#طعنة_غذر
الجزء 18
شد في إيدي و قالي أنا أنسان نؤمن إن كل شخص يمر بفترة في حياته ينضج فيها تفكيره .. أختياراته .. متطلباته ..
أنا الي كنت نسعى للوصل ليه من سنتين فاتوا مش زي الي نسعى للوصول ليه توا ..
( كان يحكي بجديه و بوعي .. و كأن وراء شخصيته كان في فكر .. ثقافه .. وعي .. زاد أعجابي بيه .. الاعجاب و الحب هذا ما اكتفاش بي شكله .. ستايله .. تربيته .. الاعجاب هذا ينتقل لي كل شي فيه )
كمل حسين حكيه .. انا مش من نوع الرجاله الي ح نسأل على حياتك السابقه و مش ح نقول ( ماضيك ) لاني ضد المفهوم المتوارث على هذا المصطلح .. عفى الله عما سلف 🤷🏻♂️ الجدال فيه عقيم و حتى إني نعرف بيه شي ما يهمنيش ..
لكن 👌🏻 يوم الي نفكر نبدا علاقه ح يكون كل شي فيها جدي .. ما فيهاش لعب و عدم احترام للشخص التاني او كذب او اي شي يثبت انك تتسلى في اي علاقه و الشي هذا يغفرلك اي علاقه في حياتك الخاصه السابقه ...
يعني طول ما انتي ماشيه معاي صح ما يهمنيش الي فات .. 😉😘
قلت له ما تبيش تعرف أسمه ؟
قالي و الله في دوخه تانيه تو نزيد نتأكد منه 🙃
قلت له ايه صح نسيت 🤦🏻♀️
شد إيدي و قالي أنا نوعدك نكون معاك راجل .. نوعدك نكون بوك و خوك و حبيبك و كل شي ♥️♥️ ....
قلت له حتى انا نوعدك ♥️♥️
قالي بي شنو ؟؟ انك تكوني بوي و خوي و حبيبي و كل شي ؟؟
ضحكت و قلت له اييه 🤭🤭
طلبنا كلينا و بعدين قالي شن رايك انوضوا ؟
نضنا طلعنا و رفعني لمحل العاب كبير و انطلقت فيه زي الطفله .. خدالي كل شي قمته و شفته .. و طلعنا و بعدين قالي بنرفعك مشوار ح تحبيه ..
مشينا لي متحف العلوم و خشينا .. كنت مبهورة و نتفرج فيه 70 مليون معروضه من معادن و نباتات و حيوانات و بقايا حيوانيه و جيولوجيه ..... شفنا امبر ديناصور في الكوره الارضيه .. و مجسم للكره الارضيه ..
استمتعنا بي زيارة المتحف و بعدين طلعنا .. كان معاش وقت عليا و لازم نروح ..
وصلني و ركب معاي الشقه .. و قبل ما نرن الجرس .. شدني من خصري و قالي استاحشتك ♥️
ابتسمت و قلت له انا اكثر ♥️
قالي نخاف نبوسك تجيك حرارة ..
ضحكت و قلت له رد بالك امالا 😉😉
حضني و قرب باسني .. غمضت عيوني و بوسته ..
قالي اسف لو بوستك بقوة في مرة من المرات .. بس استسلامك ليا يزيد من جنوني ..
حضني و باس أيدي .. و قالي هيا رني الجرس و خشي ..
رنيت الجرس و نزل حسين ..
خشيت و كنت نقول لي نفسي ايه هذا الصح .. الصح انك تتعرفي ع فكر الشخص قبل شكله .. تتعرفي على شهامته و مبادئه قبل كلمات الغزل .. تتعرفي ع تربيته و أنسانيته قبل مظاهره .........
و انا مقعمزه مع امي و خوتي .. أمي قالتلي مش هذا بو ماجد الي في قناة العربيه !!!! ....
انا تفاجأت 😳😳 قلت لها ايه بيكون هو .. قالتلي الناس هادي لهطت ايام معمر و قاعدين يلهطوا حتى توا ...
وقتها حسيت قداش انه مقزز و مقرف الحديث عنه أصلاً ....
و يا خسارة ما كذبت على خاطره ... خسارة مبادئي الي تجاهلتها على خاطره .. خسارة المشاعر الصادقه و النيه الطيبه ......
أمي قالتلي بنت ابله زينب غدوة توصل جايه هي و راجلها .. قلت لها غريبه تلاقيت مع حسين و ما قالش .. قالتلي بالك لاهي في حاجة تانيه 😉 ...
فاتت الايام زي بعضها نمشي الصبح للكليه و بعدين نمشي للمكتبه و نحكي مع حسين و حياتي مستقره ما فيهاش اي قلق او توتر ..
جت اخت حسين ليها اكثر من اسبوعين و ما كانش عندي وقت نمشي ندير زياره و نشوفها .. و في يوم عزمتنا ابله زينب و قالت ان عيد ميلاد ( دانيه ) بنت اخت حسين جهزت نفسي .. و جى حسين رفعنا و اول ما خشيت و سلمت نحيت عبايتي و فتحت شعري .. كانت أخت حسين ( زهور ) اجتماعيه و هدرازه زي أمها .. أجواء تحسسك بعشرة سنين مع الناس هادوا .. طبعاً حسين حطنا و مشى .. كالعاده يتحشم يقعد .. بعتلي رساله .. ( نبي نشوفك )
بعتله ( كيف ؟ )
بعتلي ( اطلعي من الباب الخلفي )
بعتله ( اوك 😉)
كنت خايفه زهور تلاحضني لاني كنت متهنيه على امي و ابله زينب مش ح ينتبهوا للباب الخلفي ..
طلعت و كنت لابسه قفطان قصير و شخشير لحمي و كندرة كعب .. اول ما شافني شدني طول .. قالي ردي بالك تفكري تقصي شعري .. لفيت ايديا ع رقبته و قلتله حاضر 😘
قالي البوسه هادي تحذفيها لما يبدا بحداك حد .. لكن توا و انتي بين ايديا ................... و قرب مني باسني .. فمه تلبز بي روج متعي ..
عيوني في عيونه قالي ( يلي شكيت من الوله جرحي ليله .. انا احتويت من الوله رزمة اوجاع .. غالي و عندي ذكرياتك جميله .. محفوظ حبك في خفوقي و لا ضاع ............
.................
...............
انا صويب الحب و أنا قتيله ....
أمسي من اشواقي معذب و ملتاع ...... )
قربت بوسته و دوبت فيه .. دوبت في عشقه .. دوبت في رُقيه .. دوبت في عطاءه .. في كل شي فيه ..
سيبته و انا شبه دايخه .. و هو أكثر .. قلتله نبي نخش خلاص .. خشيت و طول للحمام .. واسيت روحي و عدلت روج و قعدت شويه و طلعت .. بعتله رساله ( هلبا ♥️ )
بعتلي ( و الله هلبا ♥️ )
جى بعدين روح بينا و بعد محاولات فاشله من ابله زينب في اقناعنا نقعدوا نباتوا .. رفضنا بحجة القرايه ..
و في الحقيقه كان تاني يوم نستنى فيه بالدقيقه لاني ح ناخد مرتبي من صاحب المكتبه .. كانت يومياتنا عباره عن خبزه و طماطم اخضر و ملح فقط ..
روحنا و اول ما خشيت فراشي بعتله ( شن هي الاغنيه الي بكري قلتهالي ؟ )
بعتلي ( رزمة اوجاع ماجد المهندس .. اسمعي كل كلمة فيها ♥️ )
فتحت سمعتها و قعدت نسمع فيها لين خداني النوم و رقدت .....
نضت تاني يوم مشيت للكليه و ما تلاقيتش مع حسين لان موعد المحاضرات يختلف .. و بعد ما طلعت من المحاضره مشيت للمكتبه ..
و حاطه السماعات في وذني و ما فارقتنيش الاغنيه بكل ..
جى صاحب المكتبه و اعطاني ظرف في مرتبي و كانت فرحتي بالدنيا كلها .. كملت و طلعت و كان حسين يستنى فيا .. قعدت نوري فيه في مرتبي و نقوله شوووووف 😉
قعد يضحك و يقولي مبروك مبروك تصرفيهم بالهناء ...
قعدنا نقسموا في المرتب .. هذا نعطيه لي امي .. و هذا ناخدوا بيه حاجات الحوش ..... و هذا ملابس و حاجات ليا انا ... و و و .....
قلتله شن رايك ترفعني ناخد حاجات للحوش ؟؟
قالي امممممممم حاضر بس أنا نفضل انك تمشي بالمرتب زي ما هو لي أمك و تفرحيها و بعدين تطلعوا مع بعضكم تاخدوا شن ناقصكم 😉😉..
قلتله صح 😘😘
رفعني للحوش و كنت فرحانه هلبا و اول ما خشيت حضنت امي طول و خوتي .. و اعطيتها المرتب .. قعدنا نفكروا شن بناخدوا و على شنو نستغنوا و بعدها طلعنا للسوق ..
و انا ناخد في حاجات من السوق .. وقفت و وفتحت تليفوني و بعتت رساله لي حسين ( انا صويب الحب و انا قتيله .. أمسي من اشواقي معذب و ملتاع ♥️🌺 )
و صكرت تليفوني و كملت دورتي في السوق .. وصلتني رساله ( اشريلي عزم 💪🏻 نصبر على بُعدك شوي )
بعتله ( ما فيش في السوق هذا 🤪 )
بعتلي ( 💔 )
No name ♥️🌺
