الجزء العاشر
اول مادخلت شفت ابويه كاعد وسجى واختي سماح واول لينا مشافت امها ركضت عليها وبوستها والدي جان يباوع عليه بعصبيه كلي طارق شنو الي سمعته صحيح
كل هاي الشغلات تطلع منك كتله شنو الي سمعته كال انت اخذت لينا من بيتهم بالليل وبعدين ازوجتها غصبن عن اني سكتت كتله ماجبرتها هي برضاتها ازوجتني كلمه لا ماسمعت من عدها بعد شلون غصبن عنه وكال اذا قصدك على هاي واشرت على سجى كتله هاي اني ادمرها والله لااسويها عبرة كتله خاف محد كللك جنه خايفين عليك هاي جانت تبدل الدوة مالتك بدوة يموت الاعصاب يعني جانت دتموتك عالبطيئ والدي ظل ساكت وجه كام يضرب الوان كال شوف طارق اني طول عمري اكول طارق بيك ابني الواعي الراقي المثقف الرجال الي خله الدنيا كلها تخاف منه بس بااخلاقه وبااسلوبه وبااحترامه مصورت انك تحل مشكله بهيج طريقه لينا رح تروح وياامها والدي جان يباوع على سجى كللها بالنسبه الج مااريد اشوفج بعد والي سويتي بيه الله ياخذ حقي منج مواني لان شكد مرح اريد اذيج مرح اذيج ولا رح اضربج ضربه اقوى من ضربات رب العالمين روحي واني اشتريت نفسي بالفلوس الي جنتي تاخذيها مني
وكام وكف وكلي بعدين نحجي اني وياك كتله يابه لينا متطلع من البيت مرتي محد يكدر ياخذها كلي اذا رادت تبقها براضها فبراحتها واذا مارادت وجبرتها لاانت ابني ولااني اعرفك وراح اظل عمري كله غاضب عليك
عد ابويه ندار على لينا كللها تبقين يم طارق لو تروحين دتحجي وجان امها اجرها جان دكول لا متبقى تروح ويايه وكامت اجرجر بيها وهي بكوة تمشي وكلتلها اذا بقيتي يمه انسي اني امج وهي ظلت تفر براسها متعرف ويامن تحجي ومتعرف ويامن توكف واني محاولت امنعة ولا حتى احجي وياها بس مجرد جانت نظراتي تلاحقها وبعد ماظلت حايرة لينا وماحجت شي اخذتها امها وطلعت والدي واختي هم راحو بقيت اني وحدي وحسيت روحي دتطلع شويه شويه وحسيت البيت ضاق عليه وبمجرد انو لينا طلعت حسيت فراغ عجيب والي قهرني اكثر موقف والدي وشلون خيرني مابين انو ينساني ومابين انو مااوكف بوجه سجى وظليت بدوامه من التفكير وخليت وطلعت رحت يم وحدة اعرفه سابقا هاي جانت تستقبلني بكل اوقاني ومن جنت دورات احس ضايج او اريد ارفة عن نفسي اروحلها وهالمرة هم رحت ولكن لااول مرة مااحس بالراحه ولايفرق ويايه شي وشكد حاولت تخليني اطلع من الحاله النفسيه التعبانه الي جنت بيه مكدرت وبعدين كمت اخذت اسويجي وموبايلي وطلعت جنت مختنك كلش
وجنت متاكد محد يهون عليه غير شوفت لينا وسقت سيارتي مثل المخبل ورحت لبيت جد لينا وظليت واكف بالباب بس مكدرت انزل نفس واهين كبريائي وبعد صراع مابين انو اريد ومابين انو مااريد خليت ومشيت
ومااعرف وين.
.
يتبع
