رجل ولكن

الحلقة الثامنة

الحلقة الثامنة

جزء من حلقة سابقة :
(. عمرو كان نايم وصحى على صوت موبايله .)
كريمة : الحقنا يا عمرو يا ابنى
عمرو : خير يا ماما
كريمة : .............
*_____________________________________________**___________________________*
كريمة : ابوك واخوك عملوا حادثة
عمرو : حادثة !!!!! وهما فين دلوقتى
كريمة : فى المستشفى ، الاتنين فى العمليات
عمرو : طب انا جاى يا ماما
(. غير عمرو هدومه و طار على اسكندرية ووصل المستشفى عند اهله .)
عمرو : خير يا ماما فى جديد
كريمة : ساعة ما كلمتك كانوا لسه داخلين العمليات ومن ساعتها مفيش ولا خبر
عمرو : هو ايه اللى حصل
كريمة : ابوك كان رايح يزور عمك عشان عيان وعمار كان سايق بيه وعملوا حادثه ازاى معرفش
عمرو : ان شاء الله خير
(. بعد شوية خرج الدكاترة .)
عمرو : خير يا دكتور
دكتور ١ : اللى جوه فى العمليات كان ٢، رجل كبير وشاب صغير
عمرو : ايوة ابويا واخويا
دكتور ١ : انا عملت العملية لـ الوالد ، هو كويس الحمد لله يعنى كان فى كام كسر على جروح فى الجسم لانه حاول يحمى ابنه ، هو حالياً لسه مفقش من البنج لما بفوق تقدروا تشوفوه
كريمة : طب وابنى يا دكتور
دكتور ١ : هو لسه مخلصش العملية لما يخلص الدكتور هيخرج يطمنكوا حمد الله على سلامتهم عن اذنكم
(. بعد حوالى ساعة خرج الدكتور اللى بيعمل لـ عمار العملية .)
عمرو : عمار عامل ايه
دكتور ٢ : يؤسفنى اقولكوا ان حالته خطيرة لان الحادثة كلها كانت شبه عليه هو ، الحادثة كلها ناحيته والخبطة كلها فى المخ
كريمة منهارة : يا حبيبى يا ابنى
دكتور ٢ : هيتنقل العناية المركزة ولما يبقى كويس ان شاء الله هنسمح بالزيارة
عمرو (خد الدكتور على جنب) : هو فى امل يعيش يا دكتور ؟
دكتور ٢ : الاعمار بيد الله ودى حاجه فى علم الغيب الخبطة كانت جامدة جداً على اخوك ربنا يقومه بالسلامة
عمرو : يارب
(. بعد حوالى ساعة جلال فاق ودخلوا يشوفوه .)
جلال (بيجاهد عشان يتكلم) : عمار . عمار ابنى فين
عمرو : اطمن يا بابا عمار كويس الحمد لله عنده كام كسر زيك كده
جلال : شـو شـو شـوفتوه
عمرو : متخفش يا بابا شوفناه واطمنا عليه
كريمة (بتحاول تمسك نفسها): عمار كويس يا ابو عمرو متقلقش ومتتكلمش عشان متتعبش
(. بعد شوية جت الممرضة وقالتهم ان كده كفاية وخرجوا ، راح عمرو حجز اوضة عشانه وامه مرافق لـ ابوه .)
*_____________________________________________**___________________________*
تانى يوم فى الجامعة ...
(. الطلبة قاعدين فى المعمل فى انتظار السيكشن .)
لى لى : هو دكتور عمرو اتأخر كده ليه
ندى : مش عارفة ده عدى اكتر من ربع ساعة
يارا لنفسها : يارب خير
(. بعد شوية جه دكتور تانى زميل عمرو .)
مُهاب : صباح الخير
الجميع : صباح النور
مُهاب : انا دكتور مُهاب زميل دكتور عمرو هديكم السيكشن مكانه النهاردة
طالب فى السيكشن >> هو دكتور عمرو مجاش
مُهاب : دكتور عمرو عنده ظروف عائلية وانا هاخد مكانه لحد ما يرجع بالسلامة نبدأ بقى ....
(. شرح مُهاب السيكشن ويارا مفهمتش ولا كلمه ولما مُهاب وقفها يسألها معرفتش تجاوب واحرجها وقالها - ياريتك مُهتمة بمذاكرتك زى مانتِ مُهتمة بنفسك- .)
يارا خارجة من السيكشن ....
مُهاب : لو سمحتى يا آنسة
يارا : نعم
مُهاب : انتِ مكنتيش مركزة فى السيكشن ليه ولا انا شرحى وحش
يارا : سورى دكتور انا عندى شوية مشاكل وسرحت فى السيكشن
مُهاب : حاولى لما تجى الجامعة تنسى اى مشاكل
يارا : اوكى
مُهاب : سورى لو احرجتك
يارا : never mind بس مش عشان البنت بتهتم بنفسها تبقى مش مُهتمة بمذاكرتها
مُهاب : اصل انا عمال اشرح وانتِ عمالة تلعبى فى شعرك فـ استفذتينى
يارا : sorry again بس انا لما بفكر او بسرح بلعب فى شعرى automatic reaction يعنى (رد فعل اوتوماتيك)
مُهاب : اوكى لو فى حاجه مش فهماها انا موجود
يارا : thanks
(. ومشيت يارا واتصلت بـ عمرو اكتر من مرة ومردش وفى النهاية رد .)
يارا : ايه يا عمرو قلقلتنى اوى انت مجتش ليه
عمرو : ابويا وعمار اخويا عاملوا حادثة وفى المستشفى وسافرت لهم اسكندرية
يارا : oh my god , sorry to hear that (يا ربى ، زعلانه انى سمعت الخبر ده)
عمرو : الحمد لله
يارا : وهما عاملين ايه دلوقتى
عمرو : بابا كويس بس عمار حالته خطيرة جداً
يارا : ان شاء الله هيكونوا كويسين
عمرو : دعواتك
يارا : اوكى انا هكلمك من وقت للتانى اطمن عليهم وانت لو فى جديد كلمنى
عمرو : اوكى مع السلامة
*_____________________________________________**___________________________*
فى الامــارات :
رباب : عندى فكرة كويسة اوى
اشرف : خير
رباب : هجرة
اشرف : نعم
رباب : ايوة هجرة نهاجر
اشرف : فين
رباب : المانيا
اشرف : يعنى انا اقولك عايز انزل مصر استقر فيها وانتِ تقولى لى هجرة
رباب : عايز تنزل مصر تعمل ايه ، فكرك هتلاقى شغل زى اللى هنا ولا مرتب زى اللى بتقبضه هنا ، فاهم لما ننزل مصر هنعرف نعيش العيشة اللى احنا عايشنها دى ، هنعرف ندخل ولادنا مدارس امريكية مُعتمدة ولا جامعات مُحترمة
اشرف : هنعيش زى ما كل اللى فى مصر عايشين
رباب : انا عشت عمرى كله هنا ، ولما عرفتك واتجوزتك كان هنا وقولتلك انى عمرى ما هقدر اسيب الامارات
اشرف : ولما يحيى ويامن يدخلوا جامعة هتدخليهم فين
رباب : هعمل كل اللى اقدر عليه وهدخلهم جامعات هنا
اشرف : ولما انتِ مش عايزة تسيبى البلد اللى عشتى فيها بتفكرى تهاجرى ليه
رباب : عشان الناس بتتقدم مش بتتأخر ، لو احنا فى الامارات وهاجرنا المانيا يبقى احنا كده اتقدمنا لكن عايز ترجعنا مصر تانى يبقى احنا كده بنرجع ١٠٠ خطوة لورا
اشرف : انا هفهمك حاجه بسيطة ، اذا كنت انا بعديلك صوتك العالى وعصبيتك وتحكماتك اللى ملهاش اى لازمة فده مش حب ولا طيبة وعبط منى ولا حتى عشان ميزة فيكى ، انا عامل حساب للولدين اللى بينا مش عايز اخرب البيت و اهده فوق دماغنا عشان هما ملهمش ذنب ، خدى بالك من تصرفاتك يا رباب عشان مش هفضل ماسك اعصابى كتير ولو فلتت انتِ الخسرانة
رباب : انت بتهددنى كل ده عشان بنتك مش هاين عليك تسيبها
اشرف(بيحاول ميتعصبش) : ايه دخل بنتى فى الحوار ، واصلاً بنتى اللى فاكرة انى مش عايز ابعد عنها دى بقالى سنتين مشوفتهاش وبقالى تلت سنين رميها وكله بسببك
رباب : متعملنيش شماعتك ، انت سايب بنتك بمزاجك ومش عشان خاطر حد ده عشان خاطر شغلك ، فاكر لما كنت بتبعتها مصر فى الاجازات لوحدها
اشرف : كنت ببعتها فعلاً بس لانى بحس انها مش مرتاحة مش كره فيها
رباب : قصدك انى مكنتش مرياحاها هااا فهمنى قصدك
اشرف : عليا النعمة انتِ ولية مجنونة (ومشى وسابها)
*_____________________________________________**___________________________*
تاتى يوم فى المـستشفـى ...
(. عمرو وكريمة عند جلال .)
جلال : عايز اشوف عمار
كريمة : هو متجبس زيك بالظبط كده مش هيقدر يجى وانت مش هتقدر تروحله
جلال : انتوا سايبينه لوحده ليه
عمرو : انا روحت اقعد معاه لقيته نايم فسبته يرتاح
جلال : روح اطمن عليه
عمرو : حاضر يا بابا
(. وخرج عمرو وراح عند العناية المركزة يطمن على عمار .)
عمرو : ايه الاخبار يا دكتور عمار عامل ايه
الدكتور : للاسف دخل فى غيبوبة
عمرو : غيبوبة !!
الدكتور : للاسف
عمرو : وهيفوق منها امتى
الدكتور : الغيبوبة ملهاش مده محددة يعنى ممكن يومين او شهرين او حتى سنة
عمرو : سنة !!
الدكتور :دى كلها احتمالات ربنا يقومه بالسلامة
(. رجع عمرو على اوضة ابوه وهو بيجاهد عشان ميبينش الزعل والقلق على عمار .)
جلال : عمار عامل ايه
عمرو : كويس اوى الحمد لله بس الدكتور بيقول انه واخد مُسكن قوى فخلاه ينام
جلال : الحمد لله
(. كريمة قاعده بتبص لـ عمرو بترقب ومتأكده ان فى حاجه فى عمار .)
الممرضة : كفاية كده يا جماعة عشان يرتاح
(. خرج عمرو وكريمة .)
كريمة : عمار فى حاجه صح
عمرو : لا يا ماما بس لسه الزيارة ممنوعة
كريمة : نفسى اشوفه اوى يا عمرو
عمرو : ان شاء الله نشوفه قريب
(. بعد شوية موبايل عمرو رن .)
يارا : صباح الخير يا حبيبى
عمرو : صباح النور
يارا : ها ايه الاخبار عندك
عمرو : انا مخنوق اوى يا يارا ومحتاجك جنبى
يارا : مالك يا حبيبى فى ايه
عمرو : عمار اخويا دخل فى غيبوبة انا قلقان عليه اوى
يارا : ان شاء الله هيبقى كويس وممكن الغيبوبة دى تاخد يومين not more (مش اكتر)
عمرو : قلبى مش مطمن
يارا : اجيلك يا عمرو ؟
عمرو : تجى فين
يارا : اسكندرية
عمرو : دلوقتى
يارا : ايوة اجيلك اطمن عليك واشوفك
عمرو : لا يا حبيبتى خليكى ان شاء الله كل حاجه تبقى كويسة
يارا : اوكى لو احتجت اى حاجه كلمنى وانا كل شوية هكلمك اطمن عليك وعلى your family (عيلتك)
عمرو : ماشى (وقفلوا المكالمه)
*_____________________________________________**___________________________*
فى الجامعة ...
لى لى : هاى يارا
يارا : هاى لى لى whats up (ايه الاخبار)
لى لى : تمام وانتِ
يارا : تمام
لى لى : انتِ ليه مش عايزة ترتبطى بـ حمزة ده هيتجنن عليكى
يارا : وانتِ مالك
لى لى : انتِ متخوصنيش بس حمزة يخصنى
يارا : خلاص ارتبطى بيه
لى لى : مش هينفع لانى already مُرتبطة
يارا : me too
لى لى : really
يارا : yeah
لى لى : بس حمزة بيحبك بجد وبتهيألى مش هتلاقى واحد احسن من حمزة
يارا : already انا لقيت واحد احسن من اى رجل فى الدنيا
لى لى : مين بقى
يارا : it's not your business
لى لى : ده مش فضول او تدخل انا بس كنت عايزة اشوف مين اللى احسن من اى رجل ده
يارا : اللى انتِ هتموتى عليه يا لى لى ، see you . Bye (ومشيت وسابتها)
(. بعد شوية جه حمزة لـ لى لى .)
حمزة : مالك
لى لى : انت مش ناوى تخلصنى من البت دى
حمزة : بت مين
لى لى : يارا
حمزة : حصل ايه بس
لى لى : البت مُصممة تحرق دمى بتقولى مرتبطة بقولها مين قالتلى باللى انتِ هتموتى عليه
حمزة : اهدى بس انتِ مش خدتى رقم عمرو وبدأتى تكلميه
لى لى : بس بقاله يومين مردش عليا
حمزة : انا عندى فكرة احسن من ده كله
لى لى : ايه هى
حمزة : نورط يارا فى وضع يشكك عمرو فيها بحيث انه يشوفها مُتلبسة زى ما بيقولوا فى القانون لكن تقنعى واحدة انها تسيب واحد بتحبه صعبة اوى
لى لى : ودى هنعملها ازاى
حمزة : سيبينى امخمخ لها ولما احتاج مساعدتك هقولك
لى لى : بس خد بالك عمرو مبيجيش الجامعة الايام دى
حمزة : خلاص لما يرجع ابقى عرفينى
لى لى : اوووكى
*_____________________________________________**___________________________*
فى بيت يارا ...
(. يارا داخله الشقة .)
يارا : ايه ده يا ريم رايحه فين
ريم : مروحة
يارا : انتِ مش قولتى انك هتقعدى معايا لاخر الاسبوع
ريم : يا يارا انا قاعده لوحدى وبصراحة زهقت
يارا : بليز يا ريم متمشيش
ريم : هقعد اعمل ايه يعنى هكلم نفسى يا بنتى انتِ سيبانى لوحدى ولو قعدتى معايا بتكونى سرحانة
يارا : يعنى مش عارفة انا دماغى مشغولة فى ايه
ريم : معلش يا يارا سبينى اروح
يارا : براحتك يا ريم
(. وروحت ريم .)
(. يارا قاعده فى البلكونة بتذاكر ، بعد شوية اتصلت بعمرو .)
ياارا : ايوة يا حبيبى ايه الاخبار
عمرو : مفيش جديد
يارا : عمار لسه فى الغيبوبة
عمرو : ايوة لسه
يارا : ان شاء الله يقوم بالسلامة
عمرو : يارب
يارا : متنساش تطمنى عليك take care
عمرو : وانتِ كمان . سلام
(. بعد شوية قررت يارا تفتح الرقم القديم ، وبالفعل شغلته ، لقيت كذا مسج من اصحابها بس كان فى مسج من رقم متعرفوش .)
يارا بتقرأ فى سرها : يارا انا حد مش عايزك تتأذى اوعى توقفى تتكلمى مع لى لى او حمزة او تقربى منهم دول ناويين يأذوكى
يارا لـ نفسها : يأذونى !!! يعنى لى لى متفقة عليا مع حمزة !! كل ده عشان عمرو ولا عشان ايه ماشى يا لى لى هتشوفى بقى انا هعمل فيكى ايه اصبرى بس ويارب تستحملى
*_____________________________________________**___________________________*
بـالليل فى المستشفى ...
(. خرجت كريمة من اوضة جلال وراحت لـ عمرو .)
كريمة : عمرو اصحى يا بنى
عمرو (صحى مخضوض) : خير يا ماما فى ايه
كريمة : تعالى معايا اروح اطمن على عمار اخوك
عمرو : يا ماما الزيارة ممنوعة وكمان مش هتلاقى دكتور هناك دلوقتى تطمنى منه
كريمة : يا ابنى الساعة لسه مجتش عشرة
عمرو : يا ماما اطمنى
كريمة : قلبى مقبوض وقلقانه
عمرو : حاضر يا ماما
(. راح عمرو وكريمة العناية المركزة ، ولقيوا كذا دكتور وممرضات كتير عند عمار .)
كريمة بدموع : هو فى ايه يا عمرو
عمرو : اطمنى يا ماما يمكن فاق من الغيبوبة
كريمة بانهيار : هو كان فى غيبوبة
عمرو : اصبرى يا ماما لحد ما نشوف فى ايه
(. بعد شوية خرج تلت دكاترة منهم الدكتور اللى متابع حالة عمار .)
عمرو : خير يا دكتور هو عمار ماله
الدكتور : احنا عملنا اللى قدرنا عليه بس ارادة ربنا فوق كل شئ البقاء لله
كريمة : ابنى مات عمار مات يااااا ابـــنـــى يااااا ابـــنـــى
(. فضلت كريمة تصرخ وتقول يا ابنى ، حضنها عمرو وحاول يهديها ولكن دموعه نزلت منه غصب عنه .)
كريمة : اخوك مات ابنى راح منى ، انا اللى غصبت عليه يروح مع ابوك يا عمرو مكنش عايز يروح انا اللى موت عمار يا عمرو
عمرو : متقوليش كده يا ماما ده نصيبه وقدره ربنا يرحمه
كريمة : ااااااه ياااا قلبى يا حبيبى يا ابنى
(. وفقدت كريمة الوعى ، واتحجزت فى المستشفى لان ضغطها عالى جداً .)
اتصل عمرو بـ مروان ...
مروان : ايوه يا بنى فينك
عمرو : تعرف تجي اسكندرية دلوقتى
مروان : خير فى حاجه
عمرو : عمار اخويا مات
مروان : مات !! البقاء لله ربنا يرحمه
عمرو : يارب
مروان : طيب انا هغير هدومى وانزل اجيلك دلوقتى
عمرو : ماشى انا مستنيك
(. يارا اتصلت بـ عمرو كذا مرة ولكنه كان بيكنسلها وفى الاخر قفل الموبايل .)
بعد وصول مروان :
مروان : طنط عامله ايه
عمرو : ضغطها عالى واتحجزت
مروان : وعمو
عمرو : مش عارف اقوله ولا اعمل ايه
مروان : لازم تقوله يا عمرو من حقه يحضر دَفنة ابنه وياخد عزاه
عمرو : بس بابا تعبان جداً وممكن ميستحملش الخبر وكمان متحبس
مروان : ابوك رجل مؤمن وان شاء الله هيصبر اما بالنسبة للجبس فممكن نقعده على كرسى مُتحرك او ممكن نسيب عمار شوية فى تلاجة المستشفى لحد ما ابوك يبقى كويس ونقدر نقوله ويقدر يحضر
(. عمرو بيحاول يتماسك لكن اول ما مروان قال تلاجة المستشفى مقدرش يمسك دموعه .)
مروان : اهدى يا عمرو ربنا يرحمه
عمرو : يارب ، انا بس صعبان عليا امى وابويا من بعده انت عارف عمار كان بالنسبة لهم ايه لكن هو راح عند اللى احسن من الكل
مروان : ربنا يصبرهم ان شاء الله
عمرو : ياااااارب يااااااااارب
*_____________________________________________**___________________________*
فى بيت يارا ...
(. جرس الباب رن وفتحت يارا لقيته بلال .)
بلال : مساء الخير
يارا : حد يجى يزور حد دلوقتى
بلال : مقدرتش استنى للصبح
يارا : خير !!
بلال : انتِ ليه مش عايزة تنسى اللى فات
يارا : فى حاجات كده يا بلال صعب اوى ننساها
بلال : بس انا اعتذرتلك كتير اوى
يارا : وانا مطلبتش منك اى اعتذار
بلال : بس ........
يارا تقاطعه : قبل ما تتكلم وتقول اى حاجه انت عارف انت عملت فيا ايه
بلال : ايوة عارف
يارا : لا مش عارف انت فاهم ان الموضوع كان محاولة اغتصاب قدرت انا افلت منها ، الموضوع اكبر من كده بكتير دى اهانة ليا ولكرامتى ، انت دمرت نفسيتى ، دمرت ثقتى فى اى حد حتى اخواتى الولاد خلتنى اتخيل ان اى حد يقرب منى حتى لمجرد الصداقة المحترمة يبقى عايز منى حاجه تانية
بلال : للدرجة دى ؟
يارا : واكتر من كده ، لما يبقى ابن عمى اللى هو فى مقام اخويا اللى انا زى ما بيقولوا لحمه ودمه عمل كده ، لما يبقى الشخص اللى المفروض يحافظ على عرضى وشرفى وكرامتى اول واحد فكر ينتهك ويغتصب كل ده عايزنى اثق فى اى حد بعد كده ازاى
بلال : واشمعنى المعيد بتاعك اللى قدرتى تثقى فيه
يارا : دى حاجه متخصكش ، بس اللى اقدر اقولهولك ان عمرو احسن واشرف منك وانه قدر يحافظ عليا اكتر منك مع انى غريبة عنه
بلال : يا سلام
يارا : كفاية يا بلال انا مبقتش قادرة اتكلم ولا حتى اسمع
بلال : ماشى يا يارا بس انا والله بحبك ، حاولى تنسى اللى فات وتعالى نبدأ من جديد
يارا : i can't
بلال : فكرى يا يارا . سلام (ومشى)
يارا لنفسها : ايه الناس دى اقولهم بحب واحد تانى يقولوا فكرى اوووووووف بجد
*_____________________________________________**___________________________*
تانى يوم الصبح فى الجامعة ....
يارا : دكتور مُهاب
مُهاب : ايوة اذيك ، سارة صح
يارا : no يارا
مُهاب : سورى اى خدمة
يارا : كنت عايزة اسأل حضرتك على دكتور عمرو
مُهاب : هو مجاش النهاردة
يارا : i know ، عايزة اعرف مجاش ليه
مُهاب : اخوه توفى
يارا(مصدومه) : توفى !!!!
مُهاب : اه للاسف
يارا : ok doctor thanks (ومشيت)
(. قررت يارا تسافر اسكندرية لـ عمرو وبالفعل سافرت بس معرفتش تروح فين لانها مش عارفة عنوان عمرو . فـ بعتتله مسج عرفته انها فى طريقها لـ اسكندرية ولما يفتح الموبايل يكلمها عشان تعرف العنوان .)
*_____________________________________________**___________________________*
فــى المستشفى ...
(. عمرو عند ابوه .)
جلال : عمار عامل ايه
عمرو(بصوت مخنوق) : كويس
جلال : وامك فين
عمرو : راحت البيت تجيب شوية غيارات
جلال : وسيبتها تروح لوحدها
عمرو : هى قالتلى اخلينى جنبكم
جلال : طب ناديلى الدكتور المعالج
عمرو : ليه
جلال : اسمع الكلام
(. ضرب عمرو الجرس وجت الممرضة وطلب منها تنادى الدكتور .)
بعد حوالى ١٥ دقيقة ...
الدكتور : خير يا افندم
جلال : هى الحركة غلط عليا
الدكتور : لا مش غلط بس حضرتك هتتحرك ازاى بالجبس ده
جلال (بيبص لـ عمرو وهو بيكلم الدكتور) : يعنى انا معنديش حاجه فى العمود الفقرى
الدكتور : اطلاقاً يا افندم ضهر حضرتك سليم والخبطة بعيد عنه ، مين قال كده لـ حضرتك
جلال : يعنى انا ممكن اقعد على كرسى متحرك
الدكتور : طبعاً
جلال : شكراًيا دكتور
الدكتور : العفو . عن اذن حضرتك (وخرج)
عمرو : طب انا هروح اشوف ماما
جلال : انت رايح فين !!
عمرو : يا بابا ماهو اصل .....
جلال : كمل اصل ايه ؟ عمال تقولى العمود الفقرى وضهرك والحركة ممنوعة بتكدب عليا ليه
عمرو ساكت ومش عارف يقول ايه
جلال بقلق : عمار اخوك حصله حاجة ، رد يا عمرو انا قلبى مش مرتاح ، حصله حاجه صح
عمرو اتخنق بزيادة ومش قادر ينطق
جلال بدموع مخنوقة : مات ، عمار مات صح
عمرو وطى دماغه كأنه بيقول لابوه اه
جلال بدموع غزيرة : لا اله الا الله ، لا اله الا الله ، ربى لا اسألك رد القضاء ولكنى اسألك اللطف فيه
(. جلال اصر يشوف عمار قبل الغُسل والدفنه وفعلاً قعدوه على كرسى متحرك وشافه .)
(. عمرو فتح الموبايل عشان يكلم عمر اخوه ويعرفه ، وشاف الرسالة بتاعة يارا ، كلمها وعرفها العنوان ، وكلم عمر وعمر قاله ميدفنوش عمار الا لما يجى وحجز عمر على اول طيارة جاية مصر .)
(. بعد اقل من ساعة وصلت يارا قدام المستشفى ، اتصلت بـ عمرو وقالتله يخرجلها بره .)
يارا : البقاء لله
عمرو : ونعمَ بالله
يارا : ربنا يرحمه ويصبركم ان شاء الله
عمرو : يارب ، انتِ عرفتى منين
يارا : سألت عليك دكتور مُهاب وهو قالى
عمرو : اه
يارا : انا عارفة انه وقت مش مناسب انى اجى بس حسيت انى محتاجه اطمن عليك
عمرو : انا برضه محتاجك تبقى جنبى فى وقت زى ده
يارا : طب انا همشى وابقى طمنى عليك
عمرو : هترجعى القاهرة فى ساعتها كده
يارا : مانا مش هينفع استنى
عمرو : ممكن تخليكى جنبى
يارا : انا جنبك يا عمرو ولو عليا مش عايزة اسيبك فى الوقت ده بس اعمل ايه
عمرو : حاولى تستنى يا يارا عشان خاطرى
يارا : حاضر انا هروح احجز فى اى hotel وياريت تقولى على اى مكان اجيب منه هدوم لانى مش معايا الا الهدوم اللى لبساها
عمرو : معلش هتعبك بس انا فعلاً مخنوق ومحتاجك جنبى
(. مسكت يارا ايد عمرو وضمتها اوى .)
يارا : انا جنبك وربنا يصبرك ان شاء الله
(. كلمت يارا جدتها وعرفتها ان واحدة صاحبتها اخوها توفى وهى هتبات معاها ، وراحت حجزت فى فندق واشتريت هدوم عشان تعرف تبات فى اسكندرية ، بعد ده كله راحت يارا لـ عمرو وفضلت معاه .)
(. بالليل كان عمر جه من المانيا ، وبعد صلاة الفجر كانت دَفنة عمار ويارا حضرت الدَفنة مع مامة عمرو اللى فهمت ان دى البنت اللى عمرو بيحبها ، وبعد الدَفنة رجعت على الفندق .)
*_____________________________________________**___________________________*
الصبح فى بيت عمرو (. وقت العزاء كانت يارا هناك .) .....
لميس : مين البنت دى
ناهد(اخت لميس) : بيقولوا تبع عمرو
لميس : تبع عمرو ازاى ؟
ناهد : مش عارفة يا لميس يمكن زميلته ولا اخت صاحبه وبعدين ده مش وقته
لميس : طيب
___*___*____*____
اتصلت يارا بـ عمرو وخليته يجيلها من الصيوان تحت شقتهم ...
عمرو : ماما عامله ايه
يارا : كويسة الحمد لله ، انا مسيبتهاش الا لما خدت الدوا ونامت
عمرو : هو منوم صح
يارا : الدكتور اللى كاتبه
عمرو : اوكى
يارا : i've to go
عمرو : ليه بس
يارا : it's enough ، كمان انا معرفش حد وكل عمال يبصلى باستغراب
عمرو : هترجعى القاهرة
يارا : هروح الـ hotel اعمل check out وهرجع القاهرة على طول
عمرو : طيب خدى بالك على نفسك ولما توصلى كلمينى
يارا : اوكى وانت كمان خد بالك على نفسك وابقى طمنى على طنط
عمرو(مسك ايد يارا) : مُتشكر اوى يا يارا انك فضلتى جنبى
يارا : ربنا ما يحرمنا من بعض
(. خلصوا كلام ومشيت يارا ، وبص عمرو لقى لميس واقفة فى البلكونة بتبص عليهم بس عمرو عمل نفسه مشفهاش وهى اول ما لاحظت تجاهله دخلت جوه .)
*_____________________________________________**___________________________*
وصلت يارا شقتها فى القاهرة ...
فتحت الباب ودخلت وتفاجأت بـ ................. ........... ........