امرأه مبعثره علي دفتر

الحلقه العاشره

عزيزي الدفتر
طلاق المراه في اي مجتمع متحضر ،،،يعني انها لم توفق في اختيارتها السابقه وعليها الاختيار بشكل افضل ،،،،عندما تطلق المراه في مجتمع شرقي ،،،،،هذا يعني ان توضع تحت دائره الشك الدائم ،،،، ان ردت السلام علي رجل فهي تريد منه شئ ،،، وان ضحكت توسم بالعاهره ،،،، اللعنه علي تفكير عقيم غير منصف بالمره ،،،،
بالامس كان نهايه الاسبوع ،،، اي يوم مكوثي بالمنزل لتنظيفه المعتاد انا والاولاد ثم الذهاب الي السوق هذا مااعتدنا علي فعله كل اجازه ،،،، بالامس كان مختلف بالكليه ،،،في الصباح استقيظنا علي طرق عالي للباب ،،، لم يكن الوقت مبكرا كانت تقريبا العاشره ،،،، فتحت الباب لاجد احمد بوجهي نظره واحده لوجهه تكفي ان اعرف انه مقدم علي جريمه (علي وشه غضب ربنا يعني )
#خير يااحمد في ايه ،،،ايه اللي جابك دلوقتي
ازاحني ليعبر للداخل وقال بغضب
#في ايه انتي هتمنعيني اجي بيتي كمان
حسنا بدأت ذبذبات الغضب تتعالي بداخلي استغفرت فيدو انه يوم سيئ من بدايته
#لاء مش همنعك ولاحاجه بس في حاجه اسمها تليفون قبل ماتيجي ،،،ولامش واخد بالك اننا مطلقين
خرجت مهره من الغرفه تفرك عيناها بنعاس
#بابا وحشتني
قال بغضب جعل الفتاه ترتعد
#غوري علي اوضتك ومشوفش حد فيكوا هنا
حسنا الامر تعدي كل الحدود
#هو في ايه بالظبط ،،، جاي علي الصبح تقول ياشر
وقف امامي رجعت خطوه للخلف تحسبا فقط وهدر
#مهو طبعا مانا معنتش عاجب ،،، عشان في واحد تاني نقعد ونتكلم ونتساير وياعالم ايه اللي بيحصل تاني
صفعته انا الان هادئه نوعا ما واشعر بالنشوي كلما تذكرت ،،، صفعته (ياااس) لم اشعر باي شئ الاعندما ارتطمت يدي بوجهه في الحقيقه انا كنت رغد اخري لا اعرفها انا شخصيا ،،، لاادري كيف فعلتها ثم تكلمت وكأن شيء لم يكن
#اخرس ،،، ليه انت فاكر الناس كلها زيك ،،،، انت ازاي تسمح لنفسك تقول عليا كلام زي ده
خمسه عشر عاما ولم اكتشف الطريقه المثلي للتعامل مع احمد سوي اليوم ،،،، الاستسلام له يزيده طغيان والمواجهه تردعه جلس علي المقعد خلفه
#عاوزاني اعمل ايه يعني وانا عارف انك بتقبلي واحد
قاطعته بغضب #بقيه ،،،، بقابل واحد ،،،،،انت معتوه ،،، انا كنت في فرح وكنت قاعده لوحدي
#انتي عمرك ماسيبتي العيال تعد مع حد ،،،
#سيبت العيال عشان قدام عيني ،،، سيبت العيال مش قعدت مع واحد ،،،، احنا من يوم طلقنا وانا بحاول احافظ علي العلاقه اللي بينا عشان خاطر عيالي ،،،،بس واضح اني كنت غلطانه
قال باختناق
#رغد انا مقصدش انا كنت هتجنن ،،، رغد مش هستحمل راجل يقرب منك
كان يجب ان اسجل تلك اللحدات التاريخيه ،،،،صفعت احمد وصرخت بوجهه وهو الذي يعتذر قاطعته
#عشان انا بتعتك مش كده
قال بتاكيد #ايوه انتي بتاعتي
#اطلع بررره
رايت الصدمه وعلامات البلاهه مرتسمه بابهي صورها علي وجهه
#انتي قلتي ايه
#قلت بررره ومتجيش هنا تاني من غير ماتتصل بالتليفون مفهوم
الغريب انه تحرك ليرحل انصاع ببساطه لاوامري ولكن لابد ان ينفث سمه قبل ان يغادر
#تمام بس مش هتبقي لحد غيرك وانا هوريكي
اغلق الباب لافقد كل توازني وثباتي واجلس علي المقعد خلفي ابكي بانهيار حرفي ليتجمع حولي الاولاد ويتحدث مهاب
#ماما عشان خاطري متعيطيش انا اسف ،،، انا اللي غلطان ،،، انا حكتله اللي عمو حسام عملوا معايا عشان يهتم بيا زيه ،،،، بابا مش بيسمعني ،،،،مكنتش اعرف انه ممكن يعمل كده
اللعنه احمد كنت اظنك زوج فاشل فقط ولكن اتضح ان ولدك يراك اب فاشل احتضنت مهاب بين ذراعي لتتعلق بنا مهره وثلاثتنا يبكي ،،، نعم شعرت حرفيا بالظلم والقهر فانا لم افعل شئ ،،،ولكن بداخلي شعرت بتأنيب ضمير ،،، لان حسام بالفعل يشغل تفكيري ،،،ورغما عني قلبي تعلق به ،،،، القلب مره اخري ،،،،،حسنا فسد اليوم بالكليه ،،، صنعت طعام ولكني لم استسيغ ابتلاعه لادخل الغرفه اتمدد علي الفراش وعقلي يعيد علي كلمات احمد الزابحه
لم ينتهي اليوم بعد للاسف ،،،، في المساء طرق الباب لاجد مهاب امامي
#ماما خالو فارس بره
زفرت بقوه لاتحرك للخارج ،،،، اي عين تري رؤيه الدموع التي اسبلت جفناي المتورمه ،،،لكن فارس الذي من المفترض ان يكون سندي جاء ليتهمني هو الاخر
#ايه الكلام اللي احمد بيقوله ده
اللعنه علي كل رجال الارض ،،، احمد وفارس ،،،وشملت لعنتي في هذه اللحظه حسام الذي ليس له شأن باي شئ
#انا مش هدافع عن نفسي عشان انا معملتش حاجه غلط ،،،، ووالله لو متعرفش اختك ،،،اعرف ان انا كمان مش عاوزه اعرفك (انا تقريبا كده طحت في الكل )
فارس بتاكيد #انا لو صدقت كلمه واحده من اللي قالها عمري ماكنت جتلك ،،،، كنت اتبريت منك
ونعم الرجوله ،،،، لواخطات اخته يتركها تعاني المجهول تتخبط علي تخبطها اي اشباه رجال بليت بهم
#عشان خاطري يارغد بلاش تشوفي اللي اسمه حسام دا تاني ومفيش داعي للشغل اللي انتي عاوزاه انا متكفل بيه
التمرد صفه اعتقدت انها هدات ولكنهم يصرون علي ايقاظها
#مش هيحصل شغلي مش هسيبه ،،،، اوعي تكون فاكر اني خايفه منك ولا من الزفت التاني ،،، فوقوا بقي انا خلاص معنتش العيله الصغيره بتاعه زمان ،،،، انا براعي ربنا عشان بخاف منه هو وبس ،،،وعشان يباركلي في عيالي .لكن انتوا ولاحاجه في حياتي ،،، انا مش هقولك معملتش حاجه عشان انا مببرش تصرفاتي لحد
#رغد انتي بنتي مش اختي انا اللي مربيكي بس الكلام اللي قالوا احمد مستفذ ،،، انتي ست مطلقه واي شوشره علي سمعتك
قاطعته بحده #ولايهمني عارف ليه ،،، عشان انت لما ادتني لواحد اخترتلي واحد مش راجل ،،،، عشان هو لو راجل مش هيشنع عليا بالباطل عشان رفضت ارجعله ،،،، انا مش هعيش جاريه تاني لسي احمد ،، ، ولو هو اخر راجل في الدنيا مش هرجعله
هب واقفا #انا ماشي ولما تهدي نبقي نتكلم
الانكسار والقهر بداخلي تحول بكلمات فارس لغضب ،،،، غضب تستعر ناره بداخلي لتحرقني داخليا وللاسف احترق هو بها رنين الهاتف يبدو ان الجميع تذكرني في هذا اليوم خرجت من الغرفه لاستمع لبعض حديث ولدي الاحمق
#احنا كويسين ياعمو
#انت بتكلم مين
مهاب #دا عمو حسام ياماما بيطمن
كافي الي هذا الحد انتزعت منه الهاتف لاصرخ تقريبا
#استاذ حسام من فضلك متتصلش هنا تاني
واغلقت الخط بوجهه لاخر علي المقعد لاتلقي عتاب مهاب
#ليه كدا ياماما هو ذنبه ايه ،،، زمانه زعل دلوقتي
#اسكت يامهاب انت مش فاهم حاجه
#لاء فاهم بابا مش عاوز يهتم بينا ومش عاوز حد كمان يهتم
قال جملته وانصرف للغرفه عبقري هذا الولد اختصر حالي مع احمد بجمله واحده ،،،،،
في صباح اليوم كان علي الذهاب للعمل حتي لايظن (جوز التيوس )اني تراجعت والاكبر انه علي مواجهه حسام ،،،، حضر بمعاده المعتاد يحمل كميه كبيره من العمل يبدو انه انجزها بالبيت ،،،، بالتاكيد قضي ليلته بسهاد مثلي ،،،، طلب قهوته من عم سيد ،،عاد حسام (المقموص وبصراحه عنده حق )انا مدينه له باعتذار ومحاوله توضيح انا لااستطيعها وانا في تلك الحاله استجمعت شجاعتي وطرقت مكتبه دخلت وعيناي لاتفارق السجاده (عجباني اووي السجاده دي ) خرج صوتي مبوح وبالكاد يسمع اغمضت عيناي حتي لاتسقط دموعي معلنه عن ضعفي الكامل امامه
#استاذ حسام انا اسفه وياريت متطلبش توضيح عشان انا مضغوطه جداااوو
#رغد
للمره الاولي ينطق اسمي مجرد ،،،، لذا رفعت عيناي لتسقط العبره العنيده التي احتجزتها لاجده يجلس علي المقعد المقابل تتلاقت العيون للحظات متأثر منفعل وعيناه دامعه اتذكرها فقط الان واضحه بشده ،،،، حسنا لم تأثر دموعي في احد من قبل هكذا ،،،،وخرج صوته متحشرج
#انا كنت بحاول اساعد ،،، متخيلتش اني اكون السبب في الضغط ،،،،ان كدا اللي وصلك مني يبقي انا اللي اسف
حسنا يبدو ان نوبه الجنون لم تتركني بعد لاني ضربت قبضتي بالمكتب بقوه شديده لم اشعرها بالتاكيد وقتها لاهدر بغضب
#انت معملتش حاجه عشان تعتذر وانا معملتش حاجه عشان ابررها لاحد
جمله نزعلت علي غضبي كالبلسم الشافي ،،، جمله جعلتني اوقن انني وقعت بعشق هذا الرجل من دون مقدمات ،،،،جمله جعلتني اتمني فقط ان ارتمي بين ذراعيه ،،، ان اشعر بوجوده معي ان ابكي بغير انقطاع ليضمد جراحي النازفه
#اهدي مغيش حاجه في الدنيا تستاهل دموعك ،،، انا اسف بجد ،،، مش هقرب تاني ،،،بس خليكي واثقه اني موجود لما تحتاجيني ،،،هتتلقيني جنبك ،،،،واعتبري دي اخر مره ااقدم فيها مساعده بس هتقبليها المره دي غصب عنك
#،مساعده ايه
اشار الي يدي لانظر اليها وتتسع عيناي فيدي متورمه وبدات نغزات الالم تضرب شبكتي العصبيه جيد انها يدي اليسري
#تقريبا كده ايدك اتكسرت ،،هنروح للدكتور في عربيه الشركه ومفيش نقاش في الحكايه دي ،،، ولما تيجي بعد كده تخرجي غضبك ابقي اضربي ايدك في حاجه طريه متكسرهاش
انتزع الحزن والالم وشعور القهر بداخلي ليزرع فقط بسمه ،،، بسمه تخرج من وسط الدموع ....لعل اكثرها تأثيرا في حياه الانسان ان ينتشله احد من حزنه ليزرع علي وجهه بسمه
#تمام المره الجايه هعمل بنصحتك بس متبقاش تقف في وشي
لمعه عبرت عيناه لم استدل عليها
#ماشي انا مستعد للمره الجايه ،،، اتفضلي بقي عشان لازم دكتور يبص علي ايدك
تحركت معه للخارج اخضعني الطبيب لصوره اشعه ودهن يدي ببعض الدهانات وتم رفع يدي علي حامل جيد انها يدي اليسري اوقف احد السيارات وقال باسما
#بكره اجازه رسميه بمناسبه كسر ايدك ومتقلقيش العلاج هخصمه من مرتبك
#شكرا
#علي الخصم
#علي كل حاجه
#انا هتكلم مع مهاب في الفون بس ممكن
ايمائه من راسي ليبتسم انصرفت للبيت لافاجيء انه ارسل طعام جاهز للاولاد وليس هذا وحسب بل انه حمل عني مشقه الشرح
#ايه بس اللي يخليكي تشيلي الكومبيوتر
شعرت للحظات اني كائن فضائي لاافهم مايقوله
#عمو حسام اتصل بيا وقالي ان شاشه الكومبيوتر وقعت علي ايدك ،،،انتي محتاجه راحه عشان كده هو بعت الاكل وقالي سيبها ترتاح ،،،
نعم انا اكثر من ممتنه له ،،، انا عاشقه تطرق ابواب العشق للمره الاولي ❤