امرأه مبعثره علي دفتر

الحلقه السادسه

مرحبا صديقي الدفتر
الشعور بالذات ،،،ان يكون لك كيان مستقل رأي يحترم وتتعرف علي اناس جدد ،،،،، مر اسبوع لم اتمكن من افضاء مااحمل لانني ببساطه لااجد الوقت ،،،، اليوم يمر بسرعه الصاروخ ،،،، في البدايه كنت متوجسه ولكن الاستاذ عادل رجل في الستين من عمره اتعامل معه باريحيه شديده وفي الحقيقه هو لم يبخل علي ببحر المعلومات التي يملكها تقريبا اعطاني خبرته في العمل خلال هذا الاسبوع ،،،،الاستاذ حسام تغيب عن العمل لسفره للخارج وهذا منحني اريحيه اكثر ،،،، العمل ليس معقد بالعكس من السهل احراز تقدم فيه ،،،اطراء الاستاذ عادل ومأزرته ودعمه منحني ثقه كبيره في التعامل ،،،تعرفت علي اثنان من الزملاء هم الاقرب للتعامل معي الاستاذ نادر رئيس الحسابات وغاده مسئوله العلاقات العامه ،،،، لم اشاء التوغل في المجتمع الجديد لاني لااعرف احد او بمعني اصح انا فاشله في تكوين صدقات ،،،، لذا وقت الراحه اقضيه بمكتبي ،،،ولكن اصبح لي صديق (عم سيد) عامل البوفيه رجل تخطي الستين من العمر ويناديني دوما تغريد اعتدت علي قهوته الصباحيه ودعواته الصادقه التي تشرح قلبي ،،،، عم سيد رجل متزوج ولديه اولاد كبار اخرهم ابنته التي يجهزها للزواج والذي اخبرني ان حسام هو من يساعده كما ساعده في زواج ابنته الكبري ،،،
حضر حسام اليوم للوهله الاولي لم اعرفه ،،، حسنا ملامحه لم تنطبع في ذاكرتي لهذا الحد ،،،، حتي انتشلني الاستاذ عادل
#حمدلله علي السلامه ياحسام بيه
حسام #الله يسلمك يااستاذ عادل هاه ايه الاخبار يامدام رغد الشغل كويس ولاااا
اناب عني الاستاذ عادل
#في الحقيقه ياحسام بيه احسنت الاختيار فعلا ،،،تلميذه نجيبه جدا انا ممكن اسلمها المكتب دلوقتي وانا مطمن
حسام ببتسامه #تمام يبقي تستلمي دلوقتي المهم تكوني مرتاحه معانا يااستاذه
#مرتاحه جدا شكرا
وضع ملف علي المكتب وقال ببتسامه
#تمام ارفعي الورق ده علي الكومبيوتر
ترك لي الملف ليدلف الي مكتبه الاستاذ عادل
#شوفي يارغد دي بقي الحجات اللي بره الشغل انا لسه مقلتلكيش عليها ،،،حسام بيه اول مابيجي الصبح تعمليله كوبايه قهوه مظبوط ،،، هو مش بيدقق لو انتي اللي هتعمليها اوعم سيد بس المهم تكون علي مكتبه قبل الساعه تسعه ،،،،، وبيشرب واحده كمان علي الساعه اتناشر كده ،،، حملي انتي الورق اللي معاكي وانا هعمله القهوه
قال جملته ليختفي ليدخل احد خلف الابواب ،،، جلست لارفع المستندات بيدي علي الكمبيوتر ،،،انتهيت بسرعه لاري الاستاذ عادل يخرج من المطبخ الصغير يحمل كوب القهوه ويتحرك بتجاه المكتب ،،، وبعدها رحل الاستاذ عادل ،،،، مر اليوم وفي وقت الانصراف حملت حقيبتي وانصرفت بهدوء فهو لم يطلب شئ ،،،،،عدت سريعا للبيت لافاجأ بوجود احمد ،،،، اللعنه الايمكنه ان يبتعد ببساطه عن حياتي لقد سئمته وسئمت وجوده بالكليه بادرني مهاب
#ماما بابا اجا عشان نجيب حجات المدرسه كنا مستنينك عشان تيجي معانا
ربت علي شعر مهاب
#معلش ياهوبه روح انت ومهره مع بابا عشان انا جايه من الشغل تعبانه
احمد بسخافه منقطعه النظير #انا مش هعرف اجيب الحجات اللي هيحتاجوها ،،،، انتي اللي بتبقي عارفه
زفرت بضيق # مهاب خد اختك وادخل جوه عشان ليا كلمتين مع بابا
تحرك مهاب ومهره للداخل لاقول بحده
#انت بتستعبط اخرج معاك ازاي يعني
وقف امامي ليجبرني علي رفع رقبتي لاري وجهه
#ايه المشكله يعني مش الولاد معانا
ابتعدت للخلف لاعقد ذراعي
#انت عارف كويس اوي اني مستحيل اخرج مع راجل غريب
تقريبا انا لم افكر والجمله كانت بمثابه صفعه علي وجهه هذا مارايته في لمعه الغضب بعيناه اقترب خطوه لارجع للخلف مثلها ليس لاني اخافه في هذه اللحظه شعرت اني لن اتحمل لمسه واحده منه مجرد اقترابه اصابني بالنفور وخرج صوته غاضب ليؤكد حدثي
#ومن امتي بقي انا راجل غريب
التمرد والتحدي صفتان اكتسبتهما مؤخرا
#من يوم ماطلقتني واتجوزت واحده غيري يااحمد واسلوب لوي الدراع بالعيال ميمشيش معايا
ضاقت عيناه #ودا من امتي
#من زمان بس واضح انك متعرفنيش
قال بحده #معرفكيش دا ايه داانا اللي مربيكي علي ايدي
كفايه بقي عقاب مشبعتيش ،،،
#انا مش بعقبك بلاش اوهام يااحمد ،،،، احنا حياتنا كان المفروض تنتهي من زمان اوي عارف من امتي ،،،من يوم ماسقطتني وكسرت دراعي ،،، بس تقول ايه كنت غبيه مبفهمش ،،،،وانا دلوقتي بقولهالك شكرا جدا لانك اتجوزت شكرا جدا لانك طلقتني
حسنا نجحت في رسم الصدمه علي وجهه
#رغد انا بحبك و
قاطعته #عارف زمان كلمه زي دي كانت ترضيني ،،،برغم انك مكنتش بتقولها بالصدق ده ،،، لكن دلوقتي متلزمنيش زي اللي بيقولها بالظبط ،،،،، لو هتاخد العيال تجيب ليهم حاجه المدراس تمام مش ناوي براحتك عن اذنك
كان يجب ان انسحب ،،، خمسه عشر عاما زواج كفيله ان اعرف احمد من نظره عيناه ،،،، تلك النظره الراغبه المشتعله بها اعرفها واحفظها وسنوات وسنوات كنت احتملها مرغمه ولكن الان ،، لا .... وكعادته حاول استعمال القوه ،،، احمق فماان لمس شفتاي حتي شعرت ببروده تجري بعمودي الفقري ،،، الرفض شعورى الدائم معه وللمره الاولي اظهره واضح ولاامثل استجابه باهته والغريب انه لم يكتشف يوما انها تمثيل ،،،، فقط كان ينعتني بالبارده ماان اتهرب ،،،هزه عنيفه منه انتشلتني من افكاري
#انتي ايه اللي جرالك ،،، رغد انا عاوزك وحشتيني
دفعه بصدره ولانه لايتوقع ارجعته للخلف لاهدر بوجهه
#عارف لوحاولت بس وكررتها انسي انك تشوف وشي تاني فااااهم
عقد ذراعيه وقال بسخافه
#هكررها يارغد ،،،، هكررها عشان انتي وحشتيني ،،، وانا وحشتك انا حافظ جسمك زي خطوط ايدي انا عارفك اطتر من نفسي
ضحكت بشده وضحكي جعله يتسال
#انتي بتضحكي علي ايه
قلت بسخريه #علي النكته اللي قولتها ،،، ، اوعي يصورلك عقلك انك بترضيني كراجل ،،،، ولامره يااحمد ،،، بس كنت راضيه عشان كنت فاكره ان انا بحبك ،،،، بس برافو عليك خلتني افوق من الوهم اللي كان كاتم علي نفسي ،،،،
كسر رجوله رجل ليست بالامر الهين ،،،، هذا لاني شاهدت احتباس الدموع بعيناه
#انتي بتقولي ايه
اللعنه علي الجبروت الذي تملكني في هذه اللحظه
#انت كراجل كويس ،،، بس مبتحركش مشاعري يااحمد ،،، افتكر كده انا عمري قلتلك انت وحشني ،،، عمري قربت منك من غير مانت تقرب ،،،، كنت بمثل عشان مجرحكش ،،، ولما كنت بتلمسني بفضل بس استني انك تخلص ،،،،عشان دا كان حقك وشرع ربنا وانا مقدرش امنعك ،،،، بس لحد كده وكفايه اوووي
للاسف رايت العبره التي سقطت من عيناه ،،،، لااعرف اين ذهبت الرحمه من قلبي في هذه اللحظات ،،،كيف تجبرت هكذا (استغفر الله العظيم )الكارثه اني لست نادمه ،،،ولم ارأف لحاله ،،،، الضربه قويه خصوصا لرجل يعتز برجولته كاحمد ،،،،، ترك البيت وانصرف دون اي كلمه ،،،،ماذا يريد مني ،،،لما لايتركني لحالي ،،،،برحيله كان علي مواجهه اسئله مهاب
#ماما هو بابا مشي مش هنجيب حجات المدرسه
تماسكت قدر الامكان
#معلش يامهاب ادخل قوضتك دلوقتي وانا بكره هاخدك انت ومهره واجيب ليكوا اللي انت عاوزه
#ماما هو بابا طلقك ليه
سؤال من طفل في الثالثه عشر من عمره ،،،اشعرني اني عاريه واحتاج من يسترني
#ملكش دعوه بالكلام ده
#ماما انا مش عيل صغير ،،،، اطلقتي عشان هو اتجوز مش كده
طفلي يحاكمني اوقفني امام نفسي لانظر لها بحقاره ،،، طوال خمسه عشر عاما لم افكر بنفسي ولامره واحده ،،،والمره الوحيده التي فعلتها هدمت البيت ،،، نعم انا من هدمه انا من وضع اطفاله في تلك المعضله التي ليس لها حل ،،،،، في هذه اللحظات وانا عاجزه بالكليه عن الرد علي مهاب ،،، شعرت انني اخطأت للمره الاولي في طلب الطلاق انني انانيه لم افكر باطفالي ،،،، نظرت لنفسي وحسب ،،،الرحمه تأتي من الله سريعه ضم مهاب راسي اليه ليحتضني ويربت علي شعري وكاني انا طفلته ،،،، طفلي الصغير جبر كسري بعناق وكلمات صادقه
#ماما انا بحبك اووي ،،، انتي احسن ام في الدنيا
فقط لم اجد سوي الاعتذار
#حقك عليا يامهاب حقكوا عليا
مسح دموعي وقال
#انتي مغلطتيش عشان تعتذري ،،، ماما انا اسف مقصدش ،،، مش انتي بتقولي عليا رجلك وسندك
#ايوه انت راجلي وسندي يامهاب ربنا يخليك ليا
#ويخليكي لينا ،،، يلا قومي بقي نامي عشان ننزل بكره نجيب الحجات زي كل سنه
اري الدنيا من خلف زجاج مشوش ،،، لاحصل فقط علي رؤيه مشوشه مربكه ليس بها دليل ،،، هل انا علي صواب ام خطأ ،،،، لست ادري