الجزء السابع
اني جنت ضايج وشايف الدنيا سودة ولينا ظلت تحجي اني شسويت واني احبك واني كلمته احبك كامت تنرفزني لحد ماعطت بيها عيطه بحيث اني نصدمت بنفسي وهي بس كامت دموعه تنزل بلا صوت باوعت عليها بالمرايه مال السيارة كلت ياالله شلون اني شنو الي ديصير ويايه ليش هيجي كلبي يوجعني عليها ليش من كلتلي احبك تنرفزت ومن شفتها تبجي كلبي راد يطك ردت اكمشه واهون عليها ردت امسح دموعها ياالله شلون تاليتها وبعد محجيت وياها ولا لينا حجت شي واول مادخلت للبيت ونزلت بالكراج ظليت واكف ماادري شسوي وبعدين اخذتها ودخلتهاجوة كتلها شوفي اكلج اني مرح اسويلج شي ولارح اتقرب منج اني مشكلتي وياامج تخلص مشكلتي وياامج اخليج اطلعين منا سمعتيني
ومااريد اسمع صوتج ومااريد اشوفج ولااريدج اطلعين من الغرفه كعدي بالغرفه واكلج وشربج يوصل يمج كالت كلشي مااريد منك وماااكل بعد لحد مااموت كتلها ومتموتين شنو يعني جان دكلي هيجي اني رخيصه عندك كتلها كافي حجي زايد ولضوجيني حتى لشوفين مني شي ميعجبج دخلت للغرفه ونامت على الجربايه ودارت وجها واني ظليت واكف اباوعلها بعدين طلعت وسديت الباب
ورحت للحمام كلت خلي اطفي غصبي وظليت واكف جوة الدوش وكل الامور الي مريت بيها اجتي بالي ونظرات لينا ودموعها ووالدي وسجى و خلصت حمامي وطلعت وجان يدك تلفوني وخابرني ضابط صديقي كلي هلو طارق بيك كتله هلو ضابط فواد كلي يابيك اجتي عليك شكوى كتله شنو كال علااساس خاطف بنيه عمرها ١٧سنه كتله اي منو المشتكي اني اعرف سجى بس كلت اخلي اشوف كال وحدة اسمها سجى وام البنيه كتله اي كال والله يابيك كلت اوصلك خبر واني اجلت ا جيت الضابط على بيتك بالليل كلت للصبح لان هي الشكوة مو يمي يم غير ضابط بس انت معروف يابيك ويعرفون انو اني عندي علاقه بيك فخابروني وكالولي كتله اي واني اريدك تاخرلي جيتهم للظهر كلي تدلل طارق بيك اني احاول كتله تسلملي مردودة الك فواد كلي لاطارق بيك انت تأمرني كتله اشكرك
سديت التلفون وكلت بسيطه سجى الحيه رحتي اشتكيتي وثاني يوم من الصبح دكيت الباب على لينا وجانت الصينيه مال ريوك على حطته مقابله تاكل مهتميت كتلها تعاي بسرعه كالت مااكوم كتلها لضوجيني ماقبلت رحت جريتة من يدها وكومتها كتلها بطلي سوالف الجهال مالتج تعاي وديتها وجانت اكو قاضي اعرفه بس خابرته اجاني كتله عيني هاي العروسه وهي بسرعه ندارت عليه كالت شنو رح تزوجني كتلها لي راح ازوجج وهي كل ظنها انو اني مسويلة مفاجئه وبين الي مصدكه الي ديصير وبين الي ممصدكه واني جتي الفكرة براسه انو ازوجة لان مامعقوله اخطف مرتي ههههه شلون فكرة وخلي سجى تموت واطك اني اريدها تموت على البطيئ
وطبعا من حسن حظي انو اكو مستمسكات مال لينا بيت والدي والقاضي زوجنه اني ولينا
ولكن اني داشوف لينا عبالك فرحانه وممصدكه هي مزوجتني شنو سالفتها هاي صدك خبله وطفوليه اكثر من الازم هاي شلون راح اتعامل وياها المهم بعد مصارت لينا حرم طارق بيك اتصلت على سجى كلت لازم افرحة
وكتلها هلو مرت ابويه شلونج وكامت تعيط وتتوعد واني كتلها سكتي لج لدوخيني اني خابرتج دافرحج كالت شنو شسويت كتلها ازوجت بتج وصارت مرتي ورح العب بيها لعب وخاف عبالج تشتكين عليه مرح اكدرين معقوله واحد يخطف مرتي مستحيل موصحيح كالت والله اذا كمشتها كتلها ديله روحي واذا شفتج واصله يم باب بيتي ترة اعرف شسويلج وها ذكرت حضريلي الفلوس
قبل مااضوج اكثر لان لحد الان اني بعدني مصاير كلش عصبي ويله روحي وسديت التلفون وضحكت وكتلها يله خلي نشوف هالمرة شسوين
المهم طلعت جان عندي شغل وكتلهم للحرس لحد يطلع من البيت ولااحد يدخل ابد ورحت للشركه وبعدين رحت على والدي و طبعا والدي ميعرف كلشي وحتى خواتي بعدهن ميعرفن شي واخويه اصلن ميعرف حتى انو ابونا مريض المهم خلصت ورجعت للبيت بليل شفت لينا غاسله ولابسه بجامه كلت هاي مين جابت الهدوم واني جبتها بليس واحد من بيتهم اول مادخلت جان تجي عليه وجان تبوسني من خدي كتلها هاي شدسوين جان دكول احبك كتلها وخري شويه تعبان وثاني شي اني موكلتلج لطلعين من الغرفه جان دكول لاحباب مواني مليت وضجت وحتى خاله ام محمد جابتلي هاي الملابس لان هذيج ملابسي توصخت كتلها يله هسه فوتي لغرفتج كالت لاماافوت كتلها لاتعاندين يله روحي نامي باوعت عليه جان دكلي لتعيط عليه تعرف اضوج احد يعيط عليه كلت اللهم ماطولج ياروح هاي دتلعب بااعصابي كتلها يله حبابه روحي نامي لان اني هم رح اروح انام كالت تصبح على خير ودزتلي بوسه بالهوا ودخلت لغرفتها كلت هاي مخبله شنو سالفته شنو غبيه متستوعب معقوله هيجي طفوليه يعني هي موصغيرة كلش شو مجانت بالبدايه هيجي اشو هاي تحولت لوهاي ناويه تخبلني
خليت وصعدت فوك غسلت وبدلت ملابسي وكعدت على القنفه فتحت شويه التلفزيون مجنت نعسان وجان اسمع الباب اندكت كلت ادخل اني بالبيت البس بس الجوة مال البجامه او شورت
المهم نفتحت الباب وجان اشوف لينا كتلها ها شكو كالت منعسانه خلي اباوع تلفزيون وياك كتلهاتكمله السابع
خليت وصعدت فوك غسلت وبدلت ملابسي وكعدت على القنفه فتحت شويه التلفزيون مجنت نعسان وجان اسمع الباب اندكت كلت ادخل اني بالبيت البس بس الجوة مال البجامه او شورت
المهم نفتحت الباب وجان اشوف لينا كتلها ها شكو كالت منعسانه خلي اباوع تلفزيون وياك كتلها لاروحي نامي كالت حباب طروقي ضحكت على خبالها كتلها تعاي شويه ودكومين كلتلي افتحنه فلم رعب كتلها ليش تحبين الرعب جان دكول لا مجنت احب الافلام الرعب بس هسه اي لان من اخاف انت يمي وكلبت التلفزيون وجان اكو فلم ماادري حتى ماركزت عليه اذا رعب لولا لان اكثر وقتي جنت اباوع على لينا واشوف ملامح وجهة شلون تتااثر بكل لقطه وجانت كل شويه تتقرب مني اكثر لحد مصارت كلش لازكه بية وخليت يدها على رجلي وحدة والثانيه على ظهري وخلت راسها على جتفي وكل شويه ودكلي الله ريحتك تخبل واني كاعد على اعصابي مابقت سيطرة على نفسي🙈🙈🙈
هدورة لزكت لابيه اوخرها لابيه اكوم لابيه اسوي شي ظليت كاعد بعدين استجمعت كل قوتي وكتلها يله روحي نامي كالت بعدة الفلم مخلص كتلها يله اني نعست وجان تكمش وجهي دارته عليها كالت شبيك طارق بعدك زعلان ظليت اباوع عليها ونفسي ثكل وقربها عذبني كتلها لا مازعلان كالت يله بوسني خلي اروح انام كتلها بلا بوس روحي نامي كلتلي يله طارق انت موجنت ادكلي نزوج انومج بحضني وابوسج كتلها كافي الله يخليج اعصابي متتحمل بعد كالت شنو كتلها يله وكمت وكفت بكوة طبعا😟
وهي اجتي خلت رجلها على رجلي ورفعت نفسها وجان تبوسني قريب من حلكي وجان تنزل عالسريع هي سدت الباب واني كعدت على القنفه كلت خرب حظي هاي شدسوي بيه هاي الطفله هيجي تعبني ردتها وحركت كلشي بيه شلون وياها هاي اذا تبقه منا لشهر وسويلي هاي الحركات اني اتخبل اني سويت بروحي انعل ابو الفلوس لوعايف سجى والفلوس هوايه احسن
يتبع.....
