هلو حبايبي ياله نبدي
العيب موبالزمن
العيب بينه احنه
طيبين ويه الخلك
والناس تجرحنه
نسامح اذا ننجرح
محد يسامحنه
مرت علينه محن
محنه بأثر محنه
ياهو ويانه وكف
بابشده من صحنه
طبع العولذل حسد
بالسؤ تنصحنه
واحنه كلبنه ذهب
دمعتنه تفضحنه
جنه:كعدت الصبح بدلت وطلعنه للصالون ومالي خلك روحي كلش ضايجه ومقهورة بس موبأيدي شي بدت ام الصالون تسويلي ميك اب سموكي وتسريحه رفعت جزء من شعري والباقي كيرلي ولبست الفستان لون ماروني والحذاء اسود وكملت الاختي وطلعنه اجه زوج اختي رجعنه للبيت وبدت الحفلة واني مجرد ابتسم حتى لايكولون جابريهه لحد ماكالو كومي راح تعقدون لبسوني ثوب الصلاه ووكفت يم الباب وبده الشيخ يسالني ووافقت وخلصنه العقد رجعت كعدت بالكوشهوكالو راح يدخل العريس دخل وكعد يمي ....
علي:مرحباااا خل اعرفكم بنفسي اني علي ابن عمهه ال جنه عمري ٢٥سنه طولي ١٨٠سم وجسمي معضل وبشرتي حنطيه وعيوني سود ونضرتي حاده واني اشتغل ملازم اول بالشرطة اني عندي خوات ٤ثنين متزوجات وثنين لا كاعدات بالبيت واخوان ٣واني الجبير اخواني متزوجين وعدهم أطفال اني كلش احبهه لجنه وكل مره اخطبهه وترفض بحجه المدرسه واعذرهه بس من صارت بالسادس كلت خلص راح تكمل دراسه لان جانت تقريبا الجزء الثاني من المدرسه ف هم موافقت صار عياط بين ابويه وأبو جنه اله ان اني نهيت عليهه وتحدد موعد الخطبه الجمعه رحنه الجمعه وصارت خطوبه رسميه وعقدنه وبعدهه دخلت حتى البس الذهب لعروستي بس من دخلت ملاك وكاعد اووووف تجنن طالعه كعدت يمهه وهمستلهه
علي:مبروك حبيبتي
جنه من وره خشمهه :الله يبارك بيك
علي:شلونج
جنه:زينه
علي:طالعه تجننين اليوم
جنه:هو اني دوم حلوه متغير شي بيه
علي:اوك
بده علي يلبسهه الذهب وهيه مبين عليهه كوه طايقته
علي بينه وبين نفسه ياله اتزوجهه واخليهه تعشقني مو بس تحبني
جنه:لبسني علي الذهب واني كوه طايقته ولبسته الحلقه وراهه طلع هوه وصلت البنات يركصن لحد ٩:٠٠باليل خلصت الحفله والناس راحت ضلو بس الاقارب صعدت سبحت وبدلت ونزلت حظرت العشه وي البنات ووتعشو وراحو الكل ضَلت بس اختي يمنه وصعدت كبل نمت من التعب
ثاني يوم كعدت غسلت ونزلت لكيت بس امي واختي كاعدات بالمطبخ وبابا وأخويه طالعين للشغل
جنه:صباح الخير
الام :صباح النور بنتي ياله تعاي آكلي شي بين مااكمل الغده
جنه:مر شهرين ع خطوبتي وعلي داائما يخابرني يسال عليه ويسده
واني بديت انعجب بي لان هو كلش مهتم بيه ودريت انو يحبني من خلال خواته وهم بعد راح أصير زوجته لازم أتعلم عليه وأحبه كملت يومي عادي واجه الليل تصل عليه علي .....
علي:الوو
جنه:هلو
علي:هلا بكلب علي شلونج
جنه:حمدلله وانته
علي:بخير من سمعت صوتج
جنه:دوم
علي:شتاقيتلج ليش متتصلين عليه بالنهار اله اني اتصل عليج شنو لهل درجه مرايدتني ولاحابتني
جنه:اااااا لا علي بس والله ملتهيه وماانتبه للفون اله انته تتصل
علي تنهد وكال :ماشي يالعمر قابل بكلشي بس.... وسكت
جنه:بس شنو
علي:جنه ارد إسالج سوال
جنه:اسال
علي:تحبيني
جنه:لارد
علي:جنتي جاوبي لاتسكتين
جنه: يي وسدت الخط بسرعه ضَل كلبي يدك ع السريع كبل رحت نمت
كعدت الصبح ولازم ابدي اراجع بأجر اول يوم متحاناتي واني سادس اوووووف شفت فوني متصل عليه مرتين ضليت ابتسم وي نفسي عفته ونزلت تريكت ونضفت البيت وساعدت ماما بالطبخ وتغدينه بعد مااجو بابا وأخويه وبعدهه صعدت راجعت امتحان بأجر وجنت كلش خايفه اول مكملت دك تليفوني شفته المتصل علي جاوبته
جنه:الووو
علي:هلا يابعد كلمن كال الو
جنه:شلونك
علي:حمدلله وانتي
جنه حمدلله شعجب متصل من وكت
علي:ههههههههههه يعني حرام اتصل هيج وكت
جنه:لا بس تعودت عليك تتصل ب ١٢:٠٠ ضبط
علي:وحافظه الوكت بعد
جنه:هههههه لعد شلون
علي:احبج بس مو اسدين الفون
جنه:اني هم اوك مااسده بس....
علي :جنه بس شنو
جنه:بأجر اول يوم متحان وكلش خايفه
علي:وليش الخوف اني متأكد منج طلعين طبيه
جنه:نشالله الله يسمع من حلكك
علي :حبيبتي
جنه:هاا
علي :بس ها
جنه:ها ح ح ح حبيبي
علي:اوووووووف واخير كلتيهه حبيبتي اليوم اريد انام ع صوتج
جنه:شلون
علي:يعني كومي طفي الاناره وسدي الباب ونامي بفراشج وتغطي وخلي الفون ع اذنج اسمع أنفاسج وانام
جنه:علي بس بعد وكت ساعه ب١١:٠٠هسه
علي:حبيبي بأجر وراج امتحان لازم تنامين من وكت حتى تكعدين تراجعين الصبح
جنه:اوك .....سويت مثل مكلي وصدك نمت حسيت الصبح ب ٦:١٥ صوت يكلي
علي:حبيبتي حبيبتي ياله كعدي
جنه بنعاس:امممممممم
علي خشن صوته شويه :ياله كعدي
جنه فزت من الصوت القوي الي صار بأذنهه كملت كبل :يمه يمه منوووو هنا
علي وهوه يضحك عليهه:ههههههههه ههههه ههه جنتي حبيبتي هاي اني
جنه :اووووف اوووف علي خرعتني اكو واحد هيج يكعد
علي:كعدتج بالطيب ماحسيتي جيتج بالعين الحمره ياله كعدتي
جنه:اممممم صباح الخير
علي:ليش هو كل صباح صباح صباح العافيه والياسمين
ياله كومي غسلي وتريكي وكعدي راجعي وراج متحان
جنه من كلي ع الامتحان بطني مغصتني :اوك حروح باي
علي :باي يعمري
جنه :سديت الخط وشفت الساعه ب ٦:٢٥ كمت غسلت وكعدت اقره لحد ماصارت ب ٧:١٥كمت بدلت وأخذت كتبي ونزلت واني خايفه كلش
نزلت سلمت ع اهلي وطلعت للمدرسه اول موصلت شفت صديقاتي صفا وساره وسرى وصابرين وضحى صديقات عمري سلمت عليهن وكعدنه نراجع الامتحان لحد مصار الوقت كمنه نقره آيات من الخوف وأحس راح اختم القران من كد خوفي
متحنت وطلعت حمدلله جاوبت ورجعت للبيت صعدت كبل بدلت ونزلت اكلت لكمه وصعدت نمت ساعه وكعدت تصل عليه علي حجيت وَيَا شوي وسديته كعدت اقره متحان بأجر
وهيج خلصت امتحانات البكلوريه عشر أيام
واجت العطلة اول سبوع عادي كضيته جهاز وتحضير العرس واجه الاسبوع الي بي عرسي
كعدت الصبح سبحت وبدلت واليوم حروح للصالون
سلمت ع اهلي وجانت اختي جايه رحنه للصالون وبدو بيه تحضير كامل حف وميش ومساج وتنضيف بشره وجسم وكملت طلعنه العصر رحنه حجزنه بدلات الحنه والزفه وصالون ورجعنه للبيت كبل نمت حتى متصلت ع علي
اجه اليوم الثاني راحت اختي وامي ودو جهازي واني ضليت بالبيت ارتاح لان بأجر الحنه
عده اليوم عادي ونمت من وكت كعدت الصبح سبحت وبدلت وشسورت شعري ورحنه للصالون وبدت بيه ميك اب سوته كلش حلو ومو صارخ وشعري سوته تسريحه بسيطه بس كله مرفوع وجانت البدله منفوشه ولونه وردي ورجعنه للبيت الدنيه مكلوبه اقاربنه كلهه جايه البنات والولد بيت أهل علي دخلت وكلهه ضلت تهلهل وتصلي ع النبي دخلت كعدت ب الكوشه وره شويه بده البنات يركصن والاغاني وصارت ساعه ب ٦:٠٠دخلن صديقاتي كلهن فديتهن صفا وصابرين وساره وسرى وضحى وضلينه نركص اني وياهن لحد ماامتنه تعب عشو العالم وراهه اجه حبيبي وعمري علي صاحو راح يدخل العريس سترن روحجن والبنات كلهه لبسن اله بنت خاله سمر
سمر:اني بت خاله ال علي اني طويله طولي ١٧٣وجسمي متروس كلش وزني ٨٠واني سمره وعيوني سود وشعري كاري واصفر اني عمري ٢٢سنه كلش احب علي وهوه ميهتملي ولايحبني جان شاغل باله بس جنه واني اموت منهه ومن خطبهه قررت انتقم منهه واسوي كلشي حتى يتطلكون واني اخذه وبيوم الخطوبه مادتهم مرحت بس بالحنه كلت لازم اروح لبست فستان طويل لون فضي وبي جاكم وحده فوك من الركبه ومن يم الصدر محفور ٧واسقيات وشسورت شعري وخليت مكياج كلش طوخ ومن كالو راح يطب العريس ضليت كاعده وملبست شي
جنه :اباوع عليهه هيه الوحيدة من دون البنات ممستوره وجان لبسهه كلش فاضح دخل علي فدوه ال الله طالع يجنن لابس بنطرون كابوي جينس وقميص وردي بلون البدله ورافع شعره يجننن دخل وكعد يمي باس راسي وهمسلي
علي:اول مدخلت جنت بس رايد اشوفهه شلون طالعه لان كلبي طاك عليهه دخلت وشفت ملاك ونازل من السمه تجنن طالعه طبيت وكعدت يمهه وبستهه من رأسه وكتلهه
علي:فدوه تجننين طالعه
جنه:بس مو احله منك
علي:عمي وين أوصل لجمالج
جنه:لا والله طالع تجنن
لهنا وخلص البارت أتمنى منكم تدعموني وتصوتون ⭐️⭐️⭐️⭐️حتى يصير عندي واهس واكمل القصه
