
أحمد: هي تفضلو القهوة
محمد :صحيت ياعمي
وشربو القهوة وهدرز شويه وطلعو
في السياره
محمد:تعرف يوسف نحس في روحي هذا وين تطمنت علي ولد مريم
يوسف هايم ويتفكر في شكل مارن بالبيجامه متع سبونج بوب وضحك 😂
محمد:ثبت علينا عقولنا لين نوصلو لقبورنا خيرك وخيي شن صايرلك وشن كنت نقول ترا قولي
يوسف :كنت أاا كنت تقول مار وفاق علي روحه
محمد:شن مار مفهمتش شن تهتري وخيي
يوسف:قتلك مسمعتكش را
محمد:تعرف أني الظالم لنتكلم مع مريض زيك
يوسف :خلاص به هي فوتني
وصلو للحوش ورقدو وكل واحد كان يفكر
*يوسف في خاطره محلاها ملامحها بريئه هلبا والبيجامه أقوا حاجه طالعه عليها تجنن أول مرة نشوف بنت حلوه من غير مكياج😂
*محمد:تبارك الرحمن جمال وإحترام ماشاء الله واضح بوهم كويس ومربيهم أحسن تربايه 👌🏻
عند البنات الولد أمهم خداتا معاها هيا وبوهم
سماح :فكرني بإيام ولدت أول وحده فيهم أفنان وكنت فرحانه بيها ومش قادره نتحمل نسمعها تبكي وطول نجري نغنيلها وأهو كبرت تعرف يا أحمد تخايلته حفيدي ولد أفنان ربي يبعتلها ولد الحلال يخليها تنسى الظلم الي نظلماته والغدر لصار معاها
أحمد:مسكين هالولد مش ح يحصل حنان أمه ،ويارب ربي يسمع منك ونشوفها فرحانه بنيتي
سماح :إيه مسكين والله 💔
وكل وحده كانت راقدة في سريرها
توليب كانت تفكر في قرايتها والإمتحانات لقربو
وأفنان كانت تفكر كيف إن محمد أمنها علي ولد أخته وعطاها ثقة وحست إن هوا إنسان كويس هلبا بس عصبي ومشكلجي شويه
ومارن لكانت تتفكر في منظرها بالبيجامه وكيف شافها يوسف بيها 😂
وجي ثاني يوم وكلهم ناضو علي صوت عياط البيبي
مارن:وووه راسي حتى توا طول الليل وهوا يبكي متعبش
أفنان:عيب عليك بيبي هو يعني إنت جيتي طول كبيره كنت زيه تعيطي واني وتوليب منرقدوش من عياطك 😏
توليب:تم قصف الجبهة بنجاح أفنان😂
مارن :هاهاها يا مريضه موتي إنت وياها
أفنان :نوضو نديرو الفطور
توليب :كيف الحل في الجامعه غدوه من بيرفعنا
مارن:بوك مستحيل يفضى نهائي
أفنان :توا ندبروها كيف
مارن:هيا لفطور أهم من هذا كله
توليب:والله وإمتحاناتي الي قربو
أفنان :صباح الخير ماما
سماح:صباح النور
توليب:مرقدتيش ههه
أحمد:لالا معيطش هلبا
سماح :لإنك غميت راسك بالمخده معش سمعته أما أني طول الليل مقعمزة تقول لما جبتكم
أفنان:كله بأجره وهوا يتيم ياناري
توليب:صح كلام أفنان
وفطرو وعقدو يلعبو بالبيبي زي العيلات ويغنوله ويرقصوله زي المهبولات
*عند محمد ناض وخفت الزحمه شويه عليهم
يوسف:صباح الخير
محمد:قصدك مساء الخير الظهر يا أستاذ وتقولي صباح لخير نوض سقد روحك
جي يعقوب ومعاه الشرطه وشكي علي محمد بتهمة محاولة قتل وإجباره بالضرب والتهديد إن يخلي ولده معاه
سالمه:يا وليدي يا محمد إستنو مدارش شي ولدي مترفعوشي
عمار :يوسف برا ألحق خوك وأرفع المحامي
وصل يوسف وهني كانت الصدمه
لقي خوه محمد حال الموضوع
وهما مروحين
يوسف :كيف حليتها
محمد :ههه الفلوس يا خوي تدير كل شي
يوسف:رشوه قصدك 🙄
محمد:تقدر تقول هكي
يوسف:إلي يقدرك يا محمد
محمد:ههه مفي شي يصعب علي خوك
وروحو للحوش ومشي الوضع عادي وكل شويه تخف الزحمه
محمد:زعما نمشي نشوف ولد مريم كان نقصه شي
يوسف :إيه إيه بنمشي معاك
محمد:خيرك تحمست هلبا هكي
يوسف :قصدي عادي لا تحمست لا شي
وصلو في حوش أفنان وبوها كان في العمل
طق طق طق
مارن شافت من فوق :أفنان تعالي
أفنان:نعم وركبتلها
مارن :الطروف جونا ع فكرة طلع طرف محمد مشفتاش أمس مكانش قباله الباب
توليب:ههه أسكتي
أفنان:شن دخلنا فيهم حني
سماح: مني يا أفنان
أفنان: خوال الولد ماما
سماح :ألبسي عبايتك وتعالي أفنان
أفنان :علاش
سماح :بنطلعولهم الولد أكيد جو يشوفو فيه
أفنان :حاضر ماما ولبست عبايه أزرق ملكي مع وشاح أبيض وكانت طالعه تجنن
أمها لبست بدله صلاة وفتحت الباب
سماح:تفضلو
محمد :يزيد فضلك وين عمي أحمد؟
سماح :في الخدمه تفضلو للمربوعه وخودو راحتكم مع الولد
محمد :لالا مستحيل بم إن عمي أحمد برا منخشوش
يوسف :جيبيه برا حتى في السيارة شويه ونردوه
سماح :ع راحتكم
مارن:خليني أني نرفعه فنونه بالله عليك
توليب:إحم تبي تشوفي سوفه
مارن:من سوفه
توليب:يوسف لقيتلك كيف دلعيه
مارن:باللهي بري إنتحري نكلمش فيك ولا خليك في الهندسه
توليب:إنتي إنتحري ياعيله
مارن :باللهي عليك فنونه
أفنان:لا يعني لا
مارن:متخلينيش ندير الي في راسي
أفنان :ديري شن دخلي فيك
نزلت أفنان ونزلت البيبي ومحمد يشبحلها وسارح فيها من بعيد ولحقتها مارن ولبست كاب رصاصي ووشاح حرير أسود فوق البيجامه لأن كيف نايضه من النوم ومنظرها يضحك هلبا وشعرها كله برا لان مش متبثة الوشاح ونزلت تجري ولما شافها يوسف جايه تجري ومنظرها بالبيجامه ضحك ضحكه قويه كلهم تلفتوله مستغربين بعدها جت مارن وشبحتله وهوا ميت ضحك
مارن:في شي يضحك
أفنان:😂😂😂منظ😂😂ومقدرتش تكمل من الضحك ومحمد وأمها قعدو يضحكو
مارن:في شي يضحك يعني
يوسف:وووه😂😂😂😂منظرك مارن خلاص متت ب الضحك
محمد: ....يتبع♥️