حب الظالم🔥

حلقة14

وهدرزو وضيفتهم
سالمه : هي نتلاقو فنونه
هاجر سلاماات يا عسل
أفنان :خيركم راجو محمد قال بيجيب ماكله من برا
هاجر :لالا تغدو إنتو حني بنروحو وأصلا الغدي أكيد واتي توا
أفنان :علي راحتكم
هاجر :حلوة سيارتي الجديدة
أفنان :تجنن زيك
سالمه :مع السلامه
أفنان :في أمان الله
محمد جي وتغدت وهيا تضحك وجوها يجنن
أفنان :محمد نبي الأيفون إكس برو
محمد :من عويناتي غدوة يكون عندك
أفنان :تمام
وجي الليل
محمد:أفنان
أفنان نعم
محمد :سامحتيني خلاص
أفنان قربت منه وقعمزت علي رجله أش محمد
محمد :أمم به وقاطعاته وحطت يدها علي فمه
أفنان :مش قلتلك أش خلاص
وناضت ومشت للدار وهوا لحقها
أفنان :دارك غادي محمد نسيت
محمد:ككيف مش خلاص
أفنان :مقلتش خلاص أني
محمد:كك كيف
أفنان :برا إرتاح وسكرت باب الدار وطاحت عالسرير من الضحك وإتصلت بخواتها يخططو معاها شن تدير أما محمد كان راقد عالسرير
محمد:وين وصلت روحك يا محمد إنت في دار وهيا في دار تقول مش متزوجين وفكر يحكي للعصابه (يوسف وعمر) ههه وإتصل بيهم
عمر :أووه حميدا نحسابوك تزوجت ونسيتنا
محمد :فرقت زواجي يا عمر هيا في دار وأني في دار
يوسف :متقولش أربعه شهور متحشمه 😂😂
محمد :حكالهم كل شي صار
عمر :يعطيك بلوه كيف تدير هكي هذا إنت يلي كنت تتكلم عالرجوله والقيم والأخلاق
محمد:ترا سكر فمك
يوسف :هذا علاش خالتي أمي تتصل بيها تبي تفهم شن صار مردتش
محمد:وخليك هيا تدافع علي بنتها المريضه وتهجمت علي أفنان وقالتلها خطافة رجاله حسستني كنت نحب بنتها وهيا كله عاشاته في خيلها المريض
عمر :تي الزح كرهاتك أكيده
محمد :زعما كرهتني
يوسف مش عارف محمد قصدي هيا شن معاملتها
محمد:كانت بتطلق باتت عند ماليها روحت زي العسل
يوسف :تعرف نحس فيها يلعبو في لعبه هي
محمد :لعبه شني أسكت
عمر :بالله شن تحس أختها توليب هيا تحسها مريضه نفسيه
محمد :اا هيا هكي متعرفش تتعامل معانا جنس أدم هكي تتكلم مع كل الرجاله
عمر :مستحيل أكيد في شي خلاها هكي بس شن هوا نبي نعرف
يوسف:صح كلام عمر كل فعل ليه ردة فعل يعني هادي مرات تكون ردة فعل توليب من شي صار معاها
عمر :بس تعرف ولا صاروخ طرف للزح
محمد :عمرررر
عمر :خلاص خلاص أصلا تبت أني قوله يوسف معاش كلمت ولا بنت من عرسك الريكويست فوق 200مرديتش علي ولا وحده
محمد :إنشاء الله يصير منك وتولي راجل ،وإنت يوسف شن وضع الخدمه معاك
يوسف :كله تمام ماشيه الأمور
عمر :قصدي متصل بينا عالخدمه إنت
محمد :نبي حل مع أفنان
عمر :شن دخى أفنان في الخدمه
يوسف :أسمع لما تبي بنت يا ألصق فيها زي ما درت أني مع مارن يا دير زي عمر تجكتر عليها وهيا بروحها توا تجيك
عمر :لالا ياحمار قصدي أني نتجكتر بالجمال والفلوس
محمد :شن قالولك شين أني مالا يا كلب
يوسف :عطكم جدري الساعه 12أفنان خشت إنتظار بتذبحني كله منكم
مارن :شفتي الحقير
توليب :ههههاي خطبها ويخون فيها
مارن :معاش تدخلي الأفكار السلبيه هادي في راسي نمشي نكلم أفنان
أفنان :خيرك يا بلوه بنرقد بش ندير الإنتقام غدوه
مارن : يوسف بنذبحه أكيد تخيلي 12نخش عليه إنتظار الا ما نقتله الحقير المنحط هذا آه ونتشت يدها توا نربيك يا واطي
أفنان :أصبري صوت محمد يتكلم
مارن :حتى هوا يخون فيك يا حماره بري إجري
أفنان :مرات يكلم في يوسف
مارن :شن بيدير بيه يوسف فهميني بري يا حماره
أفنان :إنت حماره تدخلي في أفكار حماره زيك حييي زعما يخون فيا
توليب : بري يا حمارة وتوا تفهمي 🤦🏻‍♀️
أفنان :شن نقوله باهي كيف بنخش عليه
مارن :قوليله سمعت صوت وخفت حسيت في حد في الحوش
أفنان :هي نكلمكم بعدين
مارن :باااي فنونه وصكرت
أفنان :طق طق طق
محمد:الباب يطق
عمر :برو ديرو العيب
يوسف :مارن نبعتلها متردش تخلي فيا سين وتنزل في ستوريات ولا كأن نبعتلها
محمد :صكري قصدي صكر عطك بلوه منك ليه
أفنان :محمد
محمد:جيتك حبي وفتح الباب
أفنان :أاس معت صوت كأن فيه حد في الحوش
محمد:علش مشفتيش
أفنان :أني الراجل ولا إنت
محمد :خشي إستريحي عالسرير توا يوجعوك رجليك من الوقوف
أفنان :كيف كنت تضرب فيا علي رجليه وإنت خايف يتعبو
محمد :مش رح تنسي يعني
أفنان حركت راسها :تو تو
محمد:أخخ وخلاص
أفنان :برا دير فايده وشوف من فيه طلع محمد وطول جري لفونه كان بدون باسوورد يعني قاعد 6أصفار زي ماجي من المحل
أفنان :الحمد الله فونه بدون باسوورد
فتحاته وطول طلع مسج
وينك غزالي إستاحشتك وتصكهااااا مشافتش حتى من الي باعت المسج عيطه بواصي
محمد : أفنان فنونه أطلع من تكون وكيف خشيت للحوش وطار يجري خش للدار لقاها مربعه عالسرير وتعيط هكي ومفيش حد يحسابها الا لبسها جن
محمد :ففنونتي خخ خيرك
أفنان ناضت طول من السرير زي الملبوسه هههه وشدت في رقبه البلوزه :خيرني خيرني وينك يا غزالها
محمد:غغزال أني مش غغزال
أفنان :لا تعرف إنت صح مش غزال إنت أكبر كلب شفته في حياتي
محمد حس بالإهانة بس حاول يشد روحه قبل ما يكسر رقبتها وخدي نفس عميق يخفي بيه الغصب كله :أني منخونش فيك تمام أكيد في غلط
هاجر :حييي عليك يا هاجر بعتت لمحمد خوي مش سيف نهار سود فوق راسي بيذبحني
أفنان بدون مقدمات إتصلت
ترن ترن ترن ترن ترن
هاجر بعد تردد ردت
أفنان :هاا
هاجر :إنت بالله متقوليش لمحمد وأمسحي المسج والله يقتلني
أفنان :من إنت غالطه أمك هديكا تعالي صكرتي في وجهي يا واطيه
أفنان بدون ميحس محمد مسحت المسج والمكالمه ودارت روحها نهارت وطاحت عالسرير
أفنان :أخخخ يا محمد هكي تخوني علااالش علاااش أخخخ 😭😭😭
محمد :فنونه والله ما خنتك أني باهي حرام عليك تظلميني مدرت شي أني والله
أفناااان :😭😭😭 وشويه ودارت روحها صايخه
محمد :فنونتي خخيرك حبيبي وقامها عالسرير وساواها عالمخده وقعمز جنبها وهيا خاطرها تضحك وشاده الضحكه بالسيف لكن لما محمد قرب عليها تغيرت ضحكتها المحبوسه لتيار كهربائي إخترق جسمها كله محمد كان يمسح علي شعرها وكان يقرب منها لحد ماكان قريب هلبا منها ناضت أفنان ودفاته وهيا طالعه تجري محمد سبقها وصكر باب الدار ووقف قدامه
محمد:ضحكتي عليا، هه مقالولكش قبل علي ليخش عرين الأسد
أفنان بخوف :يي ياكله ممستحيل يخليه عايش
محمد :باهي أني شن متوقعه نديرلك ويقرب منها
أفنان :مم منعرفش ششن بتدير
محمد قعد يقدم لحد ما وصل وحبسها بيديه عالباب وقرب منها أكثر
أفنان :😨😨😨
محمد :شن نديرلك توا أني خشيتيلي برجليك كله عشان تعرفي في منو كنت نكلم
أفنان :أااا ممحمد
محمد قرب منها بس هيا نزلت وهربت من تحت يده
أفنان :بااااي وحست بالإنتصار وفي نفس الوقت خوف مخلط بحب بكهربة كله علي بعضه
محمد : هربت مني ههه علاش ضيعت بغبائي أحلى أيام في زواجنا بس وعد رح نعوضك يا أفنان علي كل شي
أفنان إرتمت عالسرير وقعدت تضحك وبعدها رقدت زي الجثة ومحمد نفس الشي رقد ومارن حطت تلفونها سايلنت ورقدت أما يوسف طول الليل وهوا يفكر كيف يراضي مارن
تاني يوم 🌤🌤
محمد يطق علي أفنان :فنونه أفنان نوضي
أفنان :ها بنرقد خليني
محمد :أفنان نوضي أماليك يراجو فيك تحت
أفنان فتحت الباب تجري :تحت قتلي ونزلت تجري ملقتهمش
أفنان :شن حركات المفرخ قتلك منيش نايضه زيح من قدام الباب
محمد : حاضر ونحى من قدام الباب لكن قبل متخش جبدها من خصرها وقامها فوق
أفنان :نزلني يا منحط نزلني
محمد :راجلك إحترميني حتى قدامي بس
أفنان :لما تبدا بني أدم وتستاهل الاحترام نحترمك
محمد دخلها للحمام ووقف هيا خودي دوش وطبيعي مش بيبي إنت تعرفي
أفنان :معاش تستفزني محمد وقربعت الباب في وجهه وبعد ما خدت دوش إتفكرت إن هيا مدخلتش معاها حوايج عشان تغير
أفنان :شيك صبح زي خليقته وطلعت بروب الحمام وهيا تدور بعيونها وينه ولما ملقاتاش تحسابه تحت وطلعت تجري للدار وبوووووم تخش للدار ويشدها من تالي
أفنان :😨😨
محمد :شديتك
أفنان :أطططلع مححمد 😨
محمد :إنلا لا
أفنان :ششن تبي
محمد :بوسه
أفنان :كوسه علي راسك مش بوسه يا منحط أطلع وحاولت دفه برا الدار بس مقدرتش
محمد لما شافها متلبكه ومتنرفزه :خلاص بعد ما تغيري إنزلي تحت
أفنان :تمام وصكرت الباب وغيرت حوايجها وشدت شعرها فوق ونزلت
محمد :تاتاتام
أفنان فرحت لكن شدت روحها وحاولت متبينلاش إنها فرحانه من المفاجأة لدارها :شن هذا
محمد :بان كيك بالنوتيلا وشوفان بالعسل والفواكه وبريوش تركي بالجبنه وموكا وأني نحب شكشوكه ودرتها الله أعلم كيف جت
أفنان :محمد من اليوم إنت بتطيب يسفـه
محمد هوا حاجه وحده من برا البريوش بس الباقي من أيديا
ا البريوش بس الباقي من يديا
أفنان :والمطبخ شن حاله وقفت من البار وقعدت تشوف الدقيق تحت التلاجه والفراوله عالبار
أفنان :حرب عالميه تالته المطبخ وخدت من الفراوله قرب منها وقامها علي البار وقعد يشبح لعيونها ويضحك وأفنان ركزت في عيونه وحست روحها ذابت
أفنان : ممحمد باعد من عليا وبدت تنزل في الدموع 😭😭
محمد :راجلك أني
أفنان: راجلي كان راجلي راهو مكنتش تمد في إيدك عليا
محمد :خلاص أفنان أني والله آسف ومكنتش بوعيي يعني
أفنان : محمد لو سمحت
محمد :إلا
أفنان :محمد 😭
محمد:عيونه
أفنان :إنت نادم علي درته فيا
محمد :بناكل الجيفه
أفنان :😭😭
محمد :أفنان لأمتى بنقعدو زي الخوت
أفنان :خوت أمك إحلم ولا نقولك حتى في الحلم متحلمش إنك تقربني يا منحط ودفاته
محمد :به خلاص آسف أفطري متقعديش هكي
أفنان ف عقلها لو دار الفطور هذا كله علي خاطري ومفطرتش رح يحس بالإهانه وهذا لنبيه
محمد :فنونه خيرك ساكته أفطري
أفنان :طيرتها النيه ونشت عليه بشعرها
محمد :متزوج فرخه وربي
يوسف :مرونتي والله محمد كان يكلم فيا هوا وعمر مكالمه جماعيه لأن معاش تلاقينا
مارن :كذاب أمس تلاقيتو في المصحه
يوسف :النهار الأغبر شن تلاقينا حرام عليك
مارن :إنت تخون فيا
يوسف :ينقص لساني كان كلمت بنت غيرك
توليب : قوليله توليب تبي رقم عمر
يوسف :نعم
توليب :خيرك شن صارلك
يوسف :092............
توليب :إتصلت ونزلت من السياره عشان ميسمعش يوسف
ترن ترن ترن
عمر :مني عالصبح
توليب ذابت من صوته وهوا كيف نايض :أااني
عمر :أني لا تعرف بكنيه صاحبها
توليب : تو توليب
عمر : توليب صباح الخير
توليب :صباح النور
عمر :خيرك توليب صاير معاك شي
توليب :لا بنسألك
بيب بيب
توليب :خيره هذا تشبح فيا مدرّسه(راكنه) عاليمين شن تزاحم توا أرض الله واسعه
عمر :تسوقي إنت
توليب :لا مدرسه السياره
عمر :تبي حد يخش فيك ولا شن
توليب : إنت كنت تكلم في يوسف ومحمد أمس
عمر :إيه محمد إتصل بينا
توليب :تمام وصكرت مخلاتاش حتي يتكلم
عمر : غريبه البنت اهيا عمري مشفت بنت زيها قالت الي عندها وصكرت في وجهي حي علي أمها تصكر في وجهي حياتي كلها وأني نصكر في وجه البنات
مارن : محمد إتصل بيكم ولا من
يوسف :إيه إيه محمد
توليب :طقت يد توليب
مارن :إقلب وجهك أمتى منرضى نكلمك ورد بالك تتصل بيا فاهم وصكرت في وجهه
مارن :وربي نحبك قدر إنت
توليب :هههه خاص يا برو ألهي في قرايتك
مارن :توليب أمتى بتنوي تنسي ......
توليب :خليني رايقه وصكري فيت أمه الموضوع هذا ومعاش تتكلمي عليه
مارن :علي راحتك
يوسف :يخبط ويشح في شعره
هاجر :باللطف
يوسف خوك خلاني أمس نتطلق
هاجر :بتطلقك مارن
يوسف :تدير أحرف من هكي
هاجر :علي سيرة محمد أمس بنبعت لسيف بعتتله بعتله هوا تخيل لكن أفنان شافتها وشكلها قلبتها عليه ومركزتش حتى عالإسم قريب مشيت فيها
يوسف :وبعدين
هاجر :إتصلت بيا مشي قتلها بالله عليك أمسحي بدون ما يحس محمد نسمع فيها تبكي تخون فيا ومحمد يحلف ويعاود وبعدين صكرت ومسحت
يوسف : بنقولك تخيلي أفنان ومحمد ........
هاجر :يعني بسبب سناء الشياطين عايشين زي الخوت
يوسف :أما خوت هوا قالك كان طايح فيها ضرب لين كرهاته وكانت بتطلق بعدين مشت لحوش ماليها كان مأيس يحسابها خلاص تاني يوم إتصلت بيه وروحت عادي
هاجر :كيف أسمع أني بنت ولو كنت مكانها حنرجع بش ننتقم منه وأكيد هكي رح إدير أفنان
يوسف :خيره محمد يتصل
محمد :شفت قتلك أني الإهتمام ميدير شي
يوسف :غير أهدا بس شويه
هاجر :أفتح سبيكر
محمد :درتلها فطور مبحبح تخيل الطاوله معبيه مشت تشوف في الكوجينه لقتها حرب عالمين تالته وبعدين حاولت نقرب منها يعني زي أي راجل ومرته قعدت تبكي مشي قتلتها أني راجلك قالتلي راجلي ميضربنيش
هاجر :عندها حق والي تديره فيك شويه
محمد : ومشت ونشت شعرها عليا
يوسف :ههههاي تستاهل الي داراته
محمد :إنتو معاي ولا معاها
هاجر :معاها
يوسف :شوف حني أكيد واقفين معاها لإنك غالط بس هذا ميمنعش إن حني نساعدوك عشان ترد علاقتك بيها
عمر :ساويكم
هاجر :أهو جي أهو جانا
عمر :أهو شرين عالشريانه
هاجر :شنجوك
عمر :بالله ديرولي حل مع توليب
هاجر :لا ياربي قصدي خوتي وولد عمتي طايحين في التلاته خوات ويبو حل معاهم
يوسف :أمتى صار اليوم كيف طلبت رقمك مني
عمر :أها واني نقول
يوسف :إحيكي
عمر :إتصلت بيا تسأل ع............ وبعدين صكرت في وجهي تخيل أني عمر بنت تصكر في وجهي
محمد :غريبن هلبا توليب متقدرش تفهم عليها ولا تعرف شن تفكر
هاجر :عمر شكلك حبيتها
عمر :أني حاس بحقد رهيب إتجاهها بس ميمنعش إن هيا طرف وجذابه هلبا
محمد:عمررر هنيني مش ناقصني مشاكل تبي تلعب وجو كثر الله بنات الحرام خليها البنت في حالها
عمر :شن قلت أني يا شيخ سديسي
محمد :ديرولي حل
يوسف :حتى أني
عمر :وأني
هاجر :تااته هكي هلبا
هاجر:عمر حلك بسيط برا تقررب منها وأعرف شن الشي الي مخليها هكي وبعدين ساهل ويوسف أرزن ربي يفتحها عليك ثقل روحك وتجكتر عليها توا تجي بروحها لأن البنت لما تشوف واحد مستسلم تبدا تدلع عليه ومحمد شن بنقولك إنت أصعب حل بس حاول بكل الطرق هدايا برو سافرو وغيرو جو وهكي دلعها وخلي كرامتك وشخصيتك أهم شي يعني إنت كل متستلم هيا حتزيد تنتقم منك
محمد :سلمها العسل وصكر الخط ومشي خدي تذاكر والتلفون لتبيه أفنان
يوسف :معاش إتصل بمارن حط فونه مقفل وهالشي خلاها تستغرب وخافت بعد ما كلمت هاجر وقتلها إن جي للحوش متنرفز وخدي سياره السبورت شيف كامارو (شفرليت كمارو ) وطلع يجري زي المجنون
أما عمر إتصل بتوليب
ترن ترن ترن
توليب :نعم
عمر :الله ينعم عليك
توليب :تفضل شن تبي
عمر :يزيد فضلك
توليب :مريض يا تاعب شن تبي ميمشيش مع أشكالك
عمر :مستفزة للزح
توليب :مش بنت شارعكم إدوي زي الناس
عمر :تعرفي قداش ما حاقد عليك
توليب :شعور متبادل
عمر :نبي نتلاقو
توليب :علاش
عمر :في شي ضروري يخصك وضروري تعرفيه
توليب زي الحماره تحسابه القصه نفسها :وين
عمر :في الكافي .....
توليب :دقايق ونكون عندك
وتلاقو ومتندريش إن الشخص الي خايفه منه غادي
*مراد مواليد 1994كان حبيب توليب بس بعدها عرفت عليه حاجات خلوها تسيبه وهوا طبعا أكيد مرضاش الشي هذا وهددها ببوها إن تعدي علي السكرتيره متاعه وركب صور عليهم مستحيل تتخيلوها وكان يتاجر بالمخدرات بس ميتعاطاش فيهم
توليب :علاش جايبني هني شن تبي
عمر :ههه فيسع متصدقي إنت
مراد كالعاده صور صور وطلب من صاحبه يركب عليهم حاجات تانيه
توليب ضربت عمر كف وطلعت
عمر :واطيه أني وضربني كف توا تشوفي أصبري بس
مراد :حان وقت الإنتقام يا توليب
توليب :طلعت تبكي أن أول مره حد قدر يضحك عليها
وروحت خدت مارن بس بينت إنها عادي
مارن :يوسف ..... تخيلي زعما صارله شي بوابات هلبا وقطاع طرق تخيلي يصيرله شي نموت والله
توليب :قصدي إنت زودتيها عليه شويه يعني مش كان بينلك ضعفه خلاص إنت تستغليه هكي
مارن :معاك حق خلاص غير يرجعلي بس معاش نديرله هكي ،توليب فيك شي
توليب :عادي ولا شي
أفنان :علاش بنسافرو
محمد :سياحه وين تبي تمشي
أفنان :تركيا وخاطري في لبنان
محمد :تمام ووا نتصل بصاحبي ونقوله أني خطمت عليه بناخد بعدين قلت نشوفك وين تبي تسافري
أفنان :نمشي نوتي الصاكوات محمد إيه توا نقوله نبي واسطه اليوم نمشو رحله في الليل
أفنان :بس خطمني علي إماليا
محمد :إيه أكيد نخطمو علي إمالينا قبل
طق طق طق
أحمد : مني وفتح الباب ملقاش حد بس لقي ظرف قامت وفتحه وبدي يعيط
توليب توليب تعالي
توليب :نعم بابا ويجيها كف يطيرها
توليب :😭😭
أحمد :يا قليله الشرف هادي تربايتي ليك أني كسرتيني يا توليب كسرتيني
توليب :بابا شن فيه ويشحها من شعرها :شوفي منو هذا الي يقرب لمحمد صح ولا أخرتها هكي تديري
توليب :عرفت إن مراد لأن حست حد يراقب فيها وهيا مروحه
توليب :بابا أسمعني في شي غلط
أحمد :شن الغلط، الغلط إنك بنتي بس
سماح :بنتي متديرش هكي مستحيل
مارن مشت تجري تتصل بيوسف بس ميردش عليها
أفنان ومحمد خشو للحوش
أفنان :بابا علاش تضرب فيها بتقتلها
أحمد :تستاهل القتل ولوح الصور
محمد :شاف أول صوره وطول طلع إتصل بعمر
عمر :شن في خيرك
محمد :يا نذل
عمر :خير فيتك محمد
محمد :بعلته الصورة
عمر :مستحيل حني صح تلاقينا بس ضربتني كف وخلاص مصار شي من الي في الصور
محمد مصدقاش وفي نفس الوقت هوا عارل إن توليب مستحيل تدير هكي بوعيها :البنت بوها بيقتلها من الضرب
عمر :كيف الحل
سعاد :نمشو نخطبوها
عمر :نعمم 😨
إسماعيل :قبل ما تموت في رقبتك زي ميار
عمر :😨😨
إسماعيل :شن تحسابه بتدسها عليا نعرف كل شي
سعاد :من ميار وكيف في رقبه عمر
محمد :مش وقته بس لو متجوش بيقتلها بوها
وتو روحهم وطلعو
طبعا عمر وحيد أمه وبوه يعني معنداش لا خوت ولا خوات
ركبو السيارة وعمر في حالة صدمه ومش فاهم شي
سعاد :مكنتش متوقعه نخطب لوحيدي هكي
إسماعيل :وحيدك هذا دلالك ليه كثر الله بنات الحرام ضحك علي بنت ناس أبصر كيف
عمر :تي والله ما قربتها الزح خيركم
إسماعيل :كذاب منقدرش نصدقك للأسف
سعاد :😭
إسماعيل : ياسر من البكي والبنت رد بالك ديري راسك من راسها فاهمه لأنها مذنبها شي
سعاد :خلاص
وصلو للحوش وكان الجو متوتر
أحمد :خشي للمربوعه يا توليب
توليب خشت وكانت كلها زرقاء وآثار ضرب رهيبه عليها
أفنان :مستحيل في غلط توليب تدير شي هكي تي هيا جنس أدم تكرهم
مارن :زعما مرا
محمد :خيرك سكتي مارن
مارن :لا شي ، يوسف وين نتصل بيه مقفل
محمد :وقته يوسف ،منعرفش وين كلمته وكان متنرفز وقالي مخاطريش نكلم حد وصكر منندريش بيه
أفنان :محمد أختي مستحيل تدير هكي

عمر :تت توليب
توليب : 😭😭😭😭
عمر :خلاص معاش تبكي ،شن هذا جسمك كله أزرق وفمك دم
توليب :ساكته وتبكي بالعبره
عمر بدون ميحس علي روحه خداها في حضنه وقعد يمسح علي شعرها خش بوها وطاح فيها ضرب
عمر : دف أحمد خلاص لو كان هكي من اليوم ناخدها معاي عالحال هذا يوم العرس ميته
أحمد :إنت بلا ترباي ....يتبع 🥺 سادكم حلقة طويلة 3059 كلمة🤦🏻‍♀️نبي لايكات را🥺😭♥️.