#انا -غير

الحلقه 1

الحلقه .(1 )

🌸🌸🌅🌸🌸

بدايه يوم جديد طبعا كانت ساعه 10 صباحا كنت في نوم عميق 😴😴لين خشوا عليا خوتي تقول مداهمه ارهابين بشراااااااااااا😠😡😡😡جاد :نوضي بسرعه حداديلي سوريتي وقت 😡
اياد:ويين الشحن ياهمي وقت عليا 😡😡
انا :واااك باهي باهي الناس تنوض علي صوت العصافير وانا علي عياطكم 😵😩شحنك في الدرج وجاد خلي السوريه توا نحددها😧
اطلعوا خلاص 😒طبعا طلعوا نظمت سريري وفتحت الشباك الجو حلوا برى خديت الغسول وخشيت الحمام( يكرم القارئ) بديت بروتيني اليومي تنظيف البشره غسلت اسناني 💆ودرت مرطب الوجه ومرطب شفايف💋ومشطت شعري ودرت بروفاين 💁💕
طلعت خديت سوريت جاد حددتها ورفعتهاله في دارهم 😲😲😲انا هدا شن خيرها الدار تقول حرب العالميه صارت فيها
اياد :😅😅والله كنا نتعاركوا علي السماعات محسيناش بيها😂😅
انا:اووووف😥ياهمي امتا بتعقلوا وااك وقت عليكم بروا خلاص
جاد : 😒😒ماهو البارد خوك عطلنا مريح سماعته وبياخد متعي😒😐
انا :باهي باهي غير اطلعوا توا نظمها😓😯
طلعوا كل واحد لنادي متعه🚶🚶
انا :اووف شن يظمها توا بديت فتحت الشباك نظمت الأسره وبديت نظم ونرتب...خلوكم من الظمان خلي نحكيلكم تفصيله حوشنا ...(اول متخشي الحوش جنان كبير فيه مظله من جيها تحتها طاوله وكراسي وجيها التانيه فاظيه طبعا تحت المظله يفتح باب المربوعه كبييييره وجنبها حمام *يكرم القارئ*في الوسط يفتح باب الحوش اول متخشي يقابلوك دروج لدور الفوقي فيه جناح دار ليا "انا"ودار لخوتي "جاد ،واياد" وحمام لكل غرفه وصاله صغيره في الوسط فيها تلفزيون كبير وبليستيشن وصالون/اما دور الارضي فيه باب كبير جنب الدروج علي اليمين اول متخشي علي اليمين حمام، ومقابل صاله مفتوح فيها مطبخ نظام بار صاله فيها جلسه حلوا علي الرمادي والبيج وTvكبير ،اما علي اليسار ممر طويل يفتح فيه دار للاخواتي الصغار ومقابلها صاله كبيره للضيوف ونهايه الممر باب الغرفه الغسيل وجناح لدارنوم وحمام )واخيرا كملت😥دهشت انشاء الله فهمتوا المهم تميت الضمان فوق كل شي وصلت ساعه 11😥 تعبت نزلت للدور الارضي 🏃وانا نقز وانغني 🎶🎤امي كم اهواها واشتاقوا لمرئاها واحن لالقاها......المهم لاقتني امي تعارك😂😂😂طبعا لازم منها دسكه بايره وراقد للقوايل متمش توا بالله انا بايره😂😂
امي:متقوليش شن الديري نازلتيلي الظهر قريب يأدن 😡😠
انا :😂😂شن س 11مزال ساعتين علي الظهر بعدين من بكري نايضه غير قعدت نضم فوق قبل وحددت للولادك سواراهم😂😂ولادك علي أساس مش خوتي😂😂المهم خلونا في موضوعنا😂
امي :باهي باهي 😒وخيرك نازله تغني وتنقزي تسحابي روحك صغيره راك بتخشي18سنه ياسرك هبال وبري افطري ونظمي الحوش بتجينا خالتك
انا:😂😂يامي شن كبيره مزال صغيره شن كبرني بنعيش طفولتي 😂😂😇شويا شويا🤔من خالتي يلي بتجي انشاء الله حنان😍😍
امي:ايه هيا 😊بري وقت😑
انا:💃💃🙅🙆ااووووو معاناته بتجي هاله وسندس 💃💃مشيت نجري درت قهوة طبعا منحبش نفطر غير قهوه ومرات معاها حاجه حلوا المهم بديت في الحوش تنظيف وتلميع وشفط وكنيس وكل شي وطلعت للجنان سقيت الغرس وسيقت الجنان ونظمت كل شي خشيت داهشه س 1 يأدن الظهر كنت تامه كل شي بخرت الحوش وخليت امي بدير الغداء كسكسي بالبصله😍الله كداش نحبه مع المسير 😍المهم رقيت دوشت ولبست سروال اسودHD علي الجنب مكتوب (FILA)بالابيض وفوقه تيشرت طويل ابيض مكتوب عليه نفس الماركه بالاسود ودرت شعري ديل حصان ودرت لامساتي الخاصه وبروفاين ونزلت خصله من شعري 😍😍الله طالع نهبل المهم تميت نضمت حوستي وصليت ونزلت س2لقيت الغداء واتي تغديت وغسلت امي الماعين طبعا خوتي تغدوا وطول ركبوا لدار دوشوا ورقدوا 😂😂واكيد تعاركوا من يخش الاول😂😂المهم درت انا كيكه البندق خلي نعطيكم الطريقه جربوها تهبل 😍باش تولوا فالحات😂😂😂منديرلكم نفس قنات سميره😂😂😂نبصر نبثر 😂😂(تلاته بيضات عليهم فانيليا ورشت ملح. .كوب سكر اضربيهم وضيفيلهم نص كوب حليب ونص كوب زيت واضربيهم وضيفي نص كوب كاكاو وكوب ونص دقيق مع ملعقه صغيرهbk واضربيهم وضيفي كوب شاهي ماء ودوبي فيها نسكافي وضيفيها كخطوه اخيره ...طبعا ديريها في طاجين التارت يلي فيه خشه من الوسط وحطيها في الكوشه وزينيها بعد مطيب وتبرد بالكراميل بعدين بندق وبعده شكلاطه نيوتيلا😍علي شكل خطوط بالكيس الحلواني فيها طعم ابداااااع🍰😍😍)😂😂😂جربوها وادعولي😂اكيد تعرفوها المهم انا حبيتها الصراحه المهم جهزتها وركبت لداري فتحت نت هدرزت علي نصي التاني❤ انعرفكم عليها الحلقه الجايه المهم درت دورتي علي النت لين مليت سكرته سمعت العصر يدن صليت وزدت بخيت بروفاين ودرت مرطب يدين ومرطب شفايف ونزلت شويا وجت خالتو 😍💓سلمت علاها وعلي بناتها 3 أكبرهم سندس مواليد2000 بعدها هاله2003وبعدين صفاء 2007 المهم كلهم كانوا بيض وشعرهم طويل وصفاء معناه الاصغر لكن لسانها طويل مفيش حاجه تفوتها وهاله تشوفيها ملاك لكن الواقع إبليس يخاف من تفكيرها وسندس تحب القرايه هلبا وتحب عماتها ديمه معاهم متجيش ديمه من النادر نشوفوها عندهم 4ولاد مش لازم ندكرهم ملهمش دور في الروايه😅 المهم رحبت بيهم وخشينا
انا :اووو الحوش منور بيكم تفضلوا قعمزنا في الصاله مقابل المطبخ جبتلهم عصير وشكلاطه🍷🍬وقعدنا نهدرزوا عاد بعدين جبت كيكه ونسكفي 🍰☕وكملنا هدرزا.....طبعا متمش الهدرزه بكل ركبت انا وبنات خالتي لداري وخلينا امي وخالتي شادينها قرمه واخواتي وصفاء مشوا لدارهم 😂😂😅المهم اول مركبنا فتحنا نت
هاله :تعالي بشري بنحكياك 😂😹
انا:احكي شن شوقتيني😂😂فضولي عاد كارته
هاله:شفتي البنت يلي في عرس اميمه لابس اصغر وقتلك نديتك وتفاجئتي
انا:ايه هيا تقول شرشبيل😂😂استغفر الله 😓
هاله:😂😂😂😂ايه هديكه الخميس يلي فات بيانها 😂😂😂
انا:😲😲😲احلفي تي صغيره هبلت شكلها🙁
هاله:صغيره شن بالله ميفكروش يسحابوا الجواز ساهل ميسحابوش مسؤليه كبيره
انا:ايه يسحابوا لبس ومكياج وطلوع ميعرفوش انه مسؤليه كبيره تبدا عليك وصاعب توفقي بين قرايه ومسؤليه حوش هدا لبال كنا جابت صغار معاش تفضى بكل ربي يهدي وخلاص😯😔
هاله :ايه تعرفي كتروا هلبا الجواز في عمر صغير هيا غير تهتم بنفسها باش تفضى لراجل ومفرخ لا المشكله حتى كنا غصب نقولوا لكن بكامل إرادتهم 😒🙁حاله سخفوني صغارهم شن دنبهم ميلقوش من يهتم فيهم😒🤕
سندس :ياسركم قرمه في عباد الله تعالوا شوفوا من منزلين في اعرفي ضرتك هدا كان يقرى معاي منظره تقول ضاربه الضي
انا& وهاله شفنا لبعض😂😂😂😂😂😂😂😂في نفس الوقت 😂😂😂هظا غير ياسركم قرمه في عباد الله 😂😂
سندس :😂😂😂😂😅😅😅والله حاله 😂😂😂لازم منعلق😂😂وانتوا تركزوا😂😂
انا :😂😂😂شن حلال عليك وحرام علينا بنركزوا اكيد 😂😂خلاص بالله استغفر الله 😒😒توا نخشوا النار راه😂😂
سندس&هاله:😂😂😂😂😂ايه حق 😂
امي :انزلي انتي وايها ياسركم من الضحك
كلنا :😂😂😂😂😂😂باهي نازلين
امي :تعرفي ياحنان والله جيلهم حاله مغير الضحك علي كل شي لين نحس انهم مش طبيعين 😂😂ربي يهديهم ويدوم عليهم السعاده
خالتي:ايه امين /اجمعين
كلنا:نزلنا وكلنا نعلقوا ونضحكوا😂😂😂
طبعا نسيت نقوللكم خوتي طلعوا من العصر ينسرفوا عاد😂😂😂اكيده في التانويه يلعبوا في كوره لانه مدايرين دوري كره قدم المهم 😑😐نرجعوا وين وصلنا
نزلنا لقينا العشاء واتي وتينا كلي شي وحطيناه وراحوا خوتي وتعشوا كلهم وغسلت الماعين انا وبنات خالتي ودرنا شاهي بالوز 🍵قعمزنا نهدرزوا كلنا وخوتي طلعوا قدام الحوش مع ولاد عمي لين جي راجل خالتي روحت هيا وبناتها واتفقنا الجمعه نتلاقوا في حوش العيله ودرت دوره علي الحوش وبخرت ورقيت انا وخوتي كل حد في داره دوشت ورقدت في السريري س12 خلاص تعبت 😥😥🤕فتحت النقال شويا سمعت باب الحوش فتح اكيد بابا روح😍 نزلت نجري انا وخوتي 😂😂تقول صغيرين يراجوا في الحلوى😂😂😂😂المهم نزلنا سلمنا عليه كان في طرابلس عنده شغل هدرزنا شويا ركبنا لقيتها 1😥😥خلاص بنرقد كان يوم شاق .........يتبع

طبعا مزال الاحلقات الجايه فيها تشويق ومزال في شخصيات جديده بس الحلقات الولات حتكون كلها تعريف علي الشخصيات مزال التشويق لقداام واكترها ضحك و كوميديا............ اعطوني تعليقاتكم وشن تحبوا يكون في قصص في الروايه علي شن تحباها تتركز وهل عجبكم طريقه سرد الروايه او نغير في طريقتي وشكرا😍😍😚