روايه قانون عائله...
سماح محمود...
صلو ع النبي💛
الحلقه التاسعه...
-----
زهره -مش فاهمه ياحبيبتي عملتي ايه في ايه.
سمر بدموع-زهره انا موافقه اجي معاكي تشوفي نادر .
زهره-طب انتي فين وانا اجيلك .
سمر-انتي هتروحيلو النيابه صح.
زهره-ايوه.
سمر-هستناكي قصادها.
زهره -ماشي مسافه السكه...انا فالشارع اصلا...
سمر-ماشي ياحبيبتي سلام مؤقت...
-
عدت فتره علي ما زهره راحت لسمر...كانت سمر واقفه مستنياها علي باب النيابه.
سمر-كل ده؟
زهره-وشك ماله معيطه ليه؟
سمر-مفيش حاجه بس يلا ندخل.
زهره بتوتر-يلا بس انا خايفه.
سمر-متخافيش ياقلبي انا معاكي.
دخلت سمر وزهره.
العسكري اول ما شاف زهره.
العسكري-انتي جيتي تاني ليه؟
زهره-عايزه اشوف نادر هو هنا.
العسكري -ايوه بس شكله متعصبه بصي يابنت الناس لو مش عايزه في حاجه ضروري امشي عشان مش ينزلك الحجز تاني.
زهره بتوتر-لاء عادي هشوفه بس خليكي انتي هنا ياسمر.
سمر-ماشي هستناكي.
العسكري دخل وعرف نادر ان زهره بره ونادر قاالو ميدخلهاش بس زهره كانت سامعه وخبطت علي الباب ودخلت.
زهره بتوتر-نادر.
نادر بتنهيده-اخرجي وخدي الباب في ايدك انا مش حابب اسمعك ولا اشوفك.
زهره-لازم تسمعني وتفهم انا عملت كده ليه صدقني هتقدر وضعي .
نادر-وضعك هتسمعيني اي بقيت كذبك انا مبقتش اثق فيكي حبك قل .
زهره بدموع-قل بس متمسحش...لسه فيه جتي لو قليل...
نادر-بيبدأ يتمسح اخرجي يازهره متنرفزنيش عشان معملش اكتر من المره اللي فاتت...حتي لو لسه بحبك الحب ده لازم يبقي صفحه وتتقطع انتي اولا مش من مستويا اهلك مش زي اهلي حتي لو انتي شريفه احنا مش شبه بعض مش هينفع تمثلي عيالي فالمستقبل تقدري تقوليلي نادر اللي ابوه عميد فالجيش لو خلف ولد او بنت يبقي جدهم ابو امهم مين خالهم مين حرامين مسجونين؟ هتركب ي زهره؟؟ ردي عليا هتركب هتمشي؟
تقدري تقوليلي لو اتجوزتك وخلفتي واولادي حبو يذاكرو وجولك هتعملي ايه؟مش انتي ام والام بتكون مكان جوزها في غايبه راجل البيت افرضي انا موت ما الظابط في اي لحظه بيموت ؟ ‘وكنت فاللحظه دي متجوزك!! وعندنا اولاد هتنزلي تشتغلي عشان تصرفي عليهم اكيد هتشتغلي ازاي ومفيش شهاده هتشتغلي في سوبر ماركت....انا مش بجرحك انا بفوقك لي الواقع انت مش بتتقطعي عليا وانا برقص مثلا انا بتقطع زيك بس انتي السبب وغير ده وده انا ببص لقدام هل الحب كفايه ردي عليا سمعيني بقي ردي علي اللي قولتو؟؟؟ اقعدي يازهره بنتكلم كلام ناس عاقلين وقولي اللي نفسك فيه انا لا بجرحك زي ما جرحتني ولا كدبت ولا زفت انا ببص علي اللي هيحصل.
زهره كانت تقريبا بتعيط وبس قعدت علي الكرسي وفضلت تعيط وتبصله.
نادر-اخلصي يازهره هو انا بكهربك انطقي.
----
ففيلا اباظه.
جود ببتسأمه-مبروك ياا احلا عروسه نورتي عيلتنا.
نهي بفرحه-احسن اخ والله مش هنسي وقفتك جمبي ربنا يخليك ليا.
جود-مبروك يارخم.
ناصر-ههه والله ما حد رخم غيرك .
جود ابتسم-طب تعالي فحضني.
ناصر فرح ان جود اخدو فحضنه يباركلو.
ناصر-عارف انا مش زعلان علي اللي عملته ولا انك وقفت مع نهي ضدي انت معاك حق وانا هبدأ اشوف نفسي واتغير عيلتي دي محدش يمشي وراهم فحاجه بس انت خليك ديما اخ ليا ونبدأ من جديد.
جود بستغراب-انت بتتكلم بجد؟
ناصر -من كل قلبي واللهي العظيم بقول كده.
جود بفرحه-دانا اخدك ميت حضن علي كده بقي .
مرفت جت عليهم-الحب بينكم مقطع بعضه.
جود-اتفضلي حبي معانا عشان نقطع اكتر فالحب.
مرفت-انت كلامك تقيل علي قلبي تعرف كده ولا لاء.
أنت تقرأ
قانون عائلة
Lãng mạnصراع بين عائله / وبين حب صراعات تدور حول ضابط وبنت فقيره...ما هيا البنت وهل سيستمر الحب؟؟
