#انا -غير

الحلقه4

الكاتبه:💎ARWA💫
جميع الحقوق محفوظه للكاتبه

طبعا نشكر كل من جاوب علي سؤال الحلقه السابقه وكانت إجابات حلوى نتمنى يزيد التفاعل اكتر 😍😊

منى:نشكركم علي نصايحكم الحلوى 🤗

صوره منى👆في الغلاف

.......... ........... .........

الحلقه 4
🌅🌅🌅🌅🌅🌅س 7.00
جداي :نوضوا البارح كله مرقدتوش خلاص قايله وقت علي الحوش امتا بضموا

البنات😴😪
جداي :لو متنوضوش عقاب نخليكم تغسلوا البساط الكبير
البنات:😨😨😨😖
انا:س 7:00😖😨صباح الخير يا جداي
جداي:صباح النور هيا نوضوا
هاله:ااااااه 🙆صباح الخير
سندس:🤕صباح النور
ابرار ومنى وشماءوصفاء :🙆🙆🙆🤕😖صباح الورد
جداي صبحكم بالخير يالله ديروا الفطور وابدوافي الحوش نبي يلمع لمع كله طلعوا شمسوه والمطبخ اغسلوه كله الماعين طلعوهم من الدولاب واغسلوهم كلهم
البنات:😨😨😨😨😱😭🤕😥
هاله:😨شوفوا الدنيا كيف قلبناها البارح
انا:😥🤕اووف تعب اليوم هلبا
ابرار :وااك هدا كله والله علقه
سندس :هيا هيا خلي نقسموا الشغل باش نتموا بكري
منى:ايه انا وابرارالمطبخ وانتوا قسموا الحوش
انا:ايه وانا وسندس وهاله وشيماء وصفاء الحوش اول شي نطلعوا كل شي برا وشيماء وصفاء يرقوا فوق الحوش وانتوا ديروا الفطور قبل بعدين ضموا
البنات:تم

(😦😂😂😂😂حي قعدت بروحي نكتب وانا في المركز شكله بابا معطل مزال😣😢😭)

المهم نكمللكم 😥 ...

......... .... ..... ....... ....

بدينا في الحوش طلعناه كله وكنسناه وسيقنا استفدت 😂😂من ديتول والحاجات يلي جبتهم قلتلكم حنحتاجهم
هاله:اشي حتى من ديتول والقوانطيات جبتيهم مشاء الله شكلك حافظ الدرس هاتي هاتي القوانطي (متع اليدين اكيد عارفينه نفس متع المستشفيات الابيض) خلي نظف بيه بالاتشيدو😣
انا😂😂خودي اليوم العالمي للنظافه متخلوا شي😂😥
هاله :ايه شكله هكا هلكونه قبل منجوا درنا حمله لحوشنا تعب الهم الأحرف ميتمش الضمان😥🤕
سندس:ااااه ظهري تعلوا قيموا معاي الطاوله قريب نكسرت
انا:جايه هي شن قيمك فيها بروحك رزينه
.
.
.
منى:اوووف انا طلعت الماعين كلهم
ابرار :وانا وتيت الفطور ودرت لجداي شاهي عاد لازم منه خلي نادوهم
ابرار:😫وين بنحطوا الفطور
جداي تعلوا تحت الزيتونه يلي قدام الحوش من جيها التانيه جو قنين فرشوا وحطوا غادي
انا:الله فطور برة جو مليح فطور علي الطبيعه
طلعنا فرشنا وطلعنا الفطور
شيماء الله فطور س8شمس خفيفه وجو سمح😍
صفاء:الله عصافير وريحت القهوى تهبل😍
انا :اهم شي قهوة بالوجه مدخليش راه 😍نحبها
ابرار :ايه درتها علي خاطرك ياحنه عارفاتك
انا:سلم خاطرك ياحنه وخيتي سلمها😍😘
سندس :حتى انا عشقي الله خلي نصوروا الجو
صورنا وخدينا سلفيات دكرة وجو مليح وفطرنا وهدرزنا مع جداي جو خياال😍بعدين قمنا السفره وكملنا الحوش ودخلنا الحجات ومنى وابرار غسلوالماعين ولمعو الدولاب وغسلوا الحيوط والتلاجه خلوه يلمع😍💥وبخرنا وغسلنا غلافات المخاد والشراشيف و2فرشات وقعدوا 2بساطات كبار خليناهم المهم قريب 11ونص تمينه
جداي:مشاء الله علي بناتي ربي يحفظكم ويستركم وينظف عرضكم وينجحكم ويرضى عليكم ويسعدكم ويقوي سعدكم
البنات😍😫🤕🤒😥😇😇
هاله:الله يا جداي هدا الكلام الحلوا يلي ينسمع ربي يحفظك لينا
كلنا امين
انا :ايه حلوا اادعاء ربي يجمعنا علي الخير ديمه
💥💥💥💥🚶🚶🏃🚶🚶🏃جوا الاولاد تقول مداهمه
البنات لبسوا وشحاتهم ومشت صفاء فتحت الباب
الاولاد جيعانين وين الفطور
انا: شن رايك نديرولهم فطور وتجيبونا غداء من برى نجمعوا ناخدوا بالتوصيل انتوا استلموا
الاولاد:قداش تجمعوا كل واحد يدفع علي روحه ودينار كل واحد حق توصيل
البنات تم طلبنا من منى مار قلنالهم علي س2يوصل ودرنا فطور الاولاد ودرت انا نسكفى فرقناه مع بسبوسه وكيكه انا مدايره طجين كبير باش يسد
انا :😈جداي تعرفي تعبنا هلبا وقعدوا 2بساطات شن رايك تقولي لاولاد يغسلوه عندهم جهد اصلا حتى كبار علينا
جداي:🤔ايه يابنيتي توا نقوللهم نادوهملي
صفاء انا ناديهم خلي يغسلوا شن بيصيرلهم يخفواعلينا شوي
نادتهم
الاولاد :نعم ياحويجه
جداي:نبيكم تغسلوا 2بساطات البنات ميقدروهمش تعبوا
الاولاد 😨😨😨😬😧حاضر ياجداي
البنات😋😊😉😇😇😇😇
طلعوا يغسلوا فيه والبنات غسلوا الماعين وفعمزا يهدرزوا
هاله :منى لقيتلك حل لمشكلتك كان اني انقول لا لان اهم شي انتي مديري شي مش ميجيك شي وحتى كان صارت قصه تطلعي منهاانتي ممدايرة شي وانفوته لان تهديده كدب الاولاد كلها تهدد ومدير في شي وكان بيدير معنده ميدير لان هيا ممدايرة شي لايقدر يجيب رقمها وصورها ولا ولد تكلم فيه ولاعنده باش يفضحها حتى كان بيطلع اشاعه معداش اي دليل ضضها ف انفوته وكان جي مرة تاني كف قدام الناس معاد متكلم 😌
انا:ايه صح وعندي حل تاني قولي لأمك باش يبداوعندها علم او واحد من خوتك باش محمد ديمه تحكيله قوليله باش مره تاني لما يجيك قولي لخوتك يمسحوه علي كره الارضيه خير ماهوا يكدب عليهم باش هما ميقولولكش علاش مقلتيش
منى:😢الله ولله كنا مش منكم راهوا معرفتش كيف ندير ربي يحفظكم ليا
سندس وابرار:ويحفظك لينا بعدين الاولاد مفيهم تقه لازم نعرفوا كيف نحافظوا علي نفسنا من كل شي يفسد اسمنا او سمعتنا او اخلاقنا في نهايه مناش لعبه بين يديهم
انا:ايه لازم كل انتى تكون ملكه نفسها وتكون غاليه مش لعبه لاي حد لانه عمره مكان الحب بطريقه هادي مننسوش انا في مجتمع دكوري ديمه يطلعوا الغلط من البنت مهما كنتى صح والفتره هادي حتى م 2004. 2005 مدايرين علاقات علي الحال هدا ضعنا مش هكا دينا علمنا ولا تقاليدنا وعاداتنا عمره مكان التقافه بكم بنت او ولد كلمتي ولا الرجوليه بكم بنت كلمت بلادنا معلمتناش هكا احنى بلد الإسلام بلد 6مليون مسلم بلد مليون حافظ القرآن احنى يلي عندنا الستره اهم شي للبنت نصيحتي لكل بنت مهما كان ضروف يلي تمري بيها عمرك متعلقي روحك في ولد عارفه انه مش ليك ولا في علاقه نهايتها فراق خليك دكيه واعرفي تختاري صح الحب في كل مكان بس اختاروا صح ولازم كل وحده تكون #غير تميزي بطريقتك ومتخليش حد يدوس كرامتك في نهايه يجي يقولك زي مخنتي تقت اهلك تخونيني وانا نبي وحده محترمه ديمه خلى عقلك يسيطر علي حياتك قلبك افتحيه مره وحده بس في الوقت الصح متخلوهمش يضحمواعليكم بكلمتين نحبك ونعشقك وهوا لا شافك ولا يعرفك ويقولك نحبك اوهااام وربي يهدي بنات ولاد بلادي ويحفظكم وربي يستر علي كل بنت ويهديهم 🖐🖑 هدي العبره الأولى في روايتي وانشاء الله تاخدوا بالنصيحه دهشتكم معي انسجمت في الموضوع ... 🌸
منى :ايه كلامك حق 😊تفكيرك أكبر من عقلك
ابرار:ايه ربي يكملك بعقلك ويعطيك علي قيس نيتك
انا: هدا علاش ديمه نقوللكم #انا -غير
هاله:😘😍ههههه ايه شن رايكم كل وحده تقول نكته خلي نضحكوا
سندس :هدا فاش فالحه في الضحك 😂
صفاء عندي نكته : مره واحد مشا مشا لقا مشمشه 😂😂
البنات:😒مبردك مضحكش
انا:😂😂😂😂نحب نضحك عليها ديمه اياد يقول فيها صح بارده لكن نحب نضحك 😂😂حتى بدون سبب
هاله:😂😂ايه الضحك أساس الحياه
شيماء: بنات س2الا ربع خلي نشوفوا الاولاد شن صار في الغداء
انا:توا نتصل بى إياد
........📱
انا:هلوو
اياد:😎اهلين شن
انا:ياربي خيرك تتكلم تقول برصيدك
اياد :جنبي الاولاد شن 😒
انا:اووف منك باهي شن صار في الغداء
اياد :شحطونا في الشمس انراجوا
انا:شن لينا بروحنا وبعدين كنا راجيتوا ريت ممشيتوا جبتوها انتوا المهم متعطلوش جيبوها طول
اياد :تم تم حسابك بعدين
انا:😂😂غير لا خفت من امتا تكلم فيا هكا تم سلام
اياد:سلام
انا:😂😂😂😂😂😂😂
شكله جنبه الاولاد يتكلم بالسيف😂يستاهل😜
هاله:😂زي خوتي كانه ميعرفوكش
ابرار:ههه حتى مقداد ومحمد ديمه هكانتصل بيهم ميردوش لما نكلمهم بنقال امي يردوا
صفاء :شن صار في الغدي بنموت بالجوع
انا :شويا ويوصل
المهم نبيش نطول عليكم جابوا الغداء وصورنا وضحكنا وكلينا وغسلنا الماعين ونظمنا كل شي واخيرا تم كل شي وادن العصر صلينه وكل وحده بتبدل وتكم روحها خلاتي بيجوا 😂😂معنديش نيه نكتب كل وحده شن لبست نديرلكم صور📸 احلى
....... ....... ........
ودرنا وشق وبخور جو خلاتي وهدرزنا وجو المهم وضمينه وروحنا(نبيش نقعد في كل شي بالتفصيل نحس فيه ممل )
..........🌸🌸🌸🌸🌸.............

روحت لحوشنا تاعبه🤕😥
انا :امي بندوش ونرقد تعبت هلبا
امى:باهي هوينه غسلتلك حوايجك درتهملك فوق سرير وارقدي القرايه كل واحد يقول حاجه اشبح تقروا والا لا المهم راك تنسي عندك غدوا كورس انجليزي وتي روحك
انا:😴🤕باهي تصبحي علي خير
امي:ليلتك سعيده
انا رقيت دوشت ورقدت طول هلكت من التعب وخوتي دوشوا ورقدوا
......

... في مكان تاني منى حكت لامها ومحمد وقاللها لو كلمك مره تاني قوليلي طول وقتله ميقولش لخوتها توا خايفه منهم وقلها تم ولا يهمك صح اصغر منها بس مشاء الله يعتمد عليه
الاخ👦سند بعد الاب ولازم قبل مديري أي شي فكري فيه وفي بوك يلي تعبوا عليك ويلي ميرضوش فيك الغلط الاخ نعمه غيرك يتمنتها مضيعيهاش ديمه اكسبي خوتك جنبك مهاماصار ميخونوكش ولا يغدرزا بيك لأنك من دمهم وعمره مكان الدم ميه مهما صار بينك وبينه تنازلي وسامحى في نهايه هو خوك مش عدوك

....(💫ARWA💎)...... 🌸🌸🌸🌸
نصيحه اوالعبره التانيه من روايتي وكتابتي انشاء الله تعجبكم❤

واخيرا وصلنا نهايه اليوم وكل الشخصيات غرقوافي نوم عميق😴😪 من التعب وفي انتضار يوم جديد🌅 ليواجهوا المستحيل

..........🌸🌸🌸🌸🌸..........
دعمكم ورايكم يهمني للاستمرار ويشجعني نحقق طموحي خاصه أنها او روايه ليا لو عجبتكم وعجبكم كتابتي حنكمل طريقي في مجال الروايات ونوصل كل كلمه في قلبي وكل نصيحه نحب نعطيهالكم وشكرا ليكم ❤💎

ربي يحفظ بلادي ليبيا ويجمعنا علي الخير والمحبه ويهدي كل شبابها وبناتها

دمتم في رعايه الله💕