امرأه مبعثره علي دفتر

الحلقه الثانيه عشر

عزيزي الدفتر
احيانا تصارعك الحياه بكل قوتها لتريك وجهها القاسي واحيانا اخري تبتسم ،، اياك ان تغر من ابتسامتها ،،،، فالليث لايبتسم فقط يكشر عن انيابه
تقريبا اصبحت حياتي عباره عن معركه لاتتوقف ،،، هدنه واطلاق للنار ،،،،، ولكن الحرب ماتزال مستمره ،،،
اكتشفت بعد ثلاثون عاما وهو جمله عمري في الحياه ان فارس اخي لحوح لحد الشنق ،،،، نعم احيانا تتملكني الروح الشريره وتبعث بداخلي ميول اجراميه لاتخيل اني اقتلهما معا ،،،، اخي واحمد ،،،، حسنا لاداعي لقتل اخي فلديه زوجه واطفال وهو يدافع عن مصلحتي من وجهه نظره هو ، ،،،،، عزيزي المواطن احمد ،،،، قرر فضيله المفتي (انا لسه هستني القاضي لما يحول ورقك )اعدامك رميا ب،،(البولغ والقباقيب ،) ،، باحذيه منقرضه ،،، ،اوه منعش هذا الاحساس ،،،، شريره انا اليس كذلك 😈،،،،احمد لم يكف عن ملاحقته المستمره لي ،،،،،، تقريبا اراه في كل مكان وانا اركب سياره الشركه في الصباح من امام البيت وعندما اعود ،، تقريبا احمد ترك كل شئ وتفرغ لي ،،،،الغريب ان احمد لايسال عن الاولاد بالمره ،، ،علي الاقل يحاول الحفاظ علي صوره الاب بداخلهم ولكن لاشئ ،،، لايتصل وتقريبا يخشي علي عمره فلا ياتي ،،،، مهره دائمه السؤال عليه تلح الحاح طفله في السابعه من عمرها لاتتقن شئ سوي الالحاح ،،، الي الان انا اتعامل علي ان احمد اعظم رجل في التاريخ امام الاولاد انا في غني عن اي عقد نفسيه لاولادي ،،، لااريدهم ان يتمزقوا ،،، اباهم هو الاب المثالي هكذا اتحدث عنه امامهم متغاضيه تماما ان هناك صوت يكاد يصم اذني يرتج بداخلي (يامنافقه ياكذابه )،،،،الكارثه ان احمد يظن انه بملاحقته لي بتلك الطريقه سألين ،،ولكن في الحقيقه الرعب كل يوم يتزايد بداخلي منه ،،،، حتي بت احلم بكوابيس بطلها احمد ،،،،،،استيقظ مفزوعه واستعيذبالله ان يصرف عني مانا فيه ،،،،، لقد بت اراي احمد شيطان حقيقي ،،،فقط ينتظر الفرصه لينالني ،،،،،،احمد ببساطه يقضي علي كل شئ حتي الذكري الطيبه لرجل عشت معه لخمسه عشر عاما وللاسف لم اعرفه ،،،، درس جديد من دروس الدنيا ،،،،الرجل لايستعمل جبروته الاعلي المراه الضعيفه المستسلمه ،،،، ايا كان جبروت الرجل فهناك في مكان ما امراه تستطيع تحجيمه ،،،،،الحياه حرب والخاسر فيها هو من يسمح لهم ان يدهسوه ،،،،رغد الضعيفه انتهت من الوجود ،،،،رغد التي لم تكن تحلم بأكثر من كلمه طيبه وحضن دافئ ،،،وعندما تتمادي باحلامها تحلم بزهره وكلمه عشق رومانسيه تضعها فوق السحاب ،،،،،انتهت تلك المراه انتهي عهدي بالاحلام الناعمه ،،،،ايقنت انها اوهام فحسب ،،،مجرد اوهام لخيال مريض لايستطيع المواجهه والعيش بتلك الحياه ،،،، لعل النسمه الوحيده التي تعبر بداخلي تروي بعض المشاعر المحرمه هو ،،،، حسام يسطيع ببساطه ان يخرجني من هذه الحرب ،،، غريب والاغرب انه استطاع معرفتي يمنحني مااريده معنويا وفي الوقت الذي احتاجه ،،،،،، منذ يومين مرعلي المكتب في الصباح كعادته ليعطيني ورقه
#ادي دي لمهاب
#انا مش عارفه اقول ايه لحضرتك ،،، انا عارفه ان مهاب بيضيع وقت حضرتك ووانت علي طول مشغول
قاطعني #صدقيني انا محتاجله اكتر بكتير
عيناه امتلئت عن اخرها حزن ،،،، حزن جعلني اتسائل بداخلي عن سببه
#مش فاهمه حضرتك تقصد ايه
#متشغليش بالك
توجه ناحيه المكتب لاسئله بفضول
#طب هي الورقه دي حاجه خاصه يعني ولاممكن اشوفها
التف ليعقد ذراعيه
#دا علي اساس لوقلتلك لاء مش هتفتحيها مثلا
حدقت بعيناه لانفجر ضاحكه
#واضح ان حضرتك عارفني كويس
#ياريتني كنت عرفتك من زمان
جمله تقريبا تفلتت منه لانه اشاح بوجهه ودخل المكتب ،،، ظللت شارده لفتره لاحاول فهم مايعني ،،،،لما كان يريد معرفتي من زمن وهل سيشكل هذا فارق في حياه كلينا انتبهت علي رنين هاتفي
#خير يافارس
#انتي في الشغل
#ايوه امال هكون فين يعني
#طب تمام انا هجيلك بليل
#تمام يافارس هستناك بعد العشا كده
اغلقت الخط لافاجئ به امامي عيناه التي كانت تحمل الم وحزن جارف تحولت الي عيون تنفث نار وتخرج ادخنه عاليه
#مين فارس
سؤال ليس من شأن احد ان يسأله هذا ماكنت غلي وشك قوله لولا انه قال #انا اسف ،،،عاوز ملف شركه الحياه
اختفي من امامي بلحظه ادخلت له الملف الذي طلبه ولكنه لم يرفع عيناه عن المكتب ولم يتحدث حتي رحلت السؤال بنظره عيناه الغاضبه ظلت تلاحقني ،،، هل يهتم حقا ،،،، في البيت تذكرت الورقه التي نسيتها تماما فتحتها لاجدها نتيجه اختبارات مهاب ،،،الدرجات النهائيه كنت علي وشك القفز والطيران ،،،، خرجت الي مهاب لاحتضنه
#مبروك ياهوبه حسام جاب النتيجه من الكنترول
ناولته الورقه ليقفز عاليا السعاده ليس فقط بنجاحه ،،، السعاده الاكبر لانه لم يخذلني ،،،، كل ما كنت اخشاه ان يتأثر الاولاد بانفصالي عن احمد ولكن مهاب اثبت العكس ،،،،لعل مهره ماتزال صغيره ولم تتأثر كثير غير بفقد اباها ،،، مهره تعلقها الاكبر باحمد ،،،وهذا يجعلني دوما اختنق كلما سألت عليه ،،،
#هديتك محفوظه يااستاذ احسن تليفون بس لما اقبض ماشي
مهاب بتردد #لاء انا مش عاوز تليفون
#غريبه داانت بتزن عليه من اول السنه ايه اللي غير رأيك يعني
#اصل اااا عمو حسام وعدني انه هياخدني معاه النادي ويعلمني اركب خيل لو انا نجحت وجبت الدرجات اللي هو قال عليها ،،،،،والنبي ياماما عشان خاطري ،،،،داانا كنت بموت نفسي مذاكره هو قالي ان انا اللي لازم اقنعك انتي اقتنعتي مش كده
#طب هو مقليش ليه
#هو قال انه مش هيقدر يقولك وانا اللي لازم اقنعك عشان متفهميش الموضوع غلط
#طب انت هتروحله ازاي
#هيستناني عند المدرسه يوم الجمعه عشان خاطري ياماما وافقي انا مش بخرج خالص
#طيب يامهاب مفيش مشكله روح
اسرع ناحيه الهاتف ليتصل
#ابقي اتصل الصبح
#ايوه ياعمو حسام ماما وافقت
#######
#ماشي الساعه تسعه تصبح علي خير
غريبه حقا ،،، ماالذي يجعله يهتم لتحفيذ طفل يضيع الوقت معه ،،، لقد اصبحت علاقه مهاب بحسام تحيرني بحق جاء فارس ليتحدث في نفس الموضوع الذي لاينتهي
#طب وبعدين يعني هتفضلوا علي كده لامتي ،،، احمد عاوز يشوف عياله
#والله محدش منعه يافارس يديك الوقت اللي هو عاوزه وانا هجيبلك العيال ويشوفهم عندك ،،،، احمد مش هيدخل البيت ده طول ماانا هنا
#يعني ايه يارغد هتمنعيه يدخل بيته
#انا حاضنه يافارس يعني دا بيتي انا ،،،، وبعدين انا واحده بخاف علي سمعتي ودا راجل غريب
#انتي مش ناويه تجيبها لبر طب واخرتها
#انت عاوزني ارجع لاحمد ليه يافارس عشان ثاحبك مش كده ،،،،زي ما اشتريت صحوبيته زمان لما اجتلي المستشفي وانا بنزف ودراعي مكسور ،،،، ومسالتش حتي ايه اللي عمل فيكي كده
#لاء طبعا سالته وقالي انك اتزحلقتي في الحمام
#لاء متزحلقتش يافارس ،،،هو اللي عمل فيا كده ،،،سكت وعشت وكملت ،،،كنت عيله صغيره بيضحك عليها بكلمه ،،،، انا اللي اتحملته من احمد انت متتخيلوش ومش هقولك عشان داكان راجل بيني وبينه عشره ،،،،بس كفايه بقي لحد كده ،،،،،،انا مش هرجعله يافارس ،،،، مفيش يوم هلين واللي بيعمله ده ولاليه لزمه
#خلاص يارغد ،،، انا مش هضغط عليكي اكتر من كده
هل سانتهي اخيرا من الحاح فارس ،،،، شعرت براحه حقيقيه للمره الاولي منذ مده ،،،، في صباح اليوم التالي لم يحضر حسام في ميعاده ،،،، اتصلت به ولكن هاتفه مغلق راجعت مواعيده ليس هناك شئ ،،،دخلت لمكتبه لعلي اجد ورقه او اي شئ يذكر فيها انه سيتغيب ولكن لاشئ ،،،، اين ذهب ،،، ماذا اصابه ،،،قلبي ليس مطمئن بالمره ،،،حسام لم يتغيب ابدا عن العمل ،،،،حتي وهو مريض يحضر ،،،،،،،كدت اجن حرفيا وانا لااعرف عنه شئ ،،،كنت علي وشك البكاء الفعلي كام فقدت طفلها وانا لااعرف عنه شئ مئات الاتصالات اجريتها ولكن لااجابه ،،،،،،واخيرا حضر ،،،
#حسام انت كنت فين حرام عليك قلبي كان هيقف من القلق
لما لاتنشق الارض وتبتلعني ببساطه لهفتي جعلتني اندفع ببلاهه منقطعه النظير ،،،، شعرت ان وجههي علي وشك الانفجار تحت نظرات عيناه اللامعه همس ليزيد حرجي اكثر
#سلامه قلبك ،،، معلش كنت محتاج ااقعد مع نفسي شويه ،،، اسف عشان قلقتك
حاولت الاصلاح فتقريبا (نيلت الدنيا )
#لاء ابدا مش كده بس اااا اصل الناس كانت بتسأل عليك وووانا مش عارفه انت رحت فين ووورجعت مواعيدك
حمقاء واستحق ان اصاب بالبكم لانه سأل السؤال المنطقي
#مين اللي سأل عليا
(طب مينفعش اروح انا ) اصبت بتلعثم ولساني ثبت فقط علي حرف واحد
#اااااااااااااااااااااااا
#بس خلاص محصلش حاجه عشان دا كله وعلي العموم شكرا علي قلقك معلش اعمليلي كوبايه قهوه
عفاني من الحرج ودخل للداخل لازفر بقوه وانا مازلت غارقه في حماقتي ،،،اعددت له القهوه ودخلت لمكتبه
#شكرا عشان اللي حضرتك بتعمله مع مهاب مكنش في داعي تعطل نفسك
#مقولتلك انا محتاجه اكتر ماهو محتجني
#مش فاهمه
ارتشف بعض من قهوته
#ممكن اسالك سؤال
#خير
#انتي اتطلقتي ليه
قلبي اعتصره الالم ،،،ولاادري لما اردت بشده ان اقص عليه حياتي ان اكشف مكنون ذاتي امامه ،،،، حسام اقرب الي مما يتخيل هو
#يعني تقدر تقول ااااختلاف في وجهات النظر
وجهه امتلئ ذهول
#ااامهاب عنده تلاتاشر سنه يعني علي الاقل عشتي معاه اربعتاشر سنه ،،، مستحيل اختلاف في وجهات النظر يخليكوا تنفصلوا
سخريه ومراره الواقع الاليم
#الاختلاف كان في حاجه مقدرتش ااقبلها ،،،، هو شاف ان بجوازه من واحده تانيه عشان الفلوس فرصه عمره ،،،وانا شفتها خيانه وانه كده بيبيع رجولته بس كده
#حمار
نظرت اليه لعلي سمعت ماقاله خطأ
#انت قلت ابه
مرر اصابعه في خصلات شعره الناعمه (شعره حلو اوي الصراحه )
#مهو الراجل اللي يبقي عنده زوجه زيك واولاد وميحمدش ربنا ليل ونهار يبقي حمار
زوجه زيك ،،،، جمله رائعه داعبت شئ ما بداخلي ،،،،رده كله جعلني احبه اكثر انتبهت علي سؤاله
#طب العلاقه بينكوا ماشيه اواي يعني
#شوف لما اطلقنا انا قررت نبقي اصدقاء عشان خاطر
الاولاد
قاطعني #وبيجي البيت عادي مش كده
اكتشفت في حسام انه احيانا يندفع ثم يندم وهذا مارايته في عيناه
#لاء هو كان بيجي بمواعيد وبياخد العيال يوم الجمعه يفسحهم عادي يعني الدنيا كانت ماشيه لحد مااشتغلت
#حس انك هتروحي من ايده عشان كده بدا يتصرف بهبل
#بالظبط كده ،،، المشكله فعلا انه معتش بيسال علي العيال ودا مأثر جامد علي مهره
#وووانتي
#انا ايه
#عاوزاه يسال
#علي مهره اكيد لانها علي طول بتسأل عليه ومعنتش لقيه حجج ااقدمها ،،،مهاب كبير شويه وتقريبا كده معتش بيسأل عنه هو كمان ،،، للاسف احمد مش قادر يفصل بيني وبين العيال ،،،
التردد هذا ماكان يملئ عيناه في هذه اللحظه
#يعني هو مش بيكلمك
#بيحاول بس انا مش برد عليه
#امال مين فارس
سؤاله جعلني احدقه ليورثني ابتسامه رغما عني هل اصدق مااراه ،،، هل حسام حقا يغار علي
#فارس يبقي اخويا الكبير ،،، هو اسمه احمد
زفره ارتياح تفلتت منه ليسال
#سؤال اخير ،،، انتي ممكن تفكري ترجعيله عشان خاطر العيال يعني
اومات رفضا لمعان عيناه خطفني بصدق داخله ،،،،
#لو طنت عاوزه ارجعله كنت رجعتله ،مشكلتي مع احمد
قاطعني #محبتهوش ،،، اتعودتي عليه لكن حب لاء ،، عشان ببساطه مينفعش العلاقه تتحول لصداقه
اعتدت عليه واعتدت علي الرضا بما قسمه الله لي ،،،،اختصر حالي بجمله
#يمكن انا اتجوزت وانا عندي ستاشر سنه ومكنتش اعرف حاجه في الدنيا ،،،، بس هيفضل ابو ولادي دا مقدرش اغيره ،،،، انا معنديش اي مشكله ،،، المشكله عنده هو ،،، مش عاوز يسيبني في حالي ،،، مش عاوز يفهم ان صفحتي معاه انتهت ،،، بس اكيد هيزهق
#اللي بيحب مش بيزهق من اللي بيحبه ،،،
#لاء وانت الصادق ،،، احمد صدق اوي اني الجاريه بتعته والجاريه مينفعش تبقي حره
#سعات الانسان يفضل في غفله لوقت طويل ،،،،يفضل يحط جرح علي جرح ،،،، يداريه ويمثل انه عايش ،،،يرسم ضحكه مش حاسسها ،،،ومشاعر مش شايفها ،،،لحد ماتيجي ضربه توقعه علي وشه وتجدد كل الجرح اللي جواه وقتها بس بيفوق ويشوف الحقيقه انه عمره ماعاش
لقد وصف حالي بدقه وكأنه كان يعيشها معي ولكن الشجن الذي تحدث به مس قلبي ،،،بل مزق قلبي ،،،رجل كحسام يمتلئ حنان وود يعاني هكذا ،،،تمنيت بشده ان اسأل ان اعرف ماسبب هذا الحزن الذي يسكن عيناه
ولكن لساني انعقد #عندك حق
حسام بالفعل رجل يشرف اي امراه تنتسب له ،،،، رجل الانتساب اليه عار اهرب منه ،،واخر الانتساب اليه فخر اتمناه فقط علي سطورك دفتري
،،،،،،،،،،،، ،،، ، ، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،