قانون عائلة

قانون عائلة /حلقة11

روايه قانون عائله...
سماح محمود...
صلو ع النبي💛
الحلقه الحاديه عشر...
-----
جود واقف واتصدم معرفش يرد.
نادر-مبتردش ليه هيا دي سمر اللي حبيتها؟
جود غمض عنيه واخد نفس طويل -لاء واحده غيرها مش هيا.
نادر-اممم اه اصلي استغربت.
جود-امشي بقي وبطل تستغراب كتير ...
نادر -طب اركب معايا .
جود-لا كل واحد بعربيته مش ناقص صداعك.
نادر-ههههه ماشي يارخم.
جود-الرخم ده رجعك لعقلك وجعلك ضحكتك .
نادر-حبيبي والله.

ركب جود عربيته والضيق هيموته من سؤال نادر وانه كدب عليه بس هو مش عارف هيروح يعزي ليه ...ليه عايز يكون جمبها فوضعها ده عشان مكسوره ؟ولا عشان حبها...حتي هو ميعرفش بيتها  بيت سمر بس يعرف بيت زهره وهيا جارتها...
فتح علي اغنيه ودور العربيه ومشي...

(واهي مره وعدت واخلاص حبينا بصدق واخلاص ...حبيتك من تفكير حبيتك والقلب اختار...وفي بحرك ياما عومت كتير وغرقت فأخر المشوار واهي توبه.)
جود لنفسه-مينفعش اضعف واحن واهز شخصيتي عشان حب او تقلل مني ...
حب هو انا قولت حب هو انا بحبها !
--
فالجنينه...
مرفت شافت حسين قاعد بره وساند راسه علي الكرسي.
مرفت -مالك؟
حسين -انتي لسه صاحيه؟
مرفت-مش جايلي نوم
حسين-طيب
مرفت بستغراب-مالك
حسين-مخنوق شويه.
مرفت-عشان الشركه
حسين -ياريت هم الدنيا شركه وفلوس.
مرفت-ايه غيرك كده مره واحده؟ غريبه مالك اللي يسمع كده يقول حبيتك ماتت ولا حاجه ولسه شباب.
حسين بصلها-فعلا بس انا اللي موت من يوم ما سبت وفاء موت الف مره اني سبتها .
مرفت-تقصد ايه انت ندمان انك اتجوزتني.
حسين بعصبيه-قوليلي يوم واحد انتي فرحتني فيه قوليلي يوم واحد قولتلي ياحبيبي فيه قوليلي يوم واحد مكنش بيهمك غير المناكير والبدكير انا كنت فين ؟؟؟ وفاء في ايامي معاها كنت برجع الاقي اللي مقابلاني علي الباب بحضن وفرحه انا سبتها لا انا كسرتها وخسرتها.

مرفت بغضب -ولما انت مش طايقني اوي كده طلقني وريحني.
حسين-وانتي فكره لو عملت كده هندم مش هندم ولا حاجه قوليلي اخر مره قربت منك كانت امته وبنتك في 4 ابتدائي؟ بنتك دلوقتي في اعدادي اناا عايش مع صاحبي في اوضه واالله لو صاحب كان ارحم قومي نامي وعدي الليله انتي عايشه في نعمه.
مرفت-لو فكرت تغدر بيا يا ويلك.
حسين-هه حبه التهديد دول كان علي ايام حضره الوزير السابق ابوكي اللي شالو عشان حرامي.

مرفت بغضب-ما هو حرامي مينسبش غير حرامي زيه واللي هو انت نسيت انك كنت عايز تقتل اخوك ...
في الوقت ده حسين طلع غضبه ‘ورفع ايده وضربها بالقلم.
حسين بغضب -دي كانت شورتك انتي مش انا وانا رفضت ...
مرفت بضحكه-حلو القلم ده بس مش هنسهولك وهيتردليك غالي...بس تفتكر هيتردلك في مين؟هههههه
حسين بغضب-غوري من وشي...قولتلك.
-
جود كان وصل لمكان بيت سمر...
كان موجود ناس قاعدين فالعزا...
عمر اول ما شاف جود استغرب...
عمر راح لعنده .
جود مد ايده-البقاء لله ياعمر شد حيلك .
عمر بحزن-الدوام لله وحده ...بس حضرتك ...حضرتك جاي العزا وعرفت منين.
جود اتصدم واخد تنهيده طويله- كنت في مامؤريه قريبه من هنا سمعت صوت عزا قالو في بيت نصار...شوفتك قاعد اتفكرت ايام المحضر ان اسمك عمر نصار ولما سالت قالو ابوك ...