قصه حقيقيه
انا سجينه قلبي🔞🔞 ((()
🔞🔞
الجزء الاول
اسمي طارق عمري ٣٥سنه ممزوج ولاحتى مفكر ازوج مجنت اعتبر الزواج راح يضيف شي الي شنو يعني تجي وحدة تتحكم بيه بالنسبه الي عندي كل متطلبات الحياة الجميله فلوس شغل شكل مركزاجتماعي مرموق كلمه مسموعه اكبر واحد ميكدر يوكف بوجي مجرد ذكر اسمي يهز رياجيل بشوارب فمااصورانو راح تجي انثى مهما كانت تخليني اترك حريتي علمودها واعيش متقيد بكل حركاتي وبالنسبه الي اسافر هوايه وعندي علاقات بنساء وبعضها علاقات عمل
لهذا السبب اصور الي راح ازوجها رح تسببلي مشاكل بسبب طريقت حياتي فعلويش ادوخ راسي
اما عن شكلي فااني جميل وانيق ورياضي واحب اعتني بنفسي الى ابعد الحدود
اما حياتي العائليه فااني عندي خوات اثنين متزوجات وكل وحدة ملتهيه بيتها وبعائلتها وعندي اخ واحد ولكن اخويه من الشباب الي كلش طايشين محد يعرفله مكان واني اكثر وقتي ادور عليه اخاف يوكع نفسه بمشكله وصراحه اني دورات احسه ابني مواخويه لان هو الصغير
والدتي قبل متموت وصتني عليه ولان والدي بعد وفات والدتي بفترة ازوج فااني تحمل مسئوليته ل احمد اخويه الصغير
وبذكر موضوع والدي بعد وفات والدتي والدي ازوج وحدة عمرها اربعين سنه كانت مزوجه وعدها بنيه عمرها ١٧سنه حسب ماسمعت لان اني مشايف البنيه لان جانت عايشه يم اهل امها وعلاساس صارلها فترة جايبتها يمها بيت والدي واحنا لمن والدي ازوج علاقتنه مهلكد صارت وياة وبالذات اني لان حسيت اجتي وحدة اخذت مكان والدتي الله يرحمها ولان مااحب سجى زوجت والدي خبيثه ودورات تحاول تتحداني واني اتخبل واحد يتحداني
لهذا السبب اني بعدت نفسي ولكن كل اسبوع اروح مرة وحدة اشوف والدي
بدايه الاحداث -
اليوم موعد روحتي يم والدي طبعا بيوم الي اروح اضوج كلش مع العلم مااشوف لامرت ابويه لان كامت تجنبني وذلك لان
دائما كانت بيني وبين زوجت ابويه مشاكل واني اضوج من مرت ابويه ولان مرت ابويه داخله على طمع لان والدي حالته الماديه جيدة
المهم خلصت شغلي وخابرت والدي كتله انت بالبيت كال اي ابني تعال اني موجود ورحت ودخلت وسلمت على والدي وكعدت داسولف وياة ورة شويه سمعت ندكت الباب وحدة دكله لاابويه هاعمو ادخل والدي كللها اي تعاي بنتي
ماكو احد غريب هذا طارق رفعت راسي شفت وحدة ماشاءالله عليها جمالها غريب بشرتها برونزيه عبالك مثل الفنانات وعيونها صفر عبالك مال بزونه وطويله ورشيقه ولابسه بنطرون لونه احمر وقميص ابيض حتى لبسها حلو مثلها وشكله هادئ اني هوايه مرن عليه حلوات بس هاي جمالها هادئ وصوتها ناصي من تحجي وجانت جايبه الصينيه مال جاي وخلتها على المكتب وباوعت عليه وجان تبتسم وسلمت عليه ومدت يدها وكالت اني اسمي لينا
مديت يدي وصافحتها كتلهااهلا وسهلا اشرفنه كالت الشرف الي وكالت لوالدي عمو محتاج شي كلله لابنتي تسلمين وترخصت وطلعت
وباوعت على والدي كتله هاي منو كال بنت سجى كتله هاي بت مرتك يعني كال اي اني ضجت كلش متوقعت مرت ابويه عدها هيج بنيه
طارق ـ طلعت من يم والدي وبقت بالي بت سجى زوجت والدي شكد حلو وشكلها مميز ولكن هاي حسب مسمعت عمرها ١٧سنه يعني صغيرة عليه مو مال العب عليها لان هي يجوز متفتهم شي عن العلاقات ومبين شكلها مومثل امها الله واعلم يجوز بس شكلها يختلف يجوز بداخلها نفس امها يله اشوفلها صرفه وضحكت كلت واخيرا رح اكدر الكي نقطت ضعف على زوجت ابويه اكيد نقطت ضعفها بتها
يتبع ......
البارت الثاني
صحيح فكرت انتقم من زوجت والدي بتها لينا بس صراحه انتقدت نفسي على هذا تفكيري لان اني موهالشكل ولاعمري فكرت اجرح انسان او اذي مامعقوله اجي على طفله صغيرة واجرحها وصراحه شكلها كلش بريئه ولغيت الفكرة من الاصل ولكن الي صار وخلاني اريد انتقم من سجى انو بعد فترة اجاني والدي للشركه وطلب مني مبلغ مالي وكان المبلغ جبير ولمن سئلت والدي شنو السبب ولويش محتاج الفلوس بشنو كال بشغل ومنا لفترة ارجعلكياها كتله والدي اني مو على الفلوس بس استغربت شسوي بالفلوس وانت مدتشتغل وكاعد بالبيت كلي قابل كلشي اكلك كتله اوكي ولايهمك منا لليل الفلوس يمك كلي اي زين انتظرك ومن طلع خفت انو والدي بمشكله ومديقبل يكلي وكام عقلي يودي ويجيب وكلت لازم اعرف شنو الموضوع المهم بالليل رحتله ولمن رحت جان والدي وزوجته وبتها بالحديقه دخلت سلمت على والدي طبعا اني ابد مااحجي ويازوجت والدي ولاحتى اسلم عليها كتله هاي الفلوس كلي اكعد كتله لامستعجل وجان اسمع الصوت الملائكي كلتلي تريد كهوة باوعت عليها هي وظفيرتها والنفنوف الي لابسته لونه اسود وعيونها الي تجذب مكدرت اكللها لا كتلها اوكي اشرب واني كعدت وسجى جانت تحاول تلطف الجو ويايه وتحجي وتسئل عني بس اني مكنت اجاوبها ابد بس جنت اباوعة والحلو بالموضوع انو سجى برغم انوهي ذكيه وتحاول تظهر انو هي صاحبت شخصيه قويه بس هي تخاف مني ومجرد نظراتي الها تربكه وتخليها تتراجع حتى عن الكلام وبعد شويه اجتي الكهوة وقدمتلياها وكعدت
...اتفاعلو حتى نكمل
