قانون عائلة

قانون عائلة حلقة/8

روايه قانون عائله...
سماح محمود...
صلو ع النبي💛
الحلقه الثامنه...
-----
سمر بستغراب-تعرفها منين يعني وتعرل ان محترمه منين انا اللي حكيالك ولا نسيت...
جود-عارفه ساعات بحس انك عقل الغباء وهتخليني في يوم امد ايدي عليكي...رغم معملتهاش قبل كده.
سمر عوجت بوقها-وانا عملت ايه بقي .
جود بتنهيده-انا اللي عملت روحي بيتكم بقي او تعالي اوصلك لان الوقت اتااخر .
سمر-مش قبل ما تقولي حكايه زهره.
جود-احب تعرفيها منها هيا ي سمر تمام وانا دلوقتي عندي شغل وابقي كلميني بكره ان شاء الله لما تفهمي الموضوع.
سمر-وهو انا معطلاك عن شغلك.
جود-مش دي الحكايه بس مش عايزك قاعده هنا ولا عايز اللي هنا يفضلو يبصو ليكي في الراحه والجايه محدش يعرف اننا اصحاب حاليا كلهم عارفين ان ليكي اخ كان مسجون هنا.

سمر بفرحه-هو انا صحبتك.
جود-ههه مالك منشكحه كده ليه انا ممكن اسحب الكلمه عادي جداً.
سمر-ييييي بطل التقل ده بقي متشلنيش .
جود-عايزه ايه يابت انتي يلا اجري علي بيتكم جرس الفسحه ضرب.
سمر-انت شخصيتك حلوه اوي وتقيل فنفسك كده.
جود ابتسم-الله يكرمك يلا اخلعي بقي.
سمر- بس فيك عيب واحد‘.
جود رفع حاجبه-وايه هو ياناصحه.
سمر-عندك برود/ عندو برود اعصاب اسمالله ولا جراح بريطاني.
جود-هههه
سمر بصدمه-ايه ده .
جود-ايه؟
سمر-انت بتضحك زي الناس اهو.
جود بتنهيده-بره ياسمر بدل ما احبسك حبس انفرادي واجي اقعد معاكي اونسك متقلقيش.

سمر فهمت قصده وجريت تفتح الباب عشان تخرج وقبل ما تمشي بصتلو...
سمر- انت قليل الادب يلا بقي سلام.
جود -هههه ماشي ياللي مش قليله الادب سلام.
--
فبيت نصار.
عمر-ماما سمر بقيت تتاخر زياده وانا مش عايز كده عشان محدش يتكلم عليها في الراحه والجايه انا لازم اقعد معاها احسبها.
وفاء-انت عارف اختك وواثق فيها ايه اللي بيخليك تقول كده يا عمر.

عمر بعصبيه-الساعه دخله في 11 والهانم لسه مشرفتش انا ليا حساب معاها انا هتصل بيها.
وفاء-اهدي بقي مينفعش اللي انت بتعمله ده...انت اتجننت.
عمر-متجننتش بس الوقت اتاخر...
اتصل عمر بسمر...
سمر-ايه ياعموره.
عمر بعصبيه-انتي فين يازفته.
سمر-انا علي باب زهره جيراتنا اهو.
عمر-وايه اللي موديكي عند زفته دلوقتي.
سمر-هشوف مالها بس وهفهمك لما اجي.
عمر-متشوفيش ولا زفت تعالي دلوقتي حالاً.
سمر-انت بتتكلم معايا كده ليه احترم نفسك ماشي انا اختك الكبيره.
عمر-كبيره ولا صغيره بقي...اجري عشان مجيش اخدك ابهدلك.
سمر-جرب كده انت وقح والله ولو اتكلمت معايا بي الطريقه الزفت دي تاني مش هرد عليك سلام.
قفلت سمر واتنهيدت بضيق-ماله الحيوان ده.
خبطت سمر علي بيت زهره...فتحت صافيه.
صافيه-تعالي ياحبيبتي.
سمر-لو سمحت ياطنط عايزه اشوف زهره.
صافيه-ادخلي نايمه جوه.
سمر-ماشي ياطنط ..دخلت سمر لزهره!
سمر-يازوز يازوزا ياقمر.
زهره كانت نايمه مفتحه عنيها اول ما شافتها ابتسمت.
زهره-تعالي ياسمر تعالي ياحبيبتي.
سمر-مين ابن الهبله اللي مزعلك بس.
زهره،،-ههه اديني زعلانه علي طول.
سمر،-زهره احكيلي مالك انا عارفه انك كنتي فالحجز وجود قالي اسمع منك احسن.
زهره بستغراب-انتي تعرفي جود منين.
سمر-مفيش من طرف عمر اخويا كان محجوز يوم فمظاهره وبعدين انا اتعرفت علي جود بقي من يومها احكيلي ياحبيتي.