الـسـلامُ عـلـيـكـم🌻🌼
هشاشة قلب
الـبـارت_18_
الكاتبه_العباديه
"عيناهُ حَقـاً بالجمال تفـرّدت
و تمرّدت حتى سُقيتُ هــواهُ
عَـيـنـاهُ اللّٰهـمَ فـإغـفـر زَلـتــي
إنـي فُتِنـتُ و لـم أتُـب ربّـاهُ."
~~~~~~~~~~~~~~~~~~~~~~~~~~~~~~~
ثُرىٰ ...
فتحت الباب أضحك .. من شفتهه غابت الضحكه عن وجهي وتفاجئت .
شكو شعدهه ليش جايتنه !!؟؟
اول تالي شي فعلاً غريب !!
عدلت شعري حطيت گذلتي وره إذني لان هيَ تقلد وتكشكش .. باوعتلي ومقوسه الحواجب واني ابتسمت وكتلهه :-
- اهلاً وسهلاً
ردت بصوتهه وتتماوع والكشخه فول واللبس عبالك جايه لحفله .
ام ماهر... امج موجوده؟؟
- اي تفضلي
باوعتلي وباوعت من الفتحه على داخل البيت ووجهه معكمشته بإشمئزاز .. ردت اسمطهه راشدي اوعيها على زمانهه
ام ماهر.. اوف شلون ادخل
- ها خاله حطي رجلج اليمنى هنا وقدمي رجلج اليسرى وتدخلين واذا ماتكدرين تدخلين لان العمر مأثر بيج اني هسه ألبس عباتي وطلع ادخلج
هوَ اني گلتلهه هيج وهيَ ظلت تزأر عليه مثل الأسد كلشي ولا طاري العمر تتخبل وتتسودن .
ام ماهر.. وشبيه قابل مااكدر امشي هاج باعي شلون امشي اركض ركض
طبت للبيت مطفحه وتركض هيَ وجبتهه الضيگه .. خوش والله عرفت نقطة ضعفج يسميررره .
دخلتهه للأستقبال ورحت جبت ماي .. حطت رجل على رجل وتباوعلي شلون لازمه الصلاحيه والگلاص.
تقوس بشفايفهه وتمطمط بيهن ماعاجبهه .. قدمتلهه ايدي البيهه الگلاص ظلت صافنه على إيدي وعلى الگلاص كالت وصوتهه يتماوع
ام ماهر.. عيني معدكم مي جاهز بكاسات
- لا والله خاله ماعدنه بس هذا نعمة الله
- لعد انطيني الصلاحيه
- صار
انطيتهه الصلاحيه وظلت تشرب بيهه واني اباوعلهه من جوه الصلاحيه الشفافه شلون خشمهه فنتخ وحلگهه مفتوح عل حافة الصلاحيه وكلهه شكبراتهه على وجهه صارت .
يمه الضحكه لزمتني اريد اسكت ماكو .. ضحكت وطلعت رأساً .. صحت امي تگعد يمهه . امي كالتلي
- ولج دقيقتين كتلج اكمل عجين ماتحملتي تكعدين يمهه شلون بيج اذا صار بيت وحدج ويجيج خطار شتسوين
- ههههههه ماما انتِ لو شايفه خشمهه من جوه الصلاحيه تموتين ضحك
- فوتي يالعوبه فوووتي
أنت تقرأ
هشاشة قلب
Romanceلأنـي اُحـبك ، اغضب وأغار وأشقى ، أهُـددك بالرحيل دون عوده ولا ارحـل !!... أتوعـد بـأن أغلق قلبي ، واحـرقُ ذاكرتـي ، وألتـزم الصـمت ، ولم أفـعل ... أعـاهـد حسـي ونفسـي على النسيان ، واستطـعت ، ونسـيتُ كُـل شـيء إلا أنـت ..!!! 2019/9/20 2019/12/4
